حبايبي لاهنتو برنامج لـ بالي

**ahmed2** · 02-04-2015, 01:02 AM

السلام عليكم

ان شاء الله تكونو بالف صحة وعافيه

طبعا حجزت 5 ليالي ب بالي وبالتحديد ب قراند ميراج نوسا

ف ياليت احد يقترح برنامج مفصل و اكون شاكر له من قلبي ..

مواضيع عشوائيه ممكن تكون تعجبك اخترناها لك:

**ahmed2** · 02-04-2015, 01:02 AM

مساءك ورد

في بالي ما راح تتعب ابد لسبب بسيط ان الفندق عندهم برامج سياحية بالسارع تلقى كوكشات تقدم لك برامج سياحية
واذا ماتبي هالعوار كله السائق اللي بيكون معكم هو اللي راح يعطيكم الخيارات والاماكان وانتم ماعليكم الا تعطونه الموافقة او تعطونه البديل

وانصحكم بزيارة نوسادوا واللي تمتاز بالانشطة البحرية مثل الغوص والبراشوت والبنانا والفلاي فش والديايات البحرية والرحلات البحرية ولاتنسى هم بعد زيارة شاطئ الدريم لاند وشاطئ كوتا والبحيرات 00
كذلك حديقة الطيور وزيارة المعابد ومنطقة ابود ومشاهدة مدرجات مزارع الرز كذلك رحلة التجديف في النهر
كل اللي عليك بس ادخل تقارير الاعضاء اللي زاروا بالي وشوف الصور والاماكن وسجلها عندك بورقة خارجية وخصص لكل يوم اماكن معينة بحيث تكون متقاربة علشان ماتتعب ويضيع عليك الوقت
واتمنى لك سفرة سعيدة واذا فيه اسئلة ثانية ماراح نقصر والاخوان بيجون ويكملون الردود على استفسارك ويعطونك كل اللي تبيه

كن بخير

**alifun** · 02-04-2015, 01:02 AM

ماقصر اخونا المميز اتحفك بالمختصر المفيد

بس حبيت اضيف بعض المعلومات مثل منطقة اولو واتو

شلال جت جت

اسأل عن الغواصه اذا ودك تجربها وسعرها يختلف من مكتب لأآخر انا اخذتها بـ85 دولار مع بوفيه

وفيه ناس اخذوها ب65 دولار مع بوفيه يعني لازم تشيك على اكثر من مكتب

ايضاً انصحك بمطعم سارانام ذو المطل الخيالي

مزارع الرز لاتنساها

اغلب السواقين هناك تحصل معه برشور لجزيرة بالي فيه كل الأماكن والمزارات

ماعليك الاتختار المكان وهو يوديك له

اسعار السواقين تتراوح بين 300 الي 400 الف انت ومكاسرك معاهم

اذا انت خابرلك سواق ومتفق معاهـ وتعرفه شي ممتاز

واذا تبي سواق مجرب من قبلي شخص محترم جداً وبشوش فأنا حاضر