الموضوع: ارجوا مساعدتي والرد سريعا

بسم الله الرحمن الرحيم
السلام عليكم ورحمة الله وبركاته
عندي استفسار مهم جدا وهو ان اخويا دوبه مخلص الثانوي والحمد لله نجح ونسبته طيبه وهو حاب يدرس الطيران بس قبل كذا يبغى يدرس لغه .فا ولد عمي راح درس في كندا ويقول انها كانت كويسه والناس مريحين في التعامل. بس حابه استشيركم في هاذا الموضوع وهل كندا فعلا افضل ولا بريطانيا ولا امريكا .وعلى فكره اخويا ماعنده الا مفردات بسيطه جدا في الاجليزي.غير كذا رجاء الي عنده معلومه ولو بسيطه لا يبخل بها علينا.مع العلم انه عمره ما قد سافر لخارج السعوديه ابدا.وارجوا ان المعلومات تكون موثوقه وشكرا بانتظار ردوركم.

مواضيع عشوائيه ممكن تكون تعجبك اخترناها لك:

• مبتعث جديد وارجو المساعدة يا اخوان
• اللي يعرف اي شي عن ولايه نبراسكا
• استفسار بخصووص استخراج الفيزا من السعوديه
• اريد اماكن للتخييم في البرتا و برتش كولومبيا
• الفيزا من السفارات الكندية خارج السعودية
• اللي رحلتهالرياضلندنفانكوفرفجر السبت يدخل
• خبراء كندا الله يسعدكم ضروري جدا
• كندا للسياحة ثم الدراسة
• اين اجد نماذج الفيزاء الكنديه ؟؟
• الفزعه اخوي فكتري
• مطار فانكوفر ؟
• يا سكان تورنتو دشوووو هني بغيتكم شوي
• الأفضل الأجمل تورنتوولا فانكوفرالخبير يقرر
• باركوووولي استلمت الفيزا
• هل كندا دولة اقتصادية وجيدة للعمل اقصد هل هي دولة اقتصادية ؟؟؟؟؟؟
• احد عنده صيغة التعريف عن العمل عشان الفيزا الكندية بليز ساعدوني بليز يا اخواني
• بسافر يوم فبراير الموافق
• من يعرف محل صيانة كمبيوترات جيد في فانكوفر
• مسافر الى كندا
• معهد معين بكندا تثنون عليه

اريحك باختصار ؟؟

سؤال الافضل كندا ، امريكا ، بريطانيا )؟ ماراح تحصلين له اجابة ... كل شخص بيعطيك رأية الشخصي ومقدما الاراء بتكون مختلفة تماما ومتضاربة ... خوذي لك جولة على المواضيع القديمة وبتقتنعين بكلامي ... فئة بتصور لك كندا انها جنة واهلها شعب الله المختار وبنفس الوقت بيصورون لك بريطانيا انها جحيم ... وفئة بتقول العكس ... وكل واحد بيسرد لك قصص عجيبة وانها صارت له واحداث تسمعينها في الخيال ..

انا شخصياً ماراح اقول لك ايهم افضل لان الاختيار يعتمد على معايير كثيرة (طبيعة وشخصية الانسان + امور مادية + امور عائلية + ..).


مسألة انه صغير واجادتة للغة : فهذا بالاساس هو السبب الرئيسي للسفر والغربة !! اللي هو التعلم.. 90% من اللي درسوا في الخارج كانوا لايجيدون اللغة اطلاقا ولكن مع الوقت (من شهر الى ست شهور يختلف من شخص لآخر) يتعلم الشخص ويتطور مستواة ويبدء بالاعتماد على نفسة...

مسألة طيران !! انا مافهمت وش المقصود بالضبط !! هل هو ناوي يدرس هندسة طيران او ملاحة جوية !! المصطلحين يختلفون تماماً...

هندسة الطيران : هي فرع من كلية الهندسة يتعلم فيها كيف تعمل الطائرة وكيف يتم تصنيعها ، هي خليط بين الفيزياء والرياضيات والهندسة الاليكترونية .. اللي يتخرج من هذا التخصص لايعني انه يستطيع قيادة طائرة حتى انه مايعرف يقود الطائرة ، لكنة يكون قادر على الانضمام الى الطاقم الارضي في المطار (صيانة والتطوير) او يعمل في شركات تصنيع الطائرات..

بالنسبة للملاحة الجوية : فالطالب اللي يتخرج من هذا القسم يصبح طيار ، غالباً الملاحة الجوية لاتعتبر درجة علمية يعني لاتحصل في نهاية الدورة على درجة بكالوريوس او ماشابة ذلك ولكن تحصل على رخصة قيادة طائرة ... معاهد الملاحة الجوية غالباً لاتتبع الى اي جامعة ولاتعتبر جزء منها !!

دراسة هندسة الطيران في الجامعات لايوجد علية قيود واي شخص ممكن يلتحق في هذه البرامج ، اما الالتحاق في برامج الملاحة الجوية فعليها بعض القيود والشروط خاصة بعد احداث 11 سبتمبر (وقد يكون اصعب بالذات في امريكا)!!

بالتوفيق واتمنى اني افدت ولو بالقليل...

والله اسمعي يا اختي الغاليه

بريطانيا غاليه جدا جدا جدا وشعبها غير طيب ابدا وبعدين العرب هناك زي عمدا هنا في مكه وجده

امريكا طبعا امريكا محد يخفا عنو كرههم للعرب

نيوزلندا دوله كويسه جدا ورخيصه وشعبها طيب جد جدا جدا بس العيب في نيوزلندا انها مش مطوره متل دول اروبها بحكم بعدها عن الدول الاخره وانها تعتبر جديده العهد

اما بالنسبه عن كندا انشاء الله انا الصيف ده رايح وراح اوافيكي بالاخبار

وترى زي ما قال الاخ كولستشير ترى تعتمد على القدره الماديه واخوكي هو رايح ليش يعني هل هو ودو مع الدراسه يتمشى او قصدو دراسه ميه بالميه وترى الاخ كوليستشر كفا ووفى بس انا حبيت ادلي بدلوي وانشاء الله اكون افتك واي خدمه انا جاهز

ترى الكلام الي في التعليق ده من وجهة نظري انا

هو في الحقيقه يبغى ملاحه جويه زي ما تكرمت اخي كولشيستر .بس كيف حيدرسها وفين و ايش المعهد الي حيدرسه الملاحه الوجويه. وبصراحه في اسئله كثير والمده قصيره لان هوا يبغى يسافر في هاذي الصيفيه.وشكرا على تجاوبكم معايا .وشكرا اخي ابن محفوظ على ردك . والي عنده معلو مات كافيه ممكن يرسل لي رقمه على ايميلي عشان لو احتاج اخويا انو يتكلم معاه او يكتب معلواته على الموضوع . وشكرا .

انا اشوف الافضل اختي انو اخوكي يكتب في المنتدى بنفسو عشان نقدر نجاوب عليه

لا شكر على واجب اختي

هلا حياك اختي

انا اوافق راي اخوي كوليشستر كل شخص وله رايه وانا رايي كندا طبعا واذا اخوك ميح في الانجليزي نصيحه لوجه الله ياخذ دوره هنا بالسعوديه شهر او شهرين على حسب يعني على الاقل يعرف البيسك وبعدين يطلع برا وياخذ توفل ويقدم على الجامعه اللي يبي وبس هذا رايي واي سؤال عن كندا انا حاظر



تحياتي لكـ

هلا اختي اولاً : الله يوفق اخوك ان شاءالله
بصرااااااااااااااااحة افضل دولة من ناحية التعامل مع شعبها الطيب والامان هي كندا افضل من بريطانيا وامريكا بكثييييييييييير وانا افضل ان يدرس بكندا هذا على حسب معلوماتي وان شاءالله انا مسافر لكندا في 15 جولاي



*** يمنع وضع الإيميلات ***
الإدارة

شكرا لجميع الي ردو على الموضوع.واخويا انشاء الله راح يحط اسئلته واستفساراته للاجابه عليها .وبالنسبه للاخوان( H.i.m و فواز كندا )اذا كانت كندا هي افضل فا ايش افضل مدينه انو يروح يتعلم فيها وترى هوا ما يهمه انو تكون متطوره بس يهمه انو يكون فيها عرب ومو شرط يكون كثير لاكن يكون فيها احد سئله او يساعده وما يكون فيها شرق اسيويين و هنود وبنقلادش كثير "يبغى يختلط بالسكان الاصليين ".ويبعد عن الزحمه.

هلا اختي حياك الله
انتي ليه تبغي المدن الي فيها العرب اكثر اذا احتك مع العرب مايتعلم اللغة بسرعة المفروض يروح لمدينة مافيها عرب علشان يتعلم في اسرع وقت والعرب دايمن يتواجدون بالمدن الكبيرة مثل ترونتو وفانكوفر و اوتاوا واذا تبغي الا ان يكونوا فيها عرب فانكوفر العرب فيها اقل من ترونتو لأن الاسويين والعرب بترنتو اكثر وانا افضل مدينة فانكوفر مرررررة حلووووة وانشاءالله انه ينبسط فيها والله يوفق الجميع ..
هذا على حد معرفتي وشكرا ,,
ولـــكــــــــم تحـيـــــــــــــــاتي

شكرا لجميع الي ردو و انشاء الله ما اكون ثقلت عليكم.^_^

والله يأختنا الغالية جزاهم الله خير الاخوان وضحولك كل شي لكن من كلامك وأن هذي اول سفرية خارج السعودية لأخوك وبحكم صغر سنة وعدم اجادته اللغة الانجليزية نصيحة لا يسافر بهالشكل مثل ماذكر الاخ يدرس له كم شهر في معهد في السعودية على الأقل يتعلم القواعد او بدائيات الانجيلزي عشان يقدر يمشي نفسه لان صدقيني اذا راح بهالشكل بيتعب كثير كثير الغربة وضعف اللغة تهد الحيل والله وخاصتا ً اذا كان الشخص ملول أو أنها المره الأولى اللي يسافر فيها خارج المملكة يعني لاتستعجلون على سفريته نصيحة اخوية فقط وبعدين فيه تعليم الطيران في الأردن وممتازة وشهاداتها معتمدة لكن اسعارها لك عليها شوي ومأعتقد انها اغلى من كندا واذا كان ودكم بأفضل بلد لتعليم الطيران فغير أمريكا لاتدور لكن ولت أيام امريكا خلاص ... وختامها لاتستعجلون دخلوه معهد كم شهر في السعودية واذا تحسنت لغته على الأقل يعرف يدبر نفسه في المطار وفي الطائرة وفي الترانزيت والله يوفق الجميع ان شاء الله .