الموضوع: خلاص باقص التذاكر فزعتكم بلييييييييز

السلام عليكم,,,,,
وش أفضل موقع لحجز تذاكر الطيران من السعوديه لأمريكا,؟
طبعا من ناحية السعر ,
لأنو التذاكر أمس كانت ب 15 ألف من موقع إكسبيديا واليوم زادت ألف ريال .
طبعا خط الطيران
أفيدوني بلييييييييييييييييييز لأنو فاتحه النت وأبغى أحجز اليوم إن شاء الله.
وعندي سؤال بعد هل في أمل بعد ماأرتفعت أسعار التذاكر ترجع تنزل أو يصير عليها عروض ؟
طبعا ماهمني على أي شركة طيران بس المهم السعر الزين .
وآسفه على الإطاله

مواضيع عشوائيه ممكن تكون تعجبك اخترناها لك:

• ماهي الاغذيه الممنوعه من دخول امريكا
• ابني سنه واستخراج الفيزا؟؟
• استفسار عن طريقة الدفع لأصدار الفيزة
• هل يسمح للزائر بالزواج من امريكية
• ماهي اجراءات تفتيش مطار واشنطن ونيويورك
• مساعدة بخصوص مستشفى the johns hopkins hospital
• شو رياكم بفندق حياة ريجنسي في بالتيمور
• السلام عليكم استفسار بخصوص الفيزا
• دراسة اللغة فقط بامريكا
• أسعار الطيران الداخلي
• عدنا والعود أحمد
• استفسار بخصوص ابلكيشن السفارة
• ممكن مساعدة و أستفساااار رجاءاااا
• مسااااااااااااااااااااااااااااااااااااااااااااااعد ه بليييييييييز
• ترتيبات شهر العسل لنيويورك، اولارندو، ميامي، رحلة رويال كاريبيان
• اول مره اروح امريكا ممكن تساعدوني ؟
• واشنطن الجنسية الامريكية للمولود على أرضنا حق
• أستفسار هام
• قررنا نروح امريكا بالصيف
• اسئلة عن مترو نيويورك والموقع الالكتروني

أفااااااا ماكان العشم والله ,....

هلا عزيزتي وش هالسعر مررررررره تومتش
15 لشخص واحد ولا اثنين

2 كبار وطفلة أربع سنوات

اختي اذا تبحثي عن اقل سعر مالكي الا موقع الخطوط السعودية :


http://www.saudiairlines.com/portal/...008c0f430aRCRD


انا من اسبوع بتاريخ 8 ديسمبر حجزت اون لاين ذهاب بتاريخ 22 جون الرياض جدة نيويورك

والعودة نيويورك الرياض بتاريخ 23 جولاي

عدد 4 تذاكر

2 بالغين سعر التذكرة الواحده بالضرائب 3480 ريال

1 طفل سعر التذكرة 2673 ريال

1 رضيع سعر التذكرة 522 ريال

المجموع 10,155 ريال


الحقي ام الطعمة قبل ما تغلا اكثر واكثر , بالتوفيق , , ,

أضم صوتي لأخوي ( وليد )

1- إما يكون الحجز عن طريق موقع السعودية ... أو الاتصال على رقم الحجز المركزي ( 920022222 )

2- الحجز عن طريق المكاتب السياحية .


دعواتي لك بالتوفيق

كم طلع السعــــر معك للباالغيـــــن والصغار.... ووش الخطوط اللي بحثتي بهـــــا .... ؟؟؟
لو كان سعر البالغ حدود أربعـــــة الاف ريــــــال فهو جدا مقبــــــــول ولو كان أقـــــل فأنصحك لاتطوفينـــــــــه

الخطوط السعوديه عن طريق موقعهم أقل سعر لقيته 17 ألف ريال
وأمس كلمت الموظف أقل سعر لقيته ب7000 ريال للكبير

وكنت مشيكه على إكسبيديا طلعت لي أرخص الأسعار اللي لقيتها الذهاب من الرياض على السعوديه وترانزيت في لندن ساعتين بعدين على البريطانيه إلى نيويورك . بعدين نيويويرك-أورلاندو-لوس أنجلس-هذي على الخطوط الامريكيه .والعودة من لوس أنجلس إلى الرياض مرورا بلندن على البريطانيه سعرها الإجمالي 16800 ألف ريال.
بس المشكله لما كملت الحجز وجى وقت الدفع طلع لي إنو في مشكلة وحاول بعد ثواني حاولت يمكن عشرين مره موراضي يحجز. دقيت على الرقم الموجود وكلمت الموظفه تقولي إنو أسعار الخطوط السعوديه زادت عن الموضح والسستم ألحين معلق كلمينا بعد نص ساعه نشوف لك الأسعار الجديده ..

معليش أدري طولت بالكلام بس مره ودي تفيدوني ...أمس موظف حجز الخطوط السعوديه قالي ممكن بعد فتره تلاقي إمكانية على الفي كلاس يكون أحد كنسل وإلا مادفع يعني لازم أشيك كل يوم والثاني ...

وش رايكم؟؟؟؟؟؟؟

انصحك يومياً بالتشييك على موقع السعودية , ما هي تواريخ سفرك ام الطعمة ؟

المشاركة الأصلية كتبت بواسطة أم الطعمه
http://www.arabtravelersforum.com/tr...2/#post4604442

الخطوط السعوديه عن طريق موقعهم أقل سعر لقيته 17 ألف ريال
وأمس كلمت الموظف أقل سعر لقيته ب7000 ريال للكبير

مبلغ سبعة الاف للكبير... مبــــــالغ به إلأا لو كان لغير السياحيه.... يعني درجــــه أعلى ..
ممكن الفترة اللي إخترتم به الرحيل فترة ذروة للأسعـــــــار.... لكن تبغى خطوط ثانيه أقل سعر ...
عـــــــن التعـــــب .... أنصحك بالمكاتب السياحيه.... على الأقل لإكتشــــاف أقل الاسعار المتوفرة....
ومنهــــا تقدرون ترتبون أفضــــــل خطوط ممكن السفر عليهــــــا....
الخطوط ااسعـــــوديه ممكن في أقل الأسعـــــار توصـــل حدود 2800 ريـــــــال سعودي للكبير... وأظنه سعر لايقارن بأي خطوط أخــــرى مع إمتياز الرحله مبـــــــــاشرة من الســــعوديه

خلاص أجل اخوي كلي وفا أول ماألاقي سعر زين بدلك على طول على المكتب اللي خذيت منه هههههههههه

أخوي وليد ورحال عازب أشكركم للتفاعل ,,
أولا السعر اللي ذكرته هو على السياحيه هذا اللي حطمني..
موعد السفر بإذن الله الذهاب 24 جون والعودة 21 جولاي..... المشكلة أنا معلمة ومحدودة بتاريخ معين وبزيادة رمضان بيكون على الأبواب أصلا يكفي إني بأسحب آخر إسبوع على الدوام ....
والله مره موترني هذا الموضوع .
لكن اليوم دقيت على الإمارتيه ونصحني الموظف إنو أنتظر مع بداية السنه تنزل أسعار غير إن شاءالله وممكن ألاقي عروض وأسعار حلوه... ويقول كل الخطوط نفس النظام.
وأنا خايفه أنتظر واجازف في الآخير ما أطول شي وتغلى الدنيا أكثر..

سوري إذا أتأخرت في الرد..

هلا عزيزتي الصبر زين دام للحين مالقيتي سعر لقطه لسا في وقت بأذن الله
وماوصيك وانا اختك لا لقيتي سعرن زين عطيني اللعلوووووووم

المشاركة الأصلية كتبت بواسطة أم الطعمه
http://www.arabtravelersforum.com/tr...6/#post4606346

أخوي وليد ورحال عازب أشكركم للتفاعل ,,
أولا السعر اللي ذكرته هو على السياحيه
موعد الذهاب 24 جون والعودة 21 جولاي دقيت على الإمارتيه ونصحني الموظف إنو أنتظر مع بداية السنه..

الحجــــــز بالتاريخ الي ذكرتيه بدري عليه الان تبدين الحجز..... نصيحه لاتقدمين على الشهر إلا قبل موعد السفر بشهـــــــر وأحد في أقــــل تقدير... أو لو حصلتي سعر مناسب بأي خطوط طيران لاتتأخرين بالحجز خـــلاف ذلك خلي جميع مخططاتك أفكــــــــار لا أكثر.... لأنه حتى ممكن في أبسط الأحوال يتغير تخطيطك وتفكرين إستبدال الولايــــــــــــات فنصيحتي بـــــــــــــــــــــــــــــــــــــدري.

أبشري كلي وفا إن شاءالله أول ما ألاقي السعر الزين أمسك فيه و أعلمك على طووووووول

رحال عازب والله مرررررررره ريحني كلامك ....الله يجزاك خير .
أنا هذا اللي مخوفني من أول إني أحجز وبعدين تنزل عروض الصيف وآكل هوا بعدها ...

أشكرك أخوي king egy بس السعر اللي قلت عيه أنا أقل سعر لقيته أرخص من المصريه بعد ......
ومعاه حجز داخلي . السعر مو للتذاكر الدوليه فقط...

أاظن الافضل لك قبل شهر الحجز... وخلاف ذلك في حالة وجود عروض الأفضليه تحجزين...

السلام عليكم
ارتفاع الاسعار بالنسبة لرحلات الطيران الى الدول الغربية وعلى راسها الولايات المتحدة بالنسبة لهذا الوقت من السنة شيء عادي لانها تتزامن مع اعياد الميلاد وعطل السنة الميلادية الجديدة التي تعرف حركة اسفار غير عادية تؤدي الى ارتفاع كبير في التذاكر
لهذا يستحسن الحجز في اوقات خارج اعياد الميلاد والعطل وستنخفظ التكلفة اكثر اذا كانت الرحلة غير مباشرة بحيث تحجز الى اروبا (لندن باريس مدريد برشلونة والمانيا) ومن هناك الى امريكا حيث اقل الاسعار والرحلات كثيرة جدا

تسلمين يا حلوه
الله يوفقنا وياك لافضل الاسعار

أشكرك أخوي خالد منتصر على الرد ......لكن لو لاحظت في ردودي السابقه أنا كاتبة تاريخ السفر في جون والعودة في جولاي ....يعني ماني حول راس السنه .. وحجزي عن طريق لندن .
وبعدين الأسعار اللي حطيتها نتيجة بحث لمدة شهر كامل..