:109: صبحكم بالخير شباب .......... وبنات بعد(ولاتزعلوا):101:
سبق واني كتبت موضوع بينت فيه كيف صدمني موظف مكتب الطيران(الدلخ) :112: يوم اني طلب منه يحجز لي لفانكوفر ....ويومها صدمني وقال (مافيش حجز يابني دا الطيارات كلها فل حاعمللك ايه)
طبعا من يوم الثلاثاء اللي راح وانا حزين ودموعي اربع اربع :110: اصيح على ماما واقولها ابي اروح فانكوفر :110: :110:
طبعا المؤسسه اللي انا مقدم اوراقي لها علشان يحجزولي المعهد اللي ابدرس فيه واللي برضه بيطلعولي التأشيرة من السفاره كانوا مواعديني انهم يشوفولي حجز .... بس كالعاده اكبر موسوس بالمنتدى هذا هو شخصي الكريم :109: ....ماعتمد عليهم ووصيت واحد من عيال عمي يتابع موضوع الحجز لاني مشغول بدراستي مرررررررررره .....المهم ادري اني راعي قرق واجد بس تحملوني :101:
قبل ساعة تقريبا كنت جالس فاظي قلت خلني ادق على الخطوط السعودية اجرب يمكن تضرب معي وانا مو خسران شئ .....دقيت على رقمهم المميز اللي كله اثنينات ( والله يانه رقم بطل صراحه :24: ) المهم ويرد علي موضف محترم بالحيل سألته عن الحجز قالي تبغا الخطة عن طريق لندن قلت له لو عن طريق القمر بس اهم شئ اوصل فانكوفر ....المهم قالي ان لندن عليها زحمه بس ممكن اسويها لك انتظار (هذي اول خيط امسكه لان موظف المكتب حق الطيران قالي فل وماراح تلاقي حتى انتظار ) سألته عن فرانكفورت وجت المفاجأه الاولى وهي انه فيه حجز بس المشكله ان الاقلاع من فرانكفورت الى فانكوفر بعد ساعه وحده بس من وصولي لمطار فارنكفورت ....يعني مايمديني اخلص اوراقي (لانه اصلا يبغالي ساعتين علشان ادل زين بالمطار :109: )
بعدها قلت له شوف لي الرياض - هونج كونج - فانكوفر .................وهنا جت الصاعقة الكبرى وهو انه فيه حجز ومؤكد بعد (وربي كنه راش علي موية باردة) انا قلت له احجز لي بسرعه قبل لاتهون وتقولي فل بعد :113: :113: :113: :113: :113:
طبعا كل الكلام الطويل العريض بس حبيت اوضح انه للاسف بعض مكاتب الطيران معاملتهم مرررره سيئه ....حتى ان واحد اليوم المغرب رحت له قالي ممكن اسويلك حجز بس لازم جوازك(وانا اصلا جوازي بالسفارة) .. بس الموظف حق الخطوط السعودية قالي عادي الحين اسويلك الحجز وبعدين اذا تأكد وبغيت تقص التذكره ممكن يعدلون اذا فيه خطأ بالسبلنق حق الاسم ..........وربي قمة قمة قمة قمة بالاحترام والتعامل مو مثل ذا المكاتب الخايسه.............
على الفكره كم سعر التذكره اذا كانت الخطه الرياض - هونج كونج - فانكوفر (والعكس) :114:
وكم مدة الرحلة من الرياض الى هونج كونج وبرضه من هونج كونق الى فانكوفر......وهل هذه الخطه جيده
بالله اذا احد يعرف لايبخل على اخوكم رحال4444
والله يديمكم ويحفظكم...مواضيع عشوائيه ممكن تكون تعجبك اخترناها لك:
- ياشباب ابي ارخص مكتب عشان تذكرة فانكوفر
- فـــــــنـــــــــــــــــــــــــــــادق تورنتو
- أبيكم تساعدوني الله يوفقكم
- هل يمكن السفر لكندا من المغرب
- يريد مساعدة عن كندا فهل من منقذ
- اقرب مطار لشلالات نياجرا
- ضروووووووري في فانكوفر
- مالذي تحتاجه السفاره الكنديه
- توجيهات بخصوص النظافه ارجوا شاركة الجميع
- محتااااجه مساعده ممكن تساعدوني بليز
- اسعار اللابتوبات في تورنتو؟
- ترجمة شهادة التعريف بالنسبة للفيزا السياحية الكندية
- الرحلة إلى مزرعة
- سجل سعر وتاريخ تذكرتك الى كندا
- مسآفر جديد لاتبخلو علينا بالمعلومات
- هذا سبب رفض السفارة الكندية للفيزا؟؟؟
- وصللتني الان اوراق الفحص الطبي الشرقية ارجو الافادة
- رجـــاء حا ا ا ا ا ا ا ا ا ا ا ا ر ابــي مساعــده
- السلام عليكم ورحمة الله وبركاته
- بليززز ساعدوني بطريقة الاتصال من السعوديه لكندا
المفضلات