السلام عليكم ورحمة الله وبركاته
انا حاليا ادرس دكتوراة ببريطانيا ،حبيت اشارككم بالمراحل اللي مريت فيها ، بقدمها لكم بشكل عفوي وبسيط. واللي عنده سؤال يسأل.
اول شي نبدا بموضوع التقديم.
هل اروح امريكا أو بريطانيا. السؤال الذي يسأله الملايين
الموضوع كنت اطالعه من ناحيتين:
1- طبيعة الدراسة في البلدين
2- ظروفي
نجي للنقطة الأولى:
طبيعة الدراسة في بريطانيا تختلف عن امريكا.
بريطانيا عادة الدراسات العليا ما فيها كورسات (يعني ما تاخذ مواد) مجرد انك تجي الجامعة تقعد مع الدكتور وتحطون خطة البحث. والباقي عليك. تروح تقرأ، تتثقف، تدخل النت وتبحث.
وعادة يكون فيه مناقشة بعد 9 شهور من البداية. بعدها يقررون هل تكمل برنامج الدكتوراة أو تطلع وماعرف بالضبط وش الإجراء.
في أمريكا كل الجامعات تتطلب ساعات معينة كورسات كجزء من برنامج الدكتوراة. الفترة هذه تقريبا سنتين.
بعد الكورسات فيه اختبار شامل أو تقرير تناقش فيه ويحدد هل تكمل برنامج الدكتوراة أو يعطونك شهادة ماجستير.
بعدها تكمل الدكتوراة وتكون طبيعتها بحثية إلى وقت المناقشة (تقريبا بعد 3 سنوات على حسب الطالب) وبعدها تمنح الشهادة.
طبعا بعض الجامعات الأمريكية تتطلب امتحان قبول يتحدد فيه مستواك. واذا رسبت باحد المواد تحتاج تاخذ المادة قبل ما تلتحق ببرنامج الدكتوراة.
مثال: انت طالب كيمياء ورحت تبي تكمل دكتوراة. يسوون لك امتحان بأقسام الكيمياء، الفيزيائية والعضوية والغيرعضوية والتحليلية. واذا رسبت بالتحليلية يدرسونك اياها بالاضافة الى مواد الدكتوراة. اذا رسبت فيهم كلهم راح تاخذهم وبكذا مارح تبدأ بمواد الدكتوراة الا بعد سنة او شي.
هذا بالنسبة للفروق وأركز على أهمية قراءة البرنامج ومتطلباته بالتفصيل. أذكر كل جامعة كانت تفرق عن الثانية بأمريكا.
متطلبات أمريكا وبريطانيا من ناحية اللغة شبيهه لبعضها لحد ما. التوفل أو الآيلتس. والدرجة هم يحددونها. والبعض يطلب واحد من غير الآخر.
الشي الإضافي اللي موجود بأمريكا وما شفته ببريطانيا، هو الجي أر إي gre. هذا بهذلني وحست فيه بالأخير ما رحت أمريكا. في جامعات قليلة ما تطلبه.
فقدمت على أكثر من جامعة أمريكية وبريطانية. وكان هدفي اروح أمريكا. اخذت ال gre وجبت درجة كويسة. عدته مرة ثانية وجبت العيد.
اخذت التوفل والايلتس والحمدلله بدعت فيهم.
قبلوني اكثر من جامعة والأغلب رفضوني.
فضلت بريطانيا عشان القرب والمدة. بريطانيا تقريباً من 3-4 سنوات وأمريكا 5-6 سنوات.
نتكلم شوي عن التقديم..
التقديم بجامعات أمريكا عادة فيه رسوم.
كل التقديمات أون لاين.
وكل جامعة تختلف عن الثانية بأسئلتها.
بعض الأشياء اللي يسألون عنها:
مقدمة عن نفسك، اهتماماتك
ايش درست وكم معدلك؟
عندك أبحاث سابقة؟ هل تم تكريمك بمناسبة؟
شنو تحب تدرس؟ وليش اخترت هالمجال؟
ماهي طموحاتك العلمية بالمستقبل؟
ملاحظة اذا كان بينك وبين دكتور تفاهم مسبق يكون هذا بريدك للقبول ان شاء الله
مثلاً: تمر على دكاترة الإدارة بموقع الجامعة. وتشوف كل واحد ايش يسوي وشنو اهتماماته. بعد كذا ترسل له ايميل وتقوله انا ارغب في دراسة المجال هذا وانا عندي بحث سويته مثلا وتقديري بالجامعة كان 4 فرضاً.
فالدكتور بيرد عليك أحياناً يرحب وأحيانا يقولك قدم ويصير خير.
أما إذا كان فيه دكتور بالسعودية مثلاً يعرف دكتور بره فهذه انت محظوظ فيها جداً.
هذا الجزء الأول ان شاء الله ونكمل بالحلقة الجاية
سفير البترول من الموبايلمواضيع عشوائيه ممكن تكون تعجبك اخترناها لك:
- مدة التأشيرة المتوقعة للقبول الغير المشروط
- زيادة مكافآت الطلاب المبتعثين
- مدارس للاطفال بهيوستن ؟؟
- شرايكم في سكن الجامعات ؟ وخاصه جامعة درم
- ارجوووووووو الرد سريعاااااااااا
- ساعدوني ارجوكم دراسة الثانوية في امريكا
- ياااااااااهوه بس رأي
- استفسار عن فيلادلفيا
- ردوا علي قبل لاتروح عليي البعثة
- ابي ادرس بكالوريوس علوم حاسب في بريطانيا
- ارجو المساعدهوخاصه بنت الصقور
- أين يمكن أخذ اختبار و
- للدارسين في الجامعات
- استفسار بخصوص الفيزا الدراسية
- بــآخذ كورس شهور بستشيركم
- حققت الرقم القياسي في الفيزا
- فزعتكم ياشباب الوقت مررررة ضيق
- ابغى روضه عربيه او اسلاميه في الكساندريا
- تصريح للمعجل بخصوص الدورات التي ستقام للمبتعثين
- موقع أمريكي باللغة العربية مفيد للدارسين
رد مع اقتباس
المفضلات