الموضوع: استفسارات لجولة اوروبية

السلام عليكم ورحمة الله وبركاته

مساء/صباح الخير ع الجميع


ارغب بترتيب رحلة لـ أوروبا ابدأها بالنمسا واختمها بـ فرنسا


التاريخ المقترح حاليا هو نصف شهر مايو حتى اقدر


الذهاب الى سالزبورغ والعودة من باريس


المخطط كالتالي:
زيلامسي 3ليال
ميونخ ليلتين
رست ليلتين
باريس 5 ليال


هل مخططي مناسب؟؟
رست حطيتها حق يورب بارك
هل ألغيها واكتفي بالذهاب إلى دزني لاند؟
ام الغي دزني لاند واستغل اليوم بشيء آخر؟
اي اقتراحات تقترحونها؟؟

مواضيع عشوائيه ممكن تكون تعجبك اخترناها لك:

• لا ادري مالمشكلة
• رحلتي الي باريس فبراير بالصور
• ايام باريس و ايام جنيف و ايام انترلاكن
• شوية استفسارات باريسية
• استشارة من خبراء السياحية في باريس
• أريد جدول لفرنسا
• أرخص المواقع للفنادق
• بيت جن
• من جرب السكن في فندق بارك اند سويت فال دي يوروب؟؟
• استفسار عن قطار
• آرائكم
• جديد متطلبات الشنغن
• الطريق الى انسي
• استفسار
• الرجاء المساعدة في ترتيب جدول الزياره من الى
• من يرسم لي اللوحة الله يسعده ؟؟؟
• خبراء فرنسا فيصل وغيره تفضلوا
• بخصوص الفيزا الفرنسيه سفرتي قربت ومتورط
• اول مره اسافر خارج المملكة وابروح فرنسا
• كرت تيلفون

مرحبا اخوي. اختيارك للتاريخ موفق .

بالنسبة ليورب بارك اذا معك عيالك واطفال ويهمك كثير الترفيه وطولهم فوق المتر وعشرين عشان يستفيدوا من كل الرايدز ليش لا . اذا مسافر بالسياره واخترت يورب بارك بس عشان تقسم المسافه بين ميونخ وباريس ومو عشان يورب بارك ممكن تلغي بورب بارك وتسكن في freiburg وتزور كل من colmar .... Strasburg و mollhouse في يومين يبعد كل منهم عن الاخر ساعه وشوي

انا وزوجتي وطفل عمره سنتين

يعني الافضل ديزني؟؟

اعرف ان بديزني لن تستمتع لان معاكم طفل واحد راح يلعب والثاني يكون معه

في بعض الالعاب تناسب انه تركبونها مع الطفل
واذا تبون العاب كبار لا تنسون ميزة switch بحيث اول ما يخلص واحد لعب الثاني يركب مكانه ما يحتاج يسطف في لكيو مره ثانيه

بس الخوف انه الياهل يخاف من الشخصيات والي بتكون منتشره في كل مكان في الحديقه وهذا حال معظم الأطفال في عمره

المشاركة الأصلية كتبت بواسطة فيصل
http://www.arabtravelersforum.com/tr...4/#post8358904

اعرف ان بديزني لن تستمتع لان معاكم طفل واحد راح يلعب والثاني يكون معه



والله روحة الملاهي كلها حقه والا احنا مو حول الالعاب هههههه


اذا كان الموضوع كذا نكنسل الروحة مالها داعي ههههههه

المشاركة الأصلية كتبت بواسطة FANDA
http://www.arabtravelersforum.com/tr...0/#post8359010

في بعض الالعاب تناسب انه تركبونها مع الطفل
واذا تبون العاب كبار لا تنسون ميزة switch بحيث اول ما يخلص واحد لعب الثاني يركب مكانه ما يحتاج يسطف في لكيو مره ثانيه

بس الخوف انه الياهل يخاف من الشخصيات والي بتكون منتشره في كل مكان في الحديقه وهذا حال معظم الأطفال في عمره



مثل ما قلت لمديرنا اذا كان الوضع ما يناسبه ،فالأفضل نكنسل الموضوع من اساسه ونستغل بشي آخر

ما اشوف ان ديزني فيها العاب للاطفال كثيره

لكن ممكن يستمتع بالعروض والشخصيات

وش رأيك يا أم ريم

الأطفال به العمر يخافون من الشخصيات والكستمز
يحبون الكارتونز في التلفزيون بس اذا يشوفونه في الواقع يتصروعون
اذا كان الطفل عادي وما يخاف فاكيد بيفرح بس اذا خويفي فيا خسارة فلوس التذاكر

المشاركة الأصلية كتبت بواسطة FANDA
http://www.arabtravelersforum.com/tr...9/#post8359519

الأطفال به العمر يخافون من الشخصيات والكستمز
يحبون الكارتونز في التلفزيون بس اذا يشوفونه في الواقع يتصروعون
اذا كان الطفل عادي وما يخاف فاكيد بيفرح بس اذا خويفي فيا خسارة فلوس التذاكر



خلاص بطلنا ديزني على كذا ههههه


صار احتفال مرة وفيه شخصيات كرتونية وتصروع عدل هههههه