رغم ان شروط الابتعاث لاتنطبق علي الى ان الدفعه الاولى ومن لحقو بها ممن لا تنطبق عليهم الشروط قد بعث في نفسي الأمل وحملت قلمي وكتبت معروضي وتقدمت به لسيد وزير التعليم العالي وقد استغربت في البدء عندما وجدت سهوله في الدخول على الوزير وقدمت له اوراقي وفهمته ببعض الظروف القاسية التي اخرتني في التحصيل العلمي وكانت فعلا ظروف لايستطيع احد ان يتجاهلها وقد اقتنع بها ووجهه معروضي الي قسم الابتعاث وقد حصلت على رقم للمعامله وعند مراجعتي للوزارة اخبروني ان معاملتي موجوده عند شخص لااريد ان اكتب اسمه هنا على الأقل في الوقت الحالي ولكن سوف يأتي اليوم الذي ينفضح فيه هذا الموظف ؟؟؟
المهم...... عندما راجعته اخبرني ان علي ان احضر قبول من احدى الجامعات الامريكيه واعطاني رقم زميل له وقالي اتصل عليه وشوف المطلوب وجهز امورك معاه وبعد ماتجيب القبول تعالي المهم ذهبت الى صحابه وطلب مني مبلغ 3000 الف ريال سعودي عشان يجيب لي قبول الجماعة والمعهد
المهم دفعت المبلغ ونا اعرف ان القبول لايحتاج كل هذا.. بعض المكاتب تجيبه ب 200 ريال فقط
المهم بعد ماجا القبول رحت عند نفس الموظف وقلتله هذا القبول جاء قالي حلوووو باقي الفيزة يا شاطر قلتله كيف اروح السفارة بدون خطاب من عندكم قالي ماعليك روح وحضر المقابلة وبيعطونك ورقه صفراء جيبها لي وبس ونسى الباقي بعد اربعه اشهر جاء موعد المقابله في السفارة والحمدلله اجتزت المقابله وقالولي عشان تحصل على الفيزة باقي الضمان المالي وعطوني ورقه صفراء للمراجعه .. اخذت الورقه ورحت عند نفس الموضف ونا كلي فرح لاني عرفت ان ماعاد بقى شي الى ها الضمان وقرار الابتعاث الي وعدوني فيه لكن لما وصلت عند الموضف سوى نفسة انه مايعرفني وكأنه اول مرة يشوفني قلت في خاطري مالومه يمكن نساني مع زحمة المراجعين ؟؟ المهم مديت يدي وصافحتة وخبرته اني كملت كل الاوراق الي طلبها مني وذكرته بسم الشخص الي ارسلني عليه ابو ال 3000 الف الي كلمتكم عنه اول الموضوع .. وفعلا تذكرني ... لكن وبكل برود قال اسمع يا ااااااااخ الوضع الأن تغير ومعاملتك القديمه انسها خلاص ورقم المعامله هذا الي في يدك قطعه وروح سجل من جديد على موقع الوزارة ونتظر مع المنتظرين ؟؟؟
بصراحة الكلام نزل علي مثل الصاعقة وبديت احس بنوع من الخيانه .. ولكني مسكت اعصابي وقلتله ياسيدي انت تعرف ان الشروط ماتنطبق علي يعني انت زي الي يقول مافي امل؟؟؟؟؟؟؟
خرجت من هناك محطم اكلم نفسي وندب حظي وقلت في خاطري مو معقول هذي وزارة التعليم العالي ؟؟؟
انا مابي اخذ مكان احد اجدر مني او يستحق هذي البعثه اكثر مني رغم حاجتي الماسة لها بسبب الظروف السيئة التي اعيشها لكن الي محيرني وقاهرني ليش سوى فيني كذا انا كنت جايهم بصيغة الرجاء وكتبت في المعروض اني لا استحق البعثة لان الشروط لاتنطبق الى اذ استثنيتوني من اجل ظروفي وهذا ما افهموني اياه.........
هذا ماحصل لي وحببت ان اسجل قصتي بعد ما قرأت قصص بعض الاخوان الذين يعانون من مشكلة تشبة مشكلتي
مجرد قلب اخر يتحطم عند ابواب الوزارة
تقبلو تحياتي.......مواضيع عشوائيه ممكن تكون تعجبك اخترناها لك:
- من قال ان فيه تاجيل؟؟
- ساعدوني الله لا يهينكم
- رايك
- تعال يالحبيب والحق على بعثات الحرس الوطني اليوم بدأت
- قصتي من يوم الوصول قبل امس تفضلواااا
- الفيزا للسياحيه ولا فيزا للدراسه ؟؟؟؟؟ الأخ المزعج او القطري لاهنتو
- زيارة إلى مكتب الإف بي آي
- طالب جديد رايح لسان فرانسيسكو
- قبول مشروط كيف يتم رجاء افادتي
- العميد ملبورن أهل الخبره وش رايكم بمدينة نوتنجهام وافضل معهد للغة فيها ؟؟
- ابو العسوب النجدي جاب لكم الحل الشقردي
- الامتعه
- يا شباب تكففوون
- ما هي الاماكن القريبة من أوهايو جامعة اكرون
- نداء الى كافة الأعضاء وأصحاب التجربة بذات عمنا ملبورن
- استفسار عن تغيير التخصص
- أحسن جامعات بـ لوس انجلوس
- استفساار عن الدراسه في امريكا
- أغراض تعتقدون انها مهمه مره يمكن ينساها الواحد قبل ما يسافر اخل وشارك
- مدرسة لتعليم اللغات
رد مع اقتباس
المفضلات