الموضوع: مساعده عاجلة لأختهم ولا عليكم أمر

السلام عليكم ورحمة الله وبركاته

عندي استفسار عاجل قبل لا احجز فندق في باريس
راح تكون اقامتي في باريس قادمه من انترلاكن ثلاث ليالي

السؤال اللي ابحث له عن اجابه هل الافضل لي اني احجز فندق خارج ديزني لانه السعر ارخص
وتكون مغادرتي لديرتي من مطار شارل ديغول

أو الافضل لي اني اسكن فندق في باريس واخذ وسيله نقل ان كانت قطار أو باص لايصالي لديزني
ومن ثم تكون المسافه على مااعتقد قريبة على مطار المغادرة

الوقت اللي لازم نكون فيه بالمطار الساعه 11 الظهر
واحنا 8 أشخاص

وسؤالي الثاني هل تكفي ألفين دينار كويتي مصاريف من غير السكن لمده 14 يوم بين انترلاكن وفرنسا

أتمنى من اخواني الخبراء والاعضاء افادتي لاني على الله وعلى ردودكم

دمتم بود

مواضيع عشوائيه ممكن تكون تعجبك اخترناها لك:

• ما هو افضل فندق في نانسي ديزني لاند
• السكن في باريس وجدولي فيها التنقل بالقطار بين لندن وباريس
• ابحث عن شقة مفروشة في باريس ؟
• مساعدتكم تشيل هم على قلبي
• مساعدتي في ترتيب رحلتى باريس لندن نيويورك
• تقرير رحلتي الى باريس بالصور ابريل
• الخبراء في سكن فنادق ديزني
• وضع المرأة في باريس
• مساعدة بخصوص فندق شهر عسل في باريس
• تكفون ياربع إرجاع السيارة في باريس
• مساعدت اخوكم
• استفسار بخصوصو زيارة ديزني لاند
• مشكله في حجز الفندق
• باريس رحلة العمر
• استفسار عن نظام الفنادق
• مدينة نانت محتاج اي معلومة عنها
• نصائح هامه فى رأى المتواضع
• كيف الجو في باريس في اكتوبر
• باريس التي رأيتذكريات ومشاهدات من عاصمة النور والجمال
• واخيرا قررت

وعليكم السلام

انتوا بتقضون 3 ايام في ديزني ؟! اذا الزياره عشان ديزني فالأفضل تسكنون قريب منها واذا حابين يوم تنزلون باريس وديزني
اما اذا الزياره لباريس ومعالمها وتبون يوم في ديزني فالأفضل السكن في باريس

للمطار ما انصح بقطار لانه عددكم كبير ما شاء الله وأكيد معاكم نشاط وايد
الأفضل تشوفون ميني باص يوصلكم المطار

وعليكم السلام ورحمه الله وبركاته
وانبتهو تروحون ديزني في الوكيند

وباريس ممكن من ديزني والعكس صحيح الوقت بيكون للمسار الواحد 45 دقيقه
فيه قطارات مباشره وباصات من ديزني الي المطار السعر للباص 18 للكبار
الفين دينار يعني تقريبا 25 الف ريال سعودي
يمكن نقول 350 يورو يوميا
مشكله ديزني تذاكرها للثمانيه اتوقع بتكون اكثر من مصروف يوم كامل يعني اكثر من 350 يورو
يبيلكم بانترلاكن تقللون مصاريف

يسعدلى مساك اختي FANDA
وأخوي فيصل

أشكركم للتفاعل معي والرد السريع عسى ربي يجزاكم الفردوس الأعلى
آنا الحين احترت .... فشنو تشورون على اني احجز لانه معاي صغار 6و10و11 سنه
فالافضل لنا أتوقع باريس عدل !!!!

اي اختي راح تكون اقامتنا بحيل الله من 18 اغسطس 21 تكون موعد عودتنا للديرة
يعني 3 ليالي يوم راح اخليه لديزني واليوم الثاني ان شاء الله استطلاع اهم معالم باريس باستخدام الباص السياحي
واذا عندج اي اضافه أكون جدا شاكرة وممنونه لج لاني مابي اضيع وقت لوناسه اليهال

دمتي بخير

المشاركة الأصلية كتبت بواسطة فيصل
http://www.arabtravelersforum.com/tr...5/#post8311435

وعليكم السلام ورحمه الله وبركاته
وانبتهو تروحون ديزني في الوكيند

وباريس ممكن من ديزني والعكس صحيح الوقت بيكون للمسار الواحد 45 دقيقه
فيه قطارات مباشره وباصات من ديزني الي المطار السعر للباص 18 للكبار
الفين دينار يعني تقريبا 25 الف ريال سعودي
يمكن نقول 350 يورو يوميا
مشكله ديزني تذاكرها للثمانيه اتوقع بتكون اكثر من مصروف يوم كامل يعني اكثر من 350 يورو
يبيلكم بانترلاكن تقللون مصاريف



أخوي فيصل
الله يجزاك كل خير للتوضيح وافادتي لانك فعلا نبهتي على اشياء مهمه
انزين بالنسبة للمصروف راح ازيد الميزانية ان شاء الله مع العلم اني راح استخدم المواصلات في انترلاكن للتقليل من الصرف اليومي

روحتنا بحيل واحد أحد حق ديزني راح تكون يوم الثلاثاء ... حلو يعني مو ويك اند
انزين اخوي فيصل قصدج تذكرة الباص للكبار 18 يورو والصغار عندك فكرة جم ؟؟؟
ادري دوختك بكثرة اسإلتي واستفساراتي
من وين أفضل لنا نحجز تذاكر لديزني من الفنادق اللي في باريس ((هل يوفرون تذاكر لديزني ؟؟؟ ))
ويلا من المكتب اللي بالشانز وايهما اوفر لنا لان عددنا كبير ماشاء الله

دمت بود أخوي

المشاركة الأصلية كتبت بواسطة فيصل
http://www.arabtravelersforum.com/tr...5/#post8311435

وعليكم السلام ورحمه الله وبركاته
وانبتهو تروحون ديزني في الوكيند

وباريس ممكن من ديزني والعكس صحيح الوقت بيكون للمسار الواحد 45 دقيقه
فيه قطارات مباشره وباصات من ديزني الي المطار السعر للباص 18 للكبار
الفين دينار يعني تقريبا 25 الف ريال سعودي
يمكن نقول 350 يورو يوميا
مشكله ديزني تذاكرها للثمانيه اتوقع بتكون اكثر من مصروف يوم كامل يعني اكثر من 350 يورو
يبيلكم بانترلاكن تقللون مصاريف



أخوي فيصل
الله يجزاك كل خير للتوضيح وافادتي لانك فعلا نبهتي على اشياء مهمه
انزين بالنسبة للمصروف راح ازيد الميزانية ان شاء الله مع العلم اني راح استخدم المواصلات في انترلاكن للتقليل من الصرف اليومي

روحتنا بحيل واحد أحد حق ديزني راح تكون يوم الثلاثاء ... حلو يعني مو ويك اند
انزين اخوي فيصل قصدج تذكرة الباص للكبار 18 يورو والصغار عندك فكرة جم ؟؟؟
ادري دوختك بكثرة اسإلتي واستفساراتي
من وين أفضل لنا نحجز تذاكر لديزني من الفنادق اللي في باريس ((هل يوفرون تذاكر لديزني ؟؟؟ ))
ويلا من المكتب اللي بالشانز وايهما اوفر لنا لان عددنا كبير ماشاء الله
ولك مني جزيل الشكر والعرفان

دمت بود أخوي

خذي راحتك بالأسئله
الباص للاطفال اعتقد 14 يورو بس حلو فيه صور ديزني يعجب الاطفال
شوفوا موقع ديزني احجزوا منه فيه مرات عروض اقل من شباك التذاكر
بعض الفنادق عندها تذاكر وتبيعها رخيصه
ان لقيتوا سكن في لاديفانس يكفيكم خذوه وتوكلوا علي الله

أخوي فيصل ربي يرزقك الخير في الدنيا والآخره
ويوقف لك عيال الحلال ويسهل وييسر لك كل امورك ويسخر لك عباده وخلقة
ويستر عليك وعلى أهل بيتك .... قول آمين

انزين ويلا مايعرف يحجز من موقع ديزني راح احاول ان شاء الله ... راح ابيضها
وشلون اعرف انه السعر مناسب ؟؟؟
والله انا اسإلتي وايد
تقدر تفيدني ببطاقة سويس باس راح تفيدني بتنقلاتي في سويسرا ؟؟؟

ولك مني بوكيه مليء بالورود أخوي فيصل

الله يجزاك خير

الحجز سهل شرحه هنا
http://www.arabtravelersforum.com/travel450570/
واقراي هذا يفيدك بخصوص الفاست
http://www.arabtravelersforum.com/travel503654/

سويس والله ما اعرف عنها شيء لانس استخدمت السياره بس ابوعزيز بيفيدك ان شاءلله اساليه بموضوعه حق السويس او ارسلي له برايفت رجال متعاون جدا وخدوم

..
اي سعر تلقينه اسالي عنه هنا وينقولك اذا السعر اوكي او ممكن تلقين ارخص
او اذا لقيتيه بسعر ناسبك احجزي .

جزانا وجزاك يارب
يعطيك العافيه على التوضيح
جاري الاخذ برايك وان شاء الله اوفق بالاختار المناسب لنا

المشاركة الأصلية كتبت بواسطة مسافرة98
http://www.arabtravelersforum.com/tr...0/#post8311600

يسعدلى مساك اختي fanda
وأخوي فيصل

أشكركم للتفاعل معي والرد السريع عسى ربي يجزاكم الفردوس الأعلى
آنا الحين احترت .... فشنو تشورون على اني احجز لانه معاي صغار 6و10و11 سنه
فالافضل لنا أتوقع باريس عدل !!!!

اي اختي راح تكون اقامتنا بحيل الله من 18 اغسطس 21 تكون موعد عودتنا للديرة
يعني 3 ليالي يوم راح اخليه لديزني واليوم الثاني ان شاء الله استطلاع اهم معالم باريس باستخدام الباص السياحي
واذا عندج اي اضافه أكون جدا شاكرة وممنونه لج لاني مابي اضيع وقت لوناسه اليهال

دمتي بخير



دام مخصصين يوم لديزني فالافضل تسكنون باريس وتروحون ديزني من الصبح يوم كامل
لاديفانس منطقه مناسبه جدا للعوائل
شوفي فريزر لاديفانس مثلا مجربته شخصيا جيد جدا ممكن تاخذون سويت بو غرفتين نوم يناسبكم
من لاديفانس ممكن تروحون مباشره لديزني باستخدام الرير a

الباص السياحي يناسبكم دام ايامكم محدوده يمر بيكم اهم المعالم السياحيه
الاحمر ممكن تاخذونه ليوم او الاصفر يومين

أخوي فيصل
أختي fanda
للاسف ماحصلت حجز باللاديفانس على حسب عددنا ماشاء الله

توهقت شسوي الحين
ممكن تساعدوني بترشيح فنادق يكون موقعها زوين واقتصادية
ولكم الشكر الجزيل

سعرها زين

http://www.booking.com/hotel/fr/cita...ml?aid=1329869

السلام عليكم ورحمة الله وبركاته
أخوي فيصل لله الحمد حجزت بفندق adagio la defense esplanade
والسعر مناسب الله يفتحها عليك وييسر لك كل أمورك وين مارحت

اختيار موفق
موفقه اختي
وجزاك الله خير علي الدعوات اللي تسعدنا كلنا
ولا تنسي أخواتنا منها

يسعدلي مساكم
أخوي فيصل والله الشاهد اني خصيتكم بدعوات بظهر الغيب
انت واخواتي FANDA وromh .. (ربي يرفع قدرهم بالدنيا والأخره)
ولكل عضو ساعد وشارك في مواضيعه بالمنتدى

ربي ييسر أموركم ويسمح دروبكم بكل خير وعافيه

واحتفظ بدعواتي لكم بظهر الغيب

بس طولوا بالكم معاي لاني ليما الحين خواره ماني عارفه احجز لديزني
هههههههههه
لانه يطلع لى كذا اختيار شنو اختار بالضبط ؟؟؟


دمتم بود إخواني

والله ما نبي غير هالدعوات الطيبه
واسألي والكل حاظر بالي يقدر عليه

يا ريت توضحين السؤال من وين قاعده تحجزين وشنو بالضبط ؟!

شفتي موضوع بوحسون عن الحجز ام لا

http://www.arabtravelersforum.com/travel503654/

عساكم سالمين يارب
انا قاعده احجز من هذا الموقع

http://www.disneylandparis.com/

لاني اخذته من موضوع احد الاعضاء بالمنتدى الله يجزاه خير
واختار الخانه اللي على اليمين العروض الخاصه
( special offer )
واكمل الخطوات واجاوب عن خمس اسئلة ... لي اخر شي ادخل تواريخ ميلاد عيالي
ويطلع لي شاشة مكتوب فيها smart tips
وسلامة عمركم ...

بس مااعتقد اني حجزت

وصلت الي الدفع وكل شيء علي ما يرام

أوكي بعدين شنو الخطوة اللي المفروض اسويها
؟؟؟

جوزيت خيراً

ندخل رقم الفيزا

دام ما دخلتي رقم الفيزا فاكيد ما صار حجز
لما تحجزين راح يوصلك ايميل بالتفاصيل كامله

أوكي أوكي

اخواني
خل افتح مره ثانيه وابلغكم شنو يصير معاي