الموضوع: يا اخواني الغالين شهر عسل ومالي الا الله ثم انتم بترتيب رحلتي واستفساراتي

السلام عليكم ورحمة الله وبركاته
اسعد الله وقاتكم بالمسرات
اشكر القائمين على هذا الموقع الذي له سمعته ويوفر جميع المتطلبات والذي له شهرته الكبيره .

اما بعد

انا محتار يا اخوان وابي مساعدتكم ووقفتكم وفزعتكم .
قريت الكثير ولكن بالموقع ولكن سئستفيد من موضوعي باذن الله ثم منكم .

انا رحلتي لشهر العسل بـ 3 اغسط والعوده بـ 19 اغسط .
الذهاب من الرياض والوصول فينا
العوده من فينا و الوصول الرياض

--------
2 فينا فندق de france
7 زيلامسي فندق Schlossplatz
2 سالز بورغ فندق nh salzburg-city
5 فينا فندق danube waterfront
---------
انا كد حجزت الفنادق وبعد ماحجزت واخذو فلوسهم اطلعت اني عندي اخطاء بترتيب الرحله لكن انا واثق باذن الله انكم راح تساعدوني وتخلون هالرحله اجمل بمساعدتكم .

س /
السياره استاجرها الحين ولا استاجرها اذا وصلت هناك .
السياره استاجرها من زيلامسي واسلمها بسالزبورغ وهل فينا تستاهل سياره ولا مايحتاج .

س /
قريت عن البطاقه السياحيه وشلون اخذها اشتريها من هناك ولا احجزها الحين .

س /
التنقل بالقطار لو ما استاجرت سياره بفينا كيف احجز التذاكر وهل التعامل سهل ولا لا .

س /
اللغه الانقليزيه 0٪
هل ابفلح دام ما معي لغه ولا وش السواه ما ادبر شي بالانقليزي .

س /
بالنسبه للفلوس كيف طريقتها
- اخليها معي كاش و احولها بمطار فينا ولا بالمدينه
- اخليها بالفيزه او بالصراف
- انا فكرت اقسمها ما بين الفيزه و الصراف و بجيبي .
اي طريقه افضل وكيف افضل تحويل العمله
-----------------------
-----------------------
وابغى برنامج لتنقلات بين المعالم وكيف اتنقل لها بالتكاسي ولا بالقطار

الي يقدر يوقف معي ويسويلي برنامج بين المعالم ويشرح لي كيف اتنقل لها اكون شاكر ومقدر ولو يبغى شي انا حاضر ما يخدم بخيل . من الموبايل

مواضيع عشوائيه ممكن تكون تعجبك اخترناها لك:

• برنامجي في شمال ايطاليا والنمسا وميونخ رايكم؟
• يا اخوان الحجز اللي بالتذكرة طلع كذا؟
• ساعدوني بخصوص زيلامسي
• هل تبحث عن اسعار التذاكر؟ تفضل ونحن نجيب
• استفسار عن فندق ب زيلامسي شهر عسل
• مدينة لينز في الطريق بين فيينا وسالزبورغ
• استفسار عاجل عن الجواز الذي يكون به مرافقين اطفال
• سفرتي الاولى الى اوروبا
• افضل زحليقة في النمسا زيلامسي سالزبوغ
• عذراً زيلامسي لقد أخطأت الطريق
• مقهى في مدينة
• ياليت الكل يدخل ويساعدني
• مسافر جديد لأوروبا ومحتاج المساعده
• أرجو المساعده عاجل جدا
• من مطار دمش مواصلات عامه وليس تاكسي لو سمحتم
• ساعدوني في جدول لشهر العسل
• احداثيات جديد
• ذكــريــات في فيينــا
• استفسار عن الخطوط السعودية إلى النمسا
• استفسار عن مدينة كاستل روتو رحلتي بدايتها في النمسا ونهايتها في ايطالي

الله يوفقك يا عريس وييسر أمرك ..
بالتوفيق والإخوان ما رح يقصرون معك
أنا مخطط اني اسافر النمسا .. ما بعد رحتها ..
يعني لا تنسى تنزل موضوع سفريتك بالتفصيل ..

حبيت أسألك كم قيمة التذاكر وقيمة أجار السيارة

الله يجزاك خير يالغالي والله اني خايف من هالروحه خصوصاً ان ما معي لغه لكن مغماره وبشهر عسل الله ييسرها ان شاءالله .

بالنسبه لسياره لقيت bmw بس ما ادري كم موديله 9 ايام بـ 2500 ريال تقريباً بس ما حجزتها للحين لاني متردد احجز الحين او اذا وصلة احسن .
وتذاكر الطيران مصر للطيران بـ 3320ريال من الموبايل

فزعتكم يا اهل الخبره لاتنسوني والله محتاجلكم باسرع وقت من الموبايل

وقفتكم يالغالين والله مقبل على اختبارات وللحين مهتم بالسفره


الحين اذا وصلت النمسا وشلون اروح للاماكن السياحه وشلون اوصل لها ياشباب اول مره اروح فزعتكم فزعتكم والله بلشان ريحوني وردو علي الله يوسع لكم بالدنيا والاخره من الموبايل

مئات الآلاف بالموقع وما فيه واحد ياخذ ويعطي معي من الموبايل

شف اخوي الغالي اولاً الف مبرووك والله يوفقكم ويسعدكم
ثانياً انا بجاوب على الي اعرفه .. بالنسبه للسيارة تحجزها من المطار ممتاز لا تشيل همها واشوف ما يحتاج التكاسي توفي
لغتك 0٪ ان شاء الله بيمديك تدبر عمرك لو كذا استخدم مترجم قوقل وورهم ويفهمونك
تروح للاماكن السياحية بالقارمن انصحك تشتريه او بالماب حق الجوال اكتب المكان الي بتروح له بالانجليزي ويطلعه لك ويوديك له مره سهالات في هذي
وبالنسبه للفلوس حولها من هنا ورح او من المطار الي تبي

ان شاء الله اكون افدتك

يعطيك العافيه يالغالي ما قصرت افدتني بيض الله وجهك من الموبايل