السلام عليكم
سأسرد لكم ماحصل لي اليوم في تدقيق الوثائق
كان موعدي الساعه 11:30 بالضبط ...
فقمت في الصباح الباكر وجهزت اوراقي وكانت عبارة عن .....
صورة مصدقة من شهادة البكالوريوس
صورة مصدقة من السجل الاكاديمي
صورة من جواز السفر
صورة من بطاقة الاحوال
بس اخذت معي 4 اوارق
ورحت للموقع قبل الموعد بنصف ساعه ..
وصلت عند الفندق ... طبعا من الجهة الشمالية من جهة المطار الي فيه المجمعات التابعة للفندق
كان مكان الطالبات اذا في وحده جاية لوحدها....
وقدام في الزواية مدخل الفندق الرئيسي هو مكان الطلاب ... وبنفس المكان الي ولي امر الطالبات
جيت ودخلت .. كنت اتوقع استقبال محترم وحلو بالنسبة لنا ياصحاب الدراسات العليا مثل ماكنت اسمع عن مقابلات البكالوريوس ...
بس العكس والله كانهم يوزعون قروش على العالم من الزحمة .. ومافيه تنظيم يعني الدعوة حووووسة
طريقتهم كانت كالاتي :
على المرشح انه ياخذ رقمه ويتاكد منه من الاوراق المعلقه عند الباب ...
ثم يجي ويمسك دور عشان يستلم ملف البعثه ويحطون على اسمه علامة بانه حضر ....
ثم بعد ذلك يدخل من داخل وياخذ ( رقم ) وينتظر دوره للتدقيق عند الاخوه في الداخل عددهم الظاهر 8 ...
وبس وصلى الله وبارك .... المسالة سهلة بس المشكله في الدور عشان الواحد يستلم ملف ويدققون باسمه ..يعني مافيه تنظيم عالم تدخل وعالم تاخذ دورك ووناس رايحه وناس جايه وشياب يسقطون عليك ولافيه الا ثلاث اشخاص يخدمون بس
المهم انا مسكت دور من الساعه 11 وربع الين اذن الظهر ماوصل دوري ....... وقالوا بعد الصلاة وقلنا لهم عطونا رقم عشان اذا رجعنا والحمدلله عطونا
عقب الصلاة يعني عقب نص ساعه يوم وقفنا بالدور جا لمنا الدكتور قال هذا طابور النساء الي جاي ولي امرها ........ خيييييير ان شاءلله لنا ساعتين واقفين يوم جا دورنا قلتم نساء
طيب كان حطيتوا لوحه حطيتوا علامه ....
المهم شبينا عليهم ويالله مشونا من الزحمة .... الساعه وحده تقريبا اخذت ملفي .. المشكله والله العظيم ماتبي شي
يعني بس حط على اسمي صح وعطاني ملف ... بسسسسسسسسس
لكن فيه ناس تغثك مادري وشلون تبي تدرس وهي كذا الي ناسي اوراقه والي جاي يسال والي اذا وصله الدور رص العالم الي وراه باسئلته ولا طلع ناسي بطاقته ولا ماصور بطاقته ولا مامعه صورة جواز .....
انا والله اني ماخذت اكثر من ربع دقيقه
المهم طلعت مثل الشعرة من العجين من الزحمة
ودخلت من داخل قدام عند الطاولات وعطاني رقم ....
والحمدلله فيه كراسي وراحه وفله يعني ارتح ...
وعلى طول يجي الدور لان فيه حول 8 مكاتب يخلصون شغلك ...
المهم يوم جا رقمي على طول عقب دقيقتين .. جلست وقدامي واحد كان قبلي جايب اواراق الدنيا ورصنا الله يهديه ولاصدق عليهن بعد ...
ومار اقوم واجلس بالمكتب الثاني
الرجال شاف اواراقي كلها اربعة اوارق على طول بس يدقق هي مصدقة ولا لا ... ومن اي جامعة بس .. وقال خلاص بالتوفيق عقب اسبوع النتايج .... ربع دقيقه بس جلست عنده ....
يعني كل شغلي يوم حسبته ماطلع نص دقيقه قسم بالله
طلعت ماصدقت خبر لاعب فيني الجوع لعب مافطرت وماصدقت خبر اني طلعت بس
دعواتكم لي ان الله يوفقني ..ان شاءلله ضامن القبول .. بس ادعوا ان الله يهدي الوالدة وتوافق :101:
نصايحي لكم ياشباب واي واحد يبي يراجع ...
انك ماتجي جوعان .... لان يمكن تطول ماتدري وترى السندويشة الجبن بالفندق اقل شي 18 ريال هذي الي ارخص شي :109: فاعمل حسابك وجب معك ماء بعد
والاوراق ترى المطلوبه هي اربع واهم شي ترى انك تكون مصدقها ولا الاصل ..
ومايحتاجون شي ثاني عاد مادري عن الي دارس برى او البنات بس كلهم نفس الوضع ....
لاني اشوف ناس واجد الي جاب صور ماصدقت وضيع وقت كثير ...
والي خايف من التدقيق او حاجه لايخاف تراهم بس مسائل روتينية واهم شي عندهم ان الشهادات تكون مصدقة ... اذا ماكانت الاصل ..
وتطمنوا ترى كل الي قبلوا مبدئيا يعتبر نفسه مقبول الان ولا يخاف سواء كان موظف او غيره وخذوا العلم مني ....
وفيه حاجه اخيره
اذ جا دورك عند التدقيق شوف الشخص الي تبي تجلس عنده ترى بعضهم يمكن يعلَك شوي مثل ماشوف مع بعض الناس اذا كانت اواراقك ناقصه او فيها شي ... عادي خذ رقم جديد وشفلك واحد تحس انه وجهه سمح .... اذا صار عليك شي ناقص او مشكلة بسيطة يمكن يتغاضى عنها
والكذب خيبه والله الاخوان انه ماقصروا باذلين جهدهم بمساعدة الطلاب بس كثروا الناس عليهم الي جاي قبل موعده والي جاي متاخر وانحاست العالم .. فالله يكون بعونهم
هذا كل شي ... واعذرونا على الحوسه وادعوا لنا بالتوفيق وترى الدعوه والله كلها تساهيل بس المشكلة الزحمة وان شاءالله يحلونها الايام الجاية اتوقع انهم بينظمون اكثر ...
والله يوفق الجميع
مواضيع عشوائيه ممكن تكون تعجبك اخترناها لك:
- لا تغيروني ضني بكم إلى كل من يهمه الامر ولا يهمه ايضا
- غرييبقدمت بمعدل نفس اللي قدم فيه خويي ورفض يستقبله ؟؟
- استماره
- السلام عليكم ،،، واعتذر عن الغياب
- زوجة مبتعث تحتاج خبرتكم
- استفسارات حول السكن مع عائله في امريكا
- عاااااااااااجل وضروري لشباب ميتشيغن ديترويت وضواحيها
- للخبراء والدارسين في سكوتلندا هاااااام
- عاجل الآي تونتي مجهول الهوية
- الحصول على قبولين في تخصصين
- إلى طلاب جامعة هلموا يا اخوان
- معادلة المواد في الجامعات الامريكيه
- رأيك يهمني لهذا المعهد
- أحسن معهد لدراسة اللغة في بريطانيا
- ارجوو الافادهـ ضروري جدأ
- بعثات جامعة الأمير محمد بن فهد وش صار عليها ؟؟؟؟؟؟
- إلى إشعار أخر
- هذا من طرف اح الابناء من الوزارة بالرياض لبعثات امريكا اليوم
- هااااام تحديد مصير يااااشباب
- كيفيه السفر
رد مع اقتباس
المفضلات