الموضوع: ما رايكم بمعهد ايسبكت بفانكوفر بكندا ؟

الاخوة الكرام ساسافر الى فانوفر بتاريخ 19-6-2004 فالمرجو منكم اعطائي فكرة عن هذا المعهد من حيث موقعه في المدينة وجودته وكذا البرنامج اليومي المثالي للي بيدرس اللغة شاكرا ومقدرا للجميع المشاركة
اسم المعهد : ايسبكت

مواضيع عشوائيه ممكن تكون تعجبك اخترناها لك:

• سوا ولا موبايلي بـ كندا ؟
• ولد الصقور الان في كندا فانكوفر
• وش الأفضل العيش هنا الرياض أو في كندا ولماذا؟
• استفسار طريقة صرف النقود كندا
• ارجو المساعده طلبي انرفض
• ضروووووووووووووري محتاجة لة في اليومين هاذي
• مسااااعدة ياشباااااب بسررررعة
• اردت الذهاب لفانكوفر ولكن
• ماهو ارخص طريق لفانكوفر ؟
• أبي مساعدتكم ياخبـراء كـنــدا سفرتي ان شاء الله بعد كم شهر
• لوتكرمتوا سال مهم عن تغيير المعهد
• بليز ردوا علي بسرعه
• اخوآني الذي سيذهبون لكندآ
• هل يحتاج الأطفال موافقة؟؟؟؟؟؟؟؟؟؟؟؟؟
• توثيق الاوراق و الشهادات
• ماشي لتورنتو بعد فتره أبي منكم كم نصيحه للي راح لها رجاء يدخل
• معهد معين بكندا تثنون عليه
• مساعدة ضرورى ياشباب
• سؤال عن عقد عمل نصب ام لا
• رزقت بمولود باركولي وساعدوني

السلام عليكم,

عزيزي .. أتمنى إنك ما تكون دفعت المبلغ كامل .. مع إني عندي إحساس إنك تعاملت مع أحد المكاتب اللي ما ودي أذكر اسمه .. هذا المكتب يرسل كل طلابه على آسبكت ويجعلهم يدفعوا المبلغ كاملا قبل ان يذهبوا ويتورطوا ما يقدروا يغيروا..أتمنى مو هذا اللي حاصل معاك .. لكن على كل حال .. جوابا لسؤالك .. موقع المعهد لا بأس به .. أغلب المعاهد تقع في وسط المدينة.. يعيب هذا المعهد كثرة الشباب السعوديين غير المبالين .. يعني لا تتفاجأ إذا 5 أو 6 معاك في الفصل..

أنا سألت المسؤول عن المكتب اللي أتعامل معاه .. ووصفه بانه من أسوأ المعاهد في فانكوفر ورفض فكرة التعامل معاه نهائيأ.. و والله اني على معرفة شخصية ببعض الطلاب هناك اللي ندموا على تسجيلهم هناك .. لدرجة ان واحد منهم كان دافع لمدة 10 شهور .. ولما تفاجأ بالوضع .. قرر انه يترك المعهد وخسر قيمة 7 شهور .. الله يعوضه ..

أنا آسف إن كنت خيبت آمالك .. لكن ما ودي إنك تتفاجأ إذا جيت .. ليتك سائل من قبل لا تسجل ..
أخوي إذا بإمكانك تسترد المبلغ اللي دفعته .. والله أفضلك .. وإذا بغيت مساعده حنا جاهزين هنا ..
وإذا بغيت تتعامل مع مكتب في الرياض .. راجع موضوع الدراسة في فيكتوريا .. أنا والاخ cnn والاخ عماش وصينا على مكتب في الرياض ..

بانتظار ردك .. واذا احتجت شي لا يردك الا الكيبورد عزيزي

تحياتي

فيكتوري

طيب اخوي فيكتوري

وش المعهد الي تنصح فيه بفانكوفر؟؟

السلام وعليكم
اخوي محمد انا درست في معهد اسبكت في بريطانيا ومثل ما قال لك اخونا فيكتوري كثرة الطلاب السعوديين فيه لكن التدريس والمدرسين في هذا المعهد بصراحة ممتازين انا انصحك انك تروح المعهد وتتوكل على الله وانت انتبه ادروسك وما عليك ةمن الطلاب اللي معاك لانك ماراح تناسبهم

الاخ فيكتوري : اسم الشركة الي تعاقدت معها مؤسسة سميرة للخدمات الطلابية , واثمن لك المشاركة
الاخ : سالم الله يعطيك العافية
الاخوة الزوار اتمنى المشاركة حول الموضوع

الاخ العزيز ابو راشد
تحياتي لك اخوي انا بصراحه رحت الصيف الماضي عن طريق نفس الشركه (سميره) كان في شخص اسمه عماد جنسيته اردني مسوول المكتب ورحت برضوه لنفس المعهد (اسبكت ) بس لبريطانيا وبصراحه عندي تحفظات كثيره بالنسبه لتعاملهم واسعارهم !!!!!
لكن بالنسبه لك اخوي خلاص ماباقي الا اسبوعين وتسافر القبول والتاشيره اكيد خالصين يعني توكل على الله وسافر والله يوفقك وانشاء الله راح تستفيد .........
اما الاخوه اللي توهم ماسجلوا ويبغون يدرسون لغه في كندا فانصحهم لوجه الله ان لايسجلون الا عن طريق مكتب (كنه) لان لهم مكتب هناك واي مشكله تواجهك لا سمح الله سواء مع العائله او المكتب تراجعهم وهم مسولين عن حل المشكله اما المكاتب الاخرى يرسلونك ولا يسالون عليك .....
اتمنى للجميع التوفيق

هلا أخوي ..
ما دام انه ما بقى إلا أسبوعين .. لا تهتم بكلامي .. وحط في بالك إنك تبغى تستفيد .. شهرين مانتب مخلص اللغة فيها .. لكن يمديك تستفيد كثير .. وانت تحدد مقدار الفائدة .. إذا تبغى نصيحتي لا يصير عندك أكثر من واحد أو اثنين عرب تمشي معاهم .. والباقي إسحب عليهم ..

استفيد من وقتك .. ترا وجودك هنا يسمحلك تستفيد كل مكان مهوب بس في المدرسة .. يعني خل طلعاتك مع غير عرب .. ناظر التلفزيون .. السينما .. إقرأ .. إفرأ..إقرأ .. ما في شي يفيدك مثل القراية .. خذلك قصص من المدرسة إذا عندهم .. أو اشترك في المكتبة العامة .. مكتبة ضخمة وفيها أي كتاب تبغاه ..
إذا كنت مبتدىء .. أنصحك بقصص الأطفال .. سلسة وسهلة المعاني .. وإذا كام مستواك متوسط أو أفضل عليك بالجريدة اليومية .. بالذات الأيام اللي نمر فيها .. تلقى مواضيع سياسية أو اقتصادية تشد انتباهك.. اختارلك موضوع أو اثنين واقراهم .. لا تخجل .. الجراءة مفتاح تعلم اللغة .. تكلم لا يردك أحد .. واسأل ولا تزعل إذا أحد صححلك الغلط..

باختصار .. إنسى أي شي بالعربي لمدة شهرين .. ولا تضيع وقتك على الماسنجر و تشات بالعربي ..
ووالله إني ما أعرفك لكن من حرصي على كل الأخوان اللي بيدرسوا برا .. الصلاة الصلاة .. والابتعاد عن رفقاء السوء .. هنا قدامك كل المغريات و ما يردك عنها إلا الصلاة ان شاء الله .. أما عن رفقاء السوء .. فحدث ولا حرج .. بالغربة بتقابل أرقى شباب في العالم .. وحثالة الشباب .. و لك الخيار مع من تمشي .. و في النهاية هذا يأثر على مصلحتك و مدى الفائدة من وجودك هنا .. دائما تذكر إنك موجود هنا لهدف معين .. واعمل جاهدا للوصول إليه ..

تحياتي
فيكتوري

أخوي يزيد ..

بالنسبة لمعاهد فانكوفر فهي كثيرة جدا .. أنا اقدر أعطيك لستة فيها .. لكن من ناحية الجودة .. اسمحلي إني أشيك مع المكتب اللي أتعامل معاه .. وهم اكيد أخبر مني .. و بقولك وش المعاهد اللي يتعاملوا معاها ..

تحياتي

فيكتوري

الاخ: فكتوري جزاك الله كل الخير على النصيحة الطيبة والله يعطيك العافية والصحة الدائمة
تحياتي لك ولكل من شارك