الموضوع: توغيجره منطقة فلبينية

السلام عليكم

انا حجزت طيران داخلي من مانلا لي توغيجره

كنت بحط تجبيلرا الي تابع بوهول

بس بدون ما انتبه حجزت ودفعت الطيران الداخلي

شسوي الحين

تعرفون شي عنها شكثر تسوى اقعد فيها

ابرقع الموقف قبل لا يذبحوني الجماعة

مشكورين

مواضيع عشوائيه ممكن تكون تعجبك اخترناها لك:

• ارجو المساعده بخصوص القبول في المعاهد
• مـسـافـر لحـالـي ع مانيــلا
• الأنشطه في سيبو وبوهول
• الرحلة الاولى الي الفلبين
• ابو حصاة والمستشفى
• استفسار عن السفر للفلبين في يونيو؟؟
• استفسار عن ترانزيت
• وين خبراء الفلبين مانيلا
• المساعدة مع خالص الشكر
• استفسارت لاهل الخبرة
• ارغب في برنامج سياحي للفلبين
• سؤال عن مفتاح الفلبين
• ال خبراء الفلبين
• اسعار التذاكر الى الفلبين
• الى يبي يحجز من موقع باللغة العربية
• هنا اكتب رأيك وكل ماتعرفة عن هذى الفندق ؟
• استفسار مهم للخبرة فقط ؟
• السياحــــــ مانيــــلا ـــــــــة
• عاجل جداً السعودية تفتح رحلات اضافية اعتباراً من السبت
• من شده حرصى على موضوع السرقه في مانيلا انسرقت في اول يوم

معقولة 11 شخص شاف الصفحة ولا واحد فيكم راح الفلبين؟؟

وين خبرة الفلبين والكلام السنع الي شفته بالمنتدى

مابي شي بس قولولي شنو فيها وين نروح وين نيي

شنو تعرفون عنها بالموقع هني مالقيت شي

هذه منطقة بعيدة شمال الفلبين واالي في بوهول تقع في الجنوب .... اخذ رقم الحجز مالت شركة الطيران وغير الوجهة قبل موعد السفر او اتصل عليهم للتغيير ...۔ وهذا اللي حجزتها حصلت بعض الصور عنها بس مافيها شي

http://www.virtualtourist.com/travel...arao_City.html

دقيت عالفلبين والله بس اظاهر مسكرين عارف فرق التوقيت

ودزيتلهم ايميل

بس اخاف مايردون علي واحنا ان شا الله الاحد محركين

يعني رازة ويهي مخليه البنات يعتمدون علي بالرحلات الداخليه

الفرق بين الشمال والجنوب حرف وخصبقني tug شمال و tag جنوب

مانتبهت وخربطت

((

ويوم قلت لهم عالغلط الي صار مايبون يروحون مع اني قلت لهم في اثار تاريخية والجو بارد

بس مايبون

وهقت عمري

مرحبا فيك

عموما اجعل نفس تكتشف ما في هذه المدينة ومن المؤكد ان لديهم ثقافات تخص تلك المدينة التي تقع في شمال الشرقي للفلبين كما انها تبعد عن باقيو مسافة 4 ساعات بالسياره
عموما الشمال يمتاز بالهدواء

على أي خطوط...حجزك؟
على العموم تقدر تخش الموقع وتعدل حجزك..مع دفع الفرق.۔
وبعدين.. تعال... وراك ماخذنا بشراع وميداف...كم قيمة الحجز؟

اخ رجنت ربيعاتي مو راضين يروحون انا في البداية كان اوكي بس لما مالقيت رد وقلتلهم عصبو لانهم مايبون يضيعون وقتهم كلها اسبوع لو بروحي او مع احد متكل علي تماما اقول معلش بس يعني مو حلوة طالعين جماعة وامشي كلامي واهم مايبون

اخ اورجامي يعني اقدر اروح المطار اكنسل ؟؟

ولا لازم هني من النت؟؟

انا اسفه اذا ازعجتكم واخذتكم بشراع وميداف على قولتك

قريب ال4000 بيسو للشخص اخذتهم لان احنا 6 اشخاص كبار ومعانا يهال نبي كلنا يم بعض ونبي مقاعد مريحة ونطلع بسرعه فخذيت الست مقاعد اول الطيارة

واهم مو راضيين يروحون شمال لانهم بيودون عيالهم اماكن ترفيهية فمايبون يروحون مكان مايعرفونه عشان اليهال ما يملون تعرف اذا ملوا بجي وصياح طول الوقت




عموما اسفه يا جماعة حقكم علي ومشكورين ماقصرتوا سامحونا

مثل ما قال كلمي الطيران وشوفي وش يقلون لو رفضوا لا ترحون بصراحه ما فيها شي يستاهل العنوه !!!

ان شا الله بس اوصل هناك اكلمهم

لان ماقاع يردون علي

يعطيكم العافيه مشكورين ماقصرتو

اذا ماكو فايدة من التغيير التذاكر مثل ماقال اخونا رنجت استكشفوا المنطقة واذا لم تعجبكم انطلقوا الى باجيو سيتي حوالي 4 ساعات وبالسلامة

على أي خطوط...حجزك؟
على العموم نقدر تخش الموقع ونعدل حجزك..مع دفع الفرق.۔
أذا كان مش برومو يعني (عرض) لأنه لوكان عرض غير مسترد عليه العوض ومنه العوض.
أو... لو... قايله وش الخطوط كان ريحتيني من كلمة او..۔
تمرون على أي مكتب ويعدله لكم...بس قبل الرحله بوقت كافي