صباح الخير عليكم يا شباب ويا بنات ...كيفكم عساكم طيبين...
طبعا اليوم جيت لعروس البحر جده ... الاجواء مرة حاره
المهم رحت السفاره الفلبينيه انا واختي
ولا وحده فينا تعرف تتكلم انجليزي
اول ما دخلنا من الباب حق السفاره قال العامل الفلبيني ايش عندكم ؟؟ قلت ابغى اسافر الفلبين عشان ادرس وابغى اشرح واتكلم قاطعنيواخد الاقامه وقال روحي الباب اقصى اليسار
تفشلت ومشيت
دخلت واشوف الزحمه , ابغى اشوف عيون مفتوحه زين عشان اعرف اتكلم عربي معاه ما لقيت
لقيت غرفه فيها فلبينيه مسويه رزه جالسه !! قلت اكسيكيوزمي طالعت فيني بنص عين ورفعت يدها
يعني روحي من وجهي
عاد لقطت وجهي وخرجت للغرفه الثانيه اللي فيها كاونترات
اشوا اختيما كانت جمبي والله لتمسكها علي وتخبر العائله كلها
لقينا صف وقفنا ما ندري وين رايحين
عاد فرحت لما شفت واحد مو منهم شكله سوري مدري لبناني ..
ما ابغى اتفشل سويت اني ما شفت احد
اختي راحت سالته لو سمحت ابغى استفسر عن الدراسه في الفلبين ووين اروح
قالها هون بس ما حدا فيهم بيتكلم عربي كلياتهم انجليزي بس
من وين نجيب الكلام دحين ياربــــــــــــــــــــــــــــــــــــــــــــــ ـــــــــــــــــــــــي
المهم قلت لاختي نقول انفورميشين واستدي وعاد بتفهم علينا
قالت اختي طيب
جلسنا ششويه قلت طيب اذا هي فهمت احنا اشلون بنفهم *_* !!!!!!!
هههههههههههههههههههههههههههههههههههههههههههههههههه ههه وربي ورطه
قامت اختي تجيب كلام مدري عقلها ايش جنسيته ؟؟؟
المهم مشا الصف وقدامنا اللبناني تهاوش معها الفلبينيه عصبت
قلت لاختي هي مشينا لا تجي تكفخنا عاد لحالها معصبه اجي اقولها انفرميشين وربي تفرمني
قالت اختي ما عليك
جا دورنا اختي تدفني وانا ادفها
لا روحي انتي
المهم جيت بوجهها
باقي ما قلت حاجه قالت لي what??
قلت i want informiton about study midesn in philippin???
قالت youالى ما لا نهايه
وانا اقول يس اوكي يس يس اوكي اووووووووووووه اوكي
ولا فهمت شي
طلعت ورقه وفيها المستندات المطلوبه للحصول على التاشيره للفلبين بالانجليزي والعربي فرحت لما شفت الترجمه
صرت اقول ثانكيو ثانكيو وهي لسه تتكلم
سكت عشان تخلص واقولها شكرا
بعد ما خلصت قلت ثانكيو قالت نيكست
طيب حرام اتفشل
قولي نوبروبلم قولي يس قولي نو اي كلمه تسوي فرق
قولي انقلعي بالانجليزي تفرق ترا
وخرجت متفشله وحزينه واختي ما زالت تضحك علي ...
المهم بعد الردود انزل لكم المستنداتمواضيع عشوائيه ممكن تكون تعجبك اخترناها لك:
- استفسار
- هل تنصحوني للذهاب للفلبين للمره الاولى وحيدا؟
- الفلبين للعائلة
- موقع راح يفيدكم
- كيفية نشر الإسلام في الفلبين
- المساعده يا شباب
- استفسار عن فندق فى مانيلا
- التوجه الى سيبو الخيار الافضل من مانيلا
- استفسار بسيط
- ماذا عن الذهاب الى هونج كونج
- ممكن مساعدة بسافر للفلبين
- خارطة تفصيلية لمانيلا وجميع المدن الرئيسية لقارمن الجوال اكس تي
- رحلتي والخطوط السعودية
- حول الشقق
- Pearl Farm Beach Resort in Davao, Philippines استفسار عن منتجع شاطئ لؤلؤة المزرعة داف
- مدن العزابي
- اعدادات شريحت قلوب على الباد لوكس
- الموصلات من والى المطار والجبيني
- هل يوجد شطاف في فندق الفلبين
- العاب قتالية
المفضلات