الموضوع: أنتظر الأجابة الشافية وشكـرا ً

السلام عليكم ورحمة الله وبركاته
كيف حالكم يالاخوان المغتربين والغير مغتربين ان شاء الله بخير تمنياتي للجميع بالسعادة والتوفيق :
يالاخوان انا عندي نقطة مهمة أتمنى أحصل جواب من الاخوان الفاهمين والمجربين أن أمكن أنا يالاخوان ناوي أطلع فيزة طالب (ستيودنت) وطبعا لازم تكون فترة دراستك اكثر من ست شهور فالمهم انا كلمة معهد في السعودية على أساس انه يجيب لي قبول أكثر من ست شهور من أي معهد (قبول وهمي) وافق المكتب لكن المشكلة كل شوي يزيد علي احسه يستغلني يعني مره يقول ثمان مية ومره يقول ألف ومره تنقص ومره تزيد ففكرت انا لو أجيب ورقة قبول من كندا لأكثر من ست شهور وقدمت الجواز بنفسي وقدمت الطلب أفضل من المعهد ويقولون ( جلد مو جلدك جره على الشوك ) مثل ماصارت لزميلي قدم على مكتب وضيعوا طلبه وجوازه ، فمادري يالاخوان انا حاب اجيب قبول وهمي من معهد اني راح ادرس فيه اكثر من ست شهور عشان اقدم لفيزة الطالب لكن مادري كيف ؟ لغتي الانجليزية ماتساعد اني اكلم معهد ، وكلمة شخص أعرفه في كندا عشان يجيب لي القبول لكن لغته العربية ضعيفة ومافهمته زين مره يقول لازم تدفع لهم المبلغ كامل ومره يقول لا وضيعني فمادري يلاخوان ........
هل من الممكن اكلم شخص يطلع لي قبول وهمي من كندا عشان اقدمه في السفارة او اقدم من المكتب واتوكل على الله لاني والله مو مرتاح له ابد علفكرة انا ناوي اريح كم شهر قبل مأدرس يعني ماودي اول ما أوصل هناك ادرس ودي اريح شوي ثم ادور المعهد على راحتي اتمنى جواب من الاخوان وبالتوفيق للجميع ...
ننتظر

مواضيع عشوائيه ممكن تكون تعجبك اخترناها لك:

• ابي تعليمات ومساعدة قبل السفر
• كريم سبله عاجل اريد مراكز متخصصه في علاج التأتأه في كندا
• الدولار الكندي
• خبراء فانكوفر ، احييكم ، والرجاء الدخول لمساعدة المسافر
• عطووووووووني سعر تذكرة كندا
• ابي فيزا سياحية لدراسة اللغة في كندا او فيزا طالب
• من فيكم ذاهب الى فانكوفر؟؟
• الرجاء من الأخوان مساعدتي عن هاليفاكس
• موقع ممتاز للبحث عن منزل فى كندا
• شيك الفيزا للسفارة هل يجب ان يكون لي حساب في البنك
• اسئلة ظروري من الاعضاء الله لا يهينكم
• ماخاب من استشار ولا ندم من استخار
• تقرير مصور عن مطعم
• بس كيف الطريقه عشان نعباء نموذج طلب تاشيرة سياحية الى كندا من يساعدنا
• عائله كندية أصل وفصل بطن وظهر خخخخ
• هل هناك قانون مثل حضور الطلاب مثل امريكا
• الى العضو ارجو المساعدة
• سؤال عن متطلبات الذهاب كنجستون
• وشراايكم بهالفندق في تورنتو
• استفسار عن منطقة الشحن في مطار فانكوفر

اخوي في مكتب انا جربته صراحه وتمام

اللي هو الرحلات الذهبيه في الرياض بشارع الثلاثين.

طلال بن محمد وش سويت انت بالضبط ؟
يعني طلبت منه يجيب لك قبول فقط او يسجلك في معهد لكم شهر ودفعت له كامل المبلغ ؟؟

واذا تقدر تضيف لك الشكر
########

حبيبي تقدر تراسل اي معهد ويجيك قبول آلي منهم خلال دقيقة وحدة
وكل هذا مجاني ، ما عليك الا طباعة الايميل اللي بيوصلك وتقديمه للسفارة
وأنا جربت هذا بنفسي،،،،،،،،،،
تحياتي

اخوي ريلاكس متأكد انت ان التسجيل في المعهد مجانا ؟؟
لان اللي اعرفه تقريبا 85$ كندي قيمة التسجيل فقط على كلامك العالم مارح تسجل من مكاتب بعثات ابد راح تسوي هالطريقة وتوفر على انفسها مبالغ كبيرة ،،،، يمكن اكون فهمتك غلط ياليت توضح اكثر لاني ناوي اجيب قبول فقط من معهد في تورنتو لاكثر من ست شهور يعني ماودي ادرس في المعهد فقط قبول وهمي فهمت علي .... ؟
انتظر

اخوي رشودي
انا بنفسي راسلت معهد بفانكوفر قبل 11 شهر وارسلو قبول على طول وارسلتها للسفارة وعطوني التأشيرة، وأنا الآن في فانكوفر.
وسألني أحد الزملاء نفس سؤالك وأخبرته بالطريقة واعطوه التأشيرة وهو موجود الآن في فانكوفر.
أتوقع فيه معاهد ترسل مجاناً ومعاهد لا . وهذي المعاهد تجارية ماعندها مشكلة ترسل لك قبول في اي وقت تريد مجاناً ، وأزيد على ذلك اذا طلبت مدة الدراسة في الابلكيشن سنتين يعطوك قبول لمدة سنتين وهذا الشي يفيدك في مدة التأشيره اللي ترغبها ،،،،،، تحياتي

اخوي ريلاكس طيب ممكن تضيفني عندك في الماسنجر للضرورة ودي أستفسر بخصوص هالموضوع وتوريني طريقته واكون لك شاكر وممنون ،،،،،، اذا ماكان عندك مانع يالاخو ....
########

ياحيبي أنا جاءني قبول ولكن عن طريق الكلية كلية كامبريج في تورنتو التي سوف أدرس اللغة فيها وذلك بعد مراسلتهم وارسال الحواله المبلغ وجاء الرد لي بعد أسبوع واليوم قدمت اوراقي عن طريق أرامكس في جده الي السفارة الكندية. ونصيحة أبعد عن المكاتب والله حرامين. شوف أي واحد من أصدقائك أو أقاربك تكون لغته جيده يقوم بالمهمة .

اخوي الغالي ابو عمر شلون الحواله كم حولت لهم يعني ؟؟؟

حولت لهم حوالي 5000 دولار رسوم التسجيل و- مصروف الدارسة من 4-9 2007 الي 8-7 2008 يعني حوالي عشره أشهر

يا اخي انا قدمت على كلية بادرس عندهم لغة

اخذوا مني 100 دولار كندي رسوم التسجيل وارسلوا لي ورقة القبول وارسلتها للسفارة وجاتني الفيزا والحمد لله بدون ما ادفع اي دولار رسوم الدراسة قلت لما اروح هناك ادفعها بنفسي

طبعا الابليكشن عبيته وارسلته ايميل والدفع عن طريق الماستركارد وتقدر تحول لهم حوالة

اعتمد على نفسك واخسرك من المكاتب ترى الشغلة ما تسوى

اخوي بو عمر فهمتني غلط انت انا ودي اسوي مثل الشباب ماودي ادفع مبلغ الدراسة كامل ابي اطلع قبول واسافر وادرس وادفع بكيفي مثل ماقال الاخ Mba .
طيب اخوي الغالي Mba انا ابي اسوي نفس طريقتك يالغالي لكن ممكن توضح لي نقطة نقطة
يعني ممكن تعطيني اسم المعهد او رابطه على النت ؟
وبعدين الابلكيشن انت عبيته في السعودية ورسلته ايميل شلون يعني مو المفروض الابلكيشن توديه للسفارة او لشركاة النقل المعتمدة مثل دي اتش ال او ارامكس ؟
ياليت توضح لي هالنقطة بالتحديد واكون لك شاكر وممنون .
أنا ابي قبول وهمي لمدة سنة مثلا في معهد تابع لكلية لدراسة اللغة في تورنتوا ؟ هذي الخلاصة اللي عنده رابط لمعهد يعطيك هالقبول يعطيني اياه وشاكر له او اللي موجود في تورنتو ووده يساعد هم بعد شكرا له وانتظر ردودكم وشاكر يالاخوان المشاركين في الرد ...

هلا حياك اخوي

طيب اخوي مو انت تبي تدرس 6 شهور او اكثر خلاص اختر المعهد اللي تبي على اساس انك بتدرس 6 او 7 او 8 شهور عندهم بس تشرط عليهم انك بتدفع قيمة الثلاث شهور الاولى او اول شهرين او اول شهر تمام بعد كذا هم بيرسلون لك ورقة القبول على اساس انك بتدرس 6 شهور بس كل مدرسه تختلف عن الاخرى يعني فيه مدارس وجامعات ماترسل لك ورقة القبول الا اذا دفعت وفيه مدارس ترسل لك ورقة القبول علطول عاد انت وحظك ...
وبعد عن المكاتب وخلص امورك بنفسك واتمنى اني افدتك

تسلمون حبايبي على الردود الجميلة وكلكم افدتوني والحمدلله ،
يالغالي Him صحيح انا ناوي اجلس اكثر من ست شهور عشان احصل على فيزة طالب لكن المشكلة القبول من المعهد لان ماودي ادرس اول مأوصل يعني ودي اسجل فقط واريح شوي وادرس متى ماودي لكن المشكلة بعض المعاهد تقولك لازم تدفع المبلغ كله كاش انا ممكن ادفع حق اسبوعين مثلا واتغصب الروحة للمعهد مو مشكلة لكن يقولون ايضا ان السفارة تسألك تقولك ورينا الورقة اللي تثبت انك دفعت تكاليف الست شهور هذي كلها فمادري وش الحل برأيكم ؟ أو افيدوني مشكورين

والله وانا خوك هذي صعبه بس عندي لك راي يمكن تزبط معك الطريقه

انت روح للسفاره على انك بطلع 3 شهور فيزا سياحيه وقلهم هل اقدر اممد الفيزا او اغيرها لفيزة طالب ولا لا ؟ وشوف وش بيقولون لك ؟

تقبل تحياتي

يقولون ماتقدر تغيرها الا اذا رجعت للسعودية ،،، أو انك توكل محامي في كندا يطلع لك فيزة طالب ولكن بعد مايأخذ الملبلغ الفلاني بالدولار ..... احسها ماتضبط .

الله يعينك والله حبيت اخدمك لكن وش اسوي


تحياتي

يعطيكم العافية يا شباب

أنا صراحة ودي تعطوني اسم معهد ما يرسلي قبول بدون ما ياخذ تكاليف الدراسة , لإني ودي أضمن آخذ الفيزا أول .

ولو أرسلت لهم 100 $ أو 200$ ما عندي مشكلة المهم ما أرسلهم فلوس تكاليف الدراسة إلا لما أتأكد من الفيزا وشكرا

انتظر أسماء المعاهد ويعطيكم العافية
وهذا إيميلي ###########

تسلمون حبايبي وتسلم حبيبي Him يكفي مشاركتك حبيبي .
بالنسبة لك اخر رحال أنا مثلك تقريبا وهذي مشكلتي ابي معهد يرسل لي قبول وماعندي مانع ارسل له مثلا 100 $ ولكن مأبي ادفع تكاليف الدراسة نفس المشكلة تقريبا .
يعني لو واحد من الاخوان الكرام يعطينا مثلا اسم معهد او يعطينا رابط على الانترنت لمعهد ترسل لهم بياناتك يرسلون لك ورقة القبول مثل ماصارت مع بعض الشباب يجيهم قبول اتوماتيك طبعا ً بدون مايدفع تكاليف الدراسة نكون شاكرين له وبالتوفيق ..

Rashoody

فيه واحد من الاخوان هنا بالمنتدى ذكر اسم معهد يرسل لك ورقة القبول بس تدفع رسوم التسجيل يعني 100 او 200 دولار وبس ... واسم المعهد Global Vilage جرب راسلهم وشوف وش بيقولون ولاتنسى خبرناااااااااااااا

المشكلة لغتي ماتساعد اني أراسل معاهد يالغالي ههههه