وأخيرا
وبعد عناء شديد ...جدا جدا جدا
عناء سنه وسته أشهر ....قضيتها مابين مقر سكني ... والوزاره ومكاتب القبول الجامعي
تم صدور قرار الابتعاث ... .. واستلمنا التذاكر والحمد لله ....
كحينا فلووووووووووووس
لين قلنا بس يا وزاره التعليم العالي
انوااااااااااااااع الديون
أنواع القبول الجامعي
أنواااااااااااع المشاكل
أنوااااااااااااااع القساااااااااااااااااااايم
أنواع المخالفات المروريه
أنواع الليموزيناااااااااااااااااااات
يوم بالتوقيف بمرور الناصريه ...مر علي كأنّــه سنه ..كله بسبتك يالوزاره ... انا وشلي وللرياض غير روحتي وجيتي على معاملتي ؟؟
ولكن الحمد لله .. من صبر ظفر .
منذ سنه وسته أشهر تقريبا .. ما قدرت اجمع ولا أمسك اي مبلغ من راتبي ..
ثلاث ارباع الراتب راحت مابين أجار سكن .. وتكاسي وليموزيات .. وأجار سيارات .ومكاتب قبول . وتذاكر ... وروحه وجيه على المعامله .. فما بالكم بشباب الثانويه حديثي التخرج ..والي مصروفهم على قدهم .... والي يجون من مدن خارج الرياض ...... كيف يكون وضعهم ؟؟
انا اقول الله يعينهم .. ويكون بعونهم ..
وكلها بسبب أجراءات الوزاره الي ترفع الضغط
تلاقي معاملتك أما مرميه بالدرج لها اكثر من ثلاث ايام ولا تطلع الا بعد طلوع الروح ..
أو تلاقي الموظف الي عنده معاملتك طالع باجازه ولا راح يجي الا بعد ثلاث الى اربع ايام
أو تلاقي الوكيل .. او الوزير.. باجازه .أو مسافرين خارج المملكه ..
. وأجازتهم ما بين اسبوع او اسبوعين ..
أو كل يوم يصدر قرار ويعدم عليك الاول والتالي ... ولا كأنك سويت شي .. وابدا من جديد ..
وهلم جرى
أو تلاقي أحد المراسلين حاط رجل على رجل .. يشرب شااااااي ... ولا هو يم احد .. أوانتظر المراسل لين يجيك مهوب موجود ...( صدق مو بموجود ... لانه بحوش الوزاره .. يطق ببكت دخان )
أو احد موظفي الصادر او الوارد .. ما يعرف يكتب اسمه .. وحاطينه على جهاز كمبيوتر يسجل أرقام المعاملات كاشخ جنبه تقولون مهندس كمبيوتر ........ وهو في الحقيقه
بمممممممممممممم تششششششششششش
بالعربي الفصيح من جنبهااااااااا
عشان يسجل رقم معاملتك بالجهاز يبي له ساااااااااعه كااااااااامله .. ومعاملات الناس متراكمه على طاولته ..
تكفون يارجال : طحالي بينفجر .. كل ما تذكرت مواقف زي كذا ..
والأدهى والأمر من كذا : تلاقي أوراق معاملتك متناااااااااثره بأحدى أروقة الوزاره .. والسبب طريقه نقل الملفات والمعاملات من مكتب لاخر ....
يحطونها على كرسي دوار ..ويراكمووونهااا فوق بعضها
ويسلمونها هندي ... ويسحب فيها من اول السيب لاخر السيب .. .. يفحط فيها ..
امام عيني والله العظيم حدث هالموقف .. وجمعت الاوراق ولخبطها هالهندي فوق حدر .. ودخلها عليهم ..
بس حسته لكم حوستهم لكم حوس الله لا يوريكم .. عشان يتأدبون ..
----------------------------------------------------------------------
على كل حال فيه مثل يقول : من بغى الدح ما يقول اح
وانا .. صبرت ونلت ... ولاني بقايل اح ابد انشاء الله .
بس حبيت اذكر لكم وللوزاااااااااااااره هالنقاط .. عشان تعقل .. وتزبط امورها ...
------------------------------------------------------------------------
انا ياشباب .. صدر لي قرار الابتعاث قبل يومين .. واخذت التذاكر ..ومسافر بيوم 9 اكتوبر على الخطوط الفرنسيه
الساعه 7:15 مساء ..
مقر الدراسه : جامعه اريزونا ستيت Arizona State university
فهل من مصاحب أو رفيق ؟؟؟؟؟؟؟؟؟؟؟؟؟
ودمتم بخيرمواضيع عشوائيه ممكن تكون تعجبك اخترناها لك:
- فقط لترجمة الشهادات الثانويه
- كندا أم أمريكا
- أستفسار حول تخصص إدآرة أعمال مــهــم جــدا أفــيــدوونــــي
- الفزعة يا أخوان لاستفسارات دراسة اللغة لمدة شهور
- ساعدوني الله يخليكوا بخصوص الاجراءات الازمة للسفر بغرض دراسة اللغة
- سلام عليكم استفسارات عن دراسة
- سان رفائيل
- اي واحد يعرف عن مدينة هيوستن شي يتفضل
- خبراء امريكا ساعدوني
- السكن مع عائلة امريكية مسلمة رأيك محل اهتمامنا
- بنـــت الصقـــور وخبراء امريكا الله يجزاكم خير ممكن تفيدونني
- سنه تفرغ
- تغيير فيزا المرافق
- طريقة للحصول على الضمان و الدعم المالي
- دراسة الماجستير بأمريكا
- أرجو منكم الإفادة للأهمية
- عاجل الآي تونتي مجهول الهوية
- الى بنت الصقور وباقي الاخوة هل هو صحيح ام خدعه ؟
- أمس الليل وصلتني رسالة على جوالي وخرشتني
- احتاج الي مساعده
المفضلات