الموضوع: خطة للعرسان ؟ فرنسا النمسا المانيا

السلام عليكم ورحمة الله

بإذن الله راح اسافر شهر العسل من 4 اغسطس الى 18 اغسطس (اسبوعان)

الى اوروبا لاول مره وحابه يكون تخطيط رحلتي مرتب ودقيق و ممتع ..

حجزنا على طيران الخليج ( البحرين – باريس \ فرانكفورت- البحرين)

فمن خلال قرائتي للمواضيع في المنتدى وضعت لي تخطيط مبدئي وحابه تشااااركوووني بآرائكم وخبرااتكم

[ulist][*]· التنقلات الداخلية راح تكون بالسياره.. بس ماعندي اي خبره عن المسافات او شركات تأجير السيارات.[/ulist]

التخطيط راح يكون:

1. باريس (ثلاث ليالي)

2. النمسا وتحديدا:
- فيينا (ليلتين)
- زيلامسي ( 4 ليالي)
- سالزبورغ (ليلتين)

3. المانيا وتحديدا:
- رست (اليورو بارك)
- ميونخ (ليلتين)
- فرانكفورت (ليلة للمطار)

· بغيت اسامي فنادق بأسعار مناسبه لكل منطقة ان امكن وخصوصا ل رست وفرانكفورت.

· واماكن التسوق والاوت لت الي تنصحوووني فيهم

[ulist][*]· وهل تنصحوني اغير بعض المناطق ؟؟ وسالزبورغ هل اخليها او اشيلها؟[/ulist]

[ulist][*]· وفي النمسا .. هل تنصحوني السكن في كابرون او زيلامسي؟؟[/ulist]

[ulist][*]في يوم زايد فالخطه بس ماعرف من وين اشيل يوم ؟![/ulist]

وشكرررررا مقدممما ^_^

مواضيع عشوائيه ممكن تكون تعجبك اخترناها لك:

• استفسار عن المقاهي في دمشق
• تقرير حكايات شهر عسل اكشن
• الاستعلام عن طريق السفاره بالرياض
• الباص السياحي في فيينا
• استفسار عن زيلامسي 10 أيام
• ابغى جدول لرحلتي للنمسا
• استفسار بخصوص السفر الى نمسا
• طيران الوفتهانزا
• شكرآ جزيلأ وقبل شد الرحال بقي عندي سؤال
• حلمي سيتحقق بإذن اللهارجوو دعمي ومساعدتي
• ارجو المساعده
• سالزبورغ أوت لت
• ارجو مساعدتي للاهميه واستمرار الرحله او ألغائها
• هادي سفرتي
• خبراء النمسا ارجو المساعدة
• الى النمسا ولكن
• ي اصحاب الخبره
• من النمسا الى التشييك ذهاب وعودة في نفس اليوم / حسب الرغبة
• نرجو المساعدة من الجميع
• شهر عسل في زيلامسي

وعليكم السلام ورحمة الله وبركاته

التنقلات بالسيارة احلى شي
والمسافات لاتشيلين همها, لان المناظر تنسيك طول الطريق

بالنسبة لشركات التاجير
دخلي على موقع سيكست sixt
او موقع يورب كار eurpcar
وشوفي الاسعار
بس لاتغيرين رايك عن السيارة مهما كان السعر

بالنسبه لباريس ما انصحك بالسكن في فندق يكون قريب من الشانزليزيه لانه غالبا غالي
ولو سكنتي بعيد شوي المترو مايقصر

في فيينا دوري على فندق قريب من ساحة ستيفن stevin platz
وانتبهي انا سكنت في فندق طلع مش فندق
طلع شقة في عماره ويأجرون الغرف اللي فيها

في زيلامسي
انصحك في فندق سي هوف seehof
بتجين تشكريني على الفندق

للاسف ليه ماحطيتي انترلاكن في سويسرا في رحلتك
على كيفك الامر راجع لك

اليوم الزايد لاتشيلينه
اذا كانت عندك سيارة روحي من باريس الى جنوب فرنسا
الى مدينة غراس (عاصمة العطور)

انا مارحت لها
بس اذا تحبين العطورات لاتفوتينها

والباقي ماعندي معلومات عنهم
ان شاء الله باقي الاعضاء مايقصرون

شكراااا بو مريم على الرد
ان شاءالله بجووف زوجي عن انترلاكن ..
افادني ردك ^_^

انطرر البااقي يردوون ويفيدووووني اكثر

وووين مشرفييين النمساااا

مشرفي النمسا موجودين
وماقصر اخونا رائد ابومريم

ولكن
التخطيط اشوفه فيه تعب
وهو انك تبدأ الرحلة من باريس
ومن ثم ؟
اكيد الاقرب روست
المسافه من باريس الى روست تقريباً 550 كم
واعتقد حسب خطتك تبات فيها ليله
وفي اليوم الثاني تتجه الى زيلامسي
والمسافه 570كم
اعتقد ان مافيه اكثر من كذا تعب

ناهيك ان راح تروح على فيينا والذهاب لها من سالزبورغ 300كم ومن ثم العودة الى ميونخ 400كم

انا مااوافقك الرأي في هذا المخطط
السؤال هل لابد من زيارة فيينا ؟
هل لابد زيارة روست ؟
لان هالمدينتين كل وحده بجهة وراح تلقى صعوبة بالتوفيق بينهم ( الدعوى مو زواج )

فراح اقترح مخطط لكم

الوصول باريس ثلاث ليالي
ومنها بالطائرة الى فيينا ( الاسعار حلوه مو غاليه )
ومن فيينا تستأجر سياره
فيينا ليلتين
سالزبورغ ليلتين
زيلامسي او كابرون 4 ليالي ( على فكره هذه الايام مااقدر احدد لك سكن لان اغلب الشقق والفنادق تم حجزها )
نصيحتي السكن في كابرون هدووووء
ميونخ ليلتين
فرانكفورت ليله ( يتم تسليم السياره في المطار )

بالنسبة لمشاوير السيارة
اذا كان زوجك يتحمل المشاوير فاأنصحك بالسيارة
اما اذا كان من النوع اللي يصدع راسه من المشاوير ويتوتر
لا
انا كنت اقضي المشاوير في سماع قصص طارق السويدان عن فتح القدس
لان السيارة فيها مدخل يو اس بي وكنت مجهزها بالقصص

وبالنسبة للاسواق
يعدون اسواق ميونخ
انا مريتها مرور الكرام
وتمنيت اني اخذت يوم فيها

وبالتوفيق ان شاء الله

المشاركة الأصلية كتبت بواسطة الربيش
http://www.arabtravelersforum.com/tr...6/#post8270966

مشرفي النمسا موجودين
وماقصر اخونا رائد ابومريم

ولكن
التخطيط اشوفه فيه تعب
وهو انك تبدأ الرحلة من باريس
ومن ثم ؟
اكيد الاقرب روست
المسافه من باريس الى روست تقريباً 550 كم
واعتقد حسب خطتك تبات فيها ليله
وفي اليوم الثاني تتجه الى زيلامسي
والمسافه 570كم
اعتقد ان مافيه اكثر من كذا تعب

ناهيك ان راح تروح على فيينا والذهاب لها من سالزبورغ 300كم ومن ثم العودة الى ميونخ 400كم

انا مااوافقك الرأي في هذا المخطط
السؤال هل لابد من زيارة فيينا ؟
هل لابد زيارة روست ؟
لان هالمدينتين كل وحده بجهة وراح تلقى صعوبة بالتوفيق بينهم ( الدعوى مو زواج )

فراح اقترح مخطط لكم

الوصول باريس ثلاث ليالي
ومنها بالطائرة الى فيينا ( الاسعار حلوه مو غاليه )
ومن فيينا تستأجر سياره
فيينا ليلتين
سالزبورغ ليلتين
زيلامسي او كابرون 4 ليالي ( على فكره هذه الايام مااقدر احدد لك سكن لان اغلب الشقق والفنادق تم حجزها )
نصيحتي السكن في كابرون هدووووء
ميونخ ليلتين
فرانكفورت ليله ( يتم تسليم السياره في المطار )



شكرا لردك القيم ^_^ استوعبت ان الخطه فعلا متعبه

بس انا خاطري اروح ل يورو بارك .. لهذا السبب اخترت روست

اما بالنسبه ل فيينا ف حطيتها جي مادري ..

حطيت خطتك في عين الاعتبار والاغلب ان بامشي عليها

المشاركة الأصلية كتبت بواسطة رائد بومريم
http://www.arabtravelersforum.com/tr...0/#post8271160

بالنسبة لمشاوير السيارة
اذا كان زوجك يتحمل المشاوير فاأنصحك بالسيارة
اما اذا كان من النوع اللي يصدع راسه من المشاوير ويتوتر
لا
انا كنت اقضي المشاوير في سماع قصص طارق السويدان عن فتح القدس
لان السيارة فيها مدخل يو اس بي وكنت مجهزها بالقصص

وبالنسبة للاسواق
يعدون اسواق ميونخ
انا مريتها مرور الكرام
وتمنيت اني اخذت يوم فيها

وبالتوفيق ان شاء الله



شكرا عالرد يا بو مريم ^_^
السياره بنحجزها بإذن الله وعلى رايك وراي الاغلبيه السياقة ممتعه مع المناظر
متحمسه للسياره وااايد

بس عندي سؤال

اي افضل لسكن في باريس ؟
holidy inn paris-auteuil

or

hotel convention montparnasse

او اذا عندكم فندق احسن من هاي؟

على حسب ماقريت في موقع بوكنق اثنينهم بالقرب من الميترو وحوالينه مطاعم ومنطقه حيويه

يااا جمااعه .... ارجوووكم ردو علي عن سؤالي عن اليورو بارك بلييييز ابي اضبط خطتي واكمل حجوووزاتي للفنادق .... متوهقققه

سؤال ؟؟
اذا كنتي بتروحين باريس
ليه ماتروحين ديزني لاند بدال ماتروحين يورب بارك

ديزني لاند مذهله

المشاركة الأصلية كتبت بواسطة رائد بومريم
http://www.arabtravelersforum.com/tr...9/#post8274749

سؤال ؟؟
اذا كنتي بتروحين باريس
ليه ماتروحين ديزني لاند بدال ماتروحين يورب بارك

ديزني لاند مذهله




ايي ان شاءالله ديزني لاند مخططين نروحلها

بس سمعت ديزني لاند اكثر العابها للاطفال .. ف من جي حطيت يورو بارك