الموضوع: استفسارات عن كندا لطالب لغه ولكم الأجر

السلام عليكم ..

عندي بعض الاستفسارات ياليت أحصل اجابه ..

- وش عملة كندا ؟ وكم تساوي سعودي ؟
- لو بغيت معهد معتمد ومايهم مدى القوه بس يكون متوسط ومافيه عرب كثير .. كم يكلف بالاسبوع .؟
- السكن بالعائله كم يكف تقريبا اسبوعيا او شهريا ؟
-وش رايكم بفانكوفر للدراسة لأني ملول وماأحب المدن الصغيره ؟وهل تنصحوني بمدينه افضل منها ؟
-جو كندا كيف راح يكون من نوفمبر الى جولاي 2008 ؟
-ادا ودي احصل على قبول بنفسي لازم اسدد قيمة الفتره كامله يعني ست شهور مثلا ؟ ولو دفعت وماعجبني المعهد اقدر اخد الدراهم واروح معهد ثاني ولا لا ؟
-كم تاخد الفيزا لو قدمتها للسفاره يعني اسبوع اسبوعين كم تقريبا ؟؟


شكرا للجميع .. ولكم الدعوه ..

مواضيع عشوائيه ممكن تكون تعجبك اخترناها لك:

• العلاج الطبيعي بكندا
• يا اخوانى واخواتى اريد المساعدة الله يجزاكم خير
• استفسار عن جو فانكوفر؟
• ضروررررررررررررررررررررري جدا
• التاكس
• كندا للسياحة ثم الدراسة
• دخول كندا عن طريق أمريكا؟؟
• افيدونى افادكم الله بخصوص الفيزا الكندية
• شـــتـــاء بـــارد جـــدا
• ياليت المساعدة من أخواني اللي في تورنتو و مونتريال
• بخصوص مقابلة في السفارة الكندية
• كم الوقت من السعودية لين كندا ؟؟
• عاااااااااجل لأهل الخبرة تكفوووووون
• تكفوووون ردوا علي
• احياء دقيقة طبيه
• الي من اهل الرياض وجاي على تورنتو يدخل
• هالمــره منــب حالــف لكــن ابيكــم تدخلــون قبــل لا اعصــب
• تذاكر ومعلومات ونبيغ
• الى من يعرف كندا جيدا
• السياحه في فكتوريا

up ..

please..

هلا اخوي
عملة كندا الدولار يساوي 3.3 ريال تقريبا
اما تكلفة المعهد تختلف من معهد الى اخر
انا سكنت مع عائلة ب 175 دولار في الاسبوع
فانكوفر مادري عنها لازرتها ولا شي
بس انصحك بمدن زي كالجري ومانيتوبا – على ماسمعت ان اكثر سكانها يتحدثون الانجليزية كلغة اولى
الجو يبدا بالبرودة من نوفمبر الى تساقط الثلوج في الاشهر اللي بعده
اما القبول على حسب المعهدبعضهم مايعطونك قبول الا للمدة اللي انت مسجلها
مدة الفيزا اسبوعين الى ثلاثة بالكثير

يعطيك العافيه ..

الاستفسارات الباقي اللي عنده خبر عنها يدلنا مشكورا ..

هلا اخوي بالنسبه للادولار 3.3

وفيه معاهد كثيره وحلووه ومافيه عرب كثير انا في معهد في تورنتو بس فيه واحد كويتي مسجل ولا شفته الى الحين شكله مو دارس مافيه الا انا واحد من الشباب سعودي في المعهد

سكن بالعائله على حسب تبي وجبه ولا ماتبي بعيده ولا قريبه

انا اباخذ عائله مدة شهر 580دولار بس بدون وجبات لنه الاكل مايعجبني

المعهد يكلف في الشهر تقريباً 900دولار

فانكوفر حلوه بس فيها السعوديين كثيرررر مرره الصراحه
انا في تورنتو الحين قليل اشوف سعوديين انا انصحك في تورنتو لنها قريبا من لندن 6 ساعات طيران لكن فانكوفر 10ساعات من لندن

الجو في نوفمبر يكون بارد مره ويبدا سقوط الثلج عليك في الملابس لاتقول ابشتري من كندا

لا مو لازم تدفع حق 6 شهور كامله انا و معي فيزه مدتها 6 شهور ومددوها لي في المطار الى 8 شهور
انت راسل المعهد وقلهم ابسجل 6 شهور بس ابدفع حق شهر اول ابشوف كيف المعهد ويعطونك الخطاب انك تبي تدرس 6 شهوور
اخوي انصحك تسجل شهر تشوف كيف المعهد اذا مااعجبك تطلع

الفيزه من اسبوع الى اسبوعين انا جلست 14يوم


بالتوفيق اخووي

المشاركة الأصلية كتبت بواسطة Dendaaan
http://www.arabtravelersforum.com/tr...3/#post1505129

السلام عليكم ..

عندي بعض الاستفسارات ياليت أحصل اجابه ..

- وش عملة كندا ؟ الدولار الكندي وكم تساوي سعودي ؟ 3.55 ريال سعودي يساوي دولار كندي واحد

- لو بغيت معهد معتمد ومايهم مدى القوه بس يكون متوسط ومافيه عرب كثير .. كم يكلف بالاسبوع .؟ تفرق على حسب المده
- السكن بالعائله كم يكف تقريبا اسبوعيا او شهريا ؟ حول ال175 دولار اسبوعيا
-وش رايكم بفانكوفر للدراسة لأني ملول وماأحب المدن الصغيره ؟وهل تنصحوني بمدينه افضل منها ؟ تورونتو افضل في اعتقادي الشخصي
-جو كندا كيف راح يكون من نوفمبر الى جولاي 2008 ؟ من نوفمبر الي مارس برد قارص و بعدها احواء ربيعيه
-ادا ودي احصل على قبول بنفسي لازم اسدد قيمة الفتره كامله يعني ست شهور مثلا ؟ على حسب المعهد عزيزي. ولو دفعت وماعجبني المعهد اقدر اخد الدراهم واروح معهد ثاني ولا لا ؟ لا اغلب المعاهد ما ترد فلوسك
-كم تاخد الفيزا لو قدمتها للسفاره يعني اسبوع اسبوعين كم تقريبا ؟؟ على حسب فيزة طالب ام زائر


شكرا للجميع .. ولكم الدعوه ..



اتمنى ان اكون قد جاوبت على اسألتك بوضوح

يعطيك الف عافيه ...

واتمنى لك التوفيق .. يمكن احتاج منك اراشادات مؤخرا ..


دمت بخير

السلام عليكم
بالنسبة لفانكوفر السعوديين والله العالم اهم اكثر من الصيين من جد الديرة مليانة سعوديين بس الي اعرفة انهم اغلبهم حقين الصيف بس

*أنا في كالغري والمعهد اللي أنا فيه اسمه gv ممتاز والسعوديين فيه قليل خصوصا في الشهر القادم , احتمال الشهر القادم ما يكون فيه ولا سعودي وتكلفته 265 دولار بالأسبوع إذا كانت مدتك اقل من 8 أسابيع وإذا زدت المدة يقل السعر للأسبوع .
*العائلة اللي أنا فيها أخذته عن طريق المعهد بـ 680 دولار لـ4 أسابيع
*أنا لي الآن شهرين في كالغري وأحس انه ممتازة جدا للي يبي يدرس , قبل أسبوع رحت فانكوفر لمدة 5 أيام والله تقل بالرياض من كثرة السعوديين ,صح المدينة حلوة وتوسع الصدر لكن ولو أنت تبي تدرس.
*جو كالغري في المدة اللي ذكرت يبي يكون بارد جدا جدا خصوصا إن كالغري بعيدة عن البحر ( جافة نوعا ما )
*أما بالنسبة للقبول تستطيع تأخذه بنفسك ولكن إذا دفعت لا تستطيع استرجاع المبلغ على حد علمي إلا في حالات معينة ما اذكرها . ( ادفع جزء من المبلغ وإذا جاز لك الوضع كمل المبلغ )
*الفيزة أخذت من بالضبط 17 يوم .

أتمنى أكون أفدتك ولو بالقليل


تحياتي ..

الاخوان

غالب

ولد الصقور

سموك سلفر


يعطيكم العافيه وجزاكم الله خير ..

وضحت لي امور واجد ..

المدينه صح تلخبط انا شايل فانكوفر من راسي



شكرا للجميع ..

المشاركة الأصلية كتبت بواسطة SMOK SELVER
http://www.arabtravelersforum.com/tr...1/#post1524331

*أنا في كالغري والمعهد اللي أنا فيه اسمه gv ممتاز والسعوديين فيه قليل خصوصا في الشهر القادم , احتمال الشهر القادم ما يكون فيه ولا سعودي وتكلفته 265 دولار بالأسبوع إذا كانت مدتك اقل من 8 أسابيع وإذا زدت المدة يقل السعر للأسبوع .
*العائلة اللي أنا فيها أخذته عن طريق المعهد بـ 680 دولار لـ4 أسابيع
*أنا لي الآن شهرين في كالغري وأحس انه ممتازة جدا للي يبي يدرس , قبل أسبوع رحت فانكوفر لمدة 5 أيام والله تقل بالرياض من كثرة السعوديين ,صح المدينة حلوة وتوسع الصدر لكن ولو أنت تبي تدرس.
*جو كالغري في المدة اللي ذكرت يبي يكون بارد جدا جدا خصوصا إن كالغري بعيدة عن البحر ( جافة نوعا ما )
*أما بالنسبة للقبول تستطيع تأخذه بنفسك ولكن إذا دفعت لا تستطيع استرجاع المبلغ على حد علمي إلا في حالات معينة ما اذكرها . ( ادفع جزء من المبلغ وإذا جاز لك الوضع كمل المبلغ )
*الفيزة أخذت من بالضبط 17 يوم .

أتمنى أكون أفدتك ولو بالقليل


تحياتي ..



الاخ سموك سلفر كيف حالك ياطيب ممكن تعطيني رابط المعهد اللذي تدرس فيه وكذلك اذا ماعليك كلافه اكيد بحثت قبل ماتروح عن الخطوط وما الى ذلك ممكن تعطينا فكره عنها بشكل عام وبودي ان تتكلم عن كالجري كمدينه وماهم معظم السكان فيها وهل فيها خليط كثير ونسبه السعوديين فيها

وشكراً