الموضوع: رسالة من التعليم العالي والله مشكلة ؟؟

:108: اخواني وصلتني رسالة اليوم ان شروط الابتعاث ماتنطبق عليك وش يعني هذا


يعني لازم اضاربهم :112: :112: :112:

والا ابكي :110: :110: :110:

والا اضحك :109: :109: :109:

والال وش راايكم اجلس افكر في حل :114: :114: :114:

والله الظاهر اني بنهبل :108:


اللي عنده معلومه لا يبخل علينا انا منتظركم في الكوفي شوب حق التعليم العالي

مواضيع عشوائيه ممكن تكون تعجبك اخترناها لك:

• البحث عن مشرف دكتوراه في بريطانيا
• فرزنو بكاليفورنيا
• مساعدة في بورنموث
• جامعات في اميركا
• كتاب جديد عن البعثات لا يفوتكم
• دراسة اللغة لمدة شهور ممكن مساعده
• مساعدة ماجستير في امريكا
• مساعدتكم اخواني وبالذااات الاخ ملبووورن في معاهد بورنمث
• خطة سعودية لابتعاث الالاف الى الولايات المتحدة، والطلبة لا يخشون من بقايا الازمة
• خبر بخصوص البعثه
• عندي سؤال سهل كيف اسوي بحث عن الجامعات الموصى بها ؟؟
• لييدز أم وبورتسموث أيهم أفضل لغه شهرين
• طلباُ وليس امراً
• ضزووريمعهد ل اشهر
• في مانشيستر
• معادله الدبلوم
• تكفون يااخواني بروح اشهر لامريكا على حسابي افزعولي الله يكتب لكم الاجر
• هل تخصص العلوم السياسية متوفر باحد جامعات امريكا ؟
• ابي خدمه منكم والله لادعيلكم ليل ونهارللقادرين فقط
• الى هذه الدرجة سؤالي صعب محد يعرفه ؟؟؟

أخوي ممكن نسبتك أقل من 85%
أوأختبار القدرات أقل من 70%

لاحول ولا قوة الا بالله

طيب انت عندك شروط مخالفة للبعثة مثل النسبة ولا القدرات ولا فترة التخرج يعني بالله خبرنا

اخاف انك مطابق للشروط بس يكرشون اصحاب النسب الاقل .

تحياتي بالغالي والله يعينك

لا شروطي كاملة بس المشكلة نسبتي 76.83

اما نسبت اختبارات القدرات جيدة جدا 78 ماهي حلة طيب وش المشكلة

وطلبت استراليا

طيب ياخوي نسبتك 76.83
وقدمت على أستراليه وهم طالبين 80% فما فوق
أعتقد أنه علشان كذا

الله يستر الله يستر ......... يارب سترك ... يالطيف الطف .........

يعني الوزارة بدت تشوت خلق الله وتطلعهم من الابتعاث وبدت ترسل مسجات

طرد وعدم قبووول ؟؟؟ يالله انها عليك يارب ..... والله ياخوي مدري وش اقولك الا ان

الله يعوضك خير وحاول ..............

شكل الدور على ( لالالالالالالالالا ) اخوي على ايش استقبلت هذي المعلومة ؟؟؟

جوال / ايميل / تلفون ثابت / رسالة نصية بالجوال / بيجر ؟؟؟؟


اخوكم فتى المدينة

ياشباب اثقلوا شوي

قولوا لا اله الا الله

انشالله اننا كلنا طالعين بس انتم لاتتوتروا

اخوي امير ياليت تجاوب على سؤال اخونا اللي فوقي و تعطينا المعلومات كاملة

بالتوفيق للجميع

مكرر مكرر مكرر

اضرب بهم عرض الحائط امير الدموع وقدامك امرين

يا تطلع على حسابك وتخلص 30 ساعه مدري كم وتنظم للبعثه على حساب حكومه

ياتطلع على حسابك لدوله مثل ماليزيا او الهند ومو مكلفتك ترا في السنه حولي 20 الاف الى 30 الاف ريال

يا تقدم على بعثات سابك مدام القدرات عندك عالي

وامير الدموع والله حزنت على الخبر وانت من القديمين الي تسال وتدور على بعثات

الله يعينك انشاء الله ويكتب لك الله الي فيه الخير وموفق باذن الله

والله وانا اخوك انه ضاق صدري عليك خصوصا انك من المخضرمين والمهتمين من زمان بالبعثات مثل ما قال اخوي مستر اس اي....لكن اهم شي واهم اهم اهم شيء مره ثانيه اقولها

"عسى ان تكرهوا شيئا وهو خير لكم"
وبإذن الله انا الخيره وانا اخوك فيما اختاره لك ربك.......وترا كونك ما انقبلت في البعثه وانا اخوك(ونتمنى انه مجرد خطأ) مهوب معناه نهاية العالم.....ياما ويامم لك من الفرص هنا...وعسى الله يوفقنا وياك اجمعين ان شاء الله

ارجع واقول...لا يضيق صدرك...وتراها ما تسوى....اكيد الواحد بيزعل لكن لا تخليها تأثر على كل شي....يعني عوّض عنها بشيء ثاني

وما اصابك لم يكن ليخطئك وما اخطأك لم يكن ليصيبك.....:101:

بالعربي

نسبتك 76 %

والقبول اقل شيء 80 %

يعني مانتب مقبول يالغالي الا بالواسطه فقط !!!!

عشان كذا ماقبلوك يالغالي لان من ضمن الشروط تكون نسبتك اقل شيء 80 % والقدرات 70 %

وانت جبت بشهادة الثانويه 76 % يعني مافيه قبول يالغالي ,,,


وهذا كل مافي الامر الغالين وش فيكم توترتم ؟؟؟ الوضع طبيعي !

الله يوفقك يالغالي ويوفقنا

الزعيم امير الدموع والله يستحقها وبزياده بعد اول شئ شوف الي نسبهم تسعين

وماخذين بقدرات 65 ليش انت لاحظ النسب متفوته بينها هاذا بمدرسه اهليه وهاذا حكوميه

فمفروض يكون فيه معادله يعني ياخذون 30% من نسبه الثانويه و 70% للقدرات

او العكس وبدون مقابله وبكذا بيكون فيه عدل شوي

اول شيء انا حزين وخاطري مكسور بس املي في الله عزوجل

اولا شيء الرد على اول معلومه جتني رساله ان الشروط الابتعاث لا تنطبق علي اوكيه وفتحت متابعة الطلب في نفس الموقع حق التعليم ووجدت نفس الكلام اللي فوق بس ابشركم خاطري وسيع وايمان بلله قوي


انا اليوم كلمت واحد من اصحابي في التعليم العالي رجال شرواكم استغرب عن وصول المعلومه عن طريق متابعة الطلب وقالي الله الله الله وش هالسرعه من التعليم العالي انا روح لقسم الحاسب الالي واسالهم وراح يسالهم وقاالوولهم مو عندنا هذا برنامج مسويه واحد من عندهم

::::::::::::::::::::: جعل ايده الكسر :::::::::::::::::::::::::::::::::

المهم البرنامج على طول يبحث تلقائا عن الشروط المطابقه ويقبل واللي مخالف يرد عليه عن طريق متابعة الطلب المسج هذا

"""""""" لقد راجعنا طلبك ولا ينطبق عليك شروط الابتعاث """""""""""""""""""

اما المدة اللي قدمت فيها طلبي وبين ارسال المسج بعدم قبولي قدمت طلبي يوم الاثنين وردولي خبر بعدم قبولي يوم الخميس


وش رائكم ابي ابكي مو عشان انهم ماقبلوني ابي ابكي من الفرحه عشان لقيت ناس مثلكم طيبين واقفين معاي بقلوبكم وتواسوني تبون الكلام تبوني انبسط وارتاح وكأني طلعت البعثه بشروني اذا انتم طلعتوا ورحتوا ودرستوا كأني انا اللي طلعت

انا انتظر بشارتكم انكم انقبلتوا

انا سمعت خبرية من واحد مو مصدر موثوق يقولون ان ا التعليم العالي تبي تبتعث ثلاثين الف طالب لأمريكا هل هذا صحيح

30000 الف طالب

السلام عليكم ..
هلا بك والله وغلا اخوووي

والله يعينك ويعوضك خير منها ان شاء الله ,,,,

نظام الوزارة الحالي لطلااب الثانويه ..
انك ما تقدر تحط نسبه الي تبيها ..لأن مجرد ما تحط رقم الجلوس يطلع عندهم الدرجه حقتك الأصل ..
واذا كنت مستوفي الشروط ارسلو لك اسم مستخدم ورقم سري ..

واما اذا كانت الشروط مو منطبقه عليك بالأصل وتظر عن طريق رقم الجلوس يرسلولك الرسالة ..
ان شروط الابتعاث لا تنطبق..


تحياااتي لك .. وانا انصح تحرك وسطاتك والله يوفقك ..

المشاركة الأصلية كتبت بواسطة saleh_15


السلام عليكم ..
هلا بك والله وغلا اخوووي
والله يعينك ويعوضك خير منها ان شاء الله ,,,,
نظام الوزارة الحالي لطلااب الثانويه ..
انك ما تقدر تحط نسبه الي تبيها ..لأن مجرد ما تحط رقم الجلوس يطلع عندهم الدرجه حقتك الأصل ..
واذا كنت مستوفي الشروط ارسلو لك اسم مستخدم ورقم سري ..
واما اذا كانت الشروط مو منطبقه عليك بالأصل وتظر عن طريق رقم الجلوس يرسلولك الرسالة ..
ان شروط الابتعاث لا تنطبق..
تحياااتي لك .. وانا انصح تحرك وسطاتك والله يوفقك ..



كلام الاخ صالح اقرب لصواب في حالتك وذكان غير كذا وضح تكفى ؟؟؟

اشكر للأخ مسافر الجديد على فكرة وين مسافر انت
امزح
كلامك منطقي وحلو وريحني اكثر

انا سجلت وحطيت نسبتي صح 76.38
ونسبة القدرات 78.00

وعطوني رقم الطلب ورقم السري طيب الظاهر اني سجلت الرقم الجلوس خطأ
هلغ هذي المعلومات صح والا ايش ماادري

اخواني اللي ماانقبلوا لا تزعلوا من اللي صار

الوزاره حاطين شروط ونسب معينه
وانتوا فكروا فيها هل الوزاره حاطه هالشروط هذي عشان تعقدكم او مايتمنوا لكم الخير؟؟

الوزاره ماحطت هالشروط الا عشان عارفه الاااالاف اللي راح يقدمون

والحين من فتحوا الابتعاث فتره بسيطه سجلوا فوق الثلاثين الف طالب

والمطلوب بس 7500


يعني اذا فرضاً مشوكم راح تاخذوا اماكن ناس مستحقين البعثه اكثر منكم

انا مااحطمكم واقول انكم مااجتهدتوا انتو سويتوا اللي تقدروا عليه .. بس لاتنسوا انو فيه ناس بذلت اضعاف اضعاف مجهودكم وحرام انهم ما يلاقوا مكان

حطوا حالكم مكانهم .. ترضوا انكم تتعبوا وتتعبوا وتتعبوا واخرتها ماتلاقوا مكان لانو اللي نسبهم اقل منهم اخذوا المكان عنهم ؟؟؟


ونفس الشي لاصحاب الواسطات والنسب الناازله في الارض
لا يضيق صدوركم منهم لانو رب العباد ما يرضى بالظلم واللي اخذ شي مو من حقه ومكان مو مكانه راح يطلع عليه ولو بعدين ..

واخر شي ترا البعثه ماهي نهاية المطاف اعتبروها نقطة البدايه والصدمة اللي ماتموتك تقويك

اعتبروا اللي صار حافز قدامكم للافضل


وبالتوفيق ان شاءالله

مشكور اخوي احلى قمر

اخوي امير لاي ضايق صدرك ولا شي وخل املك في لله سبحانه اول شي الان تجي لعبتك وانا اخوك وانشالله تضبط راسل جامعه جب قبول وكل هذا على اساس انك بدرس على حسابك بتخسر شوي تحمل المهم جاك القبول طلع تاشيره وكذا مايكون للوزاره اي حجه عليك ولو قال شي مايرضيك لايردك الامكتب العنقري وهذا بعثات ابو متعب الله يحفظه ويخليه مو من حسابهم الخاص بس انت لاتخلي لهم حجه والكلام هذا موجه لك والاخوان الباقين
لاتفقدون الامل والشي الحلو لزم يجيك بمر الله يوافقكم

بكل اسف حتى انا وصلتني هذي الرسله على الايميل :

السلام عليكم و رحمة الله و بركاته ..
عزيزي مقدم طلب الإبتعاث العاشق الحزين
تعتذر وزارة التعليم العالي عن قبول طلبك وذلك لأن درجة القياس 64 % وهي أقل من شروط الإبتعاث

وتمنياتنا لكم بالتوفيق في فرص أخرى
للإستفسار الاتصال على 4415555 تحويلة صفر

يعني الحين حتى لو لقيت فيتمين واو اقدر اطلع ان شاء الله ولا لا

تحياتوووووووووووووووووو

اخي امير الدموع
هذا الخبر منقول لك خصيصا من احدى المنتديات وان شاء الله يطمنك
السلام عليكم و رحمة الله و بركاته .....

أود أنبه ... أن الذي قدم في برنامج الأبتعاث للفترة الثانية و هو ليس مطابق للشروط أن لا ينصدم عند متابعته للطلب برؤية (تم مراجعة الطلب و لا تنطبق عليك شروط الأبتعاث) لأنه العام الماضي كان نفس الشي في بداية المرحلة .... و مع الوقت يسمحوا لعدد كبير من الطلاب و على حسب كلام المؤظفين هناك ... هذي فرصة ليكم .....


تم مراجعة الكثير من الطلبات .... وتم عرض حالات جديدة في طلبك ... لذا أتمنا الجميع يشيك على طلبه بأسرع وقت .....

و إلي ما يطابق للشروط لا ينصدم .. لأنه بعدين إن شاء الله بيعطوا الجميع فرصة مثل ما عودونا ...

و بالتوفيق إن شاء الله

احلى قمر مشكور على الكلام الحلو اللطيف المطمئن وكلامك عين الصواب

اخوي توتو كلامك حلو وانشاءالله بجلس افركر واوعدك اي جديد بطلعك عليه اوكيه يالغالي

مستر سعد لوفر الله يعينك تصبر

اخوي فيض المشاعر الله يجعل والديك في الجنة مثل ماريحتني كلامك يطمن ويشرفني ان اتعرفف عليك اكثر

هلا فيك اخوى امير ابشر ومن عيوني وانا في خدمتك

السؤال المهم مع احترامي للشعب

وش حطيت في خانة التأشيرة وقبول الجامعة والأمور ان شاء الله تيسر مع الوقت

وانت لك من اسمك نصيب الله يكفيك شر الدموع

حطيت في خانة القبول والتاشيرة كلمة لااااااااااااااااااااااع
ليس عندي قبول ولا تاشيره

ليش وش هالهدف من هذا السؤال

الله يعينيك ويوفقك وترى البعثة ماهي نهاية الدنيا
لكن نهايتها انك تجلس بالبيت مثلي اهئ اهئ
لكن الله يوفقك ان شاء الله ويستر عليك

الهدف في الثمانيات وانا خوك

جاني نفس الرد ويا الله لك الحمد انا استاهل ماخذ الضمان الاول وما رجعت به لكن يقولون الاولات الروابح

والان جت الحزينه تفرح ما لقت لهاش مطرح

الشيك ... لا تحزن ان الله معنا
هذه الكلمة مشهورة لنبينا صلى الله عليم وسلم