الموضوع: تحذير من شركة انترفال والمتوسطية للاستثمار فزتوا بجائزة احضروا معنا العرض ساعات

السلام عليكم ورحمة الله وبركاته

شركة انترفال العالميه +المتوسطية للاستثمار في دبي والبحرين وكل الخليج والدول العربيه انتبهوا
لو قال لكم اي واحد فزتوا بجائزة بس احضروا عرض فاترجاكم ارموا جائزتهم وانحاااشوووا

موضوع قاهرني ياعالم انتبهوا انتبهوا

انتبهوا من عصابات السرقة القانونية في دول الخليج وكل الدول الاخرى

شركة انترفال هي شركة عالميه سياحيه تضم الفنادق 5نجوم هوليدي ان وموفنبيك ومنتجعات كثيره واتلانتس وغيره)

المهم الشركه متعامله م كذا شركات صغيره فرعيه في كل دوله \
بقولكم القصه كلها :

رحنا للإمارات تحديدا دبي واحنا نتمشى ومستانسين في فستيفال سيتي مسكنا واحد مصري قال انا شكلكم عجبني وبسألكم سؤال لو جاوبتوا حتفوزوا برحلة اسبوع الى اي مكان في العالم حسب المتوفر في تذكرة الهديه

سألنا سؤال وجاوبت وقال خلاص هذي الهديه خذوها بس توعدوني انكم تروحون لشركتنا في مكان ثاني وتحضرون العرض
سألته : وشو العرض .. قال انتوا روحوا وحتنبسطواوتفرحوا والجايزه خلاص فايزين فيها فايزين فيها بس انتوا احضروا لاعرض 3ساعات او ساعتين وخلاص

قال زوجي وين المكان قال : الشركه بالدور الرابع في مدينة الغرير او الغرير مول ,, المهم قال الحين روحوا وحمسنا .. المهم رحنا للغرير
رحنا للغرير مادخلنا السوق ياليتنا متمشين كان احسن المهم طلعنا فوق مع الاصنصير البوابه 3 الدور الرابع ورحنا شركة المتوسطيه للاستثمار وكل شوي يدقون تعالوا تعالوا


المهم دخلنااستقبلنا تونسي وقال ان العرض الحين او المحاضره خلصت وبكره العصر تعالوا لنا ثاني مره قلنا اوكيه

ووقع على تذكرة الهديه وخلاص فزنا فيها لكن العرض ماله شغل بالهديه بس هم قالوا انكم اذا حضرتوا العرض تحصلون سحب على طقم الماس من داماس

ولاتكلم بخصوص العرض اطلاقا اسلوبهم فن الخباااااثه


ثاني يوم الصبح دقت وحده موظفه عندهم بشركة المتوسطيه واقنعتنا نجي العصر ويوم جاء الساعه 3رحنا وصلنا عل اربع الاربع ودخلونا وجلسونا في صاله عندهم بنفس المكتب وكلها طاولات وكراسي زي الفندق وكل طاوله عليها عائله ومعهم موظف

الموظف يتميلح ويسولف وينكت بعدين يدخل في الموضوع ويقول عن العرض وجلس معنا وحد اردني يتكلم

العرض عباره عن : (تتملك غرفة في فندق 5نجوم لمدة اسبوع من كل سنة في أي دوله بالعالم وأي منطقه )

كيف : تشتروون غرفه الحين من شركة المتوسطيه للاستثمار في منتجع النرجس في تونس (هم شركه تونسيه) تشترون الغرفه لمدة اسبوع لأننا شخصين ولو اكثر بيقولون لكم غرفتين ولاجناح وممكن اكثر من الاسبوع

المهم وتدفعون لهم مقدم وبعدين تقسطون عليهم واذا تقدرون تدفعونها كامله افضل لهم طبعا والتقسيط لايلزمك شهريا بل اي وقت تقدر تدفع

لكن اهم شيء الدفعه الاولى
لكن طبعا (لا يحق لك ان تطالبهم بتملك الغرفه او السكن فيهاالا اذا سددت نصف المبلغ او الدفعه الاولى ) حرميه صدق


الموظف جلس له والله العظيم 4ساعات يتكلم عن التملك وكيفيته ويسوي مقارنه بينه وبني تملك بيت عادي وطريق اقناااااع خبييييرررررره

وكل شوي اقول وكم المبلغ وكيف ندفع وهو يقول انتظروا خلوني اقولكم مميزات المنتجع

وتقدرون اذا تملكتوا الغرفه تتبادلون مع اي فندق في العالم كل سنه مره واذا ماقدرتوا تسافرون هالنسه وتستفيدون منها تعطونها لغيركم تبيعونها ممكن او تأجرونها يعني الناس مغفلين بيشترون ولا بيأجرون لو عرضتها عليهم


يعني ش استفيد اسبوع في السنه

ودخلنا على غرفة فيها شاشة عرض وجلس يسوي زحممه ويورينا المنتجع حق تونس (النرجس) ويورينا نظام الشركه ومعه كتالوج صور للشركه والفنادق في العالم اي فندق تقدر تبادلون معه

لو حاب تروح لامريكا وتحجز بأي فنق تبع الانترفال ممكن اهم شيء تتملك بالبدايه غرفه في منتجع النرجس

فهمنا الكلام ونشف ريقنا وريقه

واخرتها قال الموضوع المالي عند المدير المالي اكرم (جعله ماكو اكرم مثل هذا ) فلسطيني الجنسيه ويتكلم لبناني

المهم ويجلس يقنعنا قلنا مايناسبنا العرض قال انتوا ماراح تخسروا اشتروا وادفعوا على مهلكم وبحط لكم المده (اووووبن ) يعني مفتوحه متى ماحبيتوا تدفعوا القسط افعوه واي مبلغ مابنزنقكم (الله يزنقه بحاله يارب)

المهم ويقنع ويقنع ونقول له مانقدر يقول فيه ناس قطعوا رحلتهم وسفرتهم عشان يشتركون معنا لأن هذا عرض خااص

قلنا حسابنا مافيه الا 1500او 2000نتهرب وفعلا مافيه الا المبلغ هذا
قلنا له وهو مبلغ الباقي لرحلتنا هذي

وماشيكنا كم بقي قال خلاص تالوا شيكوا ع المبلغ عندنا صراافه

جاب الصرافه وزوجي دخل البطاقه وقال تشييك فقط وضغط عليها وهم سحبوا المبلغ بدون رقم سررررري


تخيلوا

سحبه واحنا ما قلن اسحب بعدين قال والناس جالسين كل عائله مع موظف يبربر عليهم قال : حيوا الاخ فلان الفلان اشترك معنا وتملك غرفه وفع الدفعه الصغيره وسحب 1500درهم والناس صفقوا طبعا الموظفين هذي طريقتهم في التشجيع

قلنا له ومن قال لك تسحب قال والله مابيضركم قلنا الا يضرنا

(ومايخلونكم لحالكم تتشاورون لازم يتدخلون ويجلسون معكم طول الوقت عشان ماتهربون )


المهم عورني راسي من الجلسه 5ساعات وتعب وارهقوا مخي وهذي طريقه (مقصوده يلحسون فيهالمخ)

وبعدها وقعنا العقد وقال ادفعوا على مهلكم حتى لو بعد عشرين او 50سنه

قلنا اصلا احنا مانبي عقدكم وخلونا نوقع العقد وصفقوا لنا

والعربون لايرد بعد استلام العقد ,,


المهم طلعنا من عندهم منقهرين وصلينا العشاء ورحنا لمطعم وجلس زوجي يكلم اللبناني مدري فلسطيني اكرم وبعدين خذت الساعه وكلمته وقال مانقدر نرجع المبلغ قلت طيب وين الذهب اللي تقولون بتحصولن عليه بنهاية العرض قال لا تستلمونه بعد ماتدفعون الدفعه الاولى وهي 25000 لأن المبلغ كله 50000

قلت يعني خذتوا المبلغ 1500 ريال وخليتونا كذا لابنقدر نكمل ندفع ولا اللي عطيتونا حقنا وبترجعونه قال ليه :
تسلفوا المبلغ من احد قرايبكم وكملوا رحلتكم ولا ارجعوا لبلادكم قلت انت وش دخلك وتشادينا بالكلام


وحاولت فيه واخر شيء قال اعتبري المبلغ ضاع ,, ولاتخليني اسكر السماعه بوجهك

قلت : يعني كذا ,, قال يا بنتي انتي اصبري واكيد بتقدري تكملي المبلغ على العموم بحاول في الشركه وعلى ان المبلغ دخل بحساب شركة انتر فال قلت في نفسي( وشلون يدخل في حساب الانتر فال الشركة العالميه واحنا بنتملك الغرفه في منتجع النرجس والفلوس عندكم ياشركة المتوسطيه ) !!!!!


قال بحاول :

المهم : زوجي قال غلطنا انو احنا وقعنا معهم العقد ,, لكن انا قلت لو ماوقعناه ماراح يرجعونه على الاقل اذا وقعناه بنفوز بالرحله ونستفيد او بالالماس لأن هم قالوا لنا كذا

ولكن كذبوا في النهايه وقالوا الالماس عند اكتمال الدفعه الاولى 25الف

المهم سكرت السماعه ويهو يقول بحاول

رحنا لفندقنا وباليل اصلي الوتر وادعي ان الله يفكنا من شرهم ويرجعلنا حقنا والح بالدعاء والسجود وقبل الفجر وانا ادعي وبكل وقت واستغفررر

ثاني يوم اتصلت عليهم و قال دوامي الساعه 4 واتصلنا عليه وقال اني حاولت فيهم وخلاص الفلوس راحت وهذا الكلام قاله لزوجي ...

انا انقهرت ومنن القهر لبست عباتي وقلت لزوجي يلاه بنروح قال بنعور روسنا قلت الله بياخذ لنا حقنا ان شاء الله بقوته
وهذا امتحان ودرس لنا عشان ثاني مره مو اي احد يقول تعالوا نروح لازم نفكر مليون مره او مانروح

عاد اقول لزوجي (المره الثانيه لو جدي يقولنا تعالوا عندي كلم عرض مانروح ابد ) خذت موقف


المهم ونركب المترو ونروح للغرير مول وطول الريق وزوجي يستغفر وانا ادعي واقرأ الاذكار

(والحمدلله احنا محافظين على الاذكار والاستغفار ) لكن هالمره ملحييين وبزياده وحماس يعني يمكنها خيره لنا عشان نستغفر اكثر ونعرف ان الله لايضيع اجر من احسن عملا

وصلنا الغرير ورحنا للبوابه 3 الدو4 مكتب المتوسطيه للاستثمار

ونطلع فوق الا هم مستضيفينناس ومسوين فيهم نفس الي سوو فينا عوائل سعوديه وغيرها خليجيه

المهم و نفتح باب الصاله ونلقى الموظفين لاهين يقنعون العالم اللي جالسه ( الموظفين هم مقيمين ولاصلاة ولا عباده بس احنا امس كنا مسافرني وجمعنا وقصرنا المغرب والعشاء وقبل مانجي مصلين العصر واغلب الناس كذا يصلون لأنهم سياح والله اعلم )

المهم ونحصل اكرم المدير المالي جالس بالصاله معهم بس على المكتب ويأشر له زوجي ويجي واحس انه توهق لأنه عرفنا طبعا

ويجي ويطلع علينا برى وقال ماقدرت والله كلمت لكم المدير ورفضوا والمبلغ نزل بحساب الشركه العالميه انترفا لويعيد الكلام الطويل

قلت اقولك دخلنا على المدير ,,, قال اوكيه

دخلنا على المدير ( شخص تونسي محترم وهااديء واستقبلنا كويس)

سلمنا وجلسنا وياه لحالنا واكرم طلع

قلت احنا كذا وكذا وكذا وارختها يسحبون بدون رقم سري ما ندري ان نظام السحب اذا طلعنامن السعوديه انهم يسحبون بدون رقم سري)

وهم سحبوا بدون اذننا ومامعنا الا هالفلوس قال مانقدر نرجع لكم المبلغ قلت مالنا دخل رجعووه

زوجي يتكلم بهدوء لأن الرجال محترم

وانا اول مره في حياتي انقهررر ويرتفع ضغطي قسم بالله جلست انتفض وزوجي يهديني

المهم قلت انا اكثر شيء قهرني ان اكرم يقول لي اعتبروا فلوسكم ضاعت وهذا اللي خلاني اصر انكم ترجعون المبلغ قال السعوديين مو بحاجة المبلغ هذا وهم تجار قلت من قال لك ,, قال اكرم يدافع عن الشركه ,, قلنا واحنا بندافع عن حقن وصرت انا اتلكم وزوجي بس يقول لي اذكري الله

السعوديين مو كلهم vip واكثرهم طبقه كادحه ورواتبنا عاديه وانتم مستغلين وضع الخليجيين وبالذات السعوديين

قال انا عشت بجده سنه واعرف كلهم طبق غنيه ...
وقال يعني بتقنعوني ان مامعكم الا هالمبلغ قلت وانت وش دخلك اذا معنا الا هو

انا بجلس وماراح اطلع الا بالمبلغ معي لو انام هنا 3ايام , قال انتوا رحلتكم بعد بكره (لأنهم سألونا قبل يبدأالعرض)

طريقتكم غلط وجت بالاقناع والغصب وغير كذا تسحبون من غير اذن مننا والبطاقه معنا هذا شيء لايصدق لسنا مغفلين لكن تستغفلونا ليه؟؟؟؟ يعني عندكم موظفين قمه بالاقناع والاحتيال


والله العظيم قال وبالحرف الواحد (احنا موظفينا خبراء ) أو قال (احنا خبراء ) تخيلوا!!!


قلت بتعلمني انكم خبراء انا ادريامنتم اكبر من الخبراء !!!
قلت ايوه قال مانقدر نحول لكم المبلغ من الحساب الا بعد 3ايام (شوفوا عشان يبي يطمنت انو رحناوخلاص ننسى السالفه ) قلت بمدد الاقامه 3ايام واشوف بيرجع المبلغ والا لا ؟؟

قال كيف تمددون وانتم تقولون مامعنا ميزانيه ,, قلت الله بيرجع حقنا وبنمدد بالفلوس اللي خذتوها مننا

(طبعا احنا معنا خير لكن مو بالبنك بل كاش في شنطتي )

المهم وقمت انفخ وماعاد قدرت اتحمل غصبا عني واخر شيء انخفض ضغطي

قال طيب وش اسوي لكم الموضوع قانوي قلت اناعارفه ان الموضوةع قانوني قال روحوا اشتكوا عند اي دائره حكوميه قلت طيب انت عارف انو مانقدر نشتكي لأنه قانوني لكن ضميركم للأسف بعيد عن القانون وسرقتونا

قال ما اسمح لك وانتي طريقتك بالحوار غلط لكن روحي اشتكي

قلت طيب بيني وبينكم المواقع والصحافه وبكره في صحيفة الخليج موضوع خاص فيكم ان شاء الله لي قريب في صحيفة الخليج حقا

فوقت انا وزوجي وانا اتكلم وزوجي يقول خلاص اعتبورها هديه لكم قلت هديه حرام علكيم ان شاء الله يف تاكلون حرام
هو خاف من الصحافه قال طيب يا اختي انتي ليش تهددي ,, واذا بنرجع حقكم فهو عشان الرجال الطيب مو عشاني ,, قلت لاترجعوه خلاص بس تحملوا مايجيكم انا ما اهدد انت بديت وقلت روحي اشتكي وقانوني ومدري ايش وانا قلت لك الصحافه قال انتي معصبه وبجيب لك شيء تشربين قلت يكفي اللي شربناه وينادي الرجال اللي عندهم جايب لنا امس قهوه واليوم شافنا واحنا معصبين قال شوف وش يبغون يشربوا

قلت يكفي اللي شربناهمنكم وكنت مصعبه وعيوني حمررر وزوجي خااايف علي ماهمه الموضوع يقول 1500 طفسه

قلت ماضيعنا الا كذا

المهم وقال زوجي جب لها ليمون زي الافلام عشان تروق

المهم ويجيب عصير وماء لزوجي قلت ما اشرب شيء امس شربنا قهوتكم ودخنا وقمتوا تاخذون منا فلوسنا وتلعيون علينا واليوم بعد بتكلمون الناقص

وقعد يضحك قال روقي خلاص ويقوم المدير ويكلم بالتلفون ويسأل هل نقدر نحول لهم الفلوس بالحساب يتكلم بالانكلش بس اعرف وش يقول ثم سكر السماعه وقال خلاص بحوله لكم شيك عشان بكرهعندنا اجازه يوم الاثنين والثلاثاء بعطيكم ايها قلت لا مسافرني الثلاثاء نبغاه الحين .. ضحك قال اقولك بكره او بعد بكره ما اقدر لأننا بنعطيكم اياه من عندي شوفوا النصب اصلا المبلغ في حسابكم وشو له الكذب


(وكنت ناويه لو مارجعوه لادخل على صالتهم في مكتبهم واعلم الناس ببلاويهم وانهم كذابين وحراميه
وهم حاطين عنوانهم المتوسطيه وضوح ومصداقيه هذي جمله كل شوي يقولونها الموظفين وهم اكذب خلق الله في الارض ...)

عاد زوجي كان يقول له اعتب رالموضوع انساني ماله خص بالشركه ولو انت جيت السعوديه نصيت اي واحد ومامعك شيء والله ليفزع لك ويوفق معك قلت تراه مايعرف وش يفزع لك ومايفزع لك

المهم قال اجل بكره يوم الثلاثاء لا ,, قال الاثنين اجازه قلت مايخصني .. طلع برى وراح يكلم شكله يكلم مديرهم الكبير اللي في تونس ويقول الحرمه بتشهر نبا في النت والصحافه او انه اتفق مع اكرم يدبرون لي المبلغ

المهم 10دقايق ورجع وقال خلاص المبلغ بره تعالوا استلموه من الشركه حقتنا شيك بس مو من هنا لا بفرعنا الثاين في ديره سيتي سنتر

يعني لهم 3فروع بدبي انتبهوا

المهم قلت اوكيه واسفين على الازعاج وقال لا عادي عادي ويضحك ويتبسم مايدري اي مصورته ومصوره مكتبهم وشركتهم عشان لو مارجعوا حقي اشهر فيهم واصلا انا ناويه اشهر بهم كذا ولا كذا لأنهم نصابين وحرام اللي يسوونه بالناس

المهم ودعنا لحد الاصنصير (يخاف ادخل على الصاله ويسلم على زوجي ويقول لي اعتبرك مثل اختي وما ازعل منك وو شايب وش كبره قلت قل بنتي المهم قلت اسفين ان كان غلطنا وبكره نتظر المبلغ جلس يضحك يقول خلاص وش فيك مومصدقه ترى هذا تعامل انساني مني ولا الشركه مترجع الفلوس ابد )

المهم ودعنا وخلاص

ومن ثاني يوم قمنا الصباح واتصلنا عليه لأننا طلبنا رقمه ورجعنا له العقد والسند وكل شيء قلنا انها بينا وبينك وهذا وعد وانت عند وعدك والعقد مايفيدنا بشيء سواء كذا ولا كذا احنا الغينا العقد معك وفلوسنا مابترجع بس الموضوع صار غصب وانت وضميرك


يعني رقم تليفونه عطانا اياه وخذ رقم تليفونا الاماراتي

واتصلت عليه وصار مقفل وارسل رساله وبعد نصف ساعه اتصل هو علينا وقال روحوا تحصلوه عند واحد اسمه مستر شافيل في مكتبنا الي بديره سيتي سنتر للحين خيف اجيهم وافضحهم


المهم ونروح بالمترو لسيتي سنتر وندورمكانهم 2ساعتين في نفس المول وصار هو خارج المول بين سيتي سنتر وفندق سوفتيل وكل شوي نتصل عليه ونسأله وهو يقولناونتأسف منه ويقول عادي المهم ار شيءلقينا موظفين بالريسبشن وقال الموظف مافيه عندنا شافيل (لعب الفار بعبي ) قلت اخافها نصبه بس قلت الحق الكذاب لين عند الباب

المهم اتصلنا عليه خامس مره قال اطلعوا فوق وفعلا حصلنا مكتبهم المتوسطيه فوق وكان عباره عن مبنى كله مكاتب وشركات ومن بينهم هالشركه وقلت لمديره مصريه محجبه انهم تحت يقولون مافيه شافيل اتصلت عليهم وهزأتهم بالانكلش وقالت انزلوا تحت مع الفلبينيه وكانت خلوقه

ويوم نزلنا فتحوا الباب وحصلنا واخيرا استلمنا الشيك وقلنا نبي نصرفه قريب قال فيه فرع هنا في سيتي سنتر بنك دبي الوطني ورحنا وصرفنا الشيك وخلاص الحمدلله


حمدنا الله اللي عقل علينا دريهماتنا

حبيت احذركم منهم وانتبهوا
واللي يقهرني اكثر انهم يجيبون رجال كبار شياب مع عوائلهم ويحشرونهم حشرر والمشكله الرجال يقول لهم بوجههم مايناسبني ويحشرونه اكثرررر والله وربي

شركة انترفال نصاااااااااابه وغير كذا حتى لو دفعتوا كامل وتملكتوا وكل سنه رحتوا وخلاص بس ترى نشاط الشركه كله ربا وانا تأكدت وانتوا تأكدوا منهم في المواقع والنت وادخلوا قوقل وابحثوا وتشوفون



وحسبي الله على كل واحد يستغل الناس وظروفهم

يعني مو كل واحد يقول لكم فزتوا بس احضروا معنا عرض ولا ندوه ولا محاضره توافقون فكروا مليووون مره واقروا قصتي

هذا وصلى الله على نبينا محمد وعلى آله وصحبه اجمعين

والحمدلله رب العالمين


يرجى نشر القصه للتحذير والاهميه وحلال عليكم يمكن تنقذون عائله مسكينه رايحه سياحه وعلى قد حالهم وينسرقون بسبب انهم شركة خبراء زي ماقالوا احنا(خبراء)



واسفين على الاطاله


____
منقول

مواضيع عشوائيه ممكن تكون تعجبك اخترناها لك:

• فندق العنوان دبي مول
• ابي رايك ضروري جدا جدا خاص عرب لينك
• اسعار الصرف اليوم الجمعه مطار ابوظبي
• مساعدة لو سمحتوا
• الطريقه الجديده لرفع الصور بعد التحديث الجديد بوابة الامارات
• دبي مساعده
• فنادق للماريوت في الإمارات خلال
• عرب لنك بليززززززززززززز
• فلاي دبي مباشرة إلى تشيسناو مولدوفا أوربا
• الي بدبي لو سمحتو يفيدوني
• لاعدمناااااااااااااااااااااكم عندي أستشارة مسافر دبي بعد اسبوع
• مطار دبي يطرح كبائن نوم » للمسافرين
• تم الحذف لمخالفة قوانين المنتدى
• سؤال بخصوص تفويض السياره
• البحث عن شقه خمسه نجوم في دبي مارينا اوستي سنتر
• اشتقنا للبحر ولمرسى البندر
• مسافر غداً أريد فنادق أو شقق قريبة من معرض جتكس
• استفسار بخصوص الشقق المفروشه في دبي
• محتار بين نوران ودوست مارينا؟؟؟
• استفسار عن

هههههههههههه
دمعت عيني وانا اقرأ موضوعك من طوله هههه ترى مداعبه بس

انا زيكم جاني انا وزوجتي وقام يبربر علينا قلت له سقها بس
مشاء الله بتعطينا جوائز وذهب ويقول احضرو بس

تراهم نصابين موجودين باسواق دبي بكثره لا تصدقون ولا واحد

الف شكر على التنبيه

جزاك الله خير على النقل

ياما شفتهم بمصر وانواع الطناش

وايضا في الرمال سنتر بالرياض ومجمع العرب بجدة

اسم الشركة جنة الصفوة

هذول شركة نصابة وموجودين في كل الدول العربية ، شركات تبيع التايم شير وكلو نصب في نصب وحرمنة في حرمنة
بستغلو الايقاع في الناس وبحطوهم تحت ضغط نفسي ، احسن اشي بس يجيك هيك شخصية ويسألك الاسئلة الثلاث ، جيبو استهبل عليه، يعني بس يقولك وين حاب تسافر احكيلو على بيتكم ، واذا سألك وين الاهرامات احكيلو في امريكا واذا قلك اعطيني 3 بلاد ببدأو بحرف الاف احكيلو سوريا مصر وليبيا
هيك شخصيات بخلوهم يصطادو الناس، وفي الهم مندوبات ، المندوبات بروحو للشباب عشان يدلعو عليهم ويقنعوهم يحضروا العرض وينصبو عليهم

تسير دائم وفي كل مكان

اين الرقابه عنهم !

الشرهة على اللي يعطيهم وش

مشكور على الخبرية المنئولة

حسبى الله عليهم و على من سمحلهم ينصبون على الناس

المشكله انهم عارفين ان الناس كاشفينهم و وجيهم مغسوله .. احسن شى اذا كلمك احد منهم خلك فى طريقك و لا ترد

عليه ولا تعطيه بال

تحياتى

صادفت مثل هاذي الشركات في دولة عربية بطريقة التايم شير و الباسبورت الأحمر و كلهم بنفس الطريقة كله ضحك على الدقون و الحمد لله ما طحنا في خدعتهم و فوجئت الحقيقة بوجودهم في السعودية و شركات أخرى بنفس طريقتهم يعني يصادفك انت و أهلك و انت ماشي في المول أو و انت خارج من السوبر ماركت موظف عربي يقول كسبتوا جائزة و احضر انت و العائلة الفندق الفلاني هناك تستلموا جائزتكم و من هاذي اللحظة تبدأ رحلة الكذب و الخداع حتى تكتشف آخرتها بعد الهجولة و المرمطة إنك شربت أقوى مقلب في حياتك

السؤال الكبير اللي يطرح نفسه مين اللي أعطاهم التصاريح و رخص العمل عندنا في السعودية و هم شغلهم كله خداع و نصب و أمام الملأ؟

مرحبا

غاليتي نفس الي حصل لك حصل لنا هذا الصيف في دبي بس اختلاف بسيط في البداية حيث ان ان موظفه في كشك في وسط سوق الامارات مول نادتنا وعطتنا استمارة وقالت عبوها وكانت حلوه وتتكلم انجليزي وبعدها نفس السيناريو الي حصل معك حصل معنا
حتى انني وانا اقراء ما كتبتي شكيت اني انا الي كاتبه الموضوع مع العلم انه لم يسبق لي التسجيل في هذا المنتدى الرائع وسجلت فيه بعد ما قريت موضوعك هذا مباشرة
الشركه الي صادونا اسمها نادي عطلات الامارات ومقرها فندق امارات قراند
نفس العرض بس الهدية ليلتين مجانيتين بعد اربع عشر يوم من زيارتنا لهم ومدته ثلاثه اشهر وعطونا الوصل على الرغم اننا لم نوقع معهم عقد ا بس انا كنت ذكيه وطلبت من زوجي ان يتصل على قريب لنا هو استاذ باحدى الجامعات بالسعودية وخبير في الاقتصاد مدري ليش خطر في بالي واصريت على زوجي انه يتصل عليه وكان ودي اصور وجه التونسي الي كان معنا يوم قاله زوجي ان قريبنا يقول ( انحش )
قال اصلا وش يعرفه بنا وبشركتنا واذا كان دكتور مو معناه انه يعرف كل شي وحاول انه يضغط علينا ويوم شافنا مصرين نمشي نادى لنا وحدة مصريه يقول انها مديرته وحاولت بكل قوه ومكر وخداع انها تجرنا ونوقع العقد بس يوم شافت ما فينا رجاء قالت على الاقل روحو خذو هديتكم وترى مالها دخل ان وقعتو العقد ولا ما وقعتو تبينا نستحي بس والله اني اعرف ها الاشكال ما ينوثق فيهم
وانا بعكسك يوم قالت ان كان ما تقدرون تدفعون العربون ينخفضه لكم قلت لها بالعكس نقدر ندفع المبلغ كله كاش ( سعوديه وتميلح تحب الفشخره ) بس الحمد لله ربي فكنا منهم
هديتهم اخذنها عبارة عن ليلتين مجانيتين في الفندق وانا اشك فيهم وما اصدقهم انهم يبون يفون بوعدهم 0 سبحان الله موضوعك حمسني للرد لاني من وصلت وانا ابحث عن الشركه واحاول ان اعرف عن عرضهم اي شي بالنت وما حصلت الي قالو لنا عنه 0

احلى ما فيه السالفه انني سجلت في ها المنتدى الرائع من زمان كنت ارغب بالتسجيل به لانني استفدت منه كثرا
جز الله القائمين عليه خير الجزاء

شاهدتم في فيستفال وأطردهم ولا أعطيهم وجه لأني أعرف أنهم نصابين

السلام عليكم

هذا الموضوع بالكويت بعد نصابيييين

ويوم جيت دبي قبل أسبوعين بالمطار قال فزتو ومثل هالكلام وخذى رقمي وكل شيئ

والصراحه مارحت وقلت للأهل خلونا نروح دبي مول والحمدلله كانت خيره


الله يساعدنا على شركات النصب هذه

وعليــكم السلام ورحمة الله وبركاته


ماشاء الله عليها و الله لازم اتكون كذا عشان الحق مايضيع


الصراحة انا اعرف انو مثل ها النصابين موجودين ببعض الدول العربية لكن الي استغرب له وجودهم في دبــي ولا احد


يكلمهم


انا اخر مرة في دبي مول فيه واحد مصري جا كلمني لكن قال ناخد العوائل الحمدلله احسن هههه


لكن لازم تشتكيهم حتى لو اخدت حقهم على اساس ما يكون فيه ناس ثانية تطيح في نفس المشكلة


جزااك الله خير




تحياتي

الصراحة انا اعرف انو مثل ها النصابين موجودين ببعض الدول العربية لكن الي استغرب له وجودهم في دبــي ولا احد


فعلا مثل ما قال الاخ الكريم فعلا غريبة تواجدهم في دبي ؟؟؟؟؟
احس انهم يسؤون لسمعتها الرائعة كثيرا

الحمد لله زوجي يعرف لهم زين من شافوة متكشخ بالثوب والغترة قالو فزت معنا بس اهم شيء تحضر قال ابشر
وسجل الاسم والجوال ويتصلو بتحضر قال احضر بكل سرور هههههههههه وقفل الجوال وسحب عليهم وانا اشاور اقول نروح ما نروح ههههههههه وطنشت قلت الوقت يضيع عليا اتسوق افضل لي ههههههههههه
وطنشنا ما رحنا قال اصلاً اعرفهم بس اجاوب واسحب عليهم سيفون هههههههههههه

الحذر كل الحذر من هالاشكال والله يغنينا بحلاله

المشكلة فينا حنا

معليش هم لقوا ضالتهم فينا لأننا نحب الاضواء و الاهتمام

فهم شغالين على ها الاساس ....... و الخليجي يحب انه يكوون محط انظار الناس

واستغرب انهم ما ينصبون على ابناء جلدتهم الله ياخذهم هم و ابناء جلدتهم

و الله ان مو خررب السياحه في دبي الا مثل ها العرب النصابين

-----------------------------------------------

اللي يبي حل سررريع اذا نادوووك :::

اسفههم ( يعني خل وجهه يطيح وهو يناديك قدام الناس و انت مطنش ))

اما اذا انت تحب التفاخر و شوفوني يا ناس قاعد يناديني بالباشا و البطل فتحمل ما يجيييك

ياكثرهم بمصر وبالذات في شرم الشيخ سحبت فيهم لين ماقلت بس ههههههه

شفتهم بأحد مولات دُبي قبل أسبوع ..

قال لي أنت فزت بجائزة ..

قلت أنتم تايم شير ..؟

قال أيوه تايم شير لكن مو أي تايم شير ..!

قلت له انتوا ما انقرضتوا الى هالحين ..؟!

يالله مع السلامة ..

تعال .. تعال .. تعال ..

التايم شير عالمي و يحتاج واحد فاهم الطبخة جيّد و بكل تفاصيلها لأنّنا للأسف تأخذنا العواطف و يتم استدراجنا بالكلام المعسول ..!

حسبي الله عليهم والله وقعه صراحه

يوووه الله لا يوفقهم

أذكر مسكوني أنا وزوجي مع العيال

ونفس الطريقه

نحن صادفناهم بمصر وما عبرناهم

قلنا حراميه أكيد

بس في دبي ما توقعنا يكونون نصابين

ورحنا العرض بس ما قدر ياخذ منا حق ولا باطل

قال ساعتين وجلس أكثر من ثلاث ساعات يتكلم

آخر شي قلت له بوجهه ترى راسي عورني

وكنا بهذيك الفتره نخطط لمورشوس

وزوجي قال له ومن يقول

إلا يبغي ياخذ فلوس موريشوس منا

قلت لزوجي أنا قلبي مب مرتاح وخلنا نطلع عنهم نصابين

وما قدرنا نطلع عنهم لين قلت له شوف

أنا أدفع ستين ألف بمكان وأنا متطمنه ولا أدفع عشرين الف بمكان وأنا مب مرتاحه

ساعتها شاف أنه مافي منا أمل

بس كان يحاول

ونحن تركناهم وطلعنا

حسبي الله عليهم

بس لازم تكونون حذرين ولا تدفعون فلوس عشان تشترون شي بالهوا

فعلا كثير من اللي اعرفهم للاسف يطيحون بمثل هذه المواقف

والمكاتب تبعهم منتشره بخاصه في السوق الصيني لهم عدة اكشاك

يرجى الانتباه منهم

وكلنا امل في تحرك حكومه دبي حيال مثل هذه المكاتب المحتاله

وتوجد نقطه مهم في الموضوع امل التركيز عليها

وهي امكانيه السحب من بطاقة الصراف الالي عن طريق الشبكه بدون الرقم السري
وهذا سبق ان حصل معي في البحرين والامارات
واستغربت ذالك صرااااحه

فالانتباه واجب وبخاصه لهذه النقطه التي لا تقل اهميتها عن المكاتب
بخاصه في حال فقدان المحفظه او سرقتها لا سمح الله

بالتوفيق ،،

شكراً على التحذير ... بس اذا فيه عندك صور للنصابين انشريها.

مريت بهالموقف وكان في شخص من الجنسية المصرية استوقفني

وعطاني تفاصيل عن هالعرض وعطاني معلومات عن مكان وزمن العرض

لكن بمجرد انه راح طنشت الموضوع تماما بالرغم انه كان يتصل علي لكن ماكنت ارد !

لازم نتعلم من هالأشياء لأن هالشركات مهما حطت للشخص القمر بايد والشمس بايد

هدفها مشبوه

ياكثرهم والحمدلله أني اذا شفت واحد منهم وقالي فزت أقوله في وجهه أنت كذاب ويسكت ويروح هذا أنسب جواب لهم لأني تعبت معهم اذا جاملته وقلت مشكور ما أبغى ينشب ويجلس يطاردني ياباشا ياباشا أنت فزت أنت ربحت مبروووك وأقولها لكم وجربوها أحسن حل لهم اذا قابلك أحد منهم قل أنت كذاب وتوكل على الله

ومشكورة على النقل لكن عتبي على زوج كاتبة القصة وش فادتك المجاملة راحت أيامك كلها مطالبات وعوار رأس مشكلتنا أننا نستحي ولا المفروض ماتجلس تبرر له أن ماعندك فلوس وتطلع البطاقة قل ما أعجبني عرضكم وقم قل عندي شغل وأطلع

اهلا بكم جميعا ..لكني اردت ان اكون منصف مع الجميع ...

اولا مو كل شركة هي شركة مصرحه ولها وجود وحقيقه على الواقع...

ثانيا مو كل منتجع يسوقون له يستاهل ان تشترك معاهم ..

ثالثا مراعاة السعر واللون المناسب لكل شخص كل وحسب اجازاته .

رابعا كل دوله وكل منتجع يسوق له وله سعره ..

خامسا انا مشترك منذ 13 سنه والحمد لله حللت الفلوس اللي دفعتها وزياده ماظل بلد مارحت له عن طريق اشتراكي ..

لكن لازم تحط في بالك عدة اعتبارات مهمه جدا اولها الوقت ثانيا التبكير ثالثا فتح مجال السفر رابعا موقع الريزورت المشترك فيه ..

سادسا انا مو جاي اسوق لاحد لكن عندي والحمد لله خبره كافيه بكيفية الاشتراك ومالهم وماعليهم ..

سابعا اي شخص عنده مشروع او مقبل على مشروع كبير لايشترك .. لانها محتاجه منك انك تكون هاوي سفر ..وماعندك اي التزامات مستقبلية على الاقل في السنوات الثلاث المقبله ..

واي استفسار انا حاضر ولكم خالص تحياتي

الحمدلله ربي ستر ..

بس أحسبي كم تكلفتوا على ما ترجع لكم الفلوس ! ..

يالله .. قدر الله وما شاء فعل .. وكل كف بتعليمة

أنا ودي نتعلم حنا العرب شي واحد ..

الشي الواحد هذا الأجانب يعلمونه عيالهم قبل لا يتعلمون النطق ..

يعلمونه الكلمة هذي أول ما يبدا يتكلم ..

القاعدة هذي اسمها ..

dont talk to the stranger
لا تتحدث إلى الغربااااااااء

مفروض احنا ما نتحدث إلى الغرباء ..

وإذا حدث وهم تحدثوا إلينا .. ما نسمع لهم ..

صدقوني الفلوس والجوائز لازم الواحد يركض وراها موب هي تركض وراه

وكمان حنا عندنا عيب قوي يالخليجيين .. ألا وهو

المجاملة !

ليه نجامل .. ولا لحظة من وقتنا مفروض تنهدر بشي ما نبيه !

وليه نجرب شي مجهول ..

نبي نجرب .. لازم يكون عندنا فكرة كاملة عنه

النت ما خلى شي .. كل شي يعلمك عنه

لا تعطي فرصة للتجارب الغير سارة أو عالاقل الغير ممتعة أن تخرب عليك أي يوم او أي لحظة

أنا أشوف الأجانب .. إذا جا احد يسألهم سؤال ..

ممكن بكل بساطة وهو يحكي يسفهونه ويمشون

ولا ألومهم ولا أنقد عليهم .. بالعكس أغبطهم .. وصرت أسوي زيهم

كل انسان من حقه يحافظ على وقته ونفسه

كذا لازم نسوي

إذا احد نشب لنا .. ما نلقيه باااااال ..

وكانه يحكي على نفسه .. وإذا نشب مررة ننادي عليه السكيورتي والبوليس بعد ..

مشكلتنا إننا ننحرج إذا صرنا تحت الأضواء ..

نحاول نبعد عن اللغط لو فيها غلط علينا

بالعكس هو الغلطان -النصابين أياهم- موب حنا



والله يعز علي إننا إننا نكون ملطشة للنصابين

والله ضاق صدري يوم قلتي المكان كله عوايل سعودية

والله ما يصير يا جماعة .. النت ما خلى شي ما علمنا أياه

الله بس يعطينا على قد نيتنا

المشاركة الأصلية كتبت بواسطة alihasan240
http://www.arabtravelersforum.com/tr...4/#post6001554

اهلا بكم جميعا ..لكني اردت ان اكون منصف مع الجميع ...

اولا مو كل شركة هي شركة مصرحه ولها وجود وحقيقه على الواقع...

ثانيا مو كل منتجع يسوقون له يستاهل ان تشترك معاهم ..

ثالثا مراعاة السعر واللون المناسب لكل شخص كل وحسب اجازاته .

رابعا كل دوله وكل منتجع يسوق له وله سعره ..

خامسا انا مشترك منذ 13 سنه والحمد لله حللت الفلوس اللي دفعتها وزياده ماظل بلد مارحت له عن طريق اشتراكي ..

لكن لازم تحط في بالك عدة اعتبارات مهمه جدا اولها الوقت ثانيا التبكير ثالثا فتح مجال السفر رابعا موقع الريزورت المشترك فيه ..

سادسا انا مو جاي اسوق لاحد لكن عندي والحمد لله خبره كافيه بكيفية الاشتراك ومالهم وماعليهم ..

سابعا اي شخص عنده مشروع او مقبل على مشروع كبير لايشترك .. لانها محتاجه منك انك تكون هاوي سفر ..وماعندك اي التزامات مستقبلية على الاقل في السنوات الثلاث المقبله ..

واي استفسار انا حاضر ولكم خالص تحياتي



ليتك تعلمنا أكثر وتعمل تقرير عن تجربتك لحد الحين

لأننا سألنا ناس مشتركين بالهوليدي إن .. ومدحوها

بس بالنسبة لأمريكا (واللي هي محطة مهمة لنا خلال السنة) ..

قالوا لنا إنهم يرحون باشتراكهم بالتايم شير بكل سهولة لفلوريدا

بس لازم تبكر بالحجز

قمنا حنا حاولنا نجرب نحجز للوس انجلوس .. لقيناها بوكد ..

تخيل من الحين بوكد .. والوقت المطلوب الصيف الجاي إن شاء الله !

معناتو هذي مارح تناسبنا

عشان كذا ودنا نعرف تجربتك .. وجزاك الله خير

انا واجهت مثل الموقف هذا في حمر عين وتقريبا بنفس الأسلوب

في النهاية قلت مابي عرضكم وعصبت تقول ليش ؟؟؟

المهم يجب تقديم شكاوى ضدهم وعدم السكوت عليههم

انا برضه قد قدموا علي شركة نسيت اسمها ومشروعهم هو دبي لاقووون ويقولون بينتهي المشروع في بداية 2011
وهو عبارة عن فلل وشقق
والحين بندخل 2012 وما صار فيه شي الحمدلله اني ماشريت منهم شي
بس الصراحة عندهم طرق للاقناع خيالية بس اللي يدقق في حركاتهم يكتشف اشياء غريبة ونصب واضح.

طيب يا اخوان فيه احد تعامل معهم .
لأني بصراحه وقعت في الفخ.
لكن هم قالو يمكن انك تبيع الشقه.
وبعد قرأتي لموضوعكم , عندي نيه قويه ابيع الشقه .
وخذت منهم تعهد انهم ما يبيعون خمور ولا يوجد في المنتجع مراقص

أشكر الاخت http://www.arabtravelersforum.com/user181702/ لطرح التجربة انا لي كم يوم ابحث عن مثل هالموضوع

انا جاي من دبي لي يومين كانت رحلتي من 5 \9\2011 إلى 15\9... وكانت رحلة جميلة ماكدرها الا هالموضوع
كنت ناوي اكتب موضوع بخصوص اللي صار معي وهو بأختصار نفس اللي صار مع صاحبة الموضوع لكن باختلاف بسيط
لكن يوم شقت موضوعك قلت اخلي موضوعي بشكل رد في موضوعك ونتبادل وجهات النظر مع جميع الاعضاء.

وافقت على عرظهم بعد ما وجعو راسي لا وجايهم ما افطرت ولا تغديت دوبني صاحي من النوم و3 ساعات وهم يقرقون

والله الحمدالله ربك ستر

انا الصيف كنت رايح لندن عن طريق الامارتيه وقلت خلني اجلس 3 ايام في دبي في الروحه المهم حجزت الفندق من الرياض عن طريق مكتب سياحي وانا في المطار جاني مصري وقالي حنا عندنا فندق جديد ومسوين عليه عروض وبنعطيك ليلتين مجانا عشان تجرب الفندق انت حاجز ولا لا قتله اي والله للاسف حاجز قالي خلاص تعال اي وقت الفندق وتفرج عليه بس خذ فكره عن الفندق واخذ ارقامي وكل شي
وانا اقول لزوجتي ياريتنا ماحجزنا متحسف خخخخخخخخخخخخخخخخخخخخخخخخخخخ
وثاني يوم وهو يدقدق علي بس مارديت عليه مو عشان شي بس متاكسل اروح خخخخخخخخخخخخخخخخخخخخخخخ والحمدالله جت لصالحي

الحمد الله افتكيتو منهم


اغلب السفرات لدبي نحصل النوعيه هذي من النصابين

بس اللي اذكره

كنت ماشي مع زوجتي جاء احدهم وقال على طوول كسبت معنا جائزه عباره
عن طقم الماس

ههههههههههههههههههه
والله لو اني مغفل بصدقه


اعطاني ورقه فيها رقمه ورقم آخر للتمويه (( يعني سحب ))

وقالي تروحون الدور الثاني مدري الثالث

ويصر على بالحضور ويقول الجائزه بنتظارك

وانا ماشي قلت في نفسي يصير خير

ويجلس يدور صيده جديده

وانا طالع من المول واشوفه مع خليجي (( ينصب عليه ))

وارمي الورقه قدامه
الخليجي فهم الحركه وضحك

قسم بالله عصب لدرجة عيونه صارت حمراء هههههه كنها اشاره

واعطيه ظهري وامشي

...................

كلام الاخت شيهانه درر ... يعطيك العافيه


الحمدلله ربي ستر ..

بس أحسبي كم تكلفتوا على ما ترجع لكم الفلوس ! ..

يالله .. قدر الله وما شاء فعل .. وكل كف بتعليمة

أنا ودي نتعلم حنا العرب شي واحد ..

الشي الواحد هذا الأجانب يعلمونه عيالهم قبل لا يتعلمون النطق ..

يعلمونه الكلمة هذي أول ما يبدا يتكلم ..

القاعدة هذي اسمها ..

dont talk to the stranger
لا تتحدث إلى الغربااااااااء

مفروض احنا ما نتحدث إلى الغرباء ..

وإذا حدث وهم تحدثوا إلينا .. ما نسمع لهم ..

صدقوني الفلوس والجوائز لازم الواحد يركض وراها موب هي تركض وراه

وكمان حنا عندنا عيب قوي يالخليجيين .. ألا وهو

المجاملة !

ليه نجامل .. ولا لحظة من وقتنا مفروض تنهدر بشي ما نبيه !

وليه نجرب شي مجهول ..

نبي نجرب .. لازم يكون عندنا فكرة كاملة عنه

النت ما خلى شي .. كل شي يعلمك عنه

لا تعطي فرصة للتجارب الغير سارة أو عالاقل الغير ممتعة أن تخرب عليك أي يوم او أي لحظة

أنا أشوف الأجانب .. إذا جا احد يسألهم سؤال ..

ممكن بكل بساطة وهو يحكي يسفهونه ويمشون

ولا ألومهم ولا أنقد عليهم .. بالعكس أغبطهم .. وصرت أسوي زيهم

كل انسان من حقه يحافظ على وقته ونفسه

كذا لازم نسوي

إذا احد نشب لنا .. ما نلقيه باااااال ..

وكانه يحكي على نفسه .. وإذا نشب مررة ننادي عليه السكيورتي والبوليس بعد ..

مشكلتنا إننا ننحرج إذا صرنا تحت الأضواء ..

نحاول نبعد عن اللغط لو فيها غلط علينا

بالعكس هو الغلطان -النصابين أياهم- موب حنا



والله يعز علي إننا إننا نكون ملطشة للنصابين

والله ضاق صدري يوم قلتي المكان كله عوايل سعودية

والله ما يصير يا جماعة .. النت ما خلى شي ما علمنا أياه

الله بس يعطينا على قد نيتنا

بارك الله فيك فعلا حرامية وموجودين في كل دولة وأنا وقعت بنفس المشكلة في عمان في الأردن مع شركة سياحية اسمها G.G.t Global Gate tourism شركة نصب وأخذوا مني 20 دينار ووعدوني برحلة مجانية

حسبي الله ونعم الوكيل فيهم

قبل سنه صار لي موقف مع شركه اتوقع اسمها cvg (هذا الاختصار) ماذكر اسمها
وقتها كنا في اسواق نايف وكان اخر يووووووووووم وخصصناه علشان نشتري هديا للاهل المهم
قابلنا واحد مصري وسألنا سؤااااااااال وجاوبنا عليه
قال ربحتوا جائزه سكن في منتجع لمدة خمس ايام في احد المنتجعات في الدول وذكرها......... الخ طبعا انبسطنا قلنا السفريه الجايه
قال تعالو لمقر الشركه علشان تستلمو الهديه
ورحنا معه وفي الطريق تكلم عن جائزه هي طقم ذهب للمدام وهناك عوايل ومسابقه واحتمال كبير افوز بالجائزه
تحمست للفكره قلت يالله هديه للمدام ببلاش
بـــــــــــــــــــــــــــــــس
المدام مارضت انصدم الرجال وحاول يقنع فيها وقال بمناسبة افتتاح المكتب عاملين احتفال في الفندق الفلاني بعد ساعه تقريبا مارح تخسرون شي وهي لاشكرا الحمدلله عندنا كفايه مانبي نحضر اي احتفال (الحمدلله زوجتي ماتحب الذهب اساسا همهما السفر والله لو قال الماس ابتلشت)
واصرت مانروح وانا اقولها ناخذه ونبيعه قالت مافيه وقت ابغى هدايا للأهل

وصلنا المكتب قبابلتنا موظفه تونسيه عبينا البيانات وعطتنا الهديه ( الاقامه) وماقصرت عادت نفس الكلام
بس هالمره اعترضت لان الحاحهم خوفني وشكيت فالاخير قلت لهم ان طيارتنا الساعه 9 م بقى ساعتين يادوووب نلحق واصلا احنا جايين سياره بس لان اول روحه لدبي وماأدل استأجرت سياره ( خفت على زوجتي وولدي قلت يمكن نروح لشقه ويسوووون فينا شي وسوست )

الحمدلله خرجنا من هالمكتب وحنا بخيـــــــــــــــــــــــر وارتحت نفسيا

شفتهم في دبي والكويت

اسلوبهم واحد

ولكن صرررررررررررررفتهم

حبيبتي صارت ويانا نفس القصه بالضبط و دفعنا 50 الف عالفاضـي
حسـبي الله عليـهم و الحين نحـاول نسترجع فلوسنـا مب قادريـن
الله ينتقـم منهم

اخواني راجو دائرة السياحة بدبي و قدمو شكواكم و ابذن الله تحصلو الحلول عندها ...و تكون بصفكم

و بالتوفيق....

الاغراء والطمع عند بعض الناس اول ماينقال لهم فزت بجائزة وولك هدية يفرح ويروح يدور الهدية ما يدري انه فخ للنصب

انا قالي موظهم في فيستقال سنتر انت من اي باب دخلت قلت من باب الذهب قال فزتم معنا بجائزة اسبوع مجاناً في اي منتجع وفندق تابع للشركة في اي دولة تختارونها وكتب اسمي وعطانا كوبون الجائزة بشرط حضور العرض اليوم الثاني طبعا عطيته رقمي الغريب انه في نفس الوقت دق على جوالي عشان يتاكد اني اعطيته الرقم الصحيح
تكلم شوي وقال تحضر العرض قلت طيب النهار الثاني مارديت على اتصالاتهم

طبعا مافي شي ببلاش انا عارف ذا الشي لان سبق لي تجربة في ينبع مع شركة سعودية المهم دخلت في الفندق دخلت النت وعملت بحث عن الشركة الشركة عليها تحذير في كثير من منتديات الاماراتية

تخيلوا الاماراتيين انفسهم وفي بلدهم انصب عليهم ودافعين مبالغ كبيرة وعاملين شكاوي في الشرطة وما قدروا يرجعو فلوسهم

واحد كان عرض صورة من العقد على محامي في الامارات لم يجد ثغرة في العقد يستطيع يرجع فلوسه فيها حامين انفسهم مضبوط

انا حاولو معي في ينبع شركة سعودية نفس الطريقة انت فزت بجائزة تستلمها بشرط حضور العرض اليوم الي بعده ما نفس الطريقة يجيبون لكم عصير رفضت ادفع اي مبلغ ولو مائة ريال

غريب كثير انضحك عليهم الي دخل الموضوع بعضهم كاتب مبالغ كبيرة

هي الفلوس هذي جايبينها من الشارع

ما ضحكني الا في مكتبهم في فيستقال سنتر كل مرة يجي مندوب ويقول لي انت شكلك مصري والثاني جا بعدين قالي الله انت شكلك مصري

نصابييييين محترفين

السلام عليكم
ياماحصلت شركات في المولات في دبي والشارقة
وكل مايسالوني عن رقم موبايلي اعطيهم رقم غلط
وافتك من نصبهم .

سبحان الله الجنسيات اللي موظفينها يجمعها عامل مشترك !!!

ما علينا

اتمنى تثبيت مثل هذه المواضيع

معقوله لهالدرجه ماتفرقوا بين جهاز الصراف الالي وماكينة المشتريات !!!

عمرها ماصارت جهاز صراف الي يجيبوه لحد عندك وعندهم موجود هذا بالعقل جهاز مشتريات معروف

وانتوا تحسبوه جهاز صراف بتشيكوا على الرصيد .... واذا حتى اشتكيتوا بيقولوا لكم القانون لايحمي المغفلين

وبعدين كل من يسافر للامارات لازم يعرف ان اي جهاز مشتريات يسحب بدون رقم سري

اتمنى تثبيت المووضوع وتغيير عنوانه إلى

شركات النصب والإحتيال أحذروو !!!!!!

المشاركة الأصلية كتبت بواسطة alihasan240
http://www.arabtravelersforum.com/tr...4/#post6001554

اهلا بكم جميعا ..لكني اردت ان اكون منصف مع الجميع ...

اولا مو كل شركة هي شركة مصرحه ولها وجود وحقيقه على الواقع...

ثانيا مو كل منتجع يسوقون له يستاهل ان تشترك معاهم ..

ثالثا مراعاة السعر واللون المناسب لكل شخص كل وحسب اجازاته .

رابعا كل دوله وكل منتجع يسوق له وله سعره ..

خامسا انا مشترك منذ 13 سنه والحمد لله حللت الفلوس اللي دفعتها وزياده ماظل بلد مارحت له عن طريق اشتراكي ..

لكن لازم تحط في بالك عدة اعتبارات مهمه جدا اولها الوقت ثانيا التبكير ثالثا فتح مجال السفر رابعا موقع الريزورت المشترك فيه ..

سادسا انا مو جاي اسوق لاحد لكن عندي والحمد لله خبره كافيه بكيفية الاشتراك ومالهم وماعليهم ..

سابعا اي شخص عنده مشروع او مقبل على مشروع كبير لايشترك .. لانها محتاجه منك انك تكون هاوي سفر ..وماعندك اي التزامات مستقبلية على الاقل في السنوات الثلاث المقبله ..

واي استفسار انا حاضر ولكم خالص تحياتي





حبيت أرد عليك بخصوص هذا الموضوع

زميلي اشترك في شركة سياحية من مصر عام 2005 وعطاهم مقدم حوالي 2500 ريال والباقي اقساط كل 3 اشهر
والمبلغ الاجمالي 10500 ريال - دفع حووالي 80 % من المبلغ

المهم زميلي سحب على الشركة وراح يكمل دراسة في الخارج - انا كملت المووضوع

الشركة المصرية تعطيك اسبوع مجاني في السنة في شاليهات تخص منتجع لها في مصر ( الغردقة - شرم الشيخ - نيوبع )
حجزنا عندهم اسبوع قسمناه 3 ايام في الغردقة و 4 ايام في شرم الشيخ والمنتجع كان ممتاز وحلو

قلنا لهم نبي نطلع للعالم الخارجي - بتله مصر - نبي نغير
قالو ماعندكم مشكلة ( اشتركو في الشركة السياحية العالمية RCI وتبادلوا الاسابيع مع منتجعات في اي مكان في العالم )

هنا ساتكلم عن الشركة اللي احنا نراح نشترك معاهم ( RCI )
لازم تدفع رسوم عضوية ( سنه - سنتين - 3 سنوات - 5 سنوات ) وتقريبا حسب ما اتذكر السنه كانت 200 دولار
وكل ماخذت اكثر عدد من السنوات كلما قل المبلغ .

اذا بغيت أحول اسبوعي اللي في الشركة المصرية الى الشركة العالمية لازم تكلم الشركة المصرية
واذا بغيت استفيد من هذا الاسبوع واسكن مثلا في اي دولة ولتكن اسبانيا - برشلونة لازم تدفع رسوم الاسبوع
وهي كانت بـ 239 دولا وارتفعت الى 256 دولار والان 280 دولار

المشكلة ان جميع منتجعاتهم بنسبة 90%ِ بعيدة عن الناس والعالم وتلاقيه بعيده عن المناطق الحيوية
والمشكلة ان الحجز بالاسبوع - لازم تاخذ اسبوع كامل مافيه مجال توزعه
والمشكلة الاخرى المنتجع عااادي جدا - واذا بغيت تدوره في موقع بوكنق او اجودا ماتلاقيه
وايضا - دبي ليست موجوده - ماليزيا تلاقي في كوالا بعيد عن شارع العرب والمنطقة الذهبية

تقدر تقول منتجعات تعبانة وهم يسوقون لها .


نسيت اقول حاجه الشركة المصرية تاخذ سنويا 420 جنيه مصري ( رسوم صيانة ونظافة ) يعني معلقينك معلقينك

لدي كلام طويل عن هذا الموضوع وتجارب ايضا - واسفين على المداخلة - وشكرا

الصراااحة شركات نصابة واجد بادول العربية فقط
بس الصدمة انكووو اخذتووو فلوسكم بس بعد بهذله
مع ان مالكم حق فيهااا هذه عملية نصب محترمة
موفقين خيرررررررر

ابي أسئل من منكم أشترى بنظام التايم شير في فندق الإمرات قراند دبي .. ياليت يفيدني لاني أشتركت معهم ودفعت مقدم 9000 درهم وعنما قرأت موضوعكم طلبت منهم فسخ العقد وإرجاع المقدم قالو لي لا يحق لك إسترجاع المقدم وافضل لك أنك تستمر معنا .. فياليت أحد يفيدني ومن عنده خبره في هذا الموضوع ينصحني

يا اخوان للمره الثانيه
انا الان دفعت مبلغ كبير في البدايه 20,000 الف
وراح اكمل الباقي كاش
وبناء عليه . هل احد منكم تعامل مع الشركه
طيب انا ما خذ علي الشركه تعهد انها ما تبيغ خمور في المنتجع
ما هي الطريقه للتأكد من ذلك
لأني بصراحه اشك في أن منتجع خمس نجوم في تونس ولا تبيع الخمور
وعندي نيه ارفع عليهم قضيه في دبي
وفي العقد اقدر ابيع العقد بعد استخدامي للتايم شير مره واحده
هل يوجد احد باع العقد
وكم يسوى

يوه يوه هي الشركة النصابة لساتها موجودة
نصبو علينا قبل 10 سنوات في اول زيارة لدبي
ولعبو على عقل زوجي وخلوه يدفع الفين واتورطنا
ولما رجعنا الفندفق حسينا انه اتلعب علينا ورحنا لهم وحاولنا نرجع المبلغ مارضيو
ولما رجعنا جدة طلبو جزء من المبلغ وزوجي الله يهديه قام حولهم 10 الاف ريال وارسلو العقد والسند والكتيبات والبطاقة
وكان فكرة زوجي انه نسدد نص المبلغ وبعدها يبيعها لهم هم خدعوه وقالوله كذا
وطبعا لابعنا ولااستفدنا من هالعرض شي ولارجعت فلوسنا
وكان ناوي زوجي يروح لمحامي يرفع قضية عالشركة
قلتله القانون لايحمي المغفلين
يعني ندفع الفين وتنبلع
لكن تروح تحولهم 10 الاف مرة وحدة شو يتسمى غير غباء مننا
لكن ماقول غير الله لايسامحهم وجعلها مال حرام ينحرقو بيها يوم القيامة

هذه الشركات نصابة ولها أكثر من 15 سنة تعمل بهذه الحيلة في السعودية وحتى الآن اشوفهم يدورون في المجمعات .۔تعا

وقبل سبع سنوات كلموني مع زوجتي وقالوا أنت فزت بقطعة ذهب مجانا أنت تعالى شوف العرض ..۔

وفعلا حضرت وبعد القرقرة أخذت الذهب ومشيت وأنا عارف أنهم نصابين اصلا من أسلوبهم واضح ..۔

الخبثاء الحرامية يحاولون يتصيدون المتزوج مع امرأته لأنهم يعرفون تأثير وضغط المرأة على الزوج ،،،،

يا اخوان سؤال محدد :
هل سبق لأحد ان تعامل معهم
اقصد هل الوعود التي قدموها صحيحه،
الملاحظة من ردود الاخوه ، فقط شركه نصابه و وهدفها مادي۔
طيب انا مقتنع بكلامهم وشاركت ودفعت المبلغ كله يعني بدون اقصاد۔ كاش
وانا متخوف منهم ۔
وسؤال فقط ، وهو موجهه لمن تعامل معهم ۔
هل صدقوا في وعودهم من ناحيه سهوله الحجز في اي مدينه ، والاستثمار هل حقق لهم عوائد ، وغيرها
وارجو من يقول انها نصابه ، يوضح بالدليل انها نصابه ۔
يعني ، حجز عندهم وقالوا له مؤكد ثم بعد يومين إلتغى الحجز دون سابق انذار
او لم يجد حجز في فندق معين مع انه طلب الحجز قبل ثلاثه اشهر

ارجو الافادة لمن يعلم
انا واجهت شركة امارات قراند ودفعت لهم الف درهم وخذيت الليلتين المجانية و يوم رجعت السعودية وبعد ما سألت عنهم قالوا لي لا تكمل معهم واعتبر الالف عن الليلتين و سحبت عليهم ولا عاد رديت على اتصالاتهم ...۔ بعدها بفترة ارسلوا لي رسالة يقولون راح تتلاحق قانونيا سؤالي يا اخوان هل تلحقني اي دعوة قضائية ؟؟؟

شكرا لك على التنبيه

قسم بالله ماقدرت اطلع من هنا من دون ما ارد



الحمدلله رجعت فلوسكم و مال الحلال مايضيغ ابد


فرحت كير القصه مره حزينه و تقهر



والله انهم يتصلون علي كل وقت والحمدلله اني سحبت عليهم ولا جيتهم


وشكرا

المشاركة الأصلية كتبت بواسطة طحيمر
http://www.arabtravelersforum.com/tr...8/#post6222998

يا اخوان سؤال محدد :
هل سبق لأحد ان تعامل معهم
اقصد هل الوعود التي قدموها صحيحه،
الملاحظة من ردود الاخوه ، فقط شركه نصابه و وهدفها مادي۔
طيب انا مقتنع بكلامهم وشاركت ودفعت المبلغ كله يعني بدون اقصاد۔ كاش
وانا متخوف منهم ۔
وسؤال فقط ، وهو موجهه لمن تعامل معهم ۔
هل صدقوا في وعودهم من ناحيه سهوله الحجز في اي مدينه ، والاستثمار هل حقق لهم عوائد ، وغيرها
وارجو من يقول انها نصابه ، يوضح بالدليل انها نصابه ۔
يعني ، حجز عندهم وقالوا له مؤكد ثم بعد يومين إلتغى الحجز دون سابق انذار
او لم يجد حجز في فندق معين مع انه طلب الحجز قبل ثلاثه اشهر

أهلين اخوي طحيمر ( كنت اتمنى ارسل لك خاااص بس الردود ماوصلت 300 رد )

انا تعاملت معاهم من عام 2005 م ( بس مو مع الشركة هاذي مع شركة RCI ) وهي نفس الفكرة اللي هي التايم شير
او يسمونه الوقت المستقطع ( فكرة الشركات نفس بعض )

هي من ناحية نصب ماهي نصابة ( بس الاشكال الوحيد فيها انهم غبنوك يعني ماوضحو لك الصورة بالكامل )

علشان تحجز لازم بوقت مبكر من رحلتك يصل الى 6 اشهر على حسب المكان والزمان

يختلف نهاية السنه عن وسطها ومكان المنتجع او الفندق عن اي مكان اخر



الشئء الثاني الاماكن اللتي تريد ان تحجز فيها الغالب فيها تكون بعيدة عن الناس يعني تلاقي الفندق
لحاله - مثلا في شرق اسيا تلاقي الفندق او المنتجع في مكان معزول بعيد عن الخدمات
الفندق 3 نجوم - خدمة سيئة - وعلى ما أذكر نظامهم بالاسبوع

واللي يقهرك زود انك ممكن تلاقي فنادق وسط البلد وسط العالم بنفس السعر او اقل وهذا انا مجربه
في ماليزيا و بالي

يعني باختصار يمشون سوق الفنادق اللي مايجيها احد .

للأمانه ( الشركة اللي انا مشترك فيها RCI ) لديهم منتجعات في امريكا بالذات - ممتازه جدا وسبق ان
حجزت لأحد الزملاء هنااك في فلوريدا - اورلاندو


يعني في اخر المطاف ( هم يعلقونك في مكان معين وزمان معين )
يعني في اندونيسيا - بالي مالهم الا 10 منتجعات وسيئه وبعيده عن العالم

وفي ماليزيا - كوالا لهم 5 فنادق وبعيده عن شارع العرب والمنطقة الذهبية وتلاقيه في الحي الصيني

ولا في ضواحي كوالا ۔

هذا غير الاتصالات الدولية اللي تقصم الظهر - كل شوي وانت مكلمهم ۔

موضوع البيع او التأجير بصراحة لم اجربه ۔


[كلور="Red"]وجع رأس - انا الان من عام 2009 انتهى اشتراكي ولا عندي نيه اجدده مادام وضعهم كذا سئ


اتمنى اني وصلت لك بعض عن الموضوع واي استفسار لا تتردد .[/COLOR]

افاااا
عز الله ضحكوا علي
هم قالوا لي كل فنادقهم ومنتجعاتهم خمس نجوم۔
كيف تقول فندق 3 نجوم۔
طيب كيف الاستثمار هل جرت انك تستثمر۔ لأني بصراحه ناوي اجرب الاستثمار في الاسابيع الاضافيه۔
ثانيا / هل جربت البطاقه الذهبيه ،
هم قالوا لي انه يوجد رقم مجاني في جميع الدول ويتحدث بجميع اللغات على مدار الساعه وهو يعتبر مرشد سياحي۔
هذه ميزه حلوه بصراحه.

المشاركة الأصلية كتبت بواسطة طحيمر
http://www.arabtravelersforum.com/tr...2/#post6240052

افاااا
عز الله ضحكوا علي
هم قالوا لي كل فنادقهم ومنتجعاتهم خمس نجوم۔
كيف تقول فندق 3 نجوم۔
طيب كيف الاستثمار هل جرت انك تستثمر۔ لأني بصراحه ناوي اجرب الاستثمار في الاسابيع الاضافيه۔
ثانيا / هل جربت البطاقه الذهبيه ،
هم قالوا لي انه يوجد رقم مجاني في جميع الدول ويتحدث بجميع اللغات على مدار الساعه وهو يعتبر مرشد سياحي۔
هذه ميزه حلوه بصراحه.



--------------------------------------------------------------------------

انت عدك اشتركت معهم - والموضوع زي ماقلت لك هو استغفال فقط

وبعدين حكاية هم قالو لك - تسمعها كثيرا ( تصدق انهم قالوا لنا ان لكم خصم 17% على حجوزات الطيران )

واكتشفت التفاصيل يوم رحت لفرعهم في دبي بعد ماشتركت بحوالي سنتان

وقالوا كله كلام فاضي ( انت لك عندنا منتجعات حول العالم ) خذ الكتاب وشفها واذا بغيت تحجز فيها
تدفع 280 دولار للاسبوع ولديك اسابيع مجانية مرات تجي غالية بشكل ماتتخيله والغريب اماكنها
ونفس المنتجع بدائي ( تلاقي بس مسبح وسط المنتجع ) وكم مطعم ولاهو حول بحر ولا حول عالم

تحياتي ( وانا افضل انك تبحث عن مكتبهم في دبي وتروح لهم وتستفسر عن كل شئ علشان ترتاح وتعرف

تستفيد منه )

وشكرا

طيب وشلون حكومة دبي ترضى بهذا الشي۔
على كل حال انا ماسك عليهم ورق وهي اقرار انهم ما يبيعون الخمور في منتجعهم ، واتوقع ان كلامهم نصب ، بذات لما عطوني الورقه ، قالوا لي ترى ماهو لازم تروح للمنتجع،
عاد انا ابشوف لي محامي وان شاء الله أن المحاكم دبي تنصفني منهم

اخي الكريم ( http://www.arabtravelersforum.com/user371560/ ) لا لاتلاحق قانونيا انا دفعت لهم مقدم 9000 درهم وسحبت عليهم وشكيتهم على هيئة السياحه في دبي بخصوص كنت ابي استرجع المقدم لاني طلبته منهم وقالوا مالك حق فيه اذ ما كملت معانا يروح عليك المقدم فخاطبت الهيئه انه هل من حقي استرجاع المبلغ وفسخ العقد وجاني ردهم وهذا نصه :

السلام عليكم ورحمة الله وبركاته

تحية طيبة وبعد،،،

في البداية نغتدر على الرد على الشكوى متأخراً وذلك لخروج بعض الموظفين لإجازة السنوية ، وبالنسبة للشكوى ادناه

نود اعلامكم في حال مرور اقل 14 يوم يمكن لكل من الاطراف ألغاء العقد ، اما اذا زاد عن تلك المدة بإمكانكم تحويل الشكوى الى المحكمة المختصه.

ملاحظة:

الشركة والمشروع مسجلين لدينا في المؤسسة.

وتقبلوا مني فائق الاحترام والتقدير

لاحول ولا قوة إلا بالله العلي العظيم

وحسبي الله عليهم

تعددت طرق النصب والاستغفال على الناس البسطاء ~

سواء من اتصالات وهمية بالفوز بالجائزة أو الربح الفوري عن طريق مندوبيهم ~

وفي النهاية لابد أن يكون الفرد واعي بحركات النصب التي تستدرج البسطاء فقط من الناس


للعلم قد تعرضت لمثل هذه المواقف كثيرا لكن الحمدلله لا أصدقهم ولايمنعني لكي أردع مثل هؤلاء اللحوحين من أن أتفوه بكلمات جارحه ليزم مكانه ولايعاود الإلحاح مرة أخرى .۔

وأذكر أن مره اتصلت علي موظفه تقول مبروك أنتي فزتي بسفره لمدة أسبوع فلم أسمح لها بإكمال الحوار لأقطع حديثها وأقولها من أين لك برقمي ؟؟؟ طبعا قالت أن صديقه لي هي اللتي أعطتها رقمي فقلت لها احذفي رقمي الآن وماأبي أسمع صوتج بعد هاللحظه وسكرت التلفون في ويها ~

صدقوني لمثل هؤلاء لايحتاجون للاحترام ~ لأن طرق نصبهم لاتتوقف أبدا ~

ودمتم بوعي وذكاء

ياكثر هالشركاات النصاابة في أغلب الدول ...

حسبي الله ونعم الوكيل على كل انسان يستغفل الناس ...