اخوي العزيز
انا شوري مثل شور الأخوان اللي سبقوني الله يبارك فيهم ويعطيهم العافيه
طبعاً اول ماتوصل المطار بمانيلا وانت طالع بعد اخذ عفشك راح يقابلك اكشاك صغيره مثل بنوك الصرافه بالمطار
وهم هناك عندهم حجز الفنادق اللي تبغاها وراح تلاقي مندوبين لبعض الفنادق هم راح يعلقون بحلقك اذا تبين لهم بأنك محتاج لفندق
وراح يعطونك اسعار وصور وعناوين بعض الفنادق
طبعاً انت بالبدايه اسكن وريح راسك وبعدها اذهب لبعض الفنادق الموجوده اسمائهم بالمنتدى وراح تلاقيها على شارع برقص
او حواليه مشياً على الأقدام او مع السؤال لأي ريسبشن بأي فندق انت فيه وهم راح يساعدونك
واذا كان معاك لغه انجليزيه فأنت في السليم وجميع تساؤلاتك وطلباتك سوف تكون سهله للغايه
اما من ناحية جزيرة ( بروكاي ) فأنصحك بأنك تحجز تذاكر الطيران فقط
وتذهب هناك وسوف تلاقي اكشاك البكجات كثيره وهي سهله وميسره للغايه وبإسعار ارخص جداً
ولاتنسى كلام خبيرنا واخونا ( الغزال الأشقر ) الله الله بالمكآسر
ومايمنع بعد بأنك تذهب للمكاتب السياحيه اللي قال لك عليها اخونا المميز ( الفارس )
وهي المكتب المقابل مطعم القدس والثاني اللي بمجمع روبنسون
وتسألهم عن الأسعار وتاخذ لك فكره مبسطه قبل السفر
تحياتي لك وبألف سلامه
بومنتظر
المفضلات