الموضوع: عن جامعه ملسبينيا

السلام عليكم ورحمه الله وبركاته

اخواني واخواتي الكرام

عندي كم سوال واتمنى الاجابه منكم


انا قدمت على جامعه فكتوريا بسبب تخصصي غير موجود الا في جامعه فكتوريا ولكن طلبو مني اول اني اخلص التوفل قبل ماسجل في برنامج الجامعه فلذلك غيرت الا جامعه ثانيه وهي جامعه ملسبينيا في منطقه اسمها نانيمو والصراحه انا ماعرف شي عنها واخذت تخصص اداره اعمال لاني مجبور عشان يجي القبول مع العلم التخصص اللي انا ابيه في فكتوريا هو اداره مستشفيات..وابشركم وادعو لي جوازي في السفاره وله يومين وانشالله يطلع بدري. مع العلم اني على حساب الحكومه

السوال؟
1- في احد يعرف شي عن جامعه ملسبينيا ؟
2- في احد يعرف عن مدينه نانيمو اللي فيها الجامعه؟ عن المعايشه في نفس المدينه؟
3- هل صحيح اني اقدر اغير من الجامعه بسهوله يعني عن طريق الحكومه يعني احول يعني اقدر بعد ماخلص التوفل انقل لجامعه فكتوريا؟ بسهوله بدون تعقيد...
4- هل يوجد مكتب لسفاره السعوديه في فانكفور ..؟ وماذا افعل اذا وصلت هناك
5- اسكن مع عائله افضل ولا في سكن الجامعه ؟

نصائحكم لو تكرمتوا لي

واشكر الله سبحانه وتعالى ثم اشكر القائمين على هذا المنتدى ومن اعماق قلبي ادعو لكم وللجميع..

اخوكم
طلال بن محمد

مواضيع عشوائيه ممكن تكون تعجبك اخترناها لك:

• ساعدونى مسافرة لكندا وعندى مشكلة
• كندا للسياحة ثم الدراسة
• كيف اجد شقه في تورنتو يكون موقعها قريب من الداون تاون ومفروشه
• دراسة اللغة الانجليزية في كندا اكاديمي
• خبراء رتشموند وبورنبي أرجو الدخول لو سمحتوا
• استفسارات
• الفيزا تنتهي قبل ما أغادر كندا
• سؤال عن الكرت المطلوب تعبئته
• الدولار الكندي ريال سعودي
• يا اخوان هل يحتاج فيز لبريطانيا اثناء التوقف في لندن
• ابغى اشتري سيارة في فانكوفر بليز الفزعة
• ضررررووووورررري اليوم لا الحين
• كم من الوقت
• هل أستطيع الحصول على فيزا دراسية لكندا
• كيف معادله الشهاده
• أفضل الاماكن الأوت لت في فانكوفر
• السفارة طلبت مني اجراء مقابلة
• ارجوا الدخوللم عنده معلومات حول
• كندا في نوفمبر
• اريد مساعدتكم عن ولاية فيكتوريا بكندا

هلا فيك اخوي
السلام عليكم
بنسبة لجامعة مالسبينيا جامعة عريقة لاكلام عليها اختيار موفق :24:
تقع في جزيرة ننايمو من ادفى المناطق
كانت لي فكرة ادرس فيها
وفي واحد من الشباب راح يجي بالجامعة بعد شهرين تقريباً
تقدر تغير الجامعة تكلم مع الملحقية واعطيهم السبب ومراح يقصرون معك
لايوجد مكتب للسفارة السعودية في فانكوفر لاكن بالتللفون تقدر تقضي كل حاجاتك
السكن مع عائلة افضل لك في بداية الامر لتكيف وضعك مع ثقافتهم وتحسن اللغة بشكل اسرع


واي خدمة حنا لك حاضرين :101:

اول مرره اسمع فيها
عندك رابط موقعهم؟

هذا موقع الجامعة ...

http://www.mala.ca/index.asp

تحياتي ...

تسلم وماقصرت وبحد ارتحت من كلامك عنها ..

1-بس عندي استفسار كيف اقدر اكمل اوراقي بدون الملحقيه وهل لازم اني اروح السفاره عشان افتح حساب البنك والتامين الصحي ولا كيف الطريقه..
2-وايش اول شي اسويه اذا وصلت هناك اكلم السفاره مثلاُ بضبط ايش اسوي مع العلم الحمدلله لغتي ممتازه , وهم بعد عشان رحلتي مراح تنزل الا في فانكفور.
3-وكيف اقدر اخذ معلومات اكبر عن المدينه اللي بكون فيها لاني انشالله باذن الله بكون هناك في حدود شهر ودراسه راح تبدا في 23/4/2007

اخوكم
طلال بن محمد

أتمنى من الاخوان أو الاخوات اللي عندهم معلومه مايبخلون عنا فيها ...

ومادري تنصحوني اخذ زوجتي اول معاي ولا اخليها عشان اشوف الوضع هناك وارجع اخذها.

اخي الكريم اسمح لي اجيب عن بعض استفساراتك الي اعرفها

اولا انت تقول انه لغتك ممتازه جدا ليش تسكن مع عائله ؟؟؟
ثانيا نصيحه لوجه الله خذ اهلك معاك لانه كثير من المبتعثين اتمرمطوا عشان يرجعوا وياخدوا اهاليهم فماله داعي تتركهم من اصله وبعدين الحمدالله فيه في مدينه فانكفور نادي للطلبه السعوديين بس انشالله اقدر اجيبه ليك

ثالثا ضروري اول ماتوصل كندا

تقوم بالإتصال على الملحقية الثقافية، وذلك لإخبارهم بوصولك، و سوف تقوم الملحقية بإرسال جميع النماذج التي يجب إكمالها ومن ثم إرسالها للملحقية، وذك لكي يتم إصدار بطاقة وكذلك الإعتمادات المالية. وينصح أيضا بإرسال صور من جوازات السفر للملحقية



وعنوان ملحقية المملكة العربية السعودية هو

Royal Embassy of Saudi Arabia

Saudi Arabian Cultural Bureau

99 Bank Street, Suite 1144

Ottawa, Ontario , K1P 6B9 , Canada

Tel(613) 238-5555

Fax(613) 563-9010

E-Mail: mailto:[email protected]

وموفق ان شاء الله واذا لقيت شيء تاني راح اقلك عليه

الله يعطيك الف عافيه يــ المانيه

واتمنى من الجميع اللي عنده معلومه مايبخل علي ..

شاكر لكم.

اخوكم طلال بن محمد

اتمنى من الاخوان او الاخوات...

يعطونا اكبر معلومات في حال الوصول وبذات للمدن البعيده عن السفاره مثل فانكفور واتمنى اشوف الطريقه الصحيحه والمختصره للوقت..

السلام عليكم
أخوي ما فهمت سؤالك الأخير وضح زيادة عشان نخدمك.
ثانيا: الجامعة أعرف كم شخص يدرس فيها بس انتظر ردهم. ,انا احتمال كبير ان شاء الله اقدم على نفس الجامعة.
بالنسبة للجامعة انا اشوف لي ما تحاول تحول على فيكتوريا اذا قدرت ترى المدينة و الجامعة فيها روعة. ممكن تدرس في البداية في مالاسبينا بعدين تحول اذا قدرت. انا درست في جامعة فيكتوريا روعة والمدينة مره رايقة. بس للأسف ما عندهم تخصصي ولا كان كملت معاهم.
الله يخليك فصل سؤالك الأخير و ان شاء الله بنخدمك

تفصيل السوال طال عمرك

ابغى اعرف اذا وصلت كندا بإذن الله ايش اول شي اسويه وخاصه اني راح اوصل الى فانكفور واللي عرفته من الناس واللي سمعته ان السفاره مو موجوده في فانكفور او مكتب يخص السفاره..


وشاكر لكم جميعاً

إضافه..


لمن اوصل لـــ فانكفور هل اقعد فيها وارسل بلفاكس للسفاره او اروح للمدينه وبعدين ارسل من هناك بصراحه احس اني تايه شوي ومع العلم بيروح معاي 2 من اصحابي وكلنا على حساب الوزاره.. لكن المشكله ولا واحد فيهم يعرف يركب كلمه يعني كلهم في وجهي وانا اللي لازم اخلص امورهم معاي عشان كيذا احس هم على اكتافي وبذات انهم صغار في السن واهلهم حطينهم في رقبتي..

طال عمرك على طاعة الله ان شاء الله، الظاهر و الله أعلم انه ما يحتاج تنتظر في فانكوفر لانك كذا كذا بتخاطب السفارة بالفاكس و عن طريق التليفون يعني بترسل اوراقك لانه زي ما قلت لا يوجد قنصلية أو سفارة في فانكوفر.

على العموم انت طريقك بيصير نفس طريقي اول ما وصلت لاننا الأثنين ندرس في تقريبا جزيرة تفصلنا عن فانكوفر العبارة(الفيري) أو طبعا ممكن تأخذ طيارة (من أبو مراوح الصغار (: )، المهم بتوصل ان شاء الله مطار فانكوفر الدولي، بيكون قدامك طابور حق الجوازات تخلص منه ان شاء الله بعدين تاخذ الشنط حقتكم هذا اذا ما كانت رحلتكم متواصلة يعني عندكم طيارة ثانية بتوصلكم نانايمو، اذا ما في, عندك احد خيارين اذا و الله حاب تاخذ يوم ولا يومين اذا عندك وقت في فانكوفر بس عشان تشوفها اذا حاب أو تكمل على نانايمو، بالنسبة للروحة للنانايمو عن طريق العبارة (الفيري) ارخص وبرضه ما شاء الله مناظر طبيعية روعة، ممكن تأخذلك تاكسي وتقوله ابي اروح الفيري حقت نانايمو ويوديك.

ارجع اقول ما هو اجباري تجلس في فانكوفر لان ما فيها السفارة وكذا كذا بترسل اوراقك بالبريد او الفاكس، على العموم بالنسبة للتفصيلات حقت اوراقك مع الوزارة و الله انا ما عندي خلفية يمكن احد من الشباب يخدمك لأاني طالع على حسابي.

و بالتوفيق ان شاء الله و الدعوة كلها تساهيل بس خلي الوالدة تدعيلكم. (:

الله يعطيك العافيه ويوفق الجميع...

السلاام عليكم ورحمة الله وبركاته ..

تفضل ياخوي هذا موقع النادي السعودي في مدينة فانكوفر ... وإن شاء الله بتحصل فيه كل الاجوبه عن استفساراتكـ

http://www.saudihouse.org/main.htm



وهذا رابط الملحقيه الثقافيه بكندا
http://www.saudibureau.org/

والله الموفق

تسلم ويعطيك الف عافيه وماقصرت

نصيحه للجميع ...


انصحكم عند وقت التحليل انكم تروحون لمركز الحبيب بسبب سرعه ارسال الفحوصات في خلال يومين فقط.