الموضوع: عندك استفسار تبغى معلومة ؟ القيصـر يجيبك من فانكوفر

المشاركة الأصلية كتبت بواسطة صيت
http://www.arabtravelersforum.com/tr...6/#post1241726

اخوي القيصر تسلم على سعة صدرك : ابي رايك في هاليفاكس دراسة اجليزي لمدة شهرين في معهد اي ال اي ... قريت انها مدينة صغيرة وخايف من ضيق الصدر فيها ... اش رايك فيها وفي المعهد لاعدمنك:101:



والله يا اخوي .. الشباب مدحوا لي هاليفاكس لكن مثل ما تفضلت صغيرة شوي ..


لكن المدينة احيانا تعجب ناس واحيانا ما تعجبهم .. على حسب راحتك هي ..

انا عن نفسي ما ارتاح فيها ولا تعجبني .. وبعض الشباب ما يرتاح في فانكوفر !


هذا الشئ راجع للشخص نفسه ..

وبالنسبة للمعهد على ما سمعت عنه انه ممتاز ولا هو شين :24:


موفق حبي

المشاركة الأصلية كتبت بواسطة abdulrhman_111
http://www.arabtravelersforum.com/tr...2/#post1241752

اخوي القيصر انا طالع لفانكوفر في الصيف وابجلس تسع شهور واللغة عندي ضعيفه هل تنصحني بمعهد بريتش كولمبيا



هلا اخوي

معهد برتش كولمبيا على ما سمعت من الشباب .. انهم يركزون على المحادثة اكثر من القرامر والكتابة .. وجوهم فله ..

اذا تبي اللغة والكرف رح لـ يو بي سي ..


موفق اخوي

الله يعطيك العافيه اخوي القيصر

اولا سؤال لجميع الاعضاء في احد يعرف مؤسسة سميرة احدى فروع شركة الراجحي للتعليم و تنمية الموارد البشرية اللي في الرياض؟ اذا فيه احد مجربهم يقولي بالتفصيل عنهم هل هم تمام او لا و يقول عن كل شيء سوه.

سؤالي لك اخوي القيصر\ ابي ادرس لغة بس محتار في اي مدينة

هل فانكوفر فيها سعوديين كثير بالنسبة للمدن الاخرى و افضل مكان ادرس فيه اللغة في فانكوفر وشو

وشكرا لك

المشاركة الأصلية كتبت بواسطة القيصـر
http://www.arabtravelersforum.com/tr...2/#post1246192

تسلم حبيب قلبي .. :24:


متى جاي ان شاء الله ؟

باذن الله 14جون

و اول ما توصل واحتجت اي شئ لا يردك الا لسانك عدني اخوك الصغير ..


اما مسالة اخوك الصغير:108: هذي كثر منها:115: ol

حتى لو تبيني افرفر فيك المنطقة ومدرستك لين تدل وتعرف الوضع واذا تبي نطلع لك جوال وحساب بنك وكل مايلزمك .. انا تحت امرك في اي وقت يا اخوي


اولا نتشرف بشوفتك ومعرفتك وان شاء الله راح اقابلك عشان اشوف خشتك البهيه:109:

ولكن شكلى ابخليك تفرفر لي على ام واب:110: :110:

لان المكتب شكله بوهقنى ولكن نصبر عليه الى ان نشوف اخرتها معاه:112:

وان شاء الله انه يخلصنا على خير

تحياتي لك



ولك حبيب البي وتمنياتي لك بالتوفيق:106:

اخوي القيصر انا رايح فانكوفر في الصيف(بعد 25 يوم من الان ) وقاعد هناك لنهاية شعبان
كيف راح يكون الجو هناك خلال هالفترة ؟
لأني هالاسبوع بشتري الملابس فما ادري اشتري شتوي ولا صيفي

هلا أخوي القيصر بعد اذنك بس بسألك سؤال بعيد شوي عن فانكوفر حبيت استفسر
عن المسافه بين اوتوا وتورنتو لأني احتمال يكون حجزي من هنا الا تورنتو وبعدين اركب باص لأوتوا ...
مشكور أخوي ...

المشاركة الأصلية كتبت بواسطة abu_faisal1
http://www.arabtravelersforum.com/tr...8/#post1249248

اخوي القيصر انا رايح فانكوفر في الصيف(بعد 25 يوم من الان ) وقاعد هناك لنهاية شعبان
كيف راح يكون الجو هناك خلال هالفترة ؟
لأني هالاسبوع بشتري الملابس فما ادري اشتري شتوي ولا صيفي



هلا ابو فيصل

اشتر ملابس صيفية .. انا الحين البس صيفي الى اربع او خمس شهور قدام ان شاء الله ...

وجب معك كم قطعة شتوية للطوارئ ..


موفق

المشاركة الأصلية كتبت بواسطة aboood-08
http://www.arabtravelersforum.com/tr...2/#post1247932


سؤالي لك اخوي القيصر ابي ادرس لغة بس محتار في اي مدينة

هل فانكوفر فيها سعوديين كثير بالنسبة للمدن الاخرى و افضل مكان ادرس فيه اللغة في فانكوفر وشو

وشكرا لك




هلا فيك اخوي ..

الدراسة في فانكوفر تجمع بين الدراسة والسياحة ...

والسعوديين كثير نسبياً .. عن المدن الاخرى .


وبالنسبة للمعهد .. كثار وكل معهد يتميز بشئ .


موفق ان شاء الله

الله يعطيك العافية اخوي القيصر

المعهد هذا(Vancouver International College) وش تعرف عنه هل هو تمام؟

فيه مساجد و محلات عربية؟

و هل فانكوفر مدينة غالية و كم يكفي مصروف لشهرين؟

و اسف جداا كثرت عليك الاسئلة..........

الله يعطيك العافية اخوي القيصر

انا عندي كم سؤال الله لا يهينك

بالنسبة لجامعة بريتش كولومبيا هل ممكن اخذ منها قبول مشروط اذا كنت راح ادرس ماستر ادارة اعمال؟

واذا درست بمعهدهم سنة اللغة واجتزت كل المستويات هل يكفي هذا عن التوفل؟

وبالنسبة لمدينة فانكوفر ودي اسئل عن خيارات السكن فيها من عوائل وشقق خاصة هل هي متوافرة بسهولة؟ وكم متوسط الاسعار تقريبا؟


شاكر ومقدر لك اخوي القيصر

اخوي القيصر ابي الله لا يهينك أسعار التداكر من الرياض الى فانكوفر لاهنت....

اخوي القيصر السلام عليكم

باذن الله ناوي ادرس لغة في كندا وحاب ادور على مدينة قريبه من فانكوفر او من تورنتوا وانا ادري انك ما تدري عن تورنتوا اي حاجة المهم ابي اعرف المدن الي بجنب فانكوفر وهل فيها معاهد جيده لتعليم اللغة الانقليزية ام لا وانا هدفي لغة لا جامعة ولا يحزنون هل من السهل اني احصل قبول في معهد يتبع الجامعة حتى لو لم اكن اريد ان ادرس تخصص اكاديمي وهل يوجد معاهد لغة قوية في محيط فانكوفر
ولك مني التحية

بالخير ياجماعة ..

يعطيكم العافية ..


عندي استفسار بسيط ..

الفيزا الكندية تاخذ ثلاث اسابيع .. فيه طريقة تجي قبل .. يعني ممكن أدخل كزائر وبعدين أدرس لغة ولا لا ..

سبق لي الدراسة بنيوزلاندا ..

وأرغب بالدراسة لمدة شهرين أو ثلاثه .. ومنها تكون سياحة ..

يعني الهدف الأول سياحة وبعدين دراسة وممارسة لغة ..


يعني فيزة الزائر على أي أساس تحدد مدتها !!



السؤال الثاني ..

هل كندا تستحق الزيارة للسياحة ,, أو بريطاانيا ..

يعطيك العافيه

المشاركة الأصلية كتبت بواسطة أبو_عبدالله
http://www.arabtravelersforum.com/tr...8/#post1249378

هلا أخوي القيصر بعد اذنك بس بسألك سؤال بعيد شوي عن فانكوفر حبيت استفسر
عن المسافه بين اوتوا وتورنتو لأني احتمال يكون حجزي من هنا الا تورنتو وبعدين اركب باص لأوتوا ...
مشكور أخوي ...



والله يالغالي ما عندي علم للأسف ..

ودي اخدمك ..


تحياتي

المشاركة الأصلية كتبت بواسطة aboood-08
http://www.arabtravelersforum.com/tr...4/#post1256614

الله يعطيك العافية اخوي القيصر

المعهد هذا(Vancouver International College) وش تعرف عنه هل هو تمام؟

فيه مساجد و محلات عربية؟

و هل فانكوفر مدينة غالية و كم يكفي مصروف لشهرين؟

و اسف جداا كثرت عليك الاسئلة..........




المعهد هذا طال عمرك يعتمد على القرامر والمحادثة بشكل جميل ..

وبالنسبة للمدينة .. تعتبر غالية والمصروف الشهري راجع لك انت .. ولا اعرف كيف طبيعتك ..

مثلاً انت مدخن او لا ؟

راعي سهرات في الويك انت او لا ؟


الشخص الملتزم يكفيه 500 دولار بالشهر .


تحياتي وتقديري

المشاركة الأصلية كتبت بواسطة abo.n
http://www.arabtravelersforum.com/tr...6/#post1266176

اخوي القيصر ابي الله لا يهينك أسعار التداكر من الرياض الى فانكوفر لاهنت....



والله يالغالي ما اعرف كم الاسعار حالياً .. لأني صار لي اربع شهور عن السعوديه ..

لكن ممكن تقرأ موضوع ولد الصقور .. فيه الاسعار بشكل متجدد


تحياتي لك

المشاركة الأصلية كتبت بواسطة محلل مالي
http://www.arabtravelersforum.com/tr...7/#post1263917

الله يعطيك العافية اخوي القيصر

انا عندي كم سؤال الله لا يهينك

بالنسبة لجامعة بريتش كولومبيا هل ممكن اخذ منها قبول مشروط اذا كنت راح ادرس ماستر ادارة اعمال؟

اللي اعرفه انك تقدر تاخذ قبول مشروط .

واذا درست بمعهدهم سنة اللغة واجتزت كل المستويات هل يكفي هذا عن التوفل؟

نعم يكفي

وبالنسبة لمدينة فانكوفر ودي اسئل عن خيارات السكن فيها من عوائل وشقق خاصة هل هي متوافرة بسهولة؟ وكم متوسط الاسعار تقريبا؟

العوائل اسعارهم معروفه من 700 الى 900 . والشقق تختلف اسعارهم من منطقة لمنطقة . ومتوفره بسهولة .

شاكر ومقدر لك اخوي القيصر



تحياتي لك اخوي

المشاركة الأصلية كتبت بواسطة assaq
http://www.arabtravelersforum.com/tr...7/#post1266877

بالخير ياجماعة ..

يعطيكم العافية ..


عندي استفسار بسيط ..

الفيزا الكندية تاخذ ثلاث اسابيع .. فيه طريقة تجي قبل .. يعني ممكن أدخل كزائر وبعدين أدرس لغة ولا لا ..

خلك نظامي يحتار عدوك فيك وممكن تدخل زائر وتدرس

سبق لي الدراسة بنيوزلاندا ..

وأرغب بالدراسة لمدة شهرين أو ثلاثه .. ومنها تكون سياحة ..

يعني الهدف الأول سياحة وبعدين دراسة وممارسة لغة ..


يعني فيزة الزائر على أي أساس تحدد مدتها !!

والله يالغالي ما عندي علم بالسفارة .



السؤال الثاني ..

هل كندا تستحق الزيارة للسياحة ,, أو بريطاانيا ..

فانكوفر مدينة جميلة جداً وعن نفسي مبسوط فيها .. وبريطانيا ما اقدر افيدك فيها ولا اعرفها .

يعطيك العافيه





تحياتي لك اخي الكريم

المشاركة الأصلية كتبت بواسطة fahoooood
http://www.arabtravelersforum.com/tr...5/#post1266655

اخوي القيصر السلام عليكم

باذن الله ناوي ادرس لغة في كندا وحاب ادور على مدينة قريبه من فانكوفر او من تورنتوا وانا ادري انك ما تدري عن تورنتوا اي حاجة المهم ابي اعرف المدن الي بجنب فانكوفر وهل فيها معاهد جيده لتعليم اللغة الانقليزية ام لا وانا هدفي لغة لا جامعة ولا يحزنون هل من السهل اني احصل قبول في معهد يتبع الجامعة حتى لو لم اكن اريد ان ادرس تخصص اكاديمي وهل يوجد معاهد لغة قوية في محيط فانكوفر
ولك مني التحية



اتمنى اخوي تحدد انت مسافر الى فانكوفر او تورنتو ؟



بانتظارك اخوي

انا ابي اسئال عن معهد اكسبت الي في فانكوفر زين ولا لا

المشاركة الأصلية كتبت بواسطة ولد الشبيلي
http://www.arabtravelersforum.com/tr...3/#post1272483

انا ابي اسئال عن معهد اكسبت الي في فانكوفر زين ولا لا



هلابك يالشبيلي


انا والله محتار في المعاهد هنا .. كل شخص اقابله يمدح لي معهده .. يعني بالعربي ما لقيت احد يسب شئ (( كلن يمدح بقله ))


نصيحتي لك .. ادفع حقق شهر ولما تجي تختار بنفسك وتقارن وتشوف اللي يناسبك .


تحياتي لك اخوي

اخوي القيصر بحكم انك عايش في فانكوفر
ابي من العلم الاكيد بخصوص البرامج المنسوخة ؟
يعني ما تعرف شباب مسكوهم او غرموهم عشان البرامج المنسوخة في مطار فانكوفر او مطار لندن ؟


وهل فيه اجراءات معينة في المطارات ؟

المشاركة الأصلية كتبت بواسطة abu_faisal1
http://www.arabtravelersforum.com/tr...1/#post1272641

اخوي القيصر بحكم انك عايش في فانكوفر
ابي من العلم الاكيد بخصوص البرامج المنسوخة ؟
يعني ما تعرف شباب مسكوهم او غرموهم عشان البرامج المنسوخة في مطار فانكوفر او مطار لندن ؟


وهل فيه اجراءات معينة في المطارات ؟




حياك ربي اخوي ابوفيصل

انا يا محاكيك .. لو تجي مايكروسوفت وتشوف وش فيه كمبيوتري كان حكم مؤبد من كثرة البرامج المنسوخة .. وازيدك من الشعر بيت .. جايب معاي هاردسك خارجي كله ملفات منسوخة وعندي تعاريف لكل كمبيوتر على وجه الارض .. التعاريف لحالها سجن مؤبد هههههه

دخلت المطار ولله الحمد عوافي ولافيه اي شئ من خزعبلات امريكا ..


وكل الشباب اللي اعرفهم ما جابوا طاري شئ ..

الا واحد من الشباب اخذوا كمبيوتره الاسبوع الماضي وفتشوه ولا قالوا له شئ .. !



وبالنسبة للأجراءات ما فيه تعقيد كل الدعوة متيسرة وسهلة... تمسك سرا وتختم جوازك وتروح تستلم شناطك وتسير على مكتب الامقريشن وكم سؤال على الطاير ويعطيك ورقة الفيزة وسلام يا جميل


موفق خير ان شاء الله

ان شاء الله فانكوفر

شكرا اخي القيصر للتجاوب

طيب كيف الجو بعد 3 أسابيع

alqaisar

i have nothing to do here because im going to Toronto not Vancouver

i just want to thank you for helping our brothers and sisters

see ya

معليش اخوي القيصر ما رديت على هذا السؤال


فيه في فانكوفر مساجد و محلات عربية

و الله يعطيك العافية

المشاركة الأصلية كتبت بواسطة المسافر777
http://www.arabtravelersforum.com/tr...0/#post1280053

السلام عليكم جميــعا ..

احبتي الكـرام .. انا معاكم هنا اليوم في هذا القسم الاكثر من رائع لطرح بعض الاستفسارات والاسئلة المهمة اللي اتمنى اني القى لها اجابات بأسرع وقت ممكن نظرا لضيق الوقت " كالمعتاد مانجي الا وقت الزنقة "

انا بإذن الله اذا تيسرت اموري .. جاي على فانكوفر بعد شهر بالضبط من الان ..

لتقضية فترة الصيف كاملة في كندا ..

بالنسبة لي شخصيا وبكل صراحة وللامانه .. طالب في جامعة الملك فهد للبترول والمعادن وخريج ان شاء الله الترم هذا ..

وابي ادرس كورسات قصيرة .. Short Courses

ف شنو الدبرة ووين اقدر الاقيها وشنو افضل الاماكن والمعاهد اللي اقدر اخذ فيها هذي الكورسات ؟

علما ان اكثر المكاتب اللي هنا ماعندها خبرة بالمجال هذا ، سوى معاهد اللغة الانجليزية ..

بالنسبة لمعاهد اللغة ..
قدم لي المكتب بعض الخيارات " وهو صديق الوالد " .. واتمنى اخذ راسكم :24:

ماهو رأيكم في كل من المعاهد التالية :

Vancouver English Centre
http://www.vec.bc.ca/

ومعهد

ASPECT
http://www.aspectworld.com/schools.asp?Goto=ENG%2CVAN

-----------------------------------------

خلصنا من سالفة المعاهد التقنية والادارية والحين نجي لشغلة التذاكر والطيران والبوب كورن :112:

شنو افضل مكاتب لعمل الحجوزات .. وماهي افضل الاسعار بخطوط ممتازة عن طريق مطار الدمام او البحرين .. علما بأني اتعامل عادة مع داناتا للسفريات بس اسعارهم غالية شوية .. :108:

ارائكم ومقترحاتكم كلها في محل اهتمامي وتقديري احبتي ..


بالعربي .. انتظركم :x1:

هذي مشاركتي في موضوع مستقل .. ممكن تفيدني يالقيصر ..

شاكر لك ..

وبالعربي شنو افضل واقوى المعاهد عندكم من حكم خبرتك .. بكل امانه وشفافيه

مساء الورد أخوي القيصر ...
عندي طلب صغير وياريت تخدمني وتجاوبني عليه ...
انا ابحث عن عناوين أو ارقام هواتف لمعارض السيارات الكبيره (التريلات أو الشاحنات)
في البيرتا (كالقري ) أو تورنتوا ...
بليييييييييييييييز تساعدني وأكون ممنون لك ..
أخوك مساهر من السعوديه - الرياض

اخوي القيصر ماهي ارخص وافضل وسيلة تنقل داخل فانكوفر ؟

اخوي القيصر عندي سؤال ايضا
كم تبعد كالجاري وفكتوريا عن فانكوفر ؟

[frame="2 80"]مرحبا القيصر


كيفكم انشاء الله تمام


انا رايح كندا عن طريق مكتب تنظيم سفر بالرياض


وضبطلي قبول في معهد اسموا


ilac


في كندا في تورنتو



بسألكم عن المعهد واذا فية اي احد عندوا معلومات عن المعهد


وهل هو كويس او مو كويس


اتمنى تفيدوني


وهل اروح علية او لا


مع العلم بأن تكلفة المعهد شهرين بمعدل دراسة 8 ساعت يومياً مع العائلة والأكل والغسي

يصل الى 16000 ستة عشر الف ريال

والسؤال الثاني ما هو افضل خط سير للسفر الى تورنتوا وافضل طيران

ويالقيصر الله لا يهينك كلمني واحد قبل كم يوم من فانكوفر يقول الوضع بكندا مو كويس وزحمة

وفية شوية مشاكل ياليت تفيدني بهالشيء

وبما اني جاي بعد اسبوعين ونص ودي تفيدني ايش اهم الأشياء اجيبها معاي

مع العلم اني ( وهذا سؤال ضروري جداً ) ابي اشتري لي جوال بوكت بي سي

هل اشتري من السعودية او افضل اصبر واشتري من تورنتوا

واخر سؤال

لو ابي ازور فانكوفر كم تكلفني التذكرة من تورنتوا الى فانكوفر

تحياتي


:24:

ومعذرة على الازعاج[/frame]

سلمت اخي القيصر
انا ارغب السفر الى فانكوفر في July لمدة شهر بفيزة سياحة وارغب الالتحاق بمعهد يتبع جامعة Abbittsford بمدينة تبعد عن فانكوفر 85 كم (والهدف البعد عن وجود العرب) ، فهل من مشكلة اذا التحقت بالمعهد بهذه الفيزا ؟ فبعد بحث واطلاع وجدت ان كندا من افضل الوجهات التعليمية والسياحية ماديا اي اسعارها رخيصة نوعا ما.
فما رأيك وهل من نصائح تقدمها ؟فانا رفضت فكرة نيوزلندا لكثرة العرب.


وفقك الله وكثر من امثالك.

أخوي أنا رايح بعد أسبوع في 23 / 6 , وما أدري بالضبط عن الجو , وما اشتريت إلا ملابس صيفية فما أدري كيف الوضع هناك ؟
يا ليت أي واحد يعرف يجاوبني , مع خالص شكري

هاي
شكرا على جهودك الرائعه ويجعله الله في ميزان حسناتك

بغيت اسال عن معاهد او دورات في تخصص الدعاية والاعلان ويارت تذكر اكثر من معهد ومدة الدوره والاسعار ؟

والف شكر

انا قاعد ادور بالنت بس للحين ما وصلت لشي ياريت مساعدتك

المشاركة الأصلية كتبت بواسطة r7aul
http://www.arabtravelersforum.com/tr...4/#post1298834

أخوي أنا رايح بعد أسبوع في 23 / 6 , وما أدري بالضبط عن الجو , وما اشتريت إلا ملابس صيفية فما أدري كيف الوضع هناك ؟
يا ليت أي واحد يعرف يجاوبني , مع خالص شكري




والله الجو الان بصراحه بارد بس مو الى درجة عاليه

يعني بحاجه الى جكيت خفيف

وخلى معاك جكيت ثقيل للاحتياط

بالتوفيق

وينه اخونا القيصر عسى المانع خير

الاخ العزيز القيصر ........

أشكر لك مساعدتك لنا ولأخواننا جميعاّ......الله يجعلها في ميزان حسناتك


أخي الكريم ..حبيت أسألك عن معاهد تعليم اللغه الانجليزيه في مونتريال لمن هم دون السادسه عشره ولا يحتاجون السكن مع عوائل لان والديهم معهم..


أخي الفاضل :

1- أفضل المعاهد التي تساعد على الطلاقه في التحدث .

2- الاسعار لمدة شهر واحد .

3- الأمن وأقصد أن يكون مرتادوا المعهد مريحين الى حد ما أنت عارف ياأخي قلب الوالدين

الله يجزاهم عنا بالجنه .


آسفه على أزعاجك أخي الفاضل ....وشاكرة تجاوبك مسبقاّ والله يوفقنا الى ما يحبه ويرضاه

السلام عليكم ورحمة الله وبركاته ...


اسف جدا يا اخواني على التأخر .. ولكن وربي كنت مشغول جداً .. وايضاً ظروف السفر والعودة الى كندا ..



لكن ان شاء الله راح ارد على كل سؤال بالقريب العاجل واعذروني على التأخير يا اخواني ..



لكم كل الحب والتقدير

مراحب أخوي القيصر

عندي سؤال يا الغالي عن المراقبة الجوية في كندا

كم تكأليفها - وكم مدة الدراسة - وين توجد الكلية ؟

مشكور أخوي على هذه البادرة الجميلة منك وأسئل الله العلي القدير أن يوفقك في الدنيا والأخرة

أخوك : مجنون روما

:114:طيب ياقيصر ودي اسالك سؤال اذا مافي مانع ؟ لانسبة للقبول للمعاهد لرراسة اللغة في كندا كيف اقدر التحق ويتم القبوول انشاءالله ؟

أرجوووك الرد بسرررعة

المشاركة الأصلية كتبت بواسطة fahoooood
http://www.arabtravelersforum.com/tr...1/#post1272941

ان شاء الله فانكوفر

شكرا اخي القيصر للتجاوب





توصل بالسلامة ان شاء الله .. ولا شكر على واجب

المشاركة الأصلية كتبت بواسطة Mr.Avocado
http://www.arabtravelersforum.com/tr...8/#post1275098

alqaisar

i have nothing to do here because im going to Toronto not Vancouver

i just want to thank you for helping our brothers and sisters

see ya




موفق حبي .. وتورنتو حلوة مرة ...



لا شكر على واجب عيني ..


انا اشكرك على طلتك الحلوة



ما اتحرمش :109:

المشاركة الأصلية كتبت بواسطة aboood-08
http://www.arabtravelersforum.com/tr...0/#post1276650

معليش اخوي القيصر ما رديت على هذا السؤال


فيه في فانكوفر مساجد و محلات عربية

و الله يعطيك العافية





اسف حبي .. ما انتبهت :108:



يس فيه مساجد ومحلات عربية .. لا تخاف يا اخوي





كل الاكل العربي بتلاقيه ان شاء الله



تحياتي لك

المشاركة الأصلية كتبت بواسطة المسافر777
http://www.arabtravelersforum.com/tr...9/#post1280839

هذي مشاركتي في موضوع مستقل .. ممكن تفيدني يالقيصر ..

شاكر لك ..

وبالعربي شنو افضل واقوى المعاهد عندكم من حكم خبرتك .. بكل امانه وشفافيه





اسف حبي .. شكلك جيت لفانكوفر ورجعت وانا ما رديت عليك :110:



المعذرة عيني .. كان عندي ظروف



تحت امرك اني وقت

المشاركة الأصلية كتبت بواسطة مســاهـر
http://www.arabtravelersforum.com/tr...1/#post1282091

مساء الورد أخوي القيصر ...
عندي طلب صغير وياريت تخدمني وتجاوبني عليه ...
انا ابحث عن عناوين أو ارقام هواتف لمعارض السيارات الكبيره (التريلات أو الشاحنات)
في البيرتا (كالقري ) أو تورنتوا ...
بليييييييييييييييز تساعدني وأكون ممنون لك ..
أخوك مساهر من السعوديه - الرياض





هلا بك يا مساهير ..


ما عندي خلفية .. لكن ممكن تدخل موقع اوتو تريدر


http://www.canadatrader.com/home/cal...ref=autotrader


واذا بغيت تورنتو ,, بامكانك تدخل على الصفحة الرئيسية للموقع اللي عطيتك وتختار المدينة اللي تبيها ..




اتمنى اني افدك اخوي ..


واسف على التأخير :106:

المشاركة الأصلية كتبت بواسطة abu_faisal1
http://www.arabtravelersforum.com/tr...5/#post1282445

اخوي القيصر ماهي ارخص وافضل وسيلة تنقل داخل فانكوفر ؟




ما فيه شك بطاقة الباص والاسكاي ترين الشهرية ..








المشاركة الأصلية كتبت بواسطة abu_faisal1
http://www.arabtravelersforum.com/tr...4/#post1297554

اخوي القيصر عندي سؤال ايضا
كم تبعد كالجاري وفكتوريا عن فانكوفر ؟




اعتقد انك صرت خبير الحين يا ابو فيصل .. وهل انت الى الان في فانكوفر او رجعت للبلد ؟




اسف على التأخير قلبي :106:

المشاركة الأصلية كتبت بواسطة المهندس..
http://www.arabtravelersforum.com/tr...7/#post1297627

[frame="2 80"]مرحبا القيصر


هلا وغلا فيك ..


كيفكم انشاء الله تمام



بخير ربي يسلمك يا غالي


انا رايح كندا عن طريق مكتب تنظيم سفر بالرياض


وضبطلي قبول في معهد اسموا


ilac


في كندا في تورنتو



بسألكم عن المعهد واذا فية اي احد عندوا معلومات عن المعهد


وهل هو كويس او مو كويس


اتمنى تفيدوني


وهل اروح علية او لا



والله يا غالي ما عندي خلفية عن المعهد هذا ..



مع العلم بأن تكلفة المعهد شهرين بمعدل دراسة 8 ساعت يومياً مع العائلة والأكل والغسي

يصل الى 16000 ستة عشر الف ريال


السعر جداً مناسب اذا كان يشمل اللي ذكرت ..


والسؤال الثاني ما هو افضل خط سير للسفر الى تورنتوا وافضل طيران


مافيه اريح من خط اوروبا الى كندا ..


ويالقيصر الله لا يهينك كلمني واحد قبل كم يوم من فانكوفر يقول الوضع بكندا مو كويس وزحمة

وفية شوية مشاكل ياليت تفيدني بهالشيء


بالنسبة للزحمة .. اكيد لانه في موسم الصيف .. وبالنسبة للمشاكل .. ما اعتقد انه فيه مشاكل ،، الا في اماكن محددة واصلاً ما يروح احد لذي الأماكن الا يتحمل ما يجيه .. ! عارف قصدي حبي .. ؟


وبما اني جاي بعد اسبوعين ونص ودي تفيدني ايش اهم الأشياء اجيبها معاي


بإذن الله راح انزل موضوع خاص بالاحتياجات ..


مع العلم اني ( وهذا سؤال ضروري جداً ) ابي اشتري لي جوال بوكت بي سي

هل اشتري من السعودية او افضل اصبر واشتري من تورنتوا


الاجهزة الالكترونيه كلها اشترها من السعودية ..

واخر سؤال

لو ابي ازور فانكوفر كم تكلفني التذكرة من تورنتوا الى فانكوفر


اعتقد بحدود الـ 700$ ..


تحياتي


:24:

ومعذرة على الازعاج


ولا يهمك اخوي


[/frame]

اسف جداً على التأخير

المشاركة الأصلية كتبت بواسطة احمد-969
http://www.arabtravelersforum.com/tr...8/#post1297958

سلمت اخي القيصر
انا ارغب السفر الى فانكوفر في July لمدة شهر بفيزة سياحة وارغب الالتحاق بمعهد يتبع جامعة Abbittsford بمدينة تبعد عن فانكوفر 85 كم (والهدف البعد عن وجود العرب) ، فهل من مشكلة اذا التحقت بالمعهد بهذه الفيزا ؟ فبعد بحث واطلاع وجدت ان كندا من افضل الوجهات التعليمية والسياحية ماديا اي اسعارها رخيصة نوعا ما.
فما رأيك وهل من نصائح تقدمها ؟فانا رفضت فكرة نيوزلندا لكثرة العرب.


وفقك الله وكثر من امثالك.





حياك ربي اخي الغالي ..


دائما تحصل اشكاليات لدى الشباب اذا طلعوا فيزة سياحة ،، ويتوقعون انهم ما يقدرون يدرسون !!


هذا الكلام غير صحيح ،، وتقدر تدرس في معهد تبغاه ..


واختيارك لكندا عين الصواب ..



لك احترامي اخوي

المشاركة الأصلية كتبت بواسطة just agirl
http://www.arabtravelersforum.com/tr...4/#post1301084

هاي
شكرا على جهودك الرائعه ويجعله الله في ميزان حسناتك

بغيت اسال عن معاهد او دورات في تخصص الدعاية والاعلان ويارت تذكر اكثر من معهد ومدة الدوره والاسعار ؟

والف شكر

انا قاعد ادور بالنت بس للحين ما وصلت لشي ياريت مساعدتك





حياك ربي اختي ..


نعم فيه معاهد عندها التخصص اللي طلبتيه ,, عطيني وقت وان شاء الله اجيب لك العنوان .. والاسعار بعد




اسف على التأخير :106:

المشاركة الأصلية كتبت بواسطة المنتظر-
http://www.arabtravelersforum.com/tr...2/#post1301402

والله الجو الان بصراحه بارد بس مو الى درجة عاليه

يعني بحاجه الى جكيت خفيف

وخلى معاك جكيت ثقيل للاحتياط

بالتوفيق





تسلم حبيب قلبي على المساعدة ...



اشتقنا لك يا غالي وعساك بخير :106:

المشاركة الأصلية كتبت بواسطة aboood-08
http://www.arabtravelersforum.com/tr...9/#post1311489

وينه اخونا القيصر عسى المانع خير





عساك ما تفقد غالي يا غالي ..


كان عندي ظروف ولا قدرت اتواجد ..



الف شكر لك على سؤالك عني

المشاركة الأصلية كتبت بواسطة القلب الرحوم
http://www.arabtravelersforum.com/tr...0/#post1311500

الاخ العزيز القيصر ........

أشكر لك مساعدتك لنا ولأخواننا جميعاّ......الله يجعلها في ميزان حسناتك


جزاك الله خير ,, ولا شكر على واجب ..


أخي الكريم ..حبيت أسألك عن معاهد تعليم اللغه الانجليزيه في مونتريال لمن هم دون السادسه عشره ولا يحتاجون السكن مع عوائل لان والديهم معهم..


للأسف يا اختي ما عندي اي خلفية ،، لكن اتوقع انهم لهم الحق الدراسة في الهاي سكول اذا ما خاب ظني ..

أخي الفاضل :

1- أفضل المعاهد التي تساعد على الطلاقه في التحدث .

تختلف المعاهد عن بعضها وكل معهد يتميز بحاجه .. لكن المعروف عن معهد PLI مهتم في الاسبيكنق اكثر من غيره ..


2- الاسعار لمدة شهر واحد .


الاسعار تتفاوت على حسب قوة المعهد .. فيه معاهد على 700$ وفيه على 1400$ في الشهر ..


3- الأمن وأقصد أن يكون مرتادوا المعهد مريحين الى حد ما أنت عارف ياأخي قلب الوالدين


الله يجزاهم عنا بالجنه .


ما المقصود من الامن ؟؟ الامن الاخلاقي ؟ او الامن العام ؟ والا ايش بالضبط اختي .. ؟

اذا من الامن الاخلاقي ،، هذا يعتمد على الله سبحانه وتعالي وهو الحافظ .. ثم يعتمد على التربية المغروسه للاولاد .. ومدى تأثرهم بالاخرين .. وخصوصاً هم في مرحلة المرهقة ...

آسفه على أزعاجك أخي الفاضل ....وشاكرة تجاوبك مسبقاّ والله يوفقنا الى ما يحبه ويرضاه





حياك ربي وتحت امرك في اي وقت اختي

المشاركة الأصلية كتبت بواسطة مجنون روما
http://www.arabtravelersforum.com/tr...7/#post1684867

مراحب أخوي القيصر

عندي سؤال يا الغالي عن المراقبة الجوية في كندا

كم تكأليفها - وكم مدة الدراسة - وين توجد الكلية ؟

مشكور أخوي على هذه البادرة الجميلة منك وأسئل الله العلي القدير أن يوفقك في الدنيا والأخرة

أخوك : مجنون روما




اعذرني اخوي .. ما عندي خلفية ,, لكن بإذن الله راح اسأل لك واجاوبك ان شاء الله ..



حياك ربي اخوي وجزاك الله خير :106:

المشاركة الأصلية كتبت بواسطة سميـــر
http://www.arabtravelersforum.com/tr...3/#post1685373

:114:طيب ياقيصر ودي اسالك سؤال اذا مافي مانع ؟ لانسبة للقبول للمعاهد لرراسة اللغة في كندا كيف اقدر التحق ويتم القبوول انشاءالله ؟

أرجوووك الرد بسرررعة



المعاهد الانجليزية ما تطلب نسبة ..

ولكن الجامعات تطلب النسبة وتختلف النسبة على حسب التخصص المطلوب والشهادة الاخيرة اللي حصلت عليها ..


وايضاً راح يعطونك قبول مشروط لين تخلص اللغة كاملة ..



موفق اخوي

[blink]للمعـــــــــــــــــــلومية[/blink]



تم الرد على المشاركات القديمة وكنت عارف اني متأخر واغلب المستفسرين سافروا الى كندا وقد يكون رجعوا الى بلادهم ,, ولكن رديت عليها احتراماً لهم وايضاً ليستفيد منها القراء الاخرين




لكم كل التحايا والتقدير ..




:106:

يعطيك العافية اخوي القيصر
ابستفسر عن المعهدين هذي vcc او ef وايهما افضل ارجو المساعدة لأني بقرر علشان اجرآت السفارة
سؤال ثاني انا باخذ ثلاث شهور وبمدد اذا رحت وشفت الوضع كويس ثلاث شهور ثانية يعني ست شهور فيها حاجة يعني مشاكل
والفيزا اعتقد يعطوني حق ست شهور صح
بس احد المكاتب هنا قال لي لا ماتقدر لازم تدفع حق الست شهور علشان الموافقة حق المعهد يكون فيها مدة جلوسك

شفت كيف الحيرة

دلني يالقيصر

السلام عليكم ورحمة الله وبركاته

والله ماقصرت يالقيصر وبيض الله وجهك

انشهد انك فزعت لشباب فزعه الله يجزيك خير ويكثر من امثالك


انا عندي سؤال اذا ماعليك امر تجاوب عليه

س: في شخص يريد انا يذهب الى فانكوفر ويدرس لغه وجامعه في ubc حلو يبي يدرس لغه 8 اشهور كم تكلفه 8 شهور معى سكن العائلة ...؟

والله يعطيك الف عافية وماقصرت

يعجز اللسان عن الشكر

شخصيا استفدت فائدة عظيمة

وألف ألف شكر