الموضوع: اجازه الصيف واللغه

السلام عليكم ورحمه الله وبركاته

يااخوان الاجازه الصيفيه بعد كم شهر وانا حاط ببالي بإذن الله اطلع لامريكا اخذ لغه 3 شهور او شهرين فاتمنى اللي عنده خبره بالامور هذي يساعدني ابي اعرف الاساسيات
متى اطلع التاشيره او الفيزا وماهي المتطلبات-متى الفحص الطبي- وش افضل المعاهد بحيث تكون جيده وقيمتها مقبوله بنفس الوقت(افضل معهد مافيه عرب كثير) -ماهي المدن المناسبه للدراسه والسياحه في نفس الوقت وتكون آمنه واسعارها مناسبه والمواصلات تكون متوفره ومايكون فيها عنصريه(ملينا وحنا نقول اننا من دبي )بلإضافه للميزانيه الشامله للمعهد والسكن مع عائله والمصاريف المعتاده
هذه الاشياء المهمه واتمنى اللي عنده شي اضافي مايبخل علينا حتى تعم الفائده

مواضيع عشوائيه ممكن تكون تعجبك اخترناها لك:

• سؤال عن بريطانيا
• شرايكم في هذا البرنامجياليت من الاخوان اصحاب الخبرة يعطوني رايهم
• أسباب قبول فيزا انجلترا
• تخصص علوم سياسية
• أفضل ولاية للدراسة والسكن في أمريكا
• ولايه
• الرجاء المساعدة من فضلكم ؟؟؟
• عسل في رحلة التعب إلــى حلب
• الملحقية تنشر أسماء الطلاب الحاصلين على قبول عن طريقها
• ياليت تفيدوني ياشباب بأيهم الأفضل
• الدرآسه في امريكآ
• بعثات الطيران المدني
• استفسار عن المناطق السياحية و رحلات القروبات للبنان
• يامرحبا بالمسافرون العرب
• تخصصات للطالبات
• بشرى وسلوى لمن تم رفضهم في البرنامج الأول والثاني
• مساعدتكم شباب افضل معهد في
• سؤال عن جامعات فلوريدا
• ماجستير في ساعدوني
• سوانزي

وعليكم السلام ورحمه الله وبركاته ..

اول شيء اخوي الله يوفقك يا رب وين مارحت ويسهل لك امورك ، والله انا اشوف ان 3 شهور مو كافيه مره الا اذا انت الانجلش عندك زيرو وحاب تتعلم الاساسيات
المعهد بشكل عام ماراح يعطيك اللي انت تبيه لان الشيء الاهم الممارسه ، والسكن مع عائله امريكيه تاخذ وتعطي معها
طبعاً انت عارف اول شيء تحتاج الاي توني عشان تقدم على السفاره وتاخذ الفيزا ، الاي توني يحتاج تشوف لك معهد تراسله ويطلبون منك


1. شهادتك الثانويه او الجامعيه
2. صوره الجواز
3. الضمان المالي
بعدها تعبي ابلكيشن الفيزا ب السفاره الامريكيه وفيه شروحات كثيره بهالموضوع
بالنسبه ل افضل المدن انا حالياً ب سان دييغو كاليفورنيا


المدينه تعتبر متوسطه الى حد ما غاليه ب بعض الاماكن


ما لان جوها جداً جميل مافيها برد مثل المناطق الشماليه


..


افضل المعاهد اللي فيها


معهد ucsd


Sdsu


ELS


انا اشوف افضل معهد الاول لانه تابع لجامعه اكاديميه وليست خاصه


لكن نظام سمسترات


العرب بشكل عام .. اشوفهم بكثره لكن ما اظن فيه اشكاليه لما اقول اني سعودي !! ب العكس اشوف الابتسامه شاقه وجهم شق طبعاً اتكلم ب النسبه ل الاجانب ..


مافيه عنصريه ابد ..


معهد ELS اقل نسبه عرب فيه


اذا .. عندك استفسارات انا موجود

مشكور الله يعطيك العافيه طيب بالنسبه للتكلفه كم تتوقع

بعطيك الاشياء الاساسيه والباقي تعتمد عليك انت

اذا انت جاي لحالك .. اشوف افضل لك تسكن مع عائله


العوائل اسعارها مابين 700 الى 1200


السكن في الداون تاون غرفه .. ب 800


العوائل ميزتها .. انهم يحسبون لك الفطور والعشاء والغسيل والافضل من هذا كله السبيكنق يتطور عندك


لكن العوائل حظوظ


وتقدر تشيك ب موقع


homestayfinder


وفيه مكاتب اذا حاب ازودك ب ارقامهم يبحثون لك اقرب عائله للمعهد لكن اشوف الخيار الاول افضل


اذا عزمت على سان دييغو هالموضوع ان شاء الله بيكون سهل


تكلفه تذكره الباص والترولي 72 دولار


المعاهد عندك من 400 دولار شهرياً لكن معاهد مشي حالك .. انا افضل ELS
لكن اتوقع شهرياً 900 دولار


ELS SAN DIEGO


اكتبه ب بحث قوقل اذا حاب تشيك على اسعار المعهد والبرامج الموجوده فيه امكانيه تصفح الموقع ب اللغه العربيه


من ناحيه المطاعم فيه مطاعم كثيره حلال وفيه مطاعم عربيه


الاسعار تقريباً للوجبه من 8 دولار وبعضها توصل 25 دولار




ان شاء الله اني مانسيت شيء واذا .. عندك استفسارات او اذا نويت وحاب اساعدك ب الاي توني ابشر


واللي ابيه دعوه خالصه لوجه الله


لكن اهم شيء اهم شيء اجراءات السفاره لاتفكر تروح لمكاتب نهائياً فيهم استغلال والله مو طبيعي راح ابدا معك خطوه بخطوه اذا حاب


الله يسهل لك امورك ..

الله يعطيك الف عافية
تحياتي