:smile002:
في البداية اودان اشكر جميع القائمين على هذا المنتدى الرائع والذي قدم لي المعلومات على طبق من ذهب واشكر جميع الاعضاء الذين مدوا لي يد العون ونصحوني كما اريد ان اشكر جميع المنتديات الاخرى التي ساعدتني وهي شبكة الطلبة السعوديين في كندا واتحادالطلبة السعوديين.:24:
( كيف بالله المقدمة أصلح مقدم برامج ؟؟؟ موهبة مدفونة):109:
اخيرا وبعد مهاوشات ومناوشات بين وبين نفسي قلت لازم اكتب تقرير عن رحلتي العلمية الى هاليفاكس (نعم علمية ) وقررت اخيرا اني لازم انزل هذا التقرير ولو كان بعد فترة طويلة من الزمن لكن اتخذنا القرار:113: وبسم الله نبدأ:
حقيقة كانت الفكرة تراودني ان اذهب لدراسة اللغة الانجليزية في معقلها بريطانيا ولكن بعد التحري والبحث وجدت ان بريطانيا ليست الخيار الانسب لي بحكم اني ادرس في الجامعة لغة انجليزية خصوصا اللهجة الامريكية .
( نغير التردد)
المهم قلت يابو سعود مالك الا امريكا او كندا وقالي الوالد الله يحفظه امريكا لا لا قلت كندا ولان فيزتها اسهل واسرع .
في البداية ماكان موافق الوالد لكن بعد الاحاح واني لو مارحت اخذت الدورة هذه ماعاد اني ناجح وبيتدمر مستقبلي....
جاءت الموافقة في رمضان 1426 ومن ذاك التاريخ وانا افر وافحط في النت ادور على انسب مكان لدراسة اللغة وفي شهر محرم من تلك السنة استقريت على هاليفاكس لأسباب سياسية .
1- لانها اقدم مدينة في كندا تتحدث بالانجليزي.
2- لان اكثر المهاجرين اليها اصولهم من اسكتلندا (سم نوفا سكوشيا باللاتينية بعني اسكتلندا الجديدة
3- مدينة هادئة وصغيرة ومناسبة للدراسة.
4- أهل هاليفاكس الطيبين.
5- قلة الطلبة العرب في فترة الصيف.
بدأت ارتب للرحلة وراسلت جامعة اكاديا وزي مانا ماردوا علي قلت مالك الا أي ال أي ( بانزل عنه تقرير باذن الله) والله واغثهم في اليوم الواحد خمسين رسالة . أيش افضل بنك ؟ كيف هاليفاكس ؟ كيف نظام العائلات؟ ....
وفي الاخير قررت اني ارسلهم الفلوس طبعا كل شي كان عن طريقي مراسلة المعهد من النت وتحويل المبلغ لهم
وبعد 3 ايام جاتني ورقة القبول واروح اخلص اوراقي الثانية . أكثر ماعقدني الشيك قالوا من بنك الراجحي ماينفع وافر على البنوك الين راح معي عمي الله يعطيه العافيه وخلصنا الاشغال اخيرا واروح للدي اتش ال وارسلها على بركة الله.وانتظرتهم مدة 10 ايام واتصلت قالوا فكنا من الدوخ اذا طالت المدة عن 15 يوم اتصل قلت ابشروا والله بعد 16 يوم ويدق علي رقم وانا في المحاضرة وعرفت انه الدي اتش ال وامشي 200 لين وصلت ويوم افتح الرسالة الا جاتني الفيزا . والله العظيم بغيت انقز من الفرحة النا س يقولون هذه جايته جائزة مليون ريال والا ايش؟:115:
وتبدا رحلة المعاناة والبحث عن خطوط الطيران . فريت مكاتب جدة ومكة كلها كل مكتب اجيه مرتين او ثلاث . افضل حجز حصلته على القطرية جدة-الدوحة انتظار 6 ساعات –لندن انتظار 6 ساعات – هاليفاكس . المهم وانا رايح ادفع الفلوس لهم في جدة الا القى ذاك المحل اللي ماقد جيته قلت ياولد خلنا نروح وانشاء الله نلقى عنده والله ويطق على الكيبورد الا يوم ابتسم وقال واحد توه مكنسل رحلته احجز قلت احجز جدة-لندن انتظار ساعات – هاليفاكس كانت قيمة التذكرة 6400 ريال طبعا من جدة الى لندن الخطوط السعودية – لندن الى هاليفاكس على الكندية واخذ التذكرة وكان مابقي على الرحلة الا اسبوع . رحت بعدها السوق ومقاضي وحوسة وشيل وحط الى ان جاء الموعد المنتظر..
طبقت اغراضي ملابس وخلافه وكان اللي مسوي زحمة قاموس اكسفورد ابو 50 الف مليون صفحة اخذ نص الشنطة . طبعا ما اخذت كاميرا معي ليش لاتسألوني الى الان مادري ليش؟؟... رايح لطلب العلم.
16 يناير رحت ودعت الحبايب كلهم ومريت جدي وعمي وحركت من مكة الساعة 9 الرحلة الساعة 2 في الليل لكن اخوكم متحمس:1279: وانا في الخط انهالت علي الاتصالات من كل حدب وصوب واللي يبكي والي يقول متى ترجع:110: .... شخصية محبوبة من جميع المخلوقات.:1279: :1279:
وانا في الطريق وكان اخوي اللي موديني للمطار مريت جرير واشتري شنطة كتف ونروح للمطار وسواليف الين ماجاء الموعد . ودعت اخوي واروح للطيارة نستنى الين قالوا يالله اصعدوا الى الطائرة ايها الحبايب.
انتهت الحلقة الاولى من مسلسل فرناندو والرحلة الى المجهول..
بالله لو احد يساعدني كيف انزل الصور مع الموضوع لاني حملتها في الموقع وماعرفت انزلها مع الموضوعمواضيع عشوائيه ممكن تكون تعجبك اخترناها لك:
- تورنتوفانكوفرالافضل شباب
- ارجوا الافاده بسرع وقت
- انفلونزا الخنازير اصبح وبآآآء عآآآلمي من الدرجة السادسة والله بديت اخاف
- هل أجد لديكم عناوين موتيلات؟؟
- الدول الي ممكن اسافر برحلات داخليه منها الى تورونتو بكندا
- صادروا ما معي في المطار
- متحيره في الاختيار ارجوا من اصحاب الخبره افادتي
- لو سمحتوا أنا أبسافر لكندا وعندي كم سؤال ؟
- تحذير يمنع وضع الإيميل الشخصي
- ارجو المساعدة الولادة في كندا
- رحله عائليه إلى كندا الصيف القادم
- دخول كندا عن طريق أمريكا؟؟
- استفسار بخصوص فيزا كندا مساعدة
- مدارس ثانوية في اوتاوا ارجو المساعدة
- معلومات لمن اراد الدراسة في معهد فانكوفر في كندا
- آحتاج الجواز عندي سفر بعد ايام
- قريبا في فانكوفر
- عائلة ممتازة لتقبيل
- تسلمون ما هو ال
- فانكوفر ولا تورينتو
المفضلات