الموضوع: مو وقته ياقناة المجد عز الله طارت مني البعثة

السلام عليكم
حلم كنت انتظره من سنين ... من قبل دخولي الجامعه
وماصدقت بعد كل هالمده تحصل لي هالفرصة وبنفس الوقت اني اتخلص من وظيفتي واحصل على الماستر
لكن الظاهر أن البعثه طارت مني قبل حتى مايطلع قبول نهائي
تعرفون سالفة حميدان التركي ..واعلنت قناة المجد انها راح تعرض له برنامج كامل
وكنت دايم احاول ماخلي الوالدة تشوفه ..
لكن اليوم وصدفة شافته كامل ... والمجد ماقصروا مافيه شي ماعرضوه .. وتأثرت مرة بالمشهد
وحلفت علي الوالدة اني ماروح ... ولو رحت فهي مراح تكون علي راضية الى يوم الدين
ولا اقدر اعصي امرها حتى لو رحت ماقدر ارتاح ابد ........
للاسف ضاعت البعثة وتبدد الحلم .... قبل ساعات من التدقيق بالاوراق ...
الله يوفق جميع المتقدمين ويسهل امرهم ... وسافتح المجال لغيري
في أمان الله

مواضيع عشوائيه ممكن تكون تعجبك اخترناها لك:

• غريبة تختار دولة وتطلع لك غيرها أرجو المساعدة
• عندي اسئلة عن دراسة اللغة؟؟بليزز ضروري
• وعدا علي ان ادعي لكل من ساعدني بظهر الغيب
• الحمدلله دقوا علي السفاره
• الوزارة لما تبغى تعقد الموضوع تعقدوة وهو سهل
• ارجوا مساعدتي في دراسه اللغه الانجليزيه
• عاجل و هااااااااااام
• حصريــــــ لدى ـــاً تم إختراق أجواء ملتقى المبتعثين
• داخل على الله ثمن عليكم يالربع
• فرزنو بكاليفورنيا
• أخي ملبورن معاق محتاج مساعدتـك
• ارجو الاهتمام في الموضوع
• الحصول على بعثة لمن لا تنطبق عليه الشروط ؟
• وصلت كانتربري ولله الحمد
• ما الفرق بين فيزا سياحه وفيزا دراسه ؟
• ܔܓ܏ܛ تنبيـــه هـــام لجمـــيع أعـــضاء البـــوابة الســوريه ܔܓ܏ܛ
• استفسار ضروري عن الماجستير في ايرلندا
• سؤال بالنسبة للإجازة في البعثة
• أبغي ادرس في بريطانيا بس خايفة من الكــــــــلاب
• من يقدر يفيدني عن مسألت تغيير التخصص ؟؟

افاا عليك يا شادو وراك ما تحطم يا الغالي انت اصبر على الوالدة شوي واذا شفتها مروقة وبالها هادئ حب على راسها واشرحلها ان البعثة هاذي من صالحك ومن ذا الكلام صدقني بأن الله بتوافق وانا كنت بنفس موقفك بس الحمدالله الوالدة الان راضية عني


اتمنى لك التوفيق ولكن بالنهاية لا تروح للبعثة الا وامك موافقة يا الغالي لأنك ان رحت صدقني ماراح تمشي امورك

الله يوفقك ان شاء الله

اخي العزيز وهذا الرجل الذي خلف القضبان الا يهمك امر اخوك المسلم

والله شي عجيب

ان يكون شعارك انا ومن بعدي الطووووووووووووووفان

هلا اخوي هاوي .....

مراح ينفع خلاص .. عملتها قبل وهي ماعندها فكرة عن امريكا ويالله حسنت الصورة ..

والان خلاص مافيه امل ....

تسلم على مرورك وماقصرت


اخوي كابتن لاتفهم غلط .. ومن قال ان امره مايهمني ..الا يهمني ويهم كل مسلم ...

لكن وقت عرض البرنامج كان سلبي تجاهي ... انا كنت حاسب حسابه عشان اعرف متى مايجي ولاتشوفه الوالدة .. بس هذا قصدي ..

لكن اليوم فاتت علي ..

وشملني الطوفان ..

الله يعوضك بالخير اخوي .. عسى ان تكرهوا شياء فهو خير لكم .. الحمد لله وربنا يسهلك شيء احسن من البعثة إن شاءا لله

اخوي خيره بما اختارها الله ورضى الله من رضى الوالدين

الوالدة أبخص ..!

وأمريكا توحش .!

الله يعوضك خير يارب
بس حاول معها حااااول قد ماتقدر انا البعثه الاولى استلمت قرار الابتعاث ورديته بنفسي لان الوالده اعترضت بآخر لحظه بس الحين ربي يسرها لي ولحد الآن مكمله اوراقي والله يستر

بس حاول لانها فرصه وان شاء الله تستفيدمنها
الله يكون في عونك

اولاً اطال الله عمر والدتك بالصحة والعافية ، اخي شــShadowـــادو حاول معها مع التلطف بالكلام وتبيين ان هذه الفرصة لاتعوض وحاول انك تضرب مثل من احد اقرباءك الذين سافرو وعادو بسلام ولهم مكانتهم الآن إذا كان هناك احد سافر وانت ابخص بأمك
بالتوفيق :24:

شف فيه بعض المعلومات غايبه عن كثر من السعوديين عن قضية حمدان انا اقول انه انظلم بس هو الله يهديه جاب لنفسه مشاكل.
حمدان كان داعيه ويعيد طباعة كتب اسلاميه في امريكا وبأسعار رمزيه.......ماشالله عليه بس هذا خل كثير يدورون عليه اخطاء حتى يوقفونه .
هو جايب شغاله من اندونيسيا واخذها معه لأمريكا وبنفس النظام السعودي... يعني 24 ساعة / 7 ايام في الاسبوع شغل وقام خلها تتحجب شكل كامل ....... عندنا هنا عادي بس في امريكا هذا يخالف نظام العمل
فكانت هذي الغلطة اللي قدروا يمسكونه فيها.. وي اللي ودته المحاكم.

- الزبده شعب امريكا من افضل الشعوب تقبلا للأجانب فما عليك خوف منهم انشالله
- بس الحكومة في الوقت الحالي تغيرت كثير عن السنوات السابقة فماعادت فيه حريات مثل اول يعني خلك نظامي وماحد يترض لك فهم يحاربون الذين ينشرون الاسلام حتى من الامريكان نفسهم فكيف اذا كان اجنبي.

الخلاصة لازلت امريكا دوله رائعة للعيش والدراسه بس خلك نظامي واعرف القانون
امثلة لبعض قوانينهم:-
- لا تحاول نشر الاسلام بشكل رسمي ممكن مجهود فردي عادي ( رغم ان مافه قانون بس سمعنا عن ايقاف كثير من ائمة مساجد و غيرهم.
- لا يحق لك سب اليهود
- انتبه ان تحتك مع اشخاص اقل من 18 سنه مثل القبلات اللي قط تكون عادي عندنا مع الاطفال : ممكن تتهم باغتصاب قاصر ....وغيره

فصدقني انت وضح للوالدة الصوره الحقيقة ومتأكد انها راح توافق لأنها تبي الأفضل لك

اخي شــShadowـــادو ماتدري يمكن خير ان شاء الله
ولكن ماتقدر تغير الوجهه من امريكا الى بريطانيا او استراليا اوغيرها
والله يوفقنا واياك وجميع المسلمين

الله يوفقني وييوفق الجميع ان شاء الله

نفس مشكلتي بالضبط اخوي شــShadowـــادو


امي يوم شافت البرنامج قعدت تصيح وتقول ياوليدي لا تروح ........

لاحول ولا قوة الا بالله ........

مالك نصيب

وصدقني الجنة تحت اقدام الامهات

والرزق عندهم مو بعيد عنهم

انا من االناس اللي ماانقبلت لك تحياتي

مالك نصيب
وصدقني الجنة تحت اقدام الامهات
والرزق عندهم مو بعيد عنهم
انا من االناس اللي ماانقبلت لكن الحمد لله
لك تحياتي

أقنعها و لا تخاف و لاتلوم قناة المجد فهي تريد خدمة القضية.
قول للوالدة حميدان واحد من بين آلالالالالالالالالالالالالالالالاف الطلاب.
يعني مو كل المبتعثين رايحين فيها.
و امشي عدل يحتار عدوك فيك
و سلامتك

عزيزي شادو ..

حقيقة أنا اليوم وصلت من السفر وتفاجأت من جدتي أستقبلتني بهالموضوع وأيضاً أم خطيبتي "الخالة" أيضاً لأنهم كبار بالسن وخصوصاً بعد برنامج قناة المجد اللي تفاجأت به ولم أكن أعلم عنه شئ ..

بصراحة مالقيت إلا أصير ذكي وأستعطفهم فأقنعتهم إني مثلهم تأثرت وإني ضد أمريكا لذلك قررت الذهاب لكندا .. و ليه الواحد يلقي بنفسه إلى التهلكة .. وحقيقة أقتنعوا و من الفرحة صدقوا الموضوع ..

هذا الحل بوجهة نظري بالوقت الحالي لكبار السن .. نظراً لبرائتهم وعدم معرفتهم بالوضع الخارجي يتأثرون بما يقال بالتلفزيون ويحاولون التعميم ..




تحياتي

ابو انس النهدي - الصحافة - محمد الاول - بنت الاسلام - ابو الطيب - كاش -بوينغ - شارع التحلية - swcc2004

تسلمون على المرور وجزاكم الله خير

اخوي سوالف مافيه الظاهر الا هالطريقة ولعلها تنجح لكن بسويها بالتدريج الين اضمن التذاكر والبعثه عندها لكل حادث حديث ..... تسلم على مرورك وماقصرت

اخوي الريس والله طمنتني لاني صراحه بديت اخاف من الوضع
والله يكون بالعون .. تسلم وماقصرت

المشاركة الأصلية كتبت بواسطة الريس


شف فيه بعض المعلومات غايبه عن كثر من السعوديين عن قضية حمدان انا اقول انه انظلم بس هو الله يهديه جاب لنفسه مشاكل.
حمدان كان داعيه ويعيد طباعة كتب اسلاميه في امريكا وبأسعار رمزيه.......ماشالله عليه بس هذا خل كثير يدورون عليه اخطاء حتى يوقفونه .
هو جايب شغاله من اندونيسيا واخذها معه لأمريكا وبنفس النظام السعودي... يعني 24 ساعة / 7 ايام في الاسبوع شغل وقام خلها تتحجب شكل كامل ....... عندنا هنا عادي بس في امريكا هذا يخالف نظام العمل
فكانت هذي الغلطة اللي قدروا يمسكونه فيها.. وي اللي ودته المحاكم.
- الزبده شعب امريكا من افضل الشعوب تقبلا للأجانب فما عليك خوف منهم انشالله
- بس الحكومة في الوقت الحالي تغيرت كثير عن السنوات السابقة فماعادت فيه حريات مثل اول يعني خلك نظامي وماحد يترض لك فهم يحاربون الذين ينشرون الاسلام حتى من الامريكان نفسهم فكيف اذا كان اجنبي.
الخلاصة لازلت امريكا دوله رائعة للعيش والدراسه بس خلك نظامي واعرف القانون
امثلة لبعض قوانينهم:-
- لا تحاول نشر الاسلام بشكل رسمي ممكن مجهود فردي عادي ( رغم ان مافه قانون بس سمعنا عن ايقاف كثير من ائمة مساجد و غيرهم.
- لا يحق لك سب اليهود
- انتبه ان تحتك مع اشخاص اقل من 18 سنه مثل القبلات اللي قط تكون عادي عندنا مع الاطفال : ممكن تتهم باغتصاب قاصر ....وغيره
فصدقني انت وضح للوالدة الصوره الحقيقة ومتأكد انها راح توافق لأنها تبي الأفضل لك



كلام جميل ومنطقي بس احب اضيف ...

الدعوة الى الله موشرط تصير بنشر الكتب واقامة المحاضرات ,,,,,الخ

الحمد لله الإسلام دين سماحة ودين عظيم يستطيع اي متواجد في امريكا ان يدعو اليه بشكل غير مباشر ...

كيف ؟؟

الغالبية منا تسكن عند عائلة وعندها صداقات من الأمريكان ... انا اشوف ان الالتزام بتعاليم الدين والأخلاق الطيبة وحسن المعاملة اكبر دعاية ووسيلة للدعوة إلى الإسلام ...


الله يوفق الجميع ويفك اسر حبيبنا حميدان التركي واسرته الكريمة ....

وبالنسبة لك اخوي شادو ..

اذا كان باقي وقت على سفرتك انصحك توضح للوالدة اهمية الدراسة وقوة الشهادة من امريكا والعدد الكبير من السعوديين هناك والي رجعوا الحمد الله متخرجين ورافعين الراس ...

اقتنعت ............ خير وبركة ...

ما اقتنعت .......... استراليا , كندا , ماليزيا , بريطانيا ....... الخ راح تكون افضل بديل ..

موفقين ان شالله ...