السلام عليكم ورحمت الله وبركاته
وشلونكم وش اخباركم انشاء الله طيبين انا ابي ادرس للغة انجليزية في بريطانيا تحديدا في معهد
NEW COLLEGE MANCHESTER
Providing the finest education
اخذت 6 شهور ب 36 الف ريال ما ادري هل هذا السعر غالي او رخيص ما ادري المهم السعر عجبني المهم ابي ادخل في الموضوع
ابي ادرس فيها 6 شهور لغة ابي مساعدتكم في الاتي :
1_ هل احد عنده اي خلفية عن هذا المعهد يعني من ناحيت الدراسة هل هي زينه او لا وهل هو معهد معروف
2 _ و بالنسبة للمبلغ الي راح احتاجه هناك يعني حدود كم راح احتاج لمدة 6 شهور مع العلم انا شخص ما اصرف واجد
3 _ ابي معلومات عن قوانين بريطانيا حتى اكون على علم بالي حولي
4 - هل الادوية تدخل من مطارات بريطانيا
5- بالنسبة للملابس هل اخذها كلها شتوية او نص ونص والشنطه هل تفضل بسحاب او بدون ويالت تقلون لي الحجم المناسب لها
6- وابي اسال هل بريطانيا امان يعني هل احد يعتدي عليك او يتعرض لك بكلام غير مقبول
7_ وهذا اهم شي الاكل بالنسبة للعائله الي ابي اجلس عندهم كيف وجباتهم هل هي حلال .
وهل فيه مطاعم هناك اكلها حلال ويالت تقلون لي اسماء بعض المطاعم .
8_ بالنسبة للاوراق الشخصية مثل الجواز وغيرها من الاوراق المهمه هل يفضل احطها بالشنطة الملابس او بشنطة اليد .
9_ الباص من وين اشتري البطاقة الشهرية له انا قريت في منتدى في بطايق شهرية للباص ورخيصه من وين اشتريها وهل البصات امان . لان المشكله عمري 20 سنه لكن حجمي صغير ههههههههه . عشان كيذا دايم اكتب امان امان هههههههه اعذروني .
10 _ ابي تعلموني بالنسبة للاكل هل هو في وقت محدد في بريطانيا عند العائله او في اي وقت . وهذي بين قوسين ( انا متعود اكل بالخمس هههههه هل لازم اكل بشوكه وسكينه )
ادري بتقلون بدوي ههههه وش اسوي
11 _ بالنسبه للاب توب انا عندي كمبيوتر لاب توب والمشكلة البرامج الي فيه مو اصلية هل في المطار عند التفتيش يشغلون الجهاز ويشوفون البرامج .
والله عندي اساله كثيره بس ناسيها الحين لكن اذا تذكرتها اكتبها لكم
وداري كلامي كثير لكن وش اسوي لازم اكون على علم بالي قدامي
ومشكورين مقدما والسلام خير ختاممواضيع عشوائيه ممكن تكون تعجبك اخترناها لك:
- تعلم أهم سؤال باللغة الإنكليزية للسائحكتاب كامل
- ابحث عن معهد لغة انجليزية في الرياض
- قواميس ومصطلحات اكثر من للتحميل
- مبروك
- حمد لله على السلامة بالانجليزي
- تعبت من المعاهد وش الافضل بالشرقية
- إستفسار عن معاهد اللغة في ماليزيا
- اللغــــــه الألمـــــــانيـــــه ومفرداتها
- قاموس الكلمة مكتوبة مع صورة توضيحية
- استفسار بسيط
- أفضل معهد لتعلم اللغة الانجليزية في السعودية جده
- طلب من اللي يعرفون اللغــه الــتركــيـة
- معهد للغة الفرنسية
- ارجوا المساعده ربي يبارك فيكم
- ابي ادرس لغة لمدة أشهر نصحوني
- سؤال مهمابغي اجابه بليييييز
- افضل معهد لطلاب الثانوي
- تعليم اللغة الانجليزية بصوت والصوره
- سؤال عن البرتش كونسل
- اربعون درس لتعليم اللغه الانجليزيه بالصوت
المفضلات