الموضوع: احلامي قربت تتبدد والسبب هوتكفون ابغى ردكم

الله يخليكم ابغاكم تطمنوني ...............












اليوم العصر رحت لمكتب الطيار على اساس اسوي حجز على فانكوفر....طبعا كان في بالي اخليها
الرياض - لندن - فانكوفر ..
الزبدة تفاجأت انه مافيه حجز بالطريقه هذي ... واني لازم اخليها الرياض - هون كونق(الظاهر كذا السبلنق)
وبعدها الى فانكوفر .................والمفاجأة الاكبر انه قالي الذهاب مافيه اي مقعد :110:
بصراحه انصدمت مع ان الرحله باقيلها اكثر من شهر وعشر ايام (يعني اتوقع انها كافيه للحجز) بعدها قلتله يحاول يدور مقعد فاظي لاني وربي التأشيرة بتطلع بعد اسبوع تقريبا ودافع عربون للمكتب.....وانا ماغير اعد الايام والساعات علشان تجي الرحله وبالاخير يقولي مافيه حجز :110:
طبعا هو حاول يطمني يوم شاف وجهي تغير وعيوني قربت تدمع :110:
قالي ماعليك انت تابعنا بالتلفون يوميا وباذن الله راح نلقالك حجز..............

طبعا العربون اللي عطيته المكتب مو مشكله لاني في حالة ماسافرت راح استرده .... يعني مافيه اي مشكله بس ياناس مابغى حلمي يضيع بعد كل التعب ...........يعني بحسب خبرتكم بالامور هذي (لاني وربي ماعندي اي خبره) تتوقعون انشاء الله يتأكد الحجز :114:
ابغى رايكم مبدئيا بالموضوع ..............بليز طمنوني :110:

مواضيع عشوائيه ممكن تكون تعجبك اخترناها لك:

• تمديد الفيزا الدراسيه بكندا
• ابى مساعده بليزز
• سوال عن فيزا الدراسة
• طلب مساعدة من مدينة باري في منطقة أونتاريو
• ممكن
• استفسار لو سمحتوا
• دخول كندا عن طريق أمريكا؟؟
• هل يوجد ترانزيت من ليبيا الي كندا وكم سعر التذكرة ذهاب وعودة
• إستفسار عن كويبك عاجل جدا
• أكبــر مـــدن في كنــدا من عام
• بجامعة يورك في تورونتو ؟؟
• كيف استخرج الفيزا الكنديه من امريكا؟؟
• فضلاً لا امراً أريد بعض المعلومات عن مدينة فكتوريا
• السفر إلى كندا لمدة اسبوعين
• شبــاب لقيـت واحــد
• استفسار عن قبول لمن لدية الخبرة
• فردركتون هل تعرفها إذا تعال
• انا اماراتي بغيت اسافر كندا مع الاهل
• مدارس ثانوية في اوتاوا ارجو المساعدة
• انا محتار وابغى المشورة ماهي الافضل سياتل او فانكوفر رجاءً لا تبخلوا علينا بالنصح

طيب اخوي اذا مالقيت حجز على الرياض - لندن - فانكوفر

حاول في الرياض - فرانكفورت - فانكوفر

اوالرياض - امستردام - فانكوفر

ون شاالله راح تحصل

المشكلة ان موظف الطيار يقول مافيه متوفر حاليا الا الرياض - هون كونق-فانكوفر ......بحكم اني متأخر بالحجز على كلامه (مع ان الرحله بعد اكثر من شهر وعشر ايام)
بس هو مثل ماقلت لك ان الموظف قالي تابعنا يوميا وباذن الله راح يتأكد الحجز ...خخخخخ الظاهر انه رحمني ...بس ابغى اسأل عادة اللي زي كذا يتاكد الحجز .. او اني احاول انسى الموضوع... مع اني ماقدر انسى لاني تعبت كثير كثير كثير علشان الرحله هذي وبالاخير يصير لي كذا ....بليز قول لي انه بالعاة يتأكد حتى لو مو صحيح بس خلوني اتطمن ....:110: :110: :110: :110:

حاول في الي قلت لك واذا قال لك مافيه

مالك الا هونق هونق الله يعينك ترى ماهيب شينه

الخيارات كثيرة وانا قبل 3 اسابيع كان فيه خيارات كثيرة مدري يمكنها راحت
المهم عندك هذه الخطوط اللي تروح لفانكوفر
klm
لفتهانزا
الفرنسية
الكندية
هونج كونج

لا تخاف إنشاء الله يميدك تحجز
أنا حجزت قبل رحلتي تقريبا 15 يوم وكان خط سير الرحلة جدة - فرانكفورت - فانكوفر على خطوط اللفتهانزا الألمانية
أول مارحت لمكتب الخطوط قالي مافيه إمكانية وخوفني بصراحة وثاني يوم رجعت له وحجزت وأخذت التذكرة
المهم إنت تابع حجزك وخذلك جولة على مكاتب السفريات ولا تتقيد بمكتب واحد ولا تهمل موضوع حجزك وإنشاء الله أمورك راح تكون في السليم
تحياتي لك أخوي

السلام عليكم
شوف يالغالي لاتشغل بالك ابد سالفة الحجوزات ان شاء الله بتحصل ودورلك على خطوط اخرى مثل ماقالولك الاخوان واذا مره فقدت الامل فيه في الأردن اعتقد انا سمعت رحلتين اسبوعيا لكندا او رحلك البحرين او اقرب دولة من السعودية واحجز هههههه والله يوفق الجميع بس لاتحاتي

هلا أخوي...
انشاله بتلقى حجز ما عليك بس جرب رح لماتب كثير..وجرب الخطوط القطريه ...
وبرضو الخطوط الفرنسيه...

مرحبا
ممكن تطلع من الرياض او جده او الدمام او من البحرين او حتى من دبي ! اذا انك مضطر ابحث عن اي رحله من اي مدينه مو شرط من الرياض ، بالتوفيق

رحااااال اذا جيت هنااااا رااااح تقول يازينك يارياااارض والله لك وحشة
اه اه اه ياريااااااااااااااااض احبك ببردك وحرك وغبارك وناسك
والله يصبر الجميع على الغربة والله يوفقك ويوفق الجميع

رحال 444
انتبه ترى فيه مدينة في استراليا اسمها فانكوفر ههههههههههههههههههههه لا يوديك هناك وانا والله شكيت بعدما قال هونق هونق وانت ويش يوديك هناك من المفترض انك تروح لاوروبا مو شرق اسا المهم ممكن يكون فيه مسار عن طريق الشرق لا اعلم لكن المهم انت تاكد ضروري

اخوي

يمديك تشوف من الدمام

يمديك تشوف البحرين.. البريطانية او اي خطوط اخرى.. (لعلمك البحرين التذكره احيانا الفرق يصل 500 وحولها)

او شف من الرياض والدمام وارفع الدرجة.. قصدي مو تصير درجة اولى او درجة اعمال.. لا

تصير مدة التذكره اطول بدل ماتنتهي بشهر .. تاخذ اللي مدتها 3 شهور.. طبعا هي اغلى لكن اذا مالقيت حجز مالك الا هالطريقة

الخطوط الموجودة: Klm و لوفتهانزا و السعودية مع الكندية و الكاثي باسيفيك عن طريق هونق كونق(غالية جدا جدا جدا) و الفرنسية تمر باريس و السويسرية .. وbmi البريطانية اظنها تطلع.. وعندك الاتحاد تمر ابو ظبي.. وعندك القطرية هذولي الي اعرفهم.. غيرهم مااعرف..

ومستحيل شي اسمه مافي حجز.. تلقا خطوط لكن ماتلقا السعر والدرجة المطلوبة:d الله يعين جيوبنا

مع التحية