الموضوع: تجديد شهر العسل في كاليفــــــــــــــــلاس فيقاســــــــورنيا

اول ما ابدي فيه بسم الله الرحمن الرحيم

في البدايه اشكر كل من مشرفنا العزيز impact على المساعده خاصه في تقريره و كل من الاعضاء fms ,
The –wise-man , Luxury_Traveller , بنت الصقور , ام امريكان و HudaAbdullah و على تقاريرهم الاكثر من رائعه والى استفدت منها الكثير وكافه اعضاء واحه امريكا

قبل لا ابدي تقريري ورحلتي الى اجمل دول العالم بقولكم قصه صارتلي وكانت راح اضيع سفرتي الى كنت ابحث فيها واخطط لها من 6 اشهر قبل السفره و كانت راح اتروح بلحظه .....

رحلتي الله يسلمكم كانت في 21-4-2010 وكانت مفروض تكون على الخطوط البريطانيه وكان خط سير الرحله
كويت الى لندن و انام فيها يوم بعدين في صباح الغد السفر من لندن الى سان فرانسيسكو دايركت و بعدها بتاريخ 16-5 الرجوع الى لندن من مطار لاس فيقاس و اقعد في لندن 4 ايام منها يوم الى باريس بالقطار من الصيح الى الليل ثم الرجوع الى الكويت ... لكن ....

قبل موعد السفر انفجر بركان ايسلندا والغيت كافه الرحلات وكل يوم يلغون الرحلات في اليوم الي بعده الى ان صار يوم الثلاثاء اليوم الي قبل رحلتي وطبعا انا صرت من متابعين CNN and BBC وبهذا اليوم دقيت الصبح علي البريطانيه وقلت لهم باجر بسافر ولا لا قالوا ليلحين طيارتكم بتسافر باجر ... قلت لهم اذا ابى اكنسل الرحله بس الروحه واخلي الرده و احجز طيران ثاني دايركت امريكا لكن قالوا مانقدر نلغي حجزك الى اذا التغى بفعل الجو ... صبرت و صبرت وصبرت لي الظهر اهني قلت لازم اشوفلي بديل .. دورت طيران الامارت و قطر ماكو حجوزات ووصيت كذا سفريات انه يدورولي ...

على الساعه 6 اتصلوا علي البريطانيه وقالوا التغت الرحله وراح نرجع فلوسك بعد اسبوعين على الفيزا الي حجزت منها .. اهني حده ضاق خلقي بس قلت خيره ان شالله

بعدها على الساعه 7:30 اتصل على احد السفريات وقالى تقدر اتسافر اليوم الفجر الساعه 5 على القطريه الى نيويورك one way قلت اى المهم اسافر ... رديت البيت ارتب جنطة السفر واجهز جدول السفره وحجوزات الفنادق ..
طبعا بكون في تغيير في السفره وراح اقوله لكم لما اوصل الى الجزء الى حصل فيه تغيير والحمدالله خيره لي

ادري طولت عليكم .. المهم على الساعه 12 بليل حجزت فندق نيويورك لانها ماكانت بالحسبه وقلت مره وحده احجز تذكره الرده وكانت على الاماراتيه ...

والحين نبدي التقرير ان شالله بس بعد ما اريح لاني كتبت وايد

مواضيع عشوائيه ممكن تكون تعجبك اخترناها لك:

• أول مرة ؟؟
• إلى من درس في جامعات أمريكا
• أخت محارة وأخت سوسو فينكم
• متردد بين ولاية فلوريدا وولاية كاليفورنيا
• خبراء امريكا ساعدوني اول مرة بروح وخايفه
• الى بورتلاند للسياحة
• اقتراحاتكم لفندق في التايم سكوير لشهر عسل
• كيف اغير نوع التاشيره
• لا احد يروح
• ياجماعه معقوله مافي مواعيد الا بعد ايام
• بعد ايااام
• نبذة عن تاريخ الهجرة من بلاد الشام إلى الأمريكتين
• استفساربخصوص شريحة بياناتإيجار سيارة إمباكت شرفنا
• رحلة العمر ارجو المساعدة
• دورة في مع الدعاء للخبراء
• نصائحكم في رمضااااان
• مطلوب فندق في نيويورك
• رفضوني
• اريد شقة مفروشة في بورتلاند ولاية اويجون
• شباب ممكن استفسار لاهل الخبرة في امريكا

يعطيك العافية اخوي وحمد الله على سلامتكم , منتظرين التقرير والصور , ومتابعين للأخير , دمت بخير , , ,

المشاركة الأصلية كتبت بواسطة waleed8818
http://www.arabtravelersforum.com/tr...0/#post4233760

يعطيك العافية اخوي وحمد الله على سلامتكم , منتظرين التقرير والصور , ومتابعين للأخير , دمت بخير , , ,



الله يسلمك وانشالله تستمتعون في التقرير

مخطط الرحلة

نيويورك ------- 21/4 الى 22/4 ------- ليله واحده

سان فرانسيسكو -------- 22/4 الى 26/4 ------- 4 ليالي

لوس انجلوس ------- 26/4 الى 4/5 ------- 8 ليالي

اورانج كونتي(newport beach) ------- ا 4/5 الى 8/5 ------- 4 ليالي

سان دييغو ------- 8/5 الى 12/5 ------- 4 ليالي

لاس فيغاس ------- 12/5 الى 19/5 ------- 7 ليالي

سانتا مونيكا ------- 19/5 الى 20/5 ------- ليله واحده

سان فرانسيسكو ------- 20/5 الى 23/5 ------- 3 ليالي يتخللها يوم الى yosemite park







اليوم الاول

2010-4-21

بسم الله نبدا ... اول شي سامحوني على اسلوبي لان اول مره اشارك في منتدى


طبعا الرحله تضم انا و المدام ومثل ماشفتوا مافي ماجال ننام لان السفره 5 الفجر .. وصلنا المطار على الساعه 3 وركبنا الطياره الساعه 5 وطرنا الى قطر الشقيقه وهناك طيارتنا على الساعه 10 صباحا

طبعا يوم رحنى ندخل الطياره حطين مكان خاص وتفتيش خاص حق الي بروح امريكا بعدها انطلقنا الى نيويورك وتقريبا مده الرحله 15 ساعه وصلنا مطار نيويورك الساعه 3 العصر ... نزلنا الى المطار كان خالي كانه احنا الطياره الوحيده هناك وعند الجوازات الحمدالله كنت اول واحد سألني الموظف ليش ياي نيويورك وكم يوم ابتقعد والحمدالله خلصنا بدون لا انروح غرفه التحقيق ...

طبعا كالعاده لازم في كل مطار اروحله ينصبون علي فديروا بالكم دفعت طبعا بس المهم ارتاح


الفنق جديد http://www.distrikthotel.com

هذي صور الفندق










طبعا تقيمي للفندق :

النظافه : 5/5
الموقع : 4.5/5
السعر : 4/5
الخدمه : 5/5

صراحه الفندق جديد و ترحيبهم فيك وخدمتهم جدا ممتازه


يتبع

بسم الله نكمل التقرير ..


بعد ما وصلنا الفندق عطونا الكرت للدخول الى الغرفه و ايضا صارلي موقف صراحه مو وقته و احنا تعبانين

المهم ركبنا الاصانصير وطبعا الفندق لازم اتحط الكرت داخل الصانصير وتضغط على الدور اللي انت ساكن فيه فدشينه بالاصانصير اضغط على رقم الدور مايضغط حاولت عده مرات فصار الاصانصير اصعدني ونزلني على حسب اللي اناديه فشافنه واحد من اللي يشتغلون اهناك وركب ويانا وجرب وفعلان طلع الكرت مومفعل عاد كان حده شكلنا اضحك واحنا نصعد وننزل مع الشنط بالاصانصير بس الحمدالله جزاه الله خير ساعدنا وبعدين اخذنه قسط من الراحه وصلينا بعدها قلنا انه لاوم انواصل وانام بلليل مره وحده عشان نصحا الصبح حق سانفرانسيسكو بقمه النشاط ..

وفعلان طلعنا نستطلع المنطقه وكان الجو ماطر وطبعا نيويورك ماكانت بالحسبه فماكنت اعرف عنها الى شيئين التايم سكوير و تمثال الحريه فطلعنا على الساعه 5:30 قلنا خل انروح مكان يكون قريب من تمثال الحريه

هذا شارع بجانب فندقنا وقالولنا انه يوصلنا الى التايم سكوير



ركبنا تاكسي وقلت ابي اقوله يوصلنا عند اقرب مكان الى تمثال الحريه .. وليش ما انسى تمثال الحريه بالانجليزي واروح وقوله فريدوم مان وطبعا الجو كان جدا بارد ما حسبنا احسابنا انه يكون بارد .. ودانه حديقه اتوقع المكان الى تحجز فيه حق الباخره الى تواديك عند تمثال الحريه ويوم وصالنا اهناك ماكان فيه احد غيرنا وكان المحل مغلق قلنا انصور هناك بس من البرد والتعب مافينه شده نوقف

وهذي الصور لتمثال الحريه والحديقه الى رحنالها وطبعا ماصورت وايد للتعب





قعدنا هناك الى لحظه الغروب وهذي الشمس لحظه الغروب سبحان الله




وبعدها دورنا تاكسي وقلناله ودنا تايم سكوير وهذي صور عن التايم سكوير



وام اند ام



وطبعا من التعب حاشنه الجوع فقررنا انه ناكل في مطعم نعرفه مانابي انجرب ورحنه فرايديز وكان اكله وايد لذيذ غير عن الى عندنا وبعدها ردينا الفندق وزهبنا الشنط لرحله الجميله سان فرانسيسكو

عذروني لقله صور نيويورك للتعب وباقي الصور شخصيه .. بس انشالله اوعدكم في الاماكن الجايه بكون صور اكثر بكثير

جزئية جميلة اخوي , ومتابعين معك بقية الرحلة والمواقف ,

حبيت اسألك كم بالدولار سعر الليلة بفندق الديستركت بنيويورك ؟


تحياتي , , ,

المشاركة الأصلية كتبت بواسطة waleed8818
http://www.arabtravelersforum.com/tr...0/#post4235370

جزئية جميلة اخوي , ومتابعين معك بقية الرحلة والمواقف ,

حبيت اسألك كم بالدولار سعر الليلة بفندق الديستركت بنيويورك ؟


تحياتي , , ,

اشكرك اخوي على متابعتك لتقريري وتشجيعي اني اكمل التقرير وانشالله اول ما ارتب صور سانفرانسيسكو انزل اليوم الثاني

اما بخصوص سعر الفندق كانت 277 $ وتعتبر فنادق نيويورك غاليه مقارنتا في لوس انجلوس و سان فرانسيسكو

اليوم الثاني

2010-4-22

بسم الله نبدأ ...

قعدنا الساعه 7 الصبح وكانت سفرتنا على طيران دلتا .. سوينا جيك اوت من الفندق وخذينا تاكسي وصلنا الى المطار ب 40 $ مو مثل 140 $ يوم وصلنه

المهم ودعنا نيويورك بس ماعطيناها حقها صراحه وركبنا الطياره وكانت ضمن الحجز مال القطريه ومدفوعه كامله بس مشكلة دلتا انه يحاسبونكم على كل حقيبه وياكم ... قلنا دعاء السفر وطرنا على اسوأ طيران طرته بحياتي و كأنه في فلم رعب صراحه من المطبات الهوائيه الي حاشتنه

وصلنا بالسلامه الحمدالله المطار وكان صغير بس مرتب وخذينا تاكسي وصلونه الفندق وكان الجو مشمس ودافئ
الفندق Marriott union square صراحه الفندق جدا ممتاز بس اعذروني مولاقي صور لغرفه الفندق بس عندي الصور من الخارج


http://www.marriott.com/hotels/trave...t-union-square




تقييمي للفندق ..

النظافه : 5/5
الموقع : 5/5
السعر : 5/5
الخدمه : 5/5

صراحه الفندق ممتاز يبعد بلوك واحد عن يونيون سكوير و الموظفين حده معاملتهم ممتازه خاصه الكونسيرج الى ساعدتنه وايد صراحه ونظيف جدا وهادئ وانصح فيه

بعد ما ريحنا شوي وصلينا بعدها توكلنا على الله وطلعنا على الساعه 2:30 وقلنا نبى نجرب ال cable car وكان موجود قريب من الفندق وركبنا بعد ما خذينا خريطه من الكونسيرج واشرحت لنا عن ال cable car ويوم ركبنا قلنا انروح حق اللامبارد ستريت وكان يبعد عن الفندق 15 الى 20 دقيقه ...

هذا الطريق من ال كيبل كار الى اللمبارد ستريت



هذي صور عن اللامبارد ستريت من فوق





وهذي الصوره من تحت



وبعدها قررنا نروح الى coit tower وكان يبعد 4 بلوكات عن اللامبارد ستريت قلنه سهله وقريب ماتوقعنا انه بكون متعب وذلك لأن شوارع سان فرانسيسكو كأنها جبل طالع نازل و بعد ماخلصنا اول بلوك ماقدرنا نكمل من التعب بعد كل بلوك نريح شوي ليما وصلنا الى coit tower

وهذا الدرج الي يودي الى ال coit tower وفي حديقه ومنظر صراحه خيالي



وهذا ال coit tower



وهذي الصور من اعلى البرج للمدينه



وهذي لللامبارد ستريت من اعلى مع زوم



وهذي صوره لسجن الكاتراز



وهذي لgolden gate



ورايي عن ال coit tower انه حده ممتع وممكن نشوف سان فرانسيسكو كلها

وهذي الصوره بعد مانزلنا وقررنا نرد الفندق وضيعنا الرده بعد مافر راسنا فوق



بعد هل الصوره اريح شوي و اكمل باقي اليوم ومكان جديد .. والحمدالله كان خيره لي انه تغير حجزي ونوصل بقمة النشاط الى سان فرانسيسكو بعد ماريحت في نيويورك يوم ..

يتبع ..

ماشاء الله تبارك الرحمن .. تقرير ثقيل بالحيل

الله يهنيكم دوم يارب

حبيب أعطيك انطباعي واعجابي الكبير بالتقرير ( شكله خطير مره )

موضوع تغير موعد الرحلة .. والاشكالات إلي تبعتها ( ومثل ما تفضلت خيره ولله الحمد والشكر )

اختيار الفنادق ذوق ( ماشاء الله )

سجلني أنا و زوجتي من المتابعين ( وأحجز مكان في الدرجة الأولى .. لتكملة التقرير معك )

تقبل من أخيك كل ود

ماشاء الله بداية موفقه إن شاء الله .. والحمدلله .. كل تأخيره فيها خيره ..

متابعين معك اخي الكريم باقي التفاصيل ..

بالتوفيق إن شاء الله

خوش تقرير ومتابع معاك إن شاء الله , خوش اختيار فندق ماريوت عجبني ...

المشاركة الأصلية كتبت بواسطة ahmad059
http://www.arabtravelersforum.com/tr...5/#post4238775

اجزاء ممتازه ومتابع معااااااااااك



حياك الله وانشالله يكون التقرير عند حسن الظن








المشاركة الأصلية كتبت بواسطة kakashi9
http://www.arabtravelersforum.com/tr...0/#post4239360

ماشاء الله تبارك الرحمن .. تقرير ثقيل بالحيل

الله يهنيكم دوم يارب

حبيب أعطيك انطباعي واعجابي الكبير بالتقرير ( شكله خطير مره )

موضوع تغير موعد الرحلة .. والاشكالات إلي تبعتها ( ومثل ما تفضلت خيره ولله الحمد والشكر )

اختيار الفنادق ذوق ( ماشاء الله )

سجلني أنا و زوجتي من المتابعين ( وأحجز مكان في الدرجة الأولى .. لتكملة التقرير معك )

تقبل من أخيك كل ود

مشكورين على المشاركه ووجودكم شرف لي وانشالله يحوز التقرير على اعجابكم وان شاء الله راح اقولكم عن الاجزاء الى تم اضافتها بالجدول بعد التغيير وان شاء الله تكون ممتعه ومفيده

وبالنسبه للفنادق الحمدالله توفقت اختيار هذي الفنادق بس في فنادق خذيت فيهم مقلب صراحه







المشاركة الأصلية كتبت بواسطة ام امريكان
http://www.arabtravelersforum.com/tr...7/#post4239567

ماشاء الله بداية موفقه إن شاء الله .. والحمدلله .. كل تأخيره فيها خيره ..

متابعين معك اخي الكريم باقي التفاصيل ..

بالتوفيق إن شاء الله



حياج الله اختي وان شاء الله يكون التقرير بالمستوى المطلوب







المشاركة الأصلية كتبت بواسطة kavedas
http://www.arabtravelersforum.com/tr...3/#post4240083

خوش تقرير ومتابع معاك إن شاء الله , خوش اختيار فندق ماريوت عجبني ...



مشكور اخوي على مرورك وحياك الله في هذي الرحله


مشكورين جميعا على مشاركتكم لي في هذا التقرير و تعطوني حافز كبير اني اكمل وبقوه

المشاركة الأصلية كتبت بواسطة ahmad059
http://www.arabtravelersforum.com/tr...8/#post4240858

جزء ممتاز وبانتظار الباقي



يشرفني متباعتك لي ويزيدني حماس وتشجيع

اليوم الثالث
2010-4-23

بسم الله نبدأ اليوم الثالث والثاني في مغامرات سان فراسيسكو

طبعا كالعاده الاستيقاظ في الصباح الباكر للاستفاده من كامل اليوم و انجاز اكبر عدد من الانشطه في المنطقه وكان اليوم مخصص لسجن الكتراز وتم حجز التذاكر من الكويت وكانت على الساعه 9 موعدنا على اول باخره تروح الجزيره وسعرها 26 $

طلعنا من الفندق واخذنا تاكسي الى البيير 33 الى فيه الباخره الي تروح الكتراز وكان الجو في قمه الروعه هوا خفيف مع بروده جميله

طبعا التاكسي من اليونيون سكوير الى البيير ياخذ تقريبا 10 الى 12 $ .. اخلي الصور تتكلم عن هذي الرحله الجميله

هذي الباخره الي وصلتنا الى الجزيره وهي دورين وفيها كافتريا وطبعا احنا قعدنا فوق مع نسمات الجو الحلو



ولحظه وصولنا الى الجزيره وطبعا يعطونه سماعات فيها قصه السجن خطوه بخطوه


مبنى السجن من الخارج





وهذي غرفه الملابس




وغرفه السجناء والصوره الثانيه فيها السجن الى تم هروب السجين منه وتلاقون حفره تحت المغسله وحفر الحفره بالملعقه




وهذا المطبخ والصوره الثانيه الملعب




قائمه باخطر السجناء


طبعا انطباعي عن السجن جوله تستحق الزياره ومن افضل الاماكن الي زرتها خاصه طريقه السجن والشرح من خلال المسجله الي وزعوها علينا وتسمعون فيها صوت السجناء والقصه كامله كأنكم عايشين وياهم صراحه شغل متعوب عليه

وهذي لحظه وداع السجن



يتبع ...

متابعين معك أخي الكريم تقريرك الرائع ..

بالتوفيق في باقي الأجزاء

متابعين معك اخي الكريم باقي التفاصيل ..

تقرير رائع وجميل وبداية موفقه ...

سجلني متابع لتقريرك

المشاركة الأصلية كتبت بواسطة ام امريكان
http://www.arabtravelersforum.com/tr...3/#post4242233

متابعين معك أخي الكريم تقريرك الرائع ..

بالتوفيق في باقي الأجزاء










المشاركة الأصلية كتبت بواسطة atOOta
http://www.arabtravelersforum.com/tr...6/#post4242286

متابعين معك اخي الكريم باقي التفاصيل ..











المشاركة الأصلية كتبت بواسطة ahmad059
http://www.arabtravelersforum.com/tr...2/#post4242552

متابعين معااااك










المشاركة الأصلية كتبت بواسطة سلوم
http://www.arabtravelersforum.com/tr...3/#post4242803

تقرير رائع وجميل وبداية موفقه ...

سجلني متابع لتقريرك




اشكركم جميعا على تعليقاتكم الرائعه واتمنى لكم رحله سعيده في تقريري المتواضع

بسم الله نكمل بقيه اليوم ...


بعد ما خلصنا من السجن قررنا نروح البيير 39 وكان الجو قمه في الروعه فاخذنا نمشي الى ان وصلنا الى الاكويريم واخذ منا تقريبا 10 دقائق مشي وصراحه كثير من الاعضاء قالوا مايسوه انه انروحله وقلنا نكمل وبعده على طول البيير 39 وصراحه رايي فيه انه من افضل الاماكن اللي زرتهه في سان فرانسيسكو من ناحيه العروض الموجوده فيه والمطاعم والمحلات والمنظر الخلاب الي في اخر البيير على البحر والي يطل على سجن الكتراز ... نبدي بالصور

هذي اعلام البيير 39 اتنادينا



وهذي صور البيير من داخل





وبعد هل مشي الكثير من داخل السجن الى البيير حسينه بالجوع فقررنا ناكل وكان اختيارنا لهذا المطعم

و هذي الاكله الي اكلتها بس بصراحه ماعجبتني وايد


الموقع للمطعم حدا خطير و يطل على سجن الكتراز بس للاسف الصور الي صورتها داخله كلها شخصيه

بعد ماكلينه الحمدالله جلسنا شوي نتفقع البيير ومحلاته و بعد ما خلصنا قررنا نواصل المشي الى ان لقينا هذا المطعم المشهور بصنع الرغيف وباشكال عجيبه



وبعد اشوي لقينا هذي اللافته الي تبين لنا انه وصلنا الى الفشرمان وورف وكان الطريق الي الفشرمان وايد عروض حلوه ووقفنا عند مجموعه يسوون حركات حلوه



وهذا الي مشهورين فيه


بعض المواصلات في هذا الشارع



وهذا مطعم شهير وحلو


صراحه ماعجبني وايد الفشرمن كان وايد شعبي بس بدايته حلوه صوب العروض
بعدها خلصنا من هالاماكن وجدول اليوم وكان عندنا وقت زايد فقررنا ناخذ من جدول باجر وكان نخصص حق golden gate فاخذنا تاكسي الى هناك






وهذا الي صنع الجسر


وهذا اتوقع المسمار الى استخدموه في صناعه الجسر ما اذكر صراحه والى خلفه هذا محل لبيع التذكار



بعدها صارت الساعه تقريبا 4 قررنا انه نرجع الفندق ونروح cheesecake factory للتحليه بعدها الى الفندق للراحه استعدادا ليوم جديد ومغلمرات جديده

وبعدين انشالله بقولكم عن الكونسيرج مالت فندق ماريوت صراحه عملتلي خدمه ما انساها واذا يه وقت الموقف راح اقولكم عنه انشالله

ما شاء الله خوش صور وخوش طلعات
ناطرين باجي الاجزاء

بوشهيب الحمدلله على السلامه ولو انها يات متأخره وسفرة موفقة ان شاء الله

بديتها بمدينة لها جو خاص ماتقول انك في امريكا وصراحه هذا كان اختياري لسفرتي السابقة من شهرين بديتها بسان فرانسسكو اللي بالفعل مدينه تستاهل الواحد يتم فيها على الاقل اسبوع عشان يستمتع بأحوائها الحلوه

متابع قوي وحطني في الصفوف الاولى

المشاركة الأصلية كتبت بواسطة Stranger Man
http://www.arabtravelersforum.com/tr...9/#post4244109

بوشهيب الحمدلله على السلامه ولو انها يات متأخره وسفرة موفقة ان شاء الله

بديتها بمدينة لها جو خاص ماتقول انك في امريكا وصراحه هذا كان اختياري لسفرتي السابقة من شهرين بديتها بسان فرانسسكو اللي بالفعل مدينه تستاهل الواحد يتم فيها على الاقل اسبوع عشان يستمتع بأحوائها الحلوه

متابع قوي وحطني في الصفوف الاولى



الله يسلمك والله كان ودي احط التقرير اول علشان يستقيدون منه اللي بسافر بالصيف بس انشغلت اشوي ودخل رمضان ماكو وقت .. اي والله سان فرانسيسكو مدينه وايد حلوه خاصه جوها البارد وامريكا كل مكان تروح له كأنك في دوله ثانيه وراح تشوفون الفرق بين لوس انجلوس و فيقاس و سان فرانسيسكو

ويشرفني انضمامك لي في هذي الرحله

اليوم الرابع
2010/4/24 يوم السبت


بسم الله نبدأ .. بس قبل لا ابدي اليوم هذا عندي نصيحه بخصوص سجن الكتراز افضل شي تروحون اول دفعه تروح الساعه 9 لان تكون الجزيره فاضيه وتاخذون راحتكم اول اول رحله بالليل


طبعا اليوم كان يوم راحه لان الطلعات المقرره في الجدول اليوم كانوا ال golden gate and japanese tea gardens وسبق انه رحنالهم في الايام السابقه .. فخصصنا اليوم للتسوق في اليونيون سكوير والراحه بعد ماكان اليومين السابقين حافلين بالرحلات .. من اشهر المحلات في اليونيون سكوير وهو macy`s ويتكون من 6 طوابق والطابق السابع مطعم cheesecake factory وهذا الرابط يبين الاسواق والمحلات العالميه الموجوده في اليونيون سكوير ويوجد ساحه تقام فيها العروض خاصه في نهايه الاسبوع
http://www.unionsquareshop.com

وبعدها كالعاده كلينا في cheesecake factory وقعدنا بالبلكون المطل على اليونيون سكوير طبعا انا قررت اني اجرب كل انواع الشيزكيك الى عندهم وهذي الصوره



وطبعا طول اليوم قاعد احاتي الغد لان راح استلم السياره وانا اول مره اسوق خارج الكويت و شايل هم السواقه

جزء جميل ورائع ...

يعطيك العافية ...

المشاركة الأصلية كتبت بواسطة chwety-_-girl
http://www.arabtravelersforum.com/tr...9/#post4246209

تقرير رائع ....
منتظرين جزء لوس انجلوس.....



حياج الله اختي وانشاءالله جزء لوس انجلوس في لمساته الاخيره واختيار الصور المرشحه للعرض

يعطيك العافيه اخوي كم يبعد الاوت لت عن سان فرانسسكو وهو هل يسوى العنوه؟؟

المشاركة الأصلية كتبت بواسطة ام امريكان
http://www.arabtravelersforum.com/tr...3/#post4247923

ما شاء الله عليك حلو سردك للتقرير .. استمتعنا جدا معكم في سان فرانسيسكو .. ومنتظرين جزء لوس أنجلوس



شاكر لكم متابعتكم وانشاءالله جزء لوس انجلوس اليوم احطه بس ودي ازيد الصور هذا اللي اخرني







المشاركة الأصلية كتبت بواسطة عنود الرفاع
http://www.arabtravelersforum.com/tr...4/#post4247954

يعطيك العافيه اخوي كم يبعد الاوت لت عن سان فرانسسكو وهو هل يسوى العنوه؟؟



الاوتلت يبعد تقريبا ساعه من سان فرانسيسكو والطريق وايد حلو .. ومن ناحية يسوه ولا لا يعتمد على الماركات الي تبونها .. انا من ناحيتي حده عندي يسوه وهذا الموقع مال البريميوم اوتلت ولهم سلسله اوتلتات في امريكا وتقدرين ادشين على اي واحد وتشوفين المحلات الموجوده

http://www.premiumoutlets.com

go to center then u will see all outlets location
انا قبل لا اسافر قعدت مع زوجتي ودشينا الموقع وشفنا كل الاوتلتات القريبه من الاماكن اللي بنروحلاها وشفنا الي يسوه اعتمدناه وصفيناهم الى ان اعتمدنا 6 اوتلتات منهم هذا

اتمنا اني قدرت افيدج واي سؤال انا حاضر

مشكور اخووي اتهقى يفرق عن اللي في اورلاتدو???? لهم نفس الاسم بس الظاهر الماركات تفرق و الكل يمدحه

الله يعطيك العافية على هالبارت الحلو ويازين مناظر الطريق 1

متابعين

مشكور على نصيحتك اخووي طريق لوس انجلووس طوووووووويل والله احسه كان تعب متابعين حلمك الله تحقققققق

اسف على التأخير والتقرير جدا مرتب بس زيد الصور والف شكر لك

ياسلامم البحر حدددده يشوق والجو عجيييب عليكم بالعافية

لووووول عجيبيين الفقمات والتــان

http://www.arabtravelersforum.com/user290517/
بصراحه من اروع الرحلات التي قرأتها عن امريكا

امتزت وتميزت في السرد والتفصيل

بس باقي صور الاكل والمطعم من الداخل

يعطيك العافيه استمر وسجلني من المتابعين

اخــــــوك

ناصـــر

المشاركة الأصلية كتبت بواسطة Stranger Man
http://www.arabtravelersforum.com/tr...6/#post4250226

الله يعطيك العافية على هالبارت الحلو ويازين مناظر الطريق 1

متابعين



الله يعافيك بس صراحه الطريق يسوه الواحد يتعناله







المشاركة الأصلية كتبت بواسطة عنود الرفاع
http://www.arabtravelersforum.com/tr...2/#post4251022

مشكور على نصيحتك اخووي طريق لوس انجلووس طوووووووويل والله احسه كان تعب متابعين حلمك الله تحقققققق



والله اهو متعب بس المناظر نستنا التعب صراحه وكان الجو روعه







المشاركة الأصلية كتبت بواسطة ahmad059
http://www.arabtravelersforum.com/tr...8/#post4251128

اسف على التأخير والتقرير جدا مرتب بس زيد الصور والف شكر لك



افا عليك بس ماطلبت شي حاضر .. كان عندي مشكله انه المنتدى يتيح لي 500 صوره بس فانجبرت اني اختصر الصور بس الحين لقيت مكان ثاني اقدر انقل منه الصور ان شاء الله بزيد الصور في الايام اليايه :14b2a:







المشاركة الأصلية كتبت بواسطة q8ya metnaqla
http://www.arabtravelersforum.com/tr...6/#post4252556

ياسلامم البحر حدددده يشوق والجو عجيييب عليكم بالعافية

لووووول عجيبيين الفقمات والتــان



الله يعافيج اختي اي والله الجو كان يومها قمه بالروعه ومنظر الفقمات كان حده عجيب وكان في ناس هناك يشرحون لنا عنهم وسبب وجودهم اهني







المشاركة الأصلية كتبت بواسطة nas
http://www.arabtravelersforum.com/tr...6/#post4252806

http://www.arabtravelersforum.com/user290517/
بصراحه من اروع الرحلات التي قرأتها عن امريكا

امتزت وتميزت في السرد والتفصيل

بس باقي صور الاكل والمطعم من الداخل

يعطيك العافيه استمر وسجلني من المتابعين

اخــــــوك

ناصـــر



هذي شهاده اعتز فيها والله ويشرفني وجودك
اما الاكل صراحه ساعات من اليوع مايمديني اصور الاكل بس ان شاء الله في اكل تصور وراح احطه

اليوم السابع
2010-4-27 الثلاثاء
لوس انجلوس الحلقه الثانيه

بسم الله نبدأ .. اليوم كان اول يوم لنا نستكشف لوس انجلوس وكان مقرر في الجدول الذهاب الى سانتا مونيكا وكان الجو غائم وبارد .. نزلنا اللوبي وطلبنا سيارتنا وحطينه القارمن بعد ماتصالحت وياه بعد الخلاف الي حصل امس بيني وبينه وقلناله ودنه Santa Monica third street promenade وكان يبعد 15 دقيقه عن فندقنا .. ويوم وصلنا لقينا مبنى مواقف وقفنا فيه ونزلنا وكان الموقف اول 3 ساعات مجانا ... الشارع البرومينيد عباره عن شارع لا تدخله السيارات وفيه محلات ومطاعم وعروض في المنتصف وكان قمه في الروعه من افضل الاماكن الي زرناها في لوس انجلوس وماعندنا مانع نكرر الزياره عده مرات الى هذا المكان وكانت الاجواء جميله وهاديه والعروض جميله وممتعه ممكن تقعد في كافيه وتشاهد العروض واليكم الصور











وهذي صوره ل pink perry وشوفوه اشلون فاضي وتعالوا الكويت شوفوا الطابور عليه



وبعدها كملنا تمشي الى ان وصلنا الى البحر وكان قريب منه سانتا مونيكا بيير .. طبعا اصغر من بيير 39 الي في سان فرانسيسكو بس هم حلو خاصه الجو روعه وهم يوجد عروض وفي واحد يرسمكم بشكل كارتوني يضحك رسمنا انا وزوجتي واليكم صور البيير

هذا البيير من بعيد




وهني مدخل البيير وبعض الصور له من داخل












وهذي صور الشاطىء وشوفوا هذا قاعد يبني قصر






وبعدها طلعنا من البيير وتمشينا شوي على الشاطيء







بعدها رجعنا الى ال third street promenade وتغدينا في johnny rocket ورحنا الى ال pink perry حلينا وردينا الفندق نصلي وانريح شوي بعدين نروح للحلم الي تحقق


يتبع...

متابعينك يالزميــــــــــــل

جو روووووووعه داخل الملعب

جمهور حماسي وعروض خياليه وتسويق لكل شئ

يعطيك العافيه على هذا الجزء المميـــــــز

ياسلام عليك اخوي بوشهـٌـيب صراحة استمعتنا معاك بهالرحلة الجميله في ربوع لوس انجلوس

متابعين

المشاركة الأصلية كتبت بواسطة ديـما
http://www.arabtravelersforum.com/tr...8/#post4253538

جزء جميل .. والحمد لله اللي اتحقق حلمك واستمتعت بحضور المباراه ..

متابعينك ...



شاكر لكم متابعتكم لي واتمنى لكم متابعه ممتعه في باقي الرحله







المشاركة الأصلية كتبت بواسطة nas
http://www.arabtravelersforum.com/tr...1/#post4254941

جو روووووووعه داخل الملعب

جمهور حماسي وعروض خياليه وتسويق لكل شئ

يعطيك العافيه على هذا الجزء المميـــــــز



الله يعافيك اخوي وانصح اي واحد يروح كاليفورنيا يجرب يروح مبارات لليكرز لأنه لها اجواء خاصه ماراح اتشوفها في اي مكان ثاني
وتابعونا في الحلقه الثالثه من لوس انجلوس







المشاركة الأصلية كتبت بواسطة Stranger Man
http://www.arabtravelersforum.com/tr...6/#post4256006

ياسلام عليك اخوي بوشهـٌـيب صراحة استمعتنا معاك بهالرحلة الجميله في ربوع لوس انجلوس

متابعين



الحمدالله انكم استمتعتوا في هذه الرحله وهذا الشىء يفرحني وتابعوني في الحلقه الثالثه الي ان شاء الله بتكون فيها صور كثيره

واو وايد عجيب كمل اخوووووووي

مـــا شــــاء الله تبــــارك الرحمـــــن

فريقي المفضل ( الفريق هذا ما حبيته إلا عشان كوبي براينت ) وما أدري هل لازال في الفريق أو لا ؟؟

جزء ممتع .. والأجواء على البحر رائعة



تحياتي لك .. والله يحفظكم من كل شر ومكروه .. ويخليكم لبعض ( يارب )

بانتظار الجزء القادم ...

ما شاء الله بارك الله ,,,


اجزاء ممتعة ورااائعة لأبعد حد ,, ما دريت بنفسي الا وانا مخلصة كل الأجزاء ,,


سجلني متابعة اخوي ,,

المشاركة الأصلية كتبت بواسطة عنود الرفاع
http://www.arabtravelersforum.com/tr...5/#post4257005

واو وايد عجيب كمل اخوووووووي



انشاء الله الجزء الياي بكون فيه صور اكثر وان شاء الله بكون عند حسن الظن







المشاركة الأصلية كتبت بواسطة kakashi9
http://www.arabtravelersforum.com/tr...5/#post4257045

مـــا شــــاء الله تبــــارك الرحمـــــن

فريقي المفضل ( الفريق هذا ما حبيته إلا عشان كوبي براينت ) وما أدري هل لازال في الفريق أو لا ؟؟

جزء ممتع .. والأجواء على البحر رائعة



تحياتي لك .. والله يحفظكم من كل شر ومكروه .. ويخليكم لبعض ( يارب )

بانتظار الجزء القادم ...

جزاك الله خير اخوي ومرورك دعم لي

بالنسبه حق كوبي برايت اي كان موجود والفنيله مالت الليكرز الي شريتها كانت على اسمه ورقمه 24







المشاركة الأصلية كتبت بواسطة ahmad059
http://www.arabtravelersforum.com/tr...7/#post4257247

يـــا سلام جدا روعه الله يوفقـــــكـــ

والصورة جدا ممتازه خاصة المبارة بالنتظارك ياغاليـــــ



شاكر مرورك وان شاء الله الاجزاء اليايه تعجبكم اكثر







المشاركة الأصلية كتبت بواسطة ام نواف ونورة
http://www.arabtravelersforum.com/tr...3/#post4257303

ما شاء الله بارك الله ,,,


اجزاء ممتعة ورااائعة لأبعد حد ,, ما دريت بنفسي الا وانا مخلصة كل الأجزاء ,,


سجلني متابعة اخوي ,,



حياج الله اختي ويشرفني وجودكم في الرحله وتابعونا في الاجزاء القادمه

جزء رائع خاصة صور علامة هوليوود وبانتظارك ياغاليــــ

تقرير مميز وممتع .. الف شكر لك

متابعين واصلي

تقرير رائع ومميز .. من شخص مميز

ما شاء الله تبارك ( الله يحفظك يا رب )

Wp وااااااااو ( رائــــــعـــــــة )

عجبتني جرأتك ( وأدبك والاستآذان لإيقاف السيارة .. واحترامك للناس والوقت )

التقرير أصبح في المفضلة ( يا بطــــل )

متابعك إلى النهاية بإذن الله

المشاركة الأصلية كتبت بواسطة ahmad059
http://www.arabtravelersforum.com/tr...4/#post4258134

جزء رائع خاصة صور علامة هوليوود وبانتظارك ياغاليــــ



اشكرك على دعمي وتشجيعي وتابعونا الى نهايه الرحله







المشاركة الأصلية كتبت بواسطة ملح نجد
http://www.arabtravelersforum.com/tr...9/#post4258249

تقرير مميز وممتع .. الف شكر لك

متابعين واصلي



حياكم الله وتابعونا في المغامره القادمه







المشاركة الأصلية كتبت بواسطة kakashi9
http://www.arabtravelersforum.com/tr...7/#post4259127

تقرير رائع ومميز .. من شخص مميز

ما شاء الله تبارك ( الله يحفظك يا رب )

Wp وااااااااو ( رائــــــعـــــــة )

عجبتني جرأتك ( وأدبك والاستآذان لإيقاف السيارة .. واحترامك للناس والوقت )

التقرير أصبح في المفضلة ( يا بطــــل )

متابعك إلى النهاية بإذن الله

والله ياخوي تعليقاتك اهي المميزه

لاتحرمنا من مرورك ويشرفني وجودك واتمنى القادم يكون عند حسن الظن

اسعد الله أيامكم دوم يا رب ...

انا وين كنت عن هالتقرير الحلو ... من جد رايق وصور حلوه واماكن قليل
الواحد منا يزورها .. متابعه معاك للأخير بأذن الله ... الله يعطيك العافيه .

التقرير رائع جدا
أنا وصلت قبل 3
ايام إلى لوس انجلوس بس مو عارفين وين نأكل ألاحظ أغلب التقارير ياكلون في مطاعمهم هل هي حلال؟؟

الله يهنيكم

الله يعطيك العافية تقرير مميز

ننتظر الجزء القادم بشغف

المشاركة الأصلية كتبت بواسطة HudaAbdullah
http://www.arabtravelersforum.com/tr...4/#post4260774

اسعد الله أيامكم دوم يا رب ...

انا وين كنت عن هالتقرير الحلو ... من جد رايق وصور حلوه واماكن قليل
الواحد منا يزورها .. متابعه معاك للأخير بأذن الله ... الله يعطيك العافيه .



جزاج الله خير على هذا المدح اختي وتقريري ماهو الى تلميذ امام تقاريركم الرائعه الي انا وزوجتي وايد استفدنا منها
واتمنى لكم رحله سعيده في تقريري المتواضع






المشاركة الأصلية كتبت بواسطة romosusa
http://www.arabtravelersforum.com/tr...9/#post4261149

التقرير رائع جدا
أنا وصلت قبل 3
ايام إلى لوس انجلوس بس مو عارفين وين نأكل ألاحظ أغلب التقارير ياكلون في مطاعمهم هل هي حلال؟؟

الله يهنيكم



اول شي حمدالله على السلامه واما بالنسبه حق الاكل انا سألت عندنا في الكويت بعض المشايخ فقالوا لي دامهم من اهل الكتاب يجوز انه ناكل من لحمهم وهذا رابط ممكن يفيدكم ان شاء الله .. وتابعوني في بقيه الرحله في هذا التقرير

http://www.arabtravelersforum.com/travel79701/







المشاركة الأصلية كتبت بواسطة بشاردينو
http://www.arabtravelersforum.com/tr...3/#post4261413

الله يعطيك العافية تقرير مميز

ننتظر الجزء القادم بشغف



الله يعافيك اخوي وان شاء الله اليوم بينزل جزء يديد تابعونا

صور الطريق للوس أنجلوس .. كلمة روعه قليله قي حقها ... فعلا صور رائعه كل شوي ارجع اشوفها .. الله يعطيك العافيه ..

بس صور لوس انجلوس مدري ليش مو طالعه عندي .. الظاهر الخلل عندي لأن ما اشوف حد علق ..

الله يعطيك العافيه اخوي .. مستمتعه بكل جزء آخر استمتاع ..

المشاركة الأصلية كتبت بواسطة ام امريكان
http://www.arabtravelersforum.com/tr...6/#post4262106

صور الطريق للوس أنجلوس .. كلمة روعه قليله قي حقها ... فعلا صور رائعه كل شوي ارجع اشوفها .. الله يعطيك العافيه ..

بس صور لوس انجلوس مدري ليش مو طالعه عندي .. الظاهر الخلل عندي لأن ما اشوف حد علق ..

الله يعطيك العافيه اخوي .. مستمتعه بكل جزء آخر استمتاع ..



حياج الله اختي الحمدالله انه التقرير حاز على رضاكم وان شاء الله القادم يكون افضل

بالنسبه حق الصور ممكن لأن حاطهم من موقع ثاني .. انا في كمبيوتر الدوام نفس حالتج ماتطلع الصور بس من كمبيوتر ثاني يشتغلون عادي .. ممكن في برنامج يحتاج update في الكمبيوتر .. خلاص ان شاء الله الصور اليايه بحطهم في البوم المنتدى

ماشاء الله وش هالأجزاء الحلوة ...

أعجبتني حضورك لمباراة كرة السلة وكذلك زيارة هوليود ...

يعطيك العافية ...

وبإنتظار المزيد ...

المشاركة الأصلية كتبت بواسطة سلوم
http://www.arabtravelersforum.com/tr...2/#post4263462

ماشاء الله وش هالأجزاء الحلوة ...

أعجبتني حضورك لمباراة كرة السلة وكذلك زيارة هوليود ...

يعطيك العافية ...

وبإنتظار المزيد ...



حياك الله اخوي والله يعافيك .. عاد كان ودي احضر مبارات baseball بس ماعرف قوانينها

تقرير جميل و تفاصيل مفيده سجلني من المتابعين معاك وبقوة ,,

المشاركة الأصلية كتبت بواسطة red strawberry
http://www.arabtravelersforum.com/tr...4/#post4263674

تقرير جميل و تفاصيل مفيده سجلني من المتابعين معاك وبقوة ,,



حياكم الله في هذي الرحله

يا عم كذا والله كثير علينا ..



أموت في الألعاب ( عشقي )

الصراحة عجبتني حيل لما ركبت هالألعاب ( مغامرة حقيقية )



صدقني أخي الحبيب مستمتع معاك لأبعد حد ( الله يحفظك )

و أتلهف شوقا للقادم من جولاتك المبدعة ...

أيوه اللحين طلعت الصور ..
حلاته السفر بالمغامرات خصوصا بدون الأطفال .. عليكم بالعافيه اخوي ..

وبإنتظار القادم بكل شوق

المشاركة الأصلية كتبت بواسطة kakashi9
http://www.arabtravelersforum.com/tr...8/#post4264388

يا عم كذا والله كثير علينا ..



أموت في الألعاب ( عشقي )

الصراحة عجبتني حيل لما ركبت هالألعاب ( مغامرة حقيقية )



صدقني أخي الحبيب مستمتع معاك لأبعد حد ( الله يحفظك )

و أتلهف شوقا للقادم من جولاتك المبدعة ...

حياك الله اخوي العزيز انا بعد عشقي الالعاب خصوصا الالعاب الخطره احس فيهم تحدي بس للأسف كنت متوقع افضل من جذي ... لاتباعدون ان شاء الله القادم افضل







المشاركة الأصلية كتبت بواسطة ام امريكان
http://www.arabtravelersforum.com/tr...7/#post4264467

أيوه اللحين طلعت الصور ..
حلاته السفر بالمغامرات خصوصا بدون الأطفال .. عليكم بالعافيه اخوي ..

وبإنتظار القادم بكل شوق



حياج الله اختي .. اي لانه حاط الصور في البوم المنتدى وللاسف ماقدر احط كل الصور في البوم المنتدى وذلك لان الحد 500 صوره بس في البوم المنتدى وصور تقريري اكثر بكثير راح انجبر اني انزل الصور من موقع خارجي وانا امقدر الصور الي ان شاء الله بحطهم في هذا التقرير تقريبا 900 صوره وذلك للاستفاده من التقرير للمسافر والاستمتاع للمتابع .. وشاكر لكم المتابعه وتابعونا بالقادم