وأخيرا
وبعد عناء شديد ...جدا جدا جدا
عناء سنه وسته أشهر ....قضيتها مابين مقر سكني ... والوزاره ومكاتب القبول الجامعي
تم صدور قرار الابتعاث ... .. واستلمنا التذاكر والحمد لله ....
كحينا فلووووووووووووس
لين قلنا بس يا وزاره التعليم العالي
انوااااااااااااااع الديون
أنواع القبول الجامعي
أنواااااااااااع المشاكل
أنوااااااااااااااع القساااااااااااااااااااايم
أنواع المخالفات المروريه
أنواع الليموزيناااااااااااااااااااات
يوم بالتوقيف بمرور الناصريه ...مر علي كأنّــه سنه ..كله بسبتك يالوزاره ... انا وشلي وللرياض غير روحتي وجيتي على معاملتي ؟؟
ولكن الحمد لله .. من صبر ظفر .
منذ سنه وسته أشهر تقريبا .. ما قدرت اجمع ولا أمسك اي مبلغ من راتبي ..
ثلاث ارباع الراتب راحت مابين أجار سكن .. وتكاسي وليموزيات .. وأجار سيارات .ومكاتب قبول . وتذاكر ... وروحه وجيه على المعامله .. فما بالكم بشباب الثانويه حديثي التخرج ..والي مصروفهم على قدهم .... والي يجون من مدن خارج الرياض ...... كيف يكون وضعهم ؟؟
انا اقول الله يعينهم .. ويكون بعونهم ..
وكلها بسبب أجراءات الوزاره الي ترفع الضغط
تلاقي معاملتك أما مرميه بالدرج لها اكثر من ثلاث ايام ولا تطلع الا بعد طلوع الروح ..
أو تلاقي الموظف الي عنده معاملتك طالع باجازه ولا راح يجي الا بعد ثلاث الى اربع ايام
أو تلاقي الوكيل .. او الوزير.. باجازه .أو مسافرين خارج المملكه ..
. وأجازتهم ما بين اسبوع او اسبوعين ..
أو كل يوم يصدر قرار ويعدم عليك الاول والتالي ... ولا كأنك سويت شي .. وابدا من جديد ..
وهلم جرى
أو تلاقي أحد المراسلين حاط رجل على رجل .. يشرب شااااااي ... ولا هو يم احد .. أوانتظر المراسل لين يجيك مهوب موجود ...( صدق مو بموجود ... لانه بحوش الوزاره .. يطق ببكت دخان )
أو احد موظفي الصادر او الوارد .. ما يعرف يكتب اسمه .. وحاطينه على جهاز كمبيوتر يسجل أرقام المعاملات كاشخ جنبه تقولون مهندس كمبيوتر ........ وهو في الحقيقه
بمممممممممممممم تششششششششششش
بالعربي الفصيح من جنبهااااااااا
عشان يسجل رقم معاملتك بالجهاز يبي له ساااااااااعه كااااااااامله .. ومعاملات الناس متراكمه على طاولته ..
تكفون يارجال : طحالي بينفجر .. كل ما تذكرت مواقف زي كذا ..
والأدهى والأمر من كذا : تلاقي أوراق معاملتك متناااااااااثره بأحدى أروقة الوزاره .. والسبب طريقه نقل الملفات والمعاملات من مكتب لاخر ....
يحطونها على كرسي دوار ..ويراكمووونهااا فوق بعضها
ويسلمونها هندي ... ويسحب فيها من اول السيب لاخر السيب .. .. يفحط فيها ..
امام عيني والله العظيم حدث هالموقف .. وجمعت الاوراق ولخبطها هالهندي فوق حدر .. ودخلها عليهم ..
بس حسته لكم حوستهم لكم حوس الله لا يوريكم .. عشان يتأدبون ..
----------------------------------------------------------------------
على كل حال فيه مثل يقول : من بغى الدح ما يقول اح
وانا .. صبرت ونلت ... ولاني بقايل اح ابد انشاء الله .
بس حبيت اذكر لكم وللوزاااااااااااااره هالنقاط .. عشان تعقل .. وتزبط امورها ...
------------------------------------------------------------------------
انا ياشباب .. صدر لي قرار الابتعاث قبل يومين .. واخذت التذاكر ..ومسافر بيوم 9 اكتوبر على الخطوط الفرنسيه
الساعه 7:15 مساء ..
مقر الدراسه : جامعه اريزونا ستيت Arizona State university
فهل من مصاحب أو رفيق ؟؟؟؟؟؟؟؟؟؟؟؟؟
ودمتم بخيرمواضيع عشوائيه ممكن تكون تعجبك اخترناها لك:
- أيهما أفضل شفيلد أم نيوكاسل
- موقع أمريكي باللغة العربية مفيد للدارسين
- آرجـو آنـكم تساعدوني يا آخوانـي
- اللهم يسر امر أبو ميسره وكل من يساعدني
- ساعدوني يااخوان ابي تقولون لي ايش اسوي
- مسافر الى عالم غريب واريد النصيحة منك يا اعز صديق
- كيف تتحملّ الدوله نفقاتي ؟
- الحقوووووني محتااجكم
- معلومات بسيطة للمسافر للولايات المتحدة الامريكية للدراسة
- بليز فيدوني كيف ادرس الماستر في اميركا
- أسامـــــ ــ ــي جامعـــات
- الاخ بعد قليل وللي كل اللي درسو في معهد كابتال ارجوكم ادخلو
- الرجاء من جميع الاخوان ابداء ارائهم باقي يوم وأقرر
- حلم الإبتعاث
- ممكن استفسار ؟
- تغيير التخصص
- وش صار على شرق اسيا واستراليا؟؟
- ياناااااس يا عالم متي موعد المقابلات الي عنده خبر يفيدنا
- بخصوص الدراسة في امريكا والتأشيرة ؟
- سؤال لمن يعرف الاجابه
المفضلات