السلام عليكم
كنت موجود في الوزارة يوم الاثنين الاسبوع الماضي
وكان فيه عدد كبير من الطلاب اللي تجمهرو في ممرات الوزارة من ساعات الصبح الاولى
انتظرنا في الاستراحه اكثر من ساعتين ونصف وكان ممنوع الدخول الى اي مكتب ,,,:105:
الا اذا كان عندك معاملة ملموسه !!
وبعد مرور ساعتين ونصف فتح باب احد المكاتب وخرج علينا احد المسئولين وهو معصب ومتضايق :112:
قال يا شباب وش عندكم؟
قلناله متى موعد الاعن الاسماء النهائية
قال قلنالكم لا تجون للوزارة بس انتم ماتسمعون !! الحين وش الفائده من جيتكم للوزارة ؟ ,,, ان شاء الله راح يتم الاعلان عبر الموقع وعبر وسائل الاعلام تابعوها وخلونا نشتغل !!! :114:
عاد قام واحد شايب جاي مع ولده قال يا خي انتم تلعبون بمشاعر الطلاب يا اخي خافو الله .... ليش كل هالتاخير ليش ما اعلنتو في الموقع وفي الجرايد انه بيكون فيه تاخير انتم كذابين وماتحترمون المواعيد وحسبي الله ونعم الوكيل (( بصراحه برد قليل من اللي في قلوبنا :108: ))
رد المسؤل يا اخي التاخير مو من مسؤلية وزارة التعليم ...
التاخير جاي من فوق الوزارة واتمنى انكم تقدرون هالشي .. ولا احناوش نبي ناخركم وش مصلحتنا !!!
قال واحد طيب متى راح تعلن الاسماء .. حددلي وقت وتاريخ معين
قال بصراحه ما اقدر اوعدكم بشي ... مافي تاريخ معين
اذا صدرت التوجيهات راح يتم الاعلان وتمم اجراءات الابتعاث
لكن انتم حطو في بالكم ممكن يتم الاعلان بعد اسبوع وممكن يستمر الوضع كماهو علية الى شهر 5 ميلادي من السنه الجديدة !! :110: :110: :110: :110: :110: :110: :110: :110:
المهم بعد كلمة هذي انا مشيت وطلعت من الوزارة لاني مابي تجيني صدمه ثانية توديني في داهية :108:
مواضيع عشوائيه ممكن تكون تعجبك اخترناها لك:
المفضلات