السلام عليكم و رحمة الله و بركاته
مساء الخير جميعاً
انا جاي عندي استفسارات و أيضاً طلب نصيحة و متاكد باذن الله ان العرب المسافرون افضل و أوثق مكان أقدر أخذ الإجابة منه.
المهم أخوكم مقرر الزواج و يبغى يطلق العزوبية بالرغم من قصة الحب اللي تجمعنا
و الآن جالس اخطط لشهر العسل
السالفة و ما فيها انا محدد الميزانية و الوقت بس باقي المكان ؟
الميزانية بحدود 20000 إلى 23000 ريال سعودي بدون التذاكر.
المدة بين 11 إلى 14 يوم.
باقي المكان !!!! في عندي فكرتين :
الأولى
هي اقسم المدة بين كوالالمبور و جزيرة بالي الميزة هنا اني اضمن اني اقدر اسكن بأفضل الفنادق و اصرف على كيفي بدون تحفظ لاني زرتهم من قبل و اعرف التكاليف جيداً
الثانية
النمسا و ميونخ لمدة 11 يوم و التقسيم كالتالي
3 ايام فينا
2 يومين سالزبورغ (استأجر سيارة من البلدة الألمانية)
4 ايام زيلامسي
2 او 3 ميونخ
لو أقرر الخطة الثانية هل الميزانية كافية خصوصا انا بشهر عسل ما ابي أضيق على نفسي (اصرف كثير) و ابي سيارة بالفترة اللي أكون فيها بزيلامسي و فنادق حلوه مو لازم خمس نجوم بس لازم نظيفة و حلوة
يعني تقريباً يصير عندي باليوم 380 يورو هل كافية كل شي و بدون تحفظ يعني ما ابي اضغط على نفسي بالصرف و بنفس الوقت ما راح اصير لعاب و اقط الفلوس بالشارع.
ايه و بعدين ما ادري احس الفعاليات بالنمسا مو كثير انا بصراحة متعود على السفرات مع الشباب لشرق اسيا فعاليات و مغامرات ووو
بصراحة ماعندي اي فكرة عن السفر مع الزوجة او العائلة ما ادري افضل لي اروح مع الخيار الأول سكن خمس نجوم و صرف على كيفي وفعاليات اكثر "اعتقد" او مع الخيار الثاني طبيعة و أجواء حلوة و ميزانية اقل ؟
اي خيار يناسبني اكثر لشهر العسل ؟؟
وقت السفر تعمدت اخليها بشهر سبتمبر علشان الأسعار تقل خصوصا ان مو مرتبطين بدراسة.
عموماً اسف طولت عليكم بس ما عندي الا الله ثم انتم ساعدوني ؟
تحياتي
مواضيع عشوائيه ممكن تكون تعجبك اخترناها لك:
- عكس الاتجاه وتغيير المسار
- فندق في
- زيلامسي اول مرة وكم سؤال
- النمسا و المانيا و تركيا
- شهر العسل في النمسا والمانيا ابريل احتاج مساعدتكم تكفوون
- اخواني العزيزين انا موجود في النمسا وحاضر لاستفساراتكم
- أنا في حيرة بسبب الطيران أرجو المساعدة
- قلبي منقبض وضايق صدري ماعرفت للنمسا ابد تعالو طمنوني وخططو معي
- رسميًّا.. النمسا تعتمد رخصة القيادة السعودية مبروك
- الخيول العربية الاصيلة بحوران
- اعضاء المنتدى الكرام
- السكن الافضل ومخطط الرحلة
- ممكن تفيدوني ؟
- محتاجه مساعدتكم و رايكم في جدولي واسألتي
- ❌ الحذر من مكتب ارامكس لتسليم التاشيرات ❌
- استفسار في اغسطس
- إمبـــــراطوريــة ملكيــــة في وســـــط أوروبــــــا لا شــك أنهــــا النمســا
- تخطيط رحله الله يخليكم ساعدوني
- مـا رأيكـم بالسياحة في النمسا أفيــدووني
- استفسار عن فندق في كابرون
المفضلات