الموضوع: وش بتسوي بشقتك لما تسافر؟

أخي المبتعث

بعض المبتعثين لما يخرج إبتعاثه يحتار مع شقته و أثاثه ما ذا يفعل به ، فقد يكون توه مخلص من التأثيث أو توه عريس جديد فالبيت لا يزال جديد..

و ش رايكم و ش الحل؟

مواضيع عشوائيه ممكن تكون تعجبك اخترناها لك:

• انا رحت في خبر كان يالله القى مخرج من هالمشكلة
• ارجو المساعدة وهذا اول موضوع لي
• ماهي الجامعات التي تقبل توفل ؟؟؟؟؟؟؟
• بليز ساعدوني ماابى تطنيش
• للاخوان الموجودين في بورتلاند
• السكن مع عائلة امريكية مسلمة رأيك محل اهتمامنا
• مساعده فى تحديد المعهد والجامعه
• استفسار
• سؤال مهم بخصوص قرار الابتعاث الجديد
• أبي أسأل عن الـ ضرورورووري الرد ياجماعه
• نداء لكبار الرواد للشام الكبير دمشق
• غداً موعدي في الملتقى أي خدمة ياشباب ؟؟
• استفسار عن معاهد اللغه في شمال انجلترا
• محتار بالتخصص والدراسة
• قائمة بأعداد الطلبة حسب الدولة و التخصصمن موقع الوزاره
• استفسار عن الجامعات اللي في امريكا عن تخصص هندسة الكترونيات
• الفيزا بلها واشرب مويتها اذا كنت غير مطابق للشروط
• ابي ادرس لغه ببريطانيه بس مو عارف اي منطقه اروح
• ريحونيمبتعثه موسوسه
• استفسار

في عندك عدة خيارات:
1- إما تشحنها وياك في الولاية حقتك عن طريق البحر (أرخص سعر) وتاخذ لها شهر، يعني يمديك تروح وتحصلها وصلت.
2- إما إنك تخزنها في شركات خاصة مقابل مبلغ سنوي.
3- أو إنك تبيعها وتستفيد من المبالغ اللي بتحصلها ، وأنا متأكد من إن سعرها بينزل عن قيمتها الشرائية.

إن شاء الله أكون أفدتك وأنا أنصحك إنك تفكر بالموضوع على راحتك.

أقترح انك تأجرها على أحد عشان تستفيد ماديا منها .. خصوصا اذا كان اللي بيستأجرها واحد تعرفه ..لانه بيحافظ عليها ..والاثاث المهم اللي تحتاجه اشحنه معك ..

المشاركة الأصلية كتبت بواسطة سفر وسياحة
http://www.arabtravelersforum.com/tr...76/#post958376

أقترح انك تأجرها على أحد عشان تستفيد ماديا منها .. خصوصا اذا كان اللي بيستأجرها واحد تعرفه ..لانه بيحافظ عليها ..والاثاث المهم اللي تحتاجه اشحنه معك ..



والله خيار جيد ، ممكن تفكر فيه أخوي بالذات على الأثاث المهم والغالي.

بس ياخوي سفر وسياحة ، التأجير يعني استهلاك الأثاث. ما تشوف كذا ؟

يعني لو ياخذها بيستفيد منها هناك ويستهلكها بنفسه ، يعني ممكن يستهلكها 4 سنوات وقت دراسته ، أو يخزنها نظيفة ويحفظها من التلف والاستعمال ، أو يبيعها ويستفيد من المبلغ حقها.

هذا رأيي وودي أسمع إلى آرائكم ، لأن مثل هذي الحالة تتكرر على الكثير.

فكرة الأجار حلوة لكن وين تلقى اللي تعرفه و تثق فيه ... خاصة أنها أربع سنوات مهيب قليلة

و التخزين مشكلة كبرى لأنه قد يكلفك أكثر من سعر الأثاث

وفيه فكرة أنك تقسمه قسمين فما خف حجمه و غلا ثمنه تستودعه عند أهلك أو أحد أقربائك
و أما غيره فيبيعه

والله اقتراحي زي مقال معاذ اشحنها معاك خصوصا اذاكنت متأهل او على وشك
ولا تفكر تأجرها ياتشحنها معك او بيعها
واعتقد اذا انك متأهل ورايح للبعثه معناته يبيلك اثاث وشكل الأثاث غالي هناك يعني اشحن اصرفلك من انك تبيعها بنص السعر او تأجرها على احد ترى المستأجرين عندهم قاعده (جلد مو بجلدك جره على الشوك)
او اذا انك تعرف لك واحد عزيز ويمون قصدها عليه بنفس السعر اذا اوضاعك تسمح لك تأثث من جديد

وعلى فكره حسب معلوماتي والله اعلم ان بعض الأجهزه الألكترونية اللي عندنا مثل التلفزيون ماتشتغل عندهم لان النظام حق البحث زي(PAL) اوحاجة زي كذا مايشتغل الا عندنا عندهم نظام غير لكن مدري الاجهزة (multi-system) تنفع
تأكد من هالمعلومه

ولاتنسى اذا اشكل عليك اي موضوع وقربت تاخذ قرارك استخير الله وماراح تندم

هذي آثار تأخر البعثة....صرنا نفكر في كل شيء
الله يدلكم على الخير

بالنسبة للي يفكر بالبيع أتوقع أنسب من يشتري الشقة بأثاثها إذا كانت جديدة العرسان الجدد فهم يحتاجون إلى شقة كاملة .. و يبون يرتاحون من عناء البحث و الإختيار..

و إلا وش رايكم؟!

بصراحة شقتنا كانت جديدة وكنا مثل وضعك عرسان جددد وزوجي قال انه راح يبيع الاثاث بس انا مارضيت:106:
لانه بصراحة قتلنا نفسنا على مالقينا اثاث حلو وراقي وبعدين اذا بعنا الاثاث الفلوس بتروح منا في اسبوع يمكن
لذلك قررنا نوزعهم ونخزنهم شوية في بيت اهلي وشوية في بيت اهله عشان لما نرجع مايصير انه تونا راح نبدأ من اول وجديد من جد تعب ترى
وبعنا بعض الاشياء اللي بعد مدة تروح موضتها او ماهي عاجبتنا مرة ومافي لها مكان من الاساس :114:

بس كذا الحين مرتاحين غرفة نومنا واثاث الصالة والمجلس كله موجود وطاولات وكل شي يعني اذا رجعنا البلد ماعلينا الا بس نختار شقة وننقل العفش هناك :24:


نصيحة اذا انت مقتنع في اثاثك لاتبيعه خزنه في احد بيوت اقربائك اذا عندهم مجال صدقني احسن :101:

والله مشكله صحيح ... بس حاول انك تخزنه اما الشحن ما انصحك فيه يعني يطلع عليك اكثر من بيع السوق الا اذا كان غالي مررررررررره ويستحق؟؟ هنا كلام ثاني طبعا والله يسهل لك ان شاءالله

من المصادفات العجيبة ...

واحد من الزملاء بيتزوج قريب و يدور شقة في شمال الرياض ..

قلت له كنت أطري هذا الموضوع في المنتدى ، و إذا تبي حط إعلان في الجريدة مطلوب شقة جاهزة

طيب اذا رحنا حنا من يجيب لنا سكن ويأثثة ومن يعلمنا المناطق ومن ومن ومن ومن ومن ؟؟؟؟؟؟؟؟؟

الله يعين .....!!!!!!هذا اذ طلعت الاسامي

ادعولي

عابر القارات2
أتمنى لك التوفيق

هذي احدى ميزات العزوبيه

السلام عليكم..






طيب اذا رحنا حنا من يجيب لنا سكن ويأثثة ومن يعلمنا المناطق ومن ومن ومن ومن ومن ؟؟؟؟؟؟؟؟؟

الله يعين .....!!!!!!هذا اذ طلعت الاسامي

ادعولي



سؤال وجيــه

لا محتا س بعفشه يجيبه بيت اهلي ياااااااااااااااااااااااااااااااكبره وفااااااااااااااااااااااااااااضي وانا اضمن لكم انه بآمان ومايستخدم ابد


ههههههه شر البليه مايضحك
الله يعيننا