الموضوع: وش الأفضل العيش هنا الرياض أو في كندا ولماذا؟

باختصار، هل العيش هنا افضل ام في كندا ، اقصد بالعيش يعني بالسنوات وليس سياحه شهرين، يعني مثلاً 5 إلى 6 سنوات للدراسة؟

وشكراً

مواضيع عشوائيه ممكن تكون تعجبك اخترناها لك:

• ساعدوني هل يمكن لي الدراسة والعمل في آنٍ واحد في كندا
• هل من طريقة لتسريع الحصول على فيزا الى كندا
• لمن يريد التميز في دراسة اللغة
• الحجز على ارخص خطوط من جدة الى هالي فاكس كندا
• هاتف مكتب خطوط طيران الامارات في تورنتو
• طريقة دفع الرسوم الكنديه والتقديم على السفارة
• بليز أرجو المساعدة التأشيرة
• هل احتاج الى فيزا امريكا للترانزيت
• كم يستغرق الحصول على شهادة الميلاد فى اونتاريو
• أستفسر عن فانكوفر
• الى العضو ارجو المساعدة
• يا أهل فانكوفر ارجو الافادة
• معرض كرة القدم
• رجعــت مــن الصفــر ابــي مساعــده يرحــم والديكــم
• سياحة
• لكل من لا يعرف ولم يرى فانكوفر فيديو
• مين يخطط لرحلتي تورنتو يوم
• é
• تورنتو ام ادمنتون تكفون
• اريد من يستقبلنى

اكيد كندا افضل في الدراسة

والله شوف يالغالي باختصار اذا معاك فلوس فبرأي الخاص لو تدرس شهرين في كندا راح تستفيد فائدة أكثر من دارست ست شهور في السعودية ويمكن زود بعد ولو ناوي تعيش في كندا وتدرس ومعاك الفلوس فأريح لك صراحة من الرياض وعيبها في جوها بعض الاحيان وفي الغربة . وبالتوفيق للجميع

اذا للدراسة فمستوى التعليم افضل في كندا اما شئ ثاني لالالالالا و الف لالالالا بلاد المسلمين ازين و انا اخوك ........

اذا للدراسة فمستوى التعليم افضل في كندا:24: اما شئ ثاني لالالالالا و الف لالالالا بلاد المسلمين ازين:112: و انا اخوك ........

اول شيء احب اشكركم على الردود، واود اوضح لكم اني ممكن مااكون وصلت لكم قصدي في السؤال،

انا اعرف ان الدراسة والجامعات في كندا افضل ولا تقارن،،،

انا كان قصدي عن الغربة والتأقلم والراحة النفسية، هل ذلك سهل والعيش هناك افضل من ملل الرياض مثلا يعني مااراح امل 5 سنوات كثيره,,,يعني

انا اتمنى من احد عايش هناك لمدة تزيد عن السنتين ان يجاوبني عن واقع خبرته هل ملل وينتظر الساعة الي يخلص فيها الجامعة علشان يرجع؟
ام انه مبسوط جدا وماوده يرجع...ولو الود وده لو خلص الجامعة مارجع ايضا..

واذا فيه احد بفكتوريا راح يكون افضل لاني افكر ادرس في جامعة فكتوريا

وشكراً للجميع:24:

والله يالغالي ابقولك الصراحة هذا يعتمد على الشخص نفسه اذا كنت من النوع الملول راح تحس بضيقه وطفش ايه نعم وانت راكب الطيارة راح تدمع عيونك وتقول ليتني ماسافرت هههههه لكن عقب شهر راح تتحسن حالتك النفسيه شوي ولاتنسى العنصر المادي اذا معاك فلوس ومتيسره الحمدلله راح تفك عنك الضيق أيضا لان قلة الفلوس تسبب ضيق وأسال مجرب وبصراحة اقولها لك انا اعرف اربعة اشخاص راحوا للدراسة في كندا ولهم الان حول الاربع سنوات وواحد راح امريكا وله الان حول الخمس سنوات وشغالين وعايشين حلاوة ومعاهم الاقامات واذا حس بالضيق او الطفش خذالك تذكرة وحجز وزار اهله شهر او حولها ورجع بأختصار مثل ماقلت لك يالغالي اذا كنت من النوع الملول او الدراهم بسيطة معك يعني لدرجة انك تقسط على نفسك راح تحس بضيقه والمشكلة اذا كان عندك انسان عزيز مثل خطيبة او شي راح تفقده كثير وتحس بضيقه بعد ...
وماودي اكثر عليك بالكلام يالغالي اعطيك مثال بسيط انا قبل فترة بسيطة كنت في نيوزيلندا وجلست فيها حول الست شهور لكن تعذبت فيها صراحة لاني بصراحة من النوع الملول ونا ماشي من الرياض جاتني ضيقة شديدة لاني جلست احسبها ست شهور في الغربة وضاقت نفسي والمشكلة فيه انسان عزيزي علي جدا كان تعبان وفي العناية المركزة وجلست افكر فيه وضاق خلقي زيادة فرحت هناك وانا والله اعد الساعات والايام ابي ارجع وبصراحة خسرت كثير في المكالمات والشحن وصارت هوسه في صرفيتي لكن ربك ستر صحيح ان اول شهر ضيقه شديده لكن شوي شوي تتأقلم على الوضع وبيني وبينك والله ياخوي اني رجعت للرياض وجلست شهر واحد وتحسفت اني رجعت .... ان شاء الله فهمت شي هههههه
وبالتوفيق للجميع

ابقول راي الغربه تقصر العمر بس اللي لحظته بكندا ولا هو موجود بامريكا انك تشعر براحه نفسيه وطول ما الشخص يمشي يلقى ناس متحجبه ومنقبه وتحس الناس نايس اكثر من الامريكان واذا بتاخذ معك احد يوسع صدرك يكون افضل لك حتى تبسط اكثر

اه اه اه اه يااااااااااريااااااااااااااض لك وحشة بحرك وبغبارك وبالي فيك احبك واحب نااااسك
مع اني لي شهر في فانكوفر والله اشتقت لرياااض وهلها والله يصبرناااا
ويوفقنا ويردنا سالمين غانمين

لن تجد كموطن الاسلام موطنا
أنت فكر في أيام رمضان والاعياد ويكفيك !!

اخوي رشودي: اشكرك اولاً على ردك المثري، ولكن عندي استفسار عن العنصر المادي كم يكفي يعني شهرياً في كندا، يعني هل مثلاً راتب وزارة التعليم العالي يكفي؟

اها: الواحد ياخذ معه احد يوسع صدره 4 سنين:114:

هذلان: وش اشتقت له في الرياض غير اهلك؟

السفر المترف: هل سبق سافرت لفترة طويلة وجربت الشعور هذا؟

يا جماعة خلو عنكم الهيط:112:
لا يجيني واحد جلس شهرين و كل يوم يتمشى و يجي في الأخير يقول لي الحياة في كندا أحسن. و الله ما يفهم كلامي إلا الشخص الي عاش في كندا. تجي تسكن تاخذ شقه بس نظيفة وزي الخلق لك و لأهلك ب 1200 إلى 1400 دولار في الشهر, التنقل إذا ما معك سيارة الله يعنك على الباصات و قلقها, و السيارة غاليه جدا أقل شي 14000 دولار هذا عن التأمين الشهري الي يقص الظهر. التسليه الي انت تقول ما هي بالكثر الي انت متصور و تحتاج ميزانية
و الله ان السعودية دار عز ولا معرف قدرها إلا أذا شفنا غيرها
بس المهم ان الواحد يكون هدفه هو ان يتعلم و يستفيد من غربته, و بعد كذا يرجع إلى بلده عسى الله يحفظها لنا من كل سوء

اخوي محلي السفره،، المسئلة وجهات نظر ،، ربما ماتراه صحيح يراه الآخر خطء ولذلك ليس من الجيد التقليل من آراء الآخرين بأنهم ليسوا على دراية بما يتكلمون عنه..

من كلامك أكتشف انك عشت هناك أكثر من سنتين .. هل بالإمكان تأكيد كلامي، وأن تذكر في اي منطقه/مدينة سكنت وماهي الأشياء التي عكرت عليك صفوك في العيش هناك بشيء من التفصيل... أم انك لم تعش هذه التجربه ولكن ماذكرته كان نتاج تجربه سياحة في كندا مدتها شهرين مثلاً؟

آمل تزويدنا ببعض التفاصيل عن تجربتكم لأن الكثير قد يبنون قرار سفرهم للدراسة من عدمه بناء على رأيك الشخصي فآمل ان يكون كاملاً وبجزء كبير من الشفافية والصراحه حتى لا يتضرر بعض القراء

اشكرك جزيل الشكر..

#########

أخوي الفاضل
انا الحين لي تقريبا شهرين, بس انا مطول هنا, يمكن حدود الست سنوات. الي يعكر صوفك هنا ان كل شئ مختلف تماما عن الرياض, و كل شي لازم تدفع له, يعني مثلا, تروح للبنك تراجع, تلقى نفسك دافع لساعة و نص وقوف حدود 15 ريال!!!!!. المجتمع مختلف العادات مختلفة عيالك تبلشبهم ما تدري وشلون تربيهم, ان لقيت مدرسه عربية فهي بعيده ولا تقدر توديهم لها كل يوم, وإذا وديتهم لمدرسه عامه جنب بيتك نسوا العربي و راحت أخلاقهم.
خلاصة القول الحياة هنا فيها إيجابيات و سلبيات , بس الهدف هو ان الواحد يدرس و يتعلم من هنا النظام القوي و يرجع بعدين لبلده.

طبعا الرياض احسن!!!!!!!
حر وغبار وزحمة ومافيه اماكن تتمشى فيها ولا فيه طبيعة وكل شي عوايل إلا محطات البنزين والله يستر لاتصير هي برضو عوايل

بختصار لا توجد مقارنة ابدا

انصجك لوجه الله تتزوج عشان تلقى احد يرد عليك الصوت مو تجلس مثل المفاهيه فاتح فمك تهرج على حالك اما بالنسبه للاخ محلي السفره وراك متشائم كذا فيه مدارس اسلاميه موجوده بس بااي منطقه انت انا اولادي يدرسون سعوديه للاسف ما تدرس الا عربي ودين ويوم واحد في الاسبوع ويدرسون مدرسه اسلاميه كلها سعودين وجنسيات مختلفه مسلمين بعدين ربي اولادك بطريقتك واعرف وش قصدك تخاف احيانا تضربهم احسن لهم تلقاهم مبسوطين ههههههههه

السلام عليكم ورحمه الله وبركاته

شباب احب اشكركم على الموضوع المطروح والصراحه انه يتحمل كثير من الجوانب ؟؟؟ الصعبه والسهله !!!

انا تجربتي كانت جدا جميله لاني كنت رايح لمده 3 شهور لكاليفرونيا ..... اكيد مش مقياس .... كانت رحله جدا ممتعه لتعلم اللغه الانجليزيه تمشيت وتعرفت على ناس من دول مختلفه اعتمدت على نفسي باشياء كثيره ....... والصراحه يوم رجعت السعوديه حسيت اني تغيرت وقدرت اكثر الناس الي من حولي وخاصه اهلي لاني حسيت باهميتهم وكميه الاشتياق لهم:110:
لاكن احب اكد على كلام الشباب عامل الفلوس مهم ..... بس مهب شرط يكون مهم لكل الناس ... الناس يختلفون .....

عشان كذا اقول الهدف لازم يكون رقم واحد في الاولويات
1.الدراسه (كندا ولا الرياض؟؟!!)
2. اذا اخترت كندا لاتقول انا انسان ازهق او ملول او منب اجتماعي لان ابن ادم يقدر يتغير ويكيف نفسه مع الي حوله حتى لو اختلفت عليه اللهجات والعادات .... فلازم تكيف نفسك مش عشان الوناسه والاختلاط بالمجتمع بس لاكن لتحقيق هدفك الي ان شاء الله على اساسه بتحدد مستقبلك اذارجعت السعوديه ومعاك الشهاده الكبيره :109:
3. الفلوس, صح هم مثل الشفاطات:112: بكل محل بيسحبون منك , حاول تصير ذكي صبر نفسك خلك قنوع (مااقدر اتفلسف زياده لاني مااعرف الاسعار) بس اكرر خلك قنوع ..
4.اخيرا : احب اقول كل المشاكل الي بتشوفه اذا رحت (لاقدر الله) والتجارب الحلوه :109: والشينه:110: وانا متاكد انه الحلوه 99% بتقويك من داخل ان شاء الله للاحسن... ودايم اتكل على الله وتفائل:24:

الله يدبرك على مافيه خير وصالح
:101:

ملاحظه:كل الاخطاء الاملائيه مقصوده

موضوع مهم ...:24:
ويستاهل النقاش .....


:smile001:

أنا ما أتخيل إني أعيش بغير السعودية

أعرف إنه ما فيه مقارنة

كندا أحسن لكن للعيش السعودية أحسن

للترفيه لقضاء شهر شهرين ثلاث سنة سنتين ثلاث ( دراسة ) أوكي

لكن حياة السعودية

ما أدري هذي وجهة نظري وشكرا

اه يا روحي يالسعوديه
من جد مافيه مقارنه ما اتخيل اعيش في بلد غير بلاد التوحيد

sleepers السياحه هناك ممتعه لكن السكن اكيد بيكون صعب على اي شخص يبعد عن اهله واصدقائه واول الوقت اكيد بتمل وبتعزم على الرجوع ومع الوقت والتأقلم خلاص بتتعود على الوضع واكيد اذا كانت معك زوجتك اكيييييييييييد بتقضي عليك الوقت ..................... وسلامتك

برأي أن الإنسان كما قال أحد الأخوة متكيف بطبعه، وبالنسبة للعائلة لا بد أن يتم التركيز على التربية بشكل أكبر مما لو كنت ببلد اسلامي حيث أن البيئة هناك ضدك من ناحية الدين، فحاول أن يكون الأولاد ومنذ الصغر على تربية اسلامية صحيحة، وحاول أن تجعل بيتك اسلامي حقاً وليس كلاماً.
وكذلك ان يتم المصارحة بين الأولاد والآباء، وابلاغهم ما يحدث معهم أول بأول، أي لو تكونوا أصدقاء بحيث يتم البوح بكل ما يحدث للأولاد في مدارسهم واصدقائهم لكي ترشدهم لما فيه خيرهم أما إذا كنت شديداً معهم فعندما يقعون بالخطأ سيحاولون أن يخفوا عنك الأشياء حتى لا تتم معاقبتهم.
مع تحياتي

يجب التركيز على عدة امور غاية في الأهمية:
1- علاقتك بدينك.
2- بيئة البيت.
3- تربية الأولاد.
جعل الأولاد اصدقاء لك حتى يتكلموا عما يحدث معهم، وعند الخطأ عدم توبيخهم وانما توجيههم والجلوس معهم أكثر مما لوكنت ببلد عربي أو اسلامي، حيث البيئة ضدك بالتربية الدينية.
مع تحياتي