وعليكم السلام ورحمة الله وبركاته
تفضل عزيزي الكريم جدولين واختار اللي يعجبك منهم
سفركم يوم 18 وصولكم لمانيلا يوم 19 يعني عندكم 14 يوم تقضوها في الفلبين
يومين في مانيلا
مانيلا اليوم الاول تمشيه في مكاتي وتروحون السينما imax في ميقا مول ولا مول اوف اسيا
اليوم الثاني تطلعون من الصباح بدري على منطقة اسمها لاقونا وتزورون شلالات باقسنقهان تستاهل الزيارة طالما انكم شباب
وتبعد تقريبا ساعتين من مكاتي والافضل تتفقوا مع التكسي ينتظركم الين تخلصون وترجعون معاه الظهر
5 ايام في جزيرة بالاوان النيدو
الجزيرة تستاهل شهر لانها فعلا ساحرة ومميزة وتستاهل الزيارة
ولمن توصلون هناك راح تعرفون ايش اقصد ان شاءالله
الوصول عن طريق الطيارة من مطار مانيلا ورمزه mnl الى مطار بويرتو برنسيسا ورمزه pps
5 ايام جزيرة بوراكاي طبعا انته زرتها قبل كذا لكن لو احتجت مساعده ماراح نقصر معاك ان شاءالله
اخر يومين تقضونها اما في مانيلا تزورون الحي الصيني او حوض السمك او الملاهي والاسواق
البرنامج الثاني كالتالي :
يومين مانيلا
3 ايام مدينة باقيو
3 ايام بوراكاي
يومين بوهول
يومين منطقة بويرتو قاليرا
ولكم الاختيار في الجدول وان شاءالله ماراح نقصر في الاجابه عن كل استفساراتكم
تحياتي
رد مع اقتباس
المفضلات