الموضوع: محتاج مساعدتكم في رحتلي لامريكا المده 45 يوم الميزانية مفتوحه

وعليكم السلام ورحمة الله وبركاته ..

استفسار يالغالي هل الوجهة نيويورك وكاليفورنيا فقط ؟؟؟

وإلا راح تكون الرحلة من نيويورك إلى كاليفورنيا ويخللها توقفات في والولايات والمدن إلي راح تمر عليها ؟؟

وإن شاء الله يتحقق حلمك قريب

تعديل على الرد السابق ..

أخوي بدر استعرضت مسار الرحلة من نيويورك إلى كاليفورنيا ( يشمل على ثلاث مسارات مقترحة ) :

1- I-40 W ... المسافة قرابة ( 2905 ميل )
2- I-80 W ... المسافة قرابة ( 2917 ميل )
3- I-70 W ... المسافة قرابة ( 2937 ميل )

رابط ( http://maps.google.com/) راح يساعدك أكثر

طبعا أكيد راح تمر على ولايات ومدن مجرد ماتحدد الأماكن إلي حاب توقف عندها هذا رابط راح يفيدك كثير ببعض المعلومات عن المدينة - حالة الطقس - أماكن ينصح بزيارتها - البحث عن الفنادق في تلك المحطة التي ستقف عندها
كل ماعليك أن تضع اسم المدنية في خانة البحث .. على الرابط ..

http://www.tripadvisor.com/

وهذا رابط سيساعدك في عملية البحث عن المطاعم ..

http://diningguide.com/#na

رحلة سعيدة وموفقه بإذن الله

اسعدني مرورك kakashi9

طبعا راح امر الولايات بالطريق و راح اخصص وقت لكل ولايه و يمكن اطلع بخط متعرج يعني من الشمال لي الجنوب بتجاة الغرب وصولا الى كاليفورنيا

الاماكن مو ذات اهميه المهم اكثر معلومات و نصائح من اهل الخبرة

و السوال الاهم هل اقدر اشتري سيارة و استخدمها انا فيزتي سياحيه

و عن الجو خلال نص شهر 5 كيف الاجوا في امريكا تقريبا

اكيد تقدر تشترى سيارة وتستخدمها و بعدين تشحنها ( بالباخرة او الطيارة ) بس لازم تسويلها تأمين خلال فترة استخدامك لها بامريكا ... الجو عموما حلو وايد بشهر 5 فى امريكا ... اذا تفكر تطلع بخط متعرج مثل ما تقول المسافة راح تكون طويلة وايد و ممكن متعبة خاصة انك بروحك !

اقترح عليك توصل امريكا من ميامى و تسافر من لوس انجلس و ممكن تشترى السيارة من ميامى و تشحنها من لوس انجلس






ميامى A الى اورلاندو B حوالى 4 ساعات بالسيارة و بعدين ال ساوث كارولاينا C حوالى 7 ساعات و بعدين الى نورث كارولاينا D حوالى 4 ساعات وبعدين واشنطن دى سى E حوالى 5 ساعات و بعدين نيويورك F حوالى 5 ساعات و بعدينG لشيكاقو 12 ساعة و Hكانساس 8 ساعات و I نيومكسيكو 12 ساعة و Jفينكس 9 ساعات و K لوس انجلس 6 ساعات


هذى تقريبا 11 مدينة ( البعض منها تقعد فية ليلة او ليلتين و بعضها تحتاج على الاقل 5 ليالى )

ماقصرت يا الغالي طريق و لا اروع انا فكرت كذا يعني تنصح اول محطه ميامي احسن من نيويورك

لاني لقيت حجز من الكويت لي قطر و الى نيويورك ب 264 يا بلاش بس شكلي بفكر باقتراحك

بالنسبه للتامين غالي ؟؟

و هل شرا السياره ارخص من الاجار و انا ناوي اقعد اكثر من شهر و الا المده طويله

تذكرت ميامي اغلى من نيويورك واجد 400 دينار ليش هههه

بس هم بجرب و يمكن اخليها من نيويورك نزول جنوب و صعود اب نورث

همتكم يا الخبراء معاي

80مشاهده نبي ردود ما قصرو الشباب و همتكم معنا

لاني لقيت حجز من الكويت لي قطر و الى نيويورك ب 264 يا بلاش

العودة للكويت من وين ؟؟ نيويورك؟؟ او لوس انجلس ؟؟ اعتقد السعر هذا للعودة من نيويورك !!و هذا مايفيدك .





بالنسبة لميامى ..يعتمد على الهدف اللى ببالك للرحلة هل هو للاستمتاع ..او انك تقطع امريكا بالسيارة من الشرق الى الغرب

تكلفة ايجار السيارة تعتمد على نوعية السيارة . اعتقد ممكن تلاقى ايجار لمدة 45 يوم بحدود 750 دينار كويتى .. والسعر ممكن يكون عالى لانك راح تستلمها من مدينة و ترجعها بمدينة ثانية

اذا ناوى تشترى سيارة ممكن تامنها لمدة شهرين بس و ماتدفع لسنة .. لانك بطلعها من امريكا قبل انتهاء الشهرين .

نصيحة اخذ احد من اصدقائك معاك لتستمتع بالرحلة اكثر

بالنسبة للمدة لا ما اعتقد طويلة خاصة انك ناوى على قطع امريكا من الشرق الى الغرب بالسيارة


بالنسبة لخط السير ممكن تلغى ميامى و كارولاينا و واشنطن و تروح مباشرة بالسيارة من نيويورك الى لوس انجلس و تتوقف فى المدن اللى تكون بخط السير للراحة

شكرا على المعلومات الرائعه عزيز فعلا الذهاب و العوده للنيويورك للاسف لكن بحاول اشوف لها حل بس هم غاليه ذهاب فقط

سوال ياشباب هل شركات الاتصالات تشتغل في كل امريكا او فيه اختلاف و ش تنصحوني فيه و شكرا

شباب فزعتكم اسعار الاجار و الشراء للسيارات غالي مكلف وش الحل

و عن الاتصال وش افضل الشركات و انا محتاج النت للايفون على طول وش تنصحون فيه لاني ما راح استقر في مكان واحد

وشكرا

السيارة اهم شي للتمشي بها داخل المدينة والمناطق القريبة والسفر بها للمسافات المتوسطة والتي تقدر عليها !!

بالنسبة لشركات الاتصالات هناك ممكن تروح لــ T-Mobil وتشيك معهم !!

اتمنى لكم التوفيق

الخبير امباكت اسعدني مرورك و شاكر لك المعلومه