الموضوع: الدراسة والسكن في ولاية نبراسكا اوماها

السلام عليكم
ان شاءالله شهر 9 القادم ناوي ابلش دراستي في جامعة اوماها في ولاية نبراسكا
بتخصص الهندسة الالكترونية

وهذي اول زيارة لي للولايات المتحدة الامريكية
فماعندي اي خلفية
و ارجو من اهل الخبره افادتي عن وضع المنطقة بشكل عام

و كذلك افادتي عن اسعار ايجارات الشقق حيث ان زوجتي سترافقني
لذا سوف احتاج الى تاجير شقة خاصه وليس منزل مشترك

بانتظار اهل الخبره
تحياتي


ملاحظة: نزلت نفس الموضوع في قسم الدراسة في بريطانيا لاني محتار بين الجامعين والتكاليف الانسب لي هي الي راح تخليني احدد الوجهة النهائية

مواضيع عشوائيه ممكن تكون تعجبك اخترناها لك:

• للضرووورة استفسار للسكن لي و لعائلتي في لندن
• من وين ؟
• الجامــع الأمــوي
• إستفسارات عن السكن في بلاكسبيرج ؟؟
• شباب افضل بنك في امريكا وشريحة جوال يجزاكم الله خير
• لاقنصليه ولاتعليم عالي فادني
• احتاج مساعده
• ياشباب اريد أسال عن منطقة لونج بيش في ولاية كالفورنيا؟؟
• اشتري اي شريحه
• السلام عليكمارجو الرد
• برنامج لدراسة ادارة المشاريع واللغة الانجليزية
• يا طلاب كانتربري وجامعة كنت وكرست شيرش
• وش البعثات الجديده
• أرجوووووووووووو المساعده والله يجزاكم خير
• عندي ابتعاث دبلوم من يساعدني باختيار الجامعهبنت الصقورامباكت ارجو المساعده
• استشارات شباب بريطانيا
• كيف طريقه دراسه الماجستير لتعليم خاص
• ارجو المساعدة
• أمـنــيــتــي؟
• دراسة اللغة

هلا اخوي .. نبراسكا ولاية تعتبر في الغرب الاوسط .. الولاية باردة في الشتاء مع ثلوج ..

المدينة تعتبر رخيصة يعني حسب ماشفت الاسعار تبتدي من ٥٠٠ الى ١٢٠٠ دولار ..

المواصلات يلزمك سيارة مثل باقي المدن الامريكية ..

رسوم الجامعه تلقاها في موقع الجامعة ..

كفى ووفى الكبير سترونج مان
ولو أى أحد من الاخوان عندة أضافة يكون أفضل

يعطيكم الف عافيه و ماقصرتو

و واايد فادتني معلومة السكن
لان رسوم الجامعه حصلتها بموقع الجامعه لكن السكن ماكنت لاقي المعلومة الصحيحح
و جذي اقدر اكسر حساباتي و ادعولي بالتوفيق

و عندي سؤال بعد شلون الشعب بنبراسكا؟
عسى مافيهم عنصرية و تعصب
وشلون نظرتهم للعرب و المسلمين

السكن تلقاه في هالموقع

http://omaha.craigslist.org/apa/

هذا موقع يُعلن فيه كل شي في امريكا منها السكن

حطيت رابط السكن في اوماها ،، وماعتقد بتلقا مشكله بالسكن .. الاهم اذا قررت ورحت ،، احجز اسبوع في فندق قريب من الجامعه واستاجر سياره عشان تعرف المناطق الامنه اللي تصلح للسكن وتشتري سياره خاصه لك ..

بالنسبه للشعب .. انا درست من سبع سنوات في مدينة شيكاغو .. الشعب رائع جداً ومتعاون وكونت ولله الحمد صداقات الى اليوم اتواصل معاهم ..

الان رجعت الى امريكا وصارلي تقريباً اربع شهور في فلوريدا مدينة اورلاندو .. الناس متعاونين وطيبين ولاحسيت بفارق بيني وبينهم ..

ايضاً سافرت الى نيويورك والى العاصمة دي سي والى كاليفورنيا .. الناس كذلك محترمين ..

ايضاً لي اصدقاء قطريين في اوهايو وواشنطن الولايه اقصى الغرب وفي مونتانا وفي تكساس .. كلهم اجمعوا على نفس الكلام بأن الامريكان وخاصه البيض محترمين ..

توكل على الله وصل استخارة وشوف الافضل لك بريطانيا او امريكا

تحياتي

والله انك كفيت و وفيت و ماقصرت

يعطيك الف عافيه

انا بانتظار موافقة جهة عملي على اجازتي الدراسية و ان شاءالله خلال الايام القادمة راح يبين

وعقبها باذن الله راح استخير قبل لا اخطي اي خطوة

وشاكرلك اخوي