السلام عليكم ورحمة الله وبركاته
احببت ان اكتب بعض النقاط من تجربتي لزيارة بوهول بنفس اليوم والعوده الى سيبو
كانت مدة زيارتي لسيبو 5 ايام وكنت مخطط يومين في بوهول بسبب الاطفال معي قررت ازورها بنفس اليوم وارجع للفندق
لفيت على مكتب في سوق صغير منقاافنيو واعطاني سعرر 10800بيسو
ومكتب صغير في رابنسون اعطاني 12000 لاربعة اشخاص
والمكاتب في الاسواق توصل 15000 وكانت طلباتي سواق خاص مع زيارة المعالم في الجزيره
شفت المبلغ مرتفع شوي قررت اخذ تذاكر واخذ سواق من نفس الجزيره
التذاكر تختلف عندهم
ارخص مكان حصلت عليه هو مكتب سوبر كات اللي عند مركب القوارب نفسه قريب مره من سوق sm اخذت اربع تذاكر ب 2290بيسو البنت الصغيره معي يقول مجاني تحت 3 سنوات
عطاني عرض الذهاب مع قروب ب 8400 بيسو بدون المواصلات من الفندق طلبت تذاكر فقط
وكانت اوقات الرحلات ست ونص وثمانيه ونص وفيه خمس رحلات باليوم انا اخترت 8.30
افطرت الصباح بالفندق اخذت التكسي الساعه سبع ونص ب 70 بيسو وصلنا
المكان الناس قليل بالرحلة انتظرنا شوي اعلنو الانطلاق وركبنا القارب والكراسي بالارقام وتقدر تغير مكانك وتقدر تطلب في الطابق الثاني لانه فاضي يوجد مكان لبيع المرطبات والكفي
فيه شاشه يعرضون لك فلم لين توصل
ومدة الرحله اقل من ساعتين
وصلنا بحفظ الله اول ما تنزل من البوت تلقا قدامك ناس ما سكين لوحات يعرضون عليك سكن وزيارات للجزيره
وقفت عند وحده قلت ابي اسوي لفه على معالم الجزيره قالت ب 2500 مني ومنها اخذتها ب 2000 ولو شديت معها كنت باخذه اقل سمحين والسياره فان خاصه فينا بس ويرجعنا الساعه 4 ونص
فيه تكاسي اقل من كذا
ركبنا مع سواقنا واول مكان زرناه الرحله بالنهر
بعد نص ساعه من الانطلاق
اول شي تدف 100 بيسو بعدين تدخل للحجز فيه بوفيه فخم وبوفيه عادي
العادي ب 390 والفخم ب 500
وشفتها كلها ما فيهافرق واكل ما اكلنا منه. الا الفواكه فيه ربيان وفيه سمك مقلي ورز وابيض اخذت البوفيه العادي ب 990 بيسو البنت الصغيره مجاني اقل من اربع سنوات واقل من 11 سنه 250
تجلس وتاكل شوي ثم تنطلق الرحله حلو المكان والجو كان غيم تمطر شو وتوقف
معك واحد يغني ومعك مجموعه بالقارب
توصل مكان فيه ناس يغنون ولابسين لبس القديمين حقينهم ومعهم رماح ويطبلون بعصي ومعهم سحالي ويعرضون عليك التصوير ويبيعون مصنوعات هم مسوينها تجلس 10 دقايق وترجع للقارب
وتبدا رحلة العوده وقت كل الرحله ساعه وشوي رجعنا لسياره وبعد القوارب تزور حيوان التاشي مدري اسمه ناطقه صح او لا قرد صغير بس سبحان خالقه شكله غريب جدا تدفع تذاكر الشخص ب 50 بيسو الصغار ما يحسبون
ترقا درج وتشوف القرد نايم بكذا مكان هم مسوينه له
نص ساعه وانطلقنا مع السايق لجبال الشوكلاته الطريق جميل جدا غبات واشجار ومزارع وجبال ورشات مطر
وصلنا المكان تدفع 100 بيسو لكل الاشخاص ومخصصين مكان تطلع فيه الله يعينكم عليه 240 درجه بس المناظر فوق شي خرافي ومكان ما ريح تشوف مثله في اي بقعه من الارض
حاطين مكان للجلوس جانب الدرج للاستراحه بس توصل فوق تنسى كل تعب الصعود
تجلس الوقت اللي تبي فوق بعدها غادرنا لطريق العوده
مر فينا السواق حديقة الفراشات حديقه صغيره دخولها ب 40 بيسو
يجي معك واحد يشرح لك ويصورك صور احترافيه مع الفراشات اللي مهتم بالتصوير لا تفوت عليه
بعد كذا بطريق العوده مرينا على حديقة حيونات صغيره جدا بس احلا شي فيها تصور مع الثعابين الكبيره التذاكر ب 50 بيسو مع التصوير
فيه مكان جنبها فاضي اللي معه سجاده يصلي الظهر والعصر
الساعه الحين 4 تقريبا باقي طريق العوده للبوت
فيه سوق بالطريق فيه مطاعم عالميه للي حاب ياكل
رجعنا لنطقة البدايه ودعنا سواقنا وسجلنا ارقام المقاعد وانطلقت رحله العوده الساعه 5.45 عصرا المركب افخم من مركب القدوم بس الرحله كانت متعبه شوي سبت الامواج وصلنا اخذنا تكسي ل سوق sm تعشينا ورجعنا للفندق التكاسي فيها صعوبه شوي لكثرة الركاب في العوده
وبكذا ختمنا يوم كان مرهق قليلا بس ممتع جدا واعتذر لم ارفق صور والاخوان قبلي ماقصرو من هذي الناحيه
هذي تجربتي المتواضعه في زيارة جزيرة بوهول واعتذر عن اي خطا غير مقصود
ولكم مني كل التقدير ولاحترام
تاريخ الزياره لبوهول يوم 19 / 6 / 2014 من الموبايلمواضيع عشوائيه ممكن تكون تعجبك اخترناها لك:
- رحلتي غدا لمانيلا
- ممكن مساعدة ضروري
- هل من برنامج خفيف وممتاز ل او ايام في مانيلا
- استفسار هاااام وابغى المساعده بلييييز
- سؤال مهم لخبراء الفلبين
- وش رايكم في هالعرض
- ماذا تعرف عن بوراكاي
- رحلتى الـــى منتجعات الفلبين م
- مقتل شخصا في انهيارات ارضية ناجمة عن اعصار شرق الفلبين
- استفسار
- من يعرف مكتب أستقدام بمانيلا
- أعـــــتــــذاراً للــــــوردة
- استفسار عن فندق اسمه
- مدن العزابي
- إستفسار عن فنادق مانيلا
- واحد بقراطيسه ماقد طلع برا الخليج يطلب فزعتكم
- ألي عنده استفسار عن دراسة الأنجليزي بالفلبين يتفضل
- انا مسافر الى جزيرة بالاوان وبوهول
- مسافره بعد اسبوع اشلون الطقس في الفلبين ؟؟
- ما رايكم بفندق
رد مع اقتباس
المفضلات