+ الرد على الموضوع
النتائج 1 إلى 21 من 21

الموضوع: قصة واقعية مهمة

  1. #1
    عضو مسجل
    تاريخ التسجيل
    Dec 2014
    المشاركات
    1,962,485

    قصة واقعية مهمة


    السلام عليكم ورحمة الله وبركاته .
    كيف الحال ياشباب ان شاء الله بخير ...؟
    انا والله يالاخوان صارت لي قصة وتجربة سيئة مع صديق لي حبيت أطرحها لكم في هالوقت لعلها تفيدكم ان شاء الله والمؤمن لا يلدغ من جحر مرتين .
    زميلي هذا كانت أمنيته وحلمه السفر لكندا مثلنا كلنا عشان يكمل دراسته فكان يشتغل ويجمع من سنة ونص تقريبا عشان هالسفرية فالمهم فكر انه يسافر قبل فترة وجلس يدور في الجرائد والمواقع والمكاتب عن أفضل مكتب وارخصها ماديا فالمهم قراء اعلان في جريدة مشهورة عن المكتب وراح له طبعا انا رحت معاه للمكتب ومكتبهم في السطح تخيلوا يعني اخر دور من المبنى يعني الوضع يخوف قلت له ياخوي هالمكتب مو عاجبني شام منه ريحة خيانه فقالي ماعليك فالمهم استقبلونا شباب سوريين وعادي واتفق معاهم على مبلغ ثلاث شهور اعتقد قالوله 13.000 ريال واتعابهم 1500 ريال فالرجال مثل ماقلت لكم حلمه وامنيته كندا دفع لهم اول يوم 3500 ريال مقدما وعطوه السند وفيه اسم المكتب بعدين طلعنا من عنده ورد علينا خوينا (السوري) قالنا السفارة يقولون لازم تدفع المبلغ كامل عشان يتأكدون انك بتروح تدرس هالفترة فقالهم اوكيه ودفع لهم باقي المبلغ تقريبا 11.000 ريال وهالمرة ماكنت معاه وعطوه سند غريب صراحة مو نفس الاول يعني ورقة فيها اسم المكتب ومكتوبه بالكمبيوتر وتحت ختم بأسم شخص اسمه ياسين وخوينا السوري اسمه احمد فالوضع ملخبط صراحة وقلت له الوضع مايطمن وهو مسكين مألومه قالي لا تصير شكاك فالمهم قالنا برد عليكم خلال شهر ويمر الشهر وسحبه ماعندك ونروح المكتب مافيه احد ونسأل مكتب العقارات قالنا بينتهي عقد ايجارهم بعد ست شهور أرتحنا شوي ونتصل على السوري وقلنا له الحين مر شهرين تقريبا وش السالفة قال انا مسافر سوريا عندي زواج واول مارجع ابشر باللي يسرك وطبعا الفلوس معاه والجواز فرجع من السفر بعد اسبوعين تقريبا وبعدها نتصل عليه وجحدي يعطينا بيزي نتصل عليه يعطينا مشغول نواعده يسحب علينا يعني ظهر على حقيقته حررررررررامي سرق خوينا في يوم من الايام وبالصدفه حنا نعرف ان بيته في شارع الخزان نحصله في الشارع ولابس بجاما وخوينا مايبي المشاكل ونا والله ناويه بشر لكن ركدت قلنا له نبي نتفاهم في بيتك شوي عشان نبي ندل بيته ونصيده بالشرطة قال والله نسيت مفاتيحي في البيت ونا متوهق مقدر ادخل البيت الحين هههههه تصريفة حرامي فكلمنا الشرطة عنه قالولنا لازم تجيب بيته وين وحنا مانعرف وين بيته بالضبط والحاصل ان خوينا توهق وراح للمحكمة المستعجلة قالوا له عطنا اسمه بالكامل وحنا مانعرف اسمه بالكامل وجات المصيبة على المسكين عمل سنة كامل ضاع مع واحد حرامي استغله لانه حس ان هالشخص امنيته السفر لكندا والمكتب طبعا قفله قبل ماينتهى عقد أيجاره وواضح انه سرق كم واحد غير خوينا ووهق كثير سفرهم للخارج على معاهد مو معروفة والله يعلم بمعاناتهم كما اخبرنا صاحب مكتب العقارات فالمهم يالربع انقطع عننا ثلاث شهور ونص وحنا مثل الكلاااب اعزكم الله نطرد وراه وكأننا نطره او نبي رحمته كل ماتصلنا عليه يعطينا بيزي او مشغول ومرات يقفل الجوال ومرات يرد ويواعدنا بكره ويسحب علينا يعني تعبنا فقلنا مافيه الا حل واحد رحنا لمطعم معروف في الرياض كان يعزمنا فيه الحرامي هذا وسألنا عنه عرفوه وقالوا هذا نذل ونصاب وعنده اخو واب مافي مثلهم فقلنا حلوو فيه فرصة وخذينا رقم اخوه وفهمناه السالفة وعلى كلامه قالنا اوكيه انا اتفاهم معاه وقابلنا بعد كم يوم ورجع لنا ألفين ريال وقالنا انا ضربت اخوي ومن هالكلام ونا راح ارجع لك فلوسك والحين مر حول الشهرين وهو كل يوم يعطينا موعد جديد واذا وصلنا للموعد يقفل جواله يعني تعبونا بشكل غير طبيعي واللي يومك هذا خوينا يعاني من هالمشكلة واللي ماخلته يسافر وماوده يعلم اهله لانهم راح يهزأونه ويضحكون عليه فكلمنا واحد من الشرطة خوينا قالنا لازم تجيبون عنوان بيته وللاسف ماعندنا هالشي او تضاربون معاه وتمسكم الشرطة وتعلمهم بعدين لكن هينا المشكلة اكبر لان مثل ماقلت لكم الاوراق اللي معانا شاك فيها بشكل كبيررر يعني ممكن السند القبض الاول 3500 ريال صحيح لكن الورقه الثانية حاس انها ملعوبة يعني تخوف صراحة وماودنا نغامر خاصتا ان اخوه (مادري نقول جزاه الله خير او انه يبي يماطل ويضيع وقت علينا ) قالنا بسدد الفلوس نيابة عنه ....... ومعانات خوينا مستمرة إلى يومك هذا من اتصال على اخوه لموعد وهمي لأمل مفقود ...
    انا والله يالاخوان ذكرت لكم هالسالفة للعظة والعبرة والمؤمن لايلدغ من جحر مرتين انتبهوا من اصحاب المكاتب واذا سلمت له جوازك مافيه مشكلة لو تخليه يعطيك ورقه تثبت فيها انك مسلمه جوازك شيك على السندات زين تأكد ان المكتب معروف هذي ايام السرقات حقتهم وايام شغلهم يعني انتبهوا يالاخوان حتى انا والله بنفسي قبل كم اسبوع رايح لمكتب سامعه يكلم واحد يقوله اجيب لك فيزه طالب كنديه وقبول بألفين ريال وغير الشيك على حسابك ايوالله ياشباب والدعوة ماتستاهل حتى 300 ريال ماودي اطيل عليكم بالكلام والله يوفق الجميع وادعوا لخوينا مع السلامة ....

    مواضيع عشوائيه ممكن تكون تعجبك اخترناها لك:

    فنادق عطلات



  2. #2
    عضو مسجل
    تاريخ التسجيل
    Dec 2014
    المشاركات
    1,962,485

    رد: قصة واقعية مهمة

    مشكوووووووووووووور اخووووووووووي ارجواااا انها تكوون عبرة لنا ولغيرنا

    فنادق عطلات


  3. #3
    عضو مسجل
    تاريخ التسجيل
    Dec 2014
    المشاركات
    1,962,485

    رد: قصة واقعية مهمة

    هلا والله فيك اخوي


    انا مثلك وقعت في مكتب هنود في جدة وضحك علي والان التلفونات حقتهم ماترد

    طبعا انا لي سنة وكان عندي لهم 3000 ريال

    لكن حسبي الله ونعم الوكيل


    ومشكور على طرح هذه القصة وانا نصيحتي للي يبي يروح يسوي كل شئ بنفسه احسن له

    ولكم تحياتي

    فنادق عطلات


  4. #4
    عضو مسجل
    تاريخ التسجيل
    Dec 2014
    المشاركات
    1,962,485

    رد: قصة واقعية مهمة

    يااخي..اثرت حاجه بخاطري..
    انا اموت واعرف اش فيهم الشباب على كندا ومنجنين ..
    والله يهديهم بعضا منهم لما يجي يعيش الدنيا بطول وعرض ويسؤ لنفسه بشكل وهذولا ناس قانون وحازمين فتلاقي قضايا الله المستعااااااان عليها,,

    نصيحه يااخواني.. اللغه ممكن تجي بدخول معاهد كويسه بالرياض مع سماع الراديو قرائه قصص قصيره الجديه في الوضوع..

    فنادق عطلات


  5. #5
    عضو مسجل
    تاريخ التسجيل
    Dec 2014
    المشاركات
    1,962,485

    رد: قصة واقعية مهمة

    ايوالله مانقول الا حسبنا الله ونعم الوكيل والله يحفظنا ويستر علينا وعلى المسلمين في كل مكان ان شاء الله .

    فنادق عطلات


  6. #6
    عضو مسجل
    تاريخ التسجيل
    Dec 2014
    المشاركات
    1,962,485

    رد: قصة واقعية مهمة

    هلا فيك اخوي سويت ولكن بصراحة في الوقت الراهن أفضل بلد لتعلم اللغة كندا والشباب طايحين فيها لسهولة العيش فيها ولطيبة شعبها وكل شي متوفر فيها .
    وبخصوص الدراسة في معاهد السعودية ماتقارن صراحة في الدراسة بكندا او غيرها اللي لغتهم الام الانجليزية يعني بصراحة لو تدرس ست شهور في أفضل معهد في السعودية وتسافر للخارج شهرين راح تغطي على هالست شهور وزيادة ومثل ماقالوا أعطي الخبز لخبازه .

    فنادق عطلات


  7. #7
    عضو مسجل
    تاريخ التسجيل
    Dec 2014
    المشاركات
    1,962,485

    رد: قصة واقعية مهمة

    والله الوضع صعب والمبلغ قوي بس معليش خويك شوي ضارب فيوز

    يعني بربك تسلم فلوسك لشخص مكتبه في سطح هل هذا يعقل بالله

    ومبلغ مو بسيط 13 الف يعني من جد معليش انتم فليتوها شوي

    ولا محل في سطح هذا مش منطقي ابداً

    لكن معوض خويك ان شاء الله

    فنادق عطلات


  8. #8
    عضو مسجل
    تاريخ التسجيل
    Dec 2014
    المشاركات
    1,962,485

    رد: قصة واقعية مهمة

    للأسف ماادري ليش الناس كذا
    اعوذ بالله ...
    يعني احس خويك ساذج الى درجة الاستخفاف
    الحمدالله رب العالمين الله يعافينا ولايبتلينا
    بعدين يوم لقاه وقابله شلون هانت عليه يخليه يروووح؟؟ وهو ماخذ منه 13 الف ريال على قولتك ؟؟؟!!!

    فنادق عطلات


  9. #9
    عضو مسجل
    تاريخ التسجيل
    Dec 2014
    المشاركات
    1,962,485

    رد: قصة واقعية مهمة

    والله ياخوي d60 الأعلان شايفينه في جريدة معروفه عن المكتب يعني ماتوقعنا هالشي صراحة وبعدين عقد صحيح مع مكتب العقار وبعدين في سطح انا اقصد في اخر دور يعني ولكن يعتبر سطح بصراحة ههههه لكن مثل ماقلت لك خوينا كان يحلم ويفكر ومصمم انه يسافر كندا وأختار هالمكتب لانه قاري اعلان عنه في جريدة ولأنه قايل لنا مضمون 100 % تجيك الفيزة خلال شهر وحلف لنا بشرفه وبأهله وبالمصحف ايوالله ياشباب ولأنه ارخص سعر تقريبا ولكن الله يعوضه ..

    فنادق عطلات


  10. #10
    عضو مسجل
    تاريخ التسجيل
    Dec 2014
    المشاركات
    1,962,485

    رد: قصة واقعية مهمة

    اخوي عبودي يعني بالله عليك وش تبيه يسوي مكره أخاك لا بطل قابله اكثر من مره لكن مايقدر يسوي له شي طيب اوكيه خل نفرض تضارب معه وماخلاه يروح وراحوا القسم راح يطلع بكفالة مباشرة وزي ماكتبت السندات اللي معه تحس انها ملعوبة يعني ممكن ينكر ويقول ماعرفه وماعندي شي له يعني خوينا الله يعينه يأنه ينتظر وهوو حمااار وانتوا بكرامة ألين مايرحمه اخو الحرامي ويرجع فلوسه ومشكور على هذا او انه يمسكه ويوديه الشرطة وهذي فيها مغامرة لان في السندات حتى مو مكتوب اسم الحرامي واسم المكتب غير وممكن تطلعها للضابط ويقولك بلها واشرب ميتها فماوده يتمشكل معاه فهمت .....
    ولا تلومونه ياشباب كندا هذي صايرة مثل السحر وبعدين يعرف ناس من قرايبه هناك وشغالين مدح الله يعين الجميع بس .... وبالتوفيق

    فنادق عطلات


  11. #11
    عضو مسجل
    تاريخ التسجيل
    Dec 2014
    المشاركات
    1,962,485

    رد: قصة واقعية مهمة

    شف حبيبي والله لو أنا والله ما أخليه يروح والله لأتوطى في بطنه إلين يحس إنه بيموت وإذا حس بالإحساس هذا قله خذ الجوال وكلم على أي أحد وخله يحول لحسابي المبلغ الأن وإذا قال شي إرجفه في وجهه معليش يعني مايصير تشوف واحد سارقكك ومستغلك ومستغيك وعارف إنه نصاب وتخليه .
    خلاصة الكلام إذا رقمه يرد عليه خل أي واحد من أخوياك يكلمه ويواعده على إنه بيسافر وكمان خل اللي بيكلمه يسوي نفسه دجااااااجه يعني مايعرف شي وإذا وخل اللي بيكلمه يجيب واحد معه ويركب السوري في السياره على إنهم بيتفقون وهم في الطريق وبالمره يتمشون وأقرب حاره صاده تكونون تنتظرونهم بالسياره وتشويت وخذوا كل اللي معه وخله يحول لكم المبلغ على حسابك وشيك على طول بالتلفون


    غير كذا إنس تمسك فلوسك لامنه ولا من أخوه بيني وبينك قهرني خويك الله يهديه

    سلااااااااااااااام

    فنادق عطلات


  12. #12
    عضو مسجل
    تاريخ التسجيل
    Dec 2014
    المشاركات
    1,962,485

    رد: قصة واقعية مهمة

    ههههههههههههههههههههههههههههههه أحبك يافانكوفر الله يهديك الرفق ماجاء في شي الا زانه ومأنتزع من شي الا شانه وبعدين يالغالي بأستطاعتنا نضربه ونلعن أبو خامسه لكن الخوف اخوه يعرف ويسحب علينا وحنا الحين معتمدين على امل انه يرجع ولو نصف المبلغ على حسب كلامه فهمت .
    اما سالفت امسكه واردفه وكلم واحد يحول على الحساب طلع فلم امريكي ههههههه صعبه صراحة يالغالي والله اننا مرات نقابل اخوه ونبي نلعن خامسه لكن ماله ذنب واخوه الحرامي مايرد علينا خلاص وحتى لو خلينا واحد يكلمه على اي اساس بيكلمه صعبة يقوله ابي اقابلك وهو مايعرفه واذا قابله وقاله ابي اقابلك بخصوص سفرية ماينفع لانه قفل المكتب خلاص .... وخوينا تحطم خلاص هههههه ينتظر رنه من أخو الحرامي والمشكلة كل يوم يواعدنا ويسحب وإلى يومك هذا وحنا على هالموال ،، المشكلة ماتدري اخوه يبي يضيع الوقت او يبي يسدد من جد او وشهو بالضبط الله اعلم هذا اللي نقوله صراحة والله يستر على الجميع ويوفقهم .

    فنادق عطلات


  13. #13
    عضو مسجل
    تاريخ التسجيل
    Dec 2014
    المشاركات
    1,962,485

    رد: قصة واقعية مهمة

    حسبي الله ونعم الوكيل عليه

    فنادق عطلات


  14. #14
    عضو مسجل
    تاريخ التسجيل
    Dec 2014
    المشاركات
    1,962,485

    رد: قصة واقعية مهمة

    أجل خل على الرفق وإنتظر سنه وإلا سنتين اللي تبي حبينا نساعد وخلك على الأفلام المصريه أحسن لك

    فنادق عطلات


  15. #15
    عضو مسجل
    تاريخ التسجيل
    Dec 2014
    المشاركات
    1,962,485

    رد: قصة واقعية مهمة

    حبيبي والله اتقبل اي شي الا انك تستغفلني

    واسمحلي قدامك الاف الحلول انك ترجع فلوسك غير انك تنتضر السوري ولد التبوله والحمص يتكرم عليك بالف والا زيها

    والله مصيبه في بلدنا ويضحك علينا ايش قوة الاستخفاف بس الشرهه مهي عليه الشرهه علينا نسلمهم دقونا وذا ر اح نقعد نصيح مثل العواني

    امسك السوري بحلقه وسلمه للقسم هذا نصاب مايسير تتركه كذا خللك ذيب لا يضحك عليك السوري


    تقبل تحيات اخوك البرستيج

    فنادق عطلات


  16. #16
    عضو مسجل
    تاريخ التسجيل
    Dec 2014
    المشاركات
    1,962,485

    رد: قصة واقعية مهمة

    شاكر لكم ردودكم يالاخوان لكن مثل ماقلت لكم السالفة لصديق مقرب لي ونا معاه لكن يالاخوان أنتم مأخذينها الموضوع بسهولة بصراحة .
    يعني واحد يقول امسكه واضربه واتصل على اهله يدفعون لك الفلوس هذا فلم ايوالله وكأن مافيه حكومة او شرطة أو نظام في هالبلد يعني ماتنفع هالطريقة ابد بصراحة وفكرنا فيها كثير .
    ويالغالي برستيج عطنا حل واحد من هالالاف حل يعني لو بغينا نمسكه راح نصيده من خشمه لكن وش نسوي فيه كذب علي خوينا وخدعه وعطاه سندات مكتوب فيها اسم مكتب ثاني حتى لو قدمتها للضابط بيرميها في وجهك بينكر السوري انه أستلم منك شي وقالولنا القانون لايحمي المغفلين صراحة ولكن للاسف خوينا مو مغفل يالربع خوينا انخدع وعلى نياته وهذي مشكلتنا ياشباب طيبين ونثق في ناس ماتسوى للاسف وبعدين ياشباب الرجال حلف لنا بالمصحف وبشرفه وماترك شي الا وحلف فيه ايوالله يعني والله استغرب ان فيه ناس بهالشكل .
    يعني بصراحة دورنا على كل الحلول لكن مالغينا حل سالفة انك تضربه وتأخذ اقامته ومن هالكلام وتروح لقسم الشرطة ماراح ينفع لان السندات لو قدمتها للضابط ماراح يعترف فيها لانها ورقة لعبة بصراحة وبينكر السوري وهذا اللي متأكدين منه مية بالمية وصابرين وساكتين لان اخوه وعدنا أنه بيسدد نيابة عن اخوه الحرامي ودفع لنا ألفين من شهر ونص او اكثر تقريبا وكل يوم يواعدنا على جزء من المبلغ ويسحب او يتعذر بشغله . المشكلة خوينا فقد الامل والله أخر مره كلمهم وقالهم هالحين معلقيني ماقدرت اسافر وماقدرت ادبر نفسي وكل يوم معطيني موعد وهمي وفي الاخير تسحبون علي مايصير وقالهم اذا بتجيبونها كان بها واذا ماتبون تجيبون الفلوس ريحوني والله يعوضني عنها وجعلها نار في بطونكم ...... ولكن ماعندك احد .
    اللي عنده حل معقول يفيدنا ونكون له شاكرين ؟؟ والله يوفق الجميع

    فنادق عطلات


  17. #17
    عضو مسجل
    تاريخ التسجيل
    Dec 2014
    المشاركات
    1,962,485

    رد: قصة واقعية مهمة

    هااه يالربع ماحد عنده طريقة معقولة وتجيب نتيجة مع هالحرامي ........ لان بصراحة كثير قالولنا أنسى الفلوس خلاص اللي راح مايرجع الله يستر ..

    فنادق عطلات


  18. #18
    عضو مسجل
    تاريخ التسجيل
    Dec 2014
    المشاركات
    1,962,485

    رد: قصة واقعية مهمة

    شوف أخوي الخطوة الأولى لأسترجاع الفلوس هو إثباتها لدى الطرف الثاني .

    يعني حاولوا تجتمعوا في مكان محايد بقصد الصلح وبحضور أخو الطرف الثاني ليطمئن الطرف الثاني وأثنان ( أحرص أن يكونوا عدولاً مو أي شاب تجيبه معك ) مع صاحب المال بحيث تحصلون بطريقة مناسبة ( وربما ماكرة بإيهام الطرف الثاني بأنه سوف يتم التوصل إلى حل يراعي ظروف الطرف الثاني ) على إقرار خطي أو شفهي واضح لا لبس فيه بالمبلغ المتبقي في ذمته ، لا بأس من تنازل الطرف الثاني عن شيء بسيط من المبلغ في سبيل الوصول إلى هذه النتيجة .

    بعد كذا نكون قطعنا أصعب مرحلة وهي إثبات المبلغ بإقرار خطي أو شفهي بشهادة الشهود الحاضرين لأنه حسب كلامك هناك مشكلة في الإيصال الموجود مع صاحبك .

    الخطوة الثانية هي التقدم للشرطة أو المحكمة ، إن أمكن لك تدبر نفسك مع أحد من الشرطة فهو أحسن حتى لاتتدخل في متاهات بعض القضاة ، بحيث تقوم الشرطة بإيقاف الطرف الثاني وتخويفه لعله يدفع المبلغ وهنا قد يطالب صاحبك بالتنازل عن بعض المال وهذا أمر يرجع له وإن كان الطرف الثاني لا يستحق ولكن المسألة تحسب بأقل الضررين على صاحبك .

    وبالتوفيق .

    فنادق عطلات


  19. #19
    عضو مسجل
    تاريخ التسجيل
    Dec 2014
    المشاركات
    1,962,485

    رد: قصة واقعية مهمة

    انا بصراحة اشكر جميع الاخوان اللي ردوا واللي ماردوا والله يوفق الجميع ان شاء الله انا والله كتبت هالموضوع لأستفيد وأفيد وأن شاء الله ماحد زعل بس .
    بالنسبة لك اخوي راجي الخير فعلا كلامك في محله يالغالي ان شاء الله راح نسوي هالطريقة وان شاء الله تضبط ياشيخ خل نذوقه بالمر والقهر اللي ذوقنا اياه والله يجزاك خير ،، جاري التنفيذ

    فنادق عطلات


  20. #20
    عضو مسجل
    تاريخ التسجيل
    Dec 2014
    المشاركات
    1,962,485

    رد: قصة واقعية مهمة

    الحل يا اخي شوف الطريقة ذي ويمكن تنفع معك


    خلي واحد من خوياك يتصل على السوري من جواله مايطون يعرفه اوكي

    وخليه يقوله انا ارسلني واحد عليك قالوا لي انك ممكن تجيب لي قبول من كندا وتساعدني في الفيزا وفلوسي زاهبة الحين طبعا حيسيل ريق اخينا في الله لانه متوقع انه وقع على فريسة ثايية

    وخذوا منه عنوان المكتب الي هو فيه او عنوان بيته او اي مكان تواعدوه فيه .

    واذا شفتووه لا اوصيكم كلبشوا فيه وعلى اقرب قسم شرطة ..

    جرب ترى الطمع يعمي عين وقلب الانسان . .. .. .

    وما اخذ بالحيلة ما يرجع الا بالحيلة .............. (:

    الشي الثاني اذا ما نفعت معاك الطريقة ذي تروح لمكتب العقار وتخليه يوريك صورة من العقد وتاخذ اسم وعنوان كفيل الاخ وتتصل عليه وتفهمه الموضوع وتاخذ عنوان السوري او تشتكيه في المحكمة لانه كفيل النصاب ومسؤل عنه ....

    وربي يعين

    فنادق عطلات


  21. #21
    عضو مسجل
    تاريخ التسجيل
    Dec 2014
    المشاركات
    1,962,485

    رد: قصة واقعية مهمة

    والله يالغالي Mba الطريقة الاولى جربناها وماضبطت لانه رد علينا بأن ماعنده مكتب ولكن يالغالي بأستطاعتي أقابله عادي لكن مامنه فايدة لان الاوراق اللي معي ملحوسة يعني ماتمشي في القسم سألت شرطي السند غبي شوي وحنا أغبى يعني بجد ماتنفع الطريقة الاولى ابد .
    ولكن بالنسبة للطريقة الثانية والله جيده يالغالي بنروح المكتب وبنسأل عن اسم صاحب العقد وبنفهمه السالفة بس الخوف يطلع حرامي مثله ههههه لكن طريقة جيدة صراحة وجاري تنفيذها بأذن الله واشكرك على التفاعل اخوي الغالي والله يوفق الجميع .

    فنادق عطلات


+ الرد على الموضوع

المواضيع المتشابهه

  1. قصة أغرب من الخيال و لكنها واقعية الرجاء التصفح
    بواسطة Robot في المنتدى بوابة العرب المسافرون العامة
    مشاركات: 6
    آخر مشاركة: 02-04-2015, 10:37 PM
  2. قصص واقعية لتطوير الذات محدث
    بواسطة Robot في المنتدى بوابة العرب المسافرون العامة
    مشاركات: 44
    آخر مشاركة: 02-04-2015, 09:28 PM
  3. “ رسومات واقعية رائعة للفنان ستيف ميلز ”
    بواسطة Robot في المنتدى بوابة العرب المسافرون العامة
    مشاركات: 13
    آخر مشاركة: 02-04-2015, 08:58 PM
  4. قصة واقعية وين الامام
    بواسطة Robot في المنتدى بوابة العرب المسافرون العامة
    مشاركات: 16
    آخر مشاركة: 02-04-2015, 04:51 PM
  5. سؤال عريض يحتاج لإجابه واقعية وبصدق
    بواسطة Robot في المنتدى بوابة السفر إلى سوريا Syria
    مشاركات: 21
    آخر مشاركة: 01-20-2015, 06:37 PM

المفضلات

المفضلات

ضوابط المشاركة

  • تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X