الموضوع: شقق اسكوت

يعطيهم العافيه شباب ۔ ۔ ۔ ۔ كل من خش وقراء الاستفسار ورد وايضاء تحيه للي يخش ولا يرد ۔

شباب احنا خمسة شباب ومفكرين ناخذ لنا شقتين وحده ثلاث غرف والثانيه غرفتين رحلتنا ان شالله بعد شهر من الان وعندي كم استفسار لو تكرمتو۔
1- رايكم بشقق اسكوت من ناحية الامان والنظافة والاسعار؟
2- هل التدخين والشيشه مسموح فيها وهذا ابيكم تتعمقون بالجواب عليه لانه بيكون داعم اساسي للتوجه لهم؟
3- ياليت اذا هناك بعض الصور عن الشقق تتكرمون علي فيها؟
4- اذا احد عنده فكره عن الاسعار وسكن فيها من قريب ؟
باخذ رايكم في الخطه الي نفكر فيها وابي وجهت نظركم فيها وملاحظاتكم عليها:
بيكون عدد ايام الرحلة 20 يوم وموزعينها على النحو التالي :
4 ايام مانيلا ۔
4 ايام يوهول۔
4 ايام برتوغاليريا۔
4 موزعه مابين باجيو وانجلس ستي۔
4 ايام في مانيلا۔
اذا فيه اقتراحات على عدد الايام والتوزيع لا تبخلون علينا ۔ ۔ ۔

شاكر ومقدر حسن التعاون والتجاوب .

مواضيع عشوائيه ممكن تكون تعجبك اخترناها لك:

• مشرفنا الغالي رجنت
• سيبو في شهر ثلاثهـ ؟
• إلى الأخ ولايهونون الأخوان
• قل لن يصيبنا الا ما كتب الله لنا
• شو رايكم بخطة الرحلة؟
• العديد من الصور لمنتجع
• حجز الفندق لثلاثة اشخاص هل يلزم غرفة زياده ؟
• شقق في ماكتي
• افيدواني في السريع العاجل
• بالاوان أي معلومه
• الفلبين وردة العشاق وإحساس سائح انتظرونا هدية
• نصب الصرافين
• إستفسار عاجل وسريع
• انا حاليا في انجلس سيتي اي خدمه
• سؤال لكم أخواني؟
• ابي اقولكم رحلتي من طق طق لين مع السلام عليكم
• أذا تعرف جاوب ؟؟
• استفسار عن السكن في مكاتي مانيلا مسافر اول مره
• الانتخابات الرئاسية
• هذا الكاريكتير خاص فيكم يا راعين الفلبين

الحين كلكم دخلتو ۔ ۔ ۔ ۔ حتى ماسلمتووو ۔ ۔ ۔ ۔ وش دعوه ياحافظ هههههههههههههههههه على العموم منورين حتى لو مارديتو ۔ ۔ ۔ ۔ النجده يا اعمدة خبرا الفلبين ۔ ۔ ۔ ۔ ولا يهوننون كلن باسمه

1- رايكم بشقق اسكوت من ناحية الامان والنظافة والاسعار؟
والله فندق جميل واسعاره مرتفعه نوعا ما!!

اعتقد يسمح بالشيشه لاني سبق وان زرت احد الاصدقاء وعنده شيشه

الاسعار الثلاث غرف تبداء من 12 الف بيسو
الغرفتين 200$
تحصل الصور في احد مواقع الحجز او من نفس الفندق مباشره

4 ايام في برتوغاليرا كثيره عليها
استبدلها ببروكاي او سيبو

رحله سعيده

يسلموووو حبيب القلب ۔ ۔ ۔ ۔ سبق وزت بوركاي والجزيرة فعلا حلم وتحقق لكن اتمنى زيارة اكثر قدر ممكن من الجزر حتى ماتحسف واقول ياليت اني زرتها ۔ ۔ من ناحية سيبو هي بتكون من الخطه المقترحه۔ ۔ ۔ لكن هل ترشح لنا منتجع او فلل في سيبو او بوهول خبرك حنا شباب راعين طبخ ونفخ ونحب الجمعه بكل وقت مانبي كل واحد لحاله ۔ ۔ ۔ شاكر ومقدر تعاونك يامشرفنا الغالي بس هذا الي تقول عنه زرته في اسكوت وكان يشيش في شقته قريب والا بعيد !اقصد التاريخ
وهذي بوسه على خشمك من بعيد

هلا اخوي انا كنت ب اسكوت قبل شهر والمعسل مسموح فيه باحد البرجين لان البرج الاخر ممنوع حتى لبدخان ونصيحه فيه شقق بالدور العشرين تكون كبيره وخاصه الصاله قمه للمجوعه
بالتوفيق

يعطيك العافيه الحب خلود ۔ ۔ ۔ ۔ ۔ وانا اقول لك الحب للانيقه ۔ ۔ ۔ ۔ شاكر ومقدر على الافاده وانا اخوك وعقبال مانتقابل هناك بالصاله الي تقول عليها وانا اخوك ۔
بس اذا ممكن تفيدنا بالسعر وعن الشقق الي اخذتها وكيف تعامل الامن وخلاف ذلك ۔ ۔ ۔ ادري اني كثرت عليك بس لا تلومني مدامك من رواد الانيقه نمون عليك ۔
حتى صور اذا عندك للشقق لا تبخل علينا لاني دورت ولا لقيت الا الصور الموجوده بموقعهم بس .

من راي خمسة روحو فريزر اوسع واشرح والصالة كبيرة

السلام عليكم ورحمة الله وبركاته ..۔

بالنسبه لشقق أسكوت فهي ممتازه بلا شك وتعتبر الأفضل بتقييمي الشخصي سبق وان سكنت فيها .۔ موضوع الشيشه لا اعرف عنه ولكن الشباب اللي معاي كان في منهم مدخنين ولم تكن هناك اي مشكله .

بالنسبة لتوزيع ايام الرحله على المناطق ... لا انصح فيه لن ما يمديك تسوي جيك ان وترتاح الا انت تجهز نفسك علشان تسوي جيك اوت وسفرتك كلها تروح على تنقلات وتعب.

تحياتي استاذي:

انا سكنت في اسكوت شهر حمسه هالسنه...صراحه روعه في التعامل و النظافه و ايضا موقع ممتاز...قريب من المواقع التجاريه...سكنت في الدور 23 و كان التدخين مسموح....بالنسبه للشيشه والله ما ادري.....اسعارهم تتراوح بين 200 و 240 دولار لكنها تعتبر جيده قياسا بالفخامه الموجوده....تقبل خالص احترامي

شباب احنا خمسة شباب ومفكرين ناخذ لنا شقتين وحده ثلاث غرف والثانيه غرفتين رحلتنا ان شالله بعد شهر من الان وعندي كم استفسار لو تكرمتو۔
1- رايكم بشقق اسكوت من ناحية الامان والنظافة والاسعار؟
2- هل التدخين والشيشه مسموح فيها وهذا ابيكم تتعمقون بالجواب عليه لانه بيكون داعم اساسي للتوجه لهم؟
3- ياليت اذا هناك بعض الصور عن الشقق تتكرمون علي فيها؟
4- اذا احد عنده فكره عن الاسعار وسكن فيها من قريب ؟
باخذ رايكم في الخطه الي نفكر فيها وابي وجهت نظركم فيها وملاحظاتكم عليها:
بيكون عدد ايام الرحلة 20 يوم وموزعينها على النحو التالي :
4 ايام مانيلا ۔
4 ايام يوهول۔
4 ايام برتوغاليريا۔
4 موزعه مابين باجيو وانجلس ستي۔
4 ايام في مانيلا۔
اذا فيه اقتراحات على عدد الايام والتوزيع لا تبخلون علينا ۔ ۔ ۔

شاكر ومقدر حسن التعاون والتجاوب .

[/quote]

يعطيكم العافيه شباب وعقبال مانجتمع بالانيقه ويكون نقاشنا على الهواء مباشرة ۔
وبالنسبة للشيشة جاني العلم الاكيد من الوارمه يمون عليها السيده ديبي قالت فيه شقق مسموح فيها الدخين والشيشة ۔
اكر شكري الجزيل للحميع ۔
لكن عجزت القى لهم صور وافيه ولا موقع حاط صور لشقق اسكوت حتى صورهم الي في موقعهم ماهيب وافيه .