السلام عليكم
كـــــــــــــــــــــــــــــــــنــــــــــــــد ا- بريتش كولومبيا - فانكوفر - نانايمو
هلا وغلا فيكم...بصراحه ما ادري شلون ابدا واكتب لكم عن رحلتي او بالاصح احب اسميها مغامرتي اللي بدات من الرياض وانتهت في الهوم ستاي حقين شاكر كح كح
..عاد تدرون؟؟ ودي اجمع احلا واحسن الكلام واحلا اسلوب وابدا اكتب..بس قلت يالله يا ابن الحلال اكتب اللي يجي بخاطرك وحطه ,,,
عموما نبدا بسم الله ..
المكان :بيتنا الموقر في مدينة الرياض
الزمان: الساعه ال 10 والنصف ليلا
المناسبة: السفر الى كندا
اللي صار يا طويلين العمر ان قبل الرحله تقريبا ب4 ايام جاني صقيقي الصقوق شاكر من القريات وجلس عندي الى وقت الاقلاع الى كندا
********قل قسم بس
عموما قبل ما ننقز للمطار انا والوالد الله يحفظه وشاكر تعرفون عاد لحظات الوداع ما اصعبها
وكيف تجهيز الشنط والحاله حاله
شوفو الحوسه
7
7
7
http://www.raffe3.com/
********وه وه ياناس دموعه على خده
اول مرة في حياتي احس ان اصعب اللحظات لحظه الوداع....يالله ذكرتوني ببيتنا وكيف كان محيوس عشاني..العائله الكريمة كلها موجوده حتى شغالة خالتي جاية توادعني كح كح
==========اوووخص مو هين الولد مالت عليه هع هع
وقسم حتى ان شغالتنا بكت عشاني يا حبي لها بس وه ياناس
=========يخطط يتزوجها ههههههه
المهم يا طويلين العمر وادعت اهلي وخالاتي وعماتي والكل الكل من جيران واصدقاء واقارب
وجاء وقت الجد
===========لاجاء وقت الجد وند يقابل نديدق رقبه ههههه
وياطويلين العمر كنا متجهين للمطار انا والوالد وشاكر ...وخذلك نصايح من الوالد الله يطول بعمره
ووصلنا الحمدلله للمطار بسلام وقابلنا فاهد النكبه هههههههه...
=====ماراح تلوموني لو تدرون ليش سميته النكبه ههههههههه الله يهديه فاهد بس ودي اكفخه ههههههههههههههههههههههه
المهم على طول رحت للشحن وشحن شناطي ووزنتها
الحمدلله كان وزنها 57 كيلو
وقصيت البوردنق وجلست اسولف مع الوالد شوي...وبعدين ودعته ودخلت جوا ..
فيه شي مهم جدا جدا جدا جدا
وانبه عليه وبقوة بعد...
للطلاب اللي اقل من 21 سنه لازم لازم لازم تصريح للسفر ..لانه صار موقف قدامي لاثنين اخوان واحد رفضوا يطلعونه عشان عمره اقل من 21 ومامعه تصريح...انا خليت الوالد يسويلي تصريح من عند الجوازت الي بالمطار في نفس الكونتر اللي بتختم منه الجواز.يعني خل الوالد يجي معك او يكون التصريح معك ...
ودخلنا على بركة الله جوا الصاله وانتظرنا طيارتنا عالخطوط البريطانيه BMI
ايه قبل لا انسى صار قدامنا موقف ..واحنا كنا ننتظر في الطابور حق الجوازات..انا وفاهد وشاكر والوالد الله يحفظه..كان قدامنا واحد بريطاني و2 بريطانيتين********كيف التعبير؟؟
المهم سووا قدامنا قله حياء..انا قلت افا هذي بدايتها واحنا بالسعودية؟؟
عاد الوالد قال دقوا دقوا عالهيئه ههههههههههه
ياحبي لا ابوي...
المهم
ياطويلين العمر جاء وقت رحلتنا ودخلنا الطيارة بكل يسر وسهولةياعيني اهنيك عالاسلوب
بصراحة الخطوط البريطانيه حلوووووووووة من وجهة نظري وخدماتهم روووووووعه
بس انا من لقافتي والطيارة تطير شغلت الجوال ...ياحليلي انا على نياتي كنت بس ابي اشوف الساعه كم واقفله على طول...بس وقسم ما امداني اشغله الا الموظف واقف فوق راسي..ويعطيني ذيك الكلمتين مدرري وش معناهن..بس والله العالم انهن سبة او شتمه زي كذا
ههههههههههههههههههههههههههه
=========ومير انه وجهه يوم هاوشه الموظف صار طماط
انا من يوم صارلي هالموقف قلت الله يستر دامها عالموقف هذا اشوا..بس الله يستر من الجاي
والله ويعطوننا وجبه كانت حلوة والله وانا اعجبتني
وهذي صورتها
ا
http://www.raffe3.com/
اممممم
الطيارة حلوووووة وكبيرة
لا ياشيخ
واخذت لها كم صورة وانا خايف من المضيفه ههههه
http://www.saudifree.com/up
انا اموت واعرف هذا وش خلاه يطالع فيني يوم جيت اصورة؟؟ صدق ملقوف كح كح
..
http://www.saudifree.com/up
احلا مافي هالصورة العبايه
عاد وانا اخوكم والله من الفضاوة صورت لوحة التحكم اللي قدامي
وهذي كم صورة واستغربت ان موجود عالخطوط البريطانيه اتجاه القبلة
بس شي حلو والله
=====طيب انت وش لقفك؟؟
http://www.saudifree.com/up
http://www.saudifree.com/up
وهذي مسار الرحلة وبعض المدن الي مرينا عليها
امممممممممممممممممممممممم
والله عاد واجلس اسولف مع شاكر بس شكله كان دايخ الولد وراسه مصدع
وطلبنا له بنادول واكل له حبتين ولا جاه النوم ههههههههه شكل الفيوزات ضربت عنده كح كح
والله ويعطوننا وجبه ثانيه
http://www.saudifree.com/up
بسم الله علي شوفو وجبتي مرتبه ماشاء الله تف تف ماشاء الله
====اقو انطم بس
http://www.saudifree.com/up
\
وهذي وجبة كتكوت شوفو مو مرتبه وع مالت عليه
=======الا غصب وجبته اللمرتبه هههههه
امممممممممم
والله واطالع من الشباك حق الطيارة والا اشوف الاجواء الخيالية
ياحظك؟؟ طيب وش تبيهم يسوون لك؟
عاد قلت خلني اخذ لي كم صورة
وهذي هي
http://www.saudifree.com/up
سبحان الله لا في الارض ولا في السماء
=====قل قسما قسمات بس
http://www.saudifree.com/up
http://www.saudifree.com/up
http://www.saudifree.com/up
http://www.saudifree.com/up
امممممممم
وبعد هالصور اخذت لي غفوة مدري كم ساعه بس احسه مو كثير
======اصلا انت زين انك دريت انك رايح كندا بس
المهم وانا جالس كذا الا شاكر يناديني يقول ذيس از لندن
====== بدا الكذب من الحين؟؟؟
لا عاد جد والله ناداني يقول وصلنا لندن وعلى وقت الهبوط اخذت لي كم صورة للندن
تصدقون تمنيت اني رايح لبريطانيا بدال كندا حسيت انها فللللللللللله مررررررة .
وكان على لندن مطر خفيف والجو كان بارد
http://www.saudifree.com/up
http://www.saudifree.com/up
والله اللي ماصارت الرياض زي كذا ولو بعد 100 سنه كح كح
بيني وبينكم وانا اكتب هالسطر اشتقت للرياض بس لا تعلمون احد ؟؟ اوكي؟
http://www.saudifree.com/up
http://www.saudifree.com/up
http://www.saudifree.com/up
http://www.saudifree.com/up
هذي وقت الهبوط والله مدري شلون كان لي قلب اصور وحنا بنهبط بس يللا لاجل عين تكرم مدينه\
ايه هين بس
والله ونوصل مطار هيثروا بالسلامه
==الله يسلمكم كح كح
بقولكم شي الي يقول مطار هيثروا تفتيش دقيق ومدري وش من هالخرابيط
والله والله تفتيشهم عادي عادي جدا واقل من عادي بعد..يعني اللهم انك بس تحط اللاب توب بالسير والجزمات الله يكرمكم والهاند باق(شنطة اليد)واغراضك من كاميرا والخ
وبعد ماتاخذ اغراضك بعد التفتيش
تحصل على يمينك كونترات لجميع الخطوط العالميه امش الين يجيك AIR CANADA
وروح للموظف او للموظفه وعطه التذكرة وهو يسنعك
يسنعك = يسوي كل شي لك
=====يصلح يحطونك بدل اطلس كح كح
يعني لا تشيلون هم مطار هيثروا عادي والله عادي الوضع مرة
وبالنسبة للاخوات المبتعثات ...امر العبايه امر عادي ومتعودين عليه وكثير مرة ماشاء الله في مطار هيثرو حسيت نفسي بالسعودية من كثر ما اشوف العبايات ماشاء الله..الله يجزاهن كل خير
وجلسنا نتمشى شوي وانا والعيال شاكر وفاهد وبندر ووليد في مطار هيثروا
http://www.saudifree.com/up
http://www.saudifree.com/up
لحظه دخولنا المطار
............
بصراحة ذبحنا الجوع وجلسنا ندور على مطعم ودخلنا اقرب مطعم على طريقنا
=======وهو جوعان يغني ويقول...ذبحنا الجوع يا بطني نبي كودو ولا هرفي
======حامد زيد امس مرسل له كول مي كح كح
http://www.saudifree.com/up
هذا المطعم الي اكلنا منه
وبعد ما اكلنا الحمدلله رحنا جلسنا عالطاولة ونسولف شوي
الا واشوف دميه؟؟؟
دميه = اللعبه اللي يحبونها البنات يسمونها عروسه كح كح
الي مثل باربي
============لا عز الله اللي افهوا منك
وعلى طول تطري على بالي الكاميرا عشان ماتكذبوني
وصورتها
وقسم ياعيال اول ماشفت البنت ...قلت شكل ابوها وامها يستهبلون شارين لهم دمية من باربي ويلعبون على انفسهم يقولون هذي بنتنا
لا جد والله تشبه الدميه بس انا ما تاكدت الا يوم شفتها تتحرك..تاكدت انها انسانه
=========قل قسم
حط اصبعه في فمه ويسوي علامة اكس على رقبته ويقول قسم
طيب هذي صورتها وانتم احكمووووووووووووووو
7
7
7
http://www.saudifree.com/up
\هاه وش رايكم؟؟
لا تلوموني لا قلت انها دميه كح كح
http://www.saudifree.com/up
=========اموت واعرف انت وش لقفك تصورها وهي تحت الكرسي؟؟؟ صدق ملقوف
http://www.saudifree.com/up
ياحليله الرجال يبي يعطي الدميه مويا كح كح
=========================
اها وبعد سالفة البنت الدمية
ذبحنا الجوع وانا وكتكوت قلت له ورا مانروح نتعشى ناكل اي شي قال اوكي
=====لاحظوا انهم بياكلون مرة ثانيه لا تلومونا ترانزيت بلندن 8 ساعات
والله ونحصل هالبنت الشقراء اللي مير تهلي وترحب فينا وتقول هلو هلو ولكم ولكم
======انحرجوا من اسلوبها وادخلوا المطعم غصب
======والله مايندرى
المهم ساعه كاملة عشان نطلب
كل مانادينا وحده او واحد يصرفنا ويقول مو انا
يعلمكم انه يفهم عليهم ويعرف عنقليزي
واخيرا جانا واحد شكله رحمنا وطلبنا منه الطلب..احنا طلبنا لحم...واخونا بالله شاكر يقول انا اللي ابي اقوله مانبي لحم خنزير انا قلت اوكي انت الي تقوله..
شوي اخونا شاكر يقول للرجال بليز بليز بليز
انا قلت بس خلاص الرجال بيعطيه الكلام اللي يجمد عالشارب
شوي يوم قال الرجال يس سير..قال شاكر..نو هوق ميت؟؟
=====معناها مانبي لحم خنزير
رد وقال : وااااات؟؟
قال شاكر: هاه...هاه
====احس شاكر بلع العافيه
عاد كتكوت يناظر بالرجال ويقولي: ماجد تكفى تكفى رد عليه
تكفى قله مانبي لحم خنزير
عاد اخوكم بالله ميييييييييييييييييييييت ضحك مييييييييت ضحك
هههههههههههههههههههههههههههههههههههههههههههههههههه ه
وشاكر توهق بالرجال بس الي فالح فيه كلمة تكفى ماجد قوله قوله
المشكلة ان كتكوت من يوم وحنا ناوين نطلب عشا وهو فاتح القاموس ويحفظ هالكلمتين نو هوق ميت ..نو هوق ميت..واخرتها الرجال خربط كل شي من يوم قاله الرجال ووووااات؟؟؟
هههههههههههههههههههههههههههههههههههههههههههه
.....
عموما ادري ماراح تيعجبكم الموقف لانكم ماحظرتوا الموقف ولآ ان كان متو ضحك من جد ..
المهم جلسنا نتمشى شوي بمطار هيثرو..بصراحه انا ما اعجبني مررررة صح انه حلووو بس من وجهة نظري انه مو فخم مرررة
بس يللا قالوها الناس اذواااق
والله وننتظر رحلتنا على فانكوفر وكانت الساعه 1 وربع
جت رحلتنا وكنت عند الصاله 28
والصاله 28 تستغرق مشي عالاقدام 10 دقايق عشان كذا انصحكم انكم تمشون للبوابة اول ماتطلع جنب الرجلة عاللوحة الالكترونيه
امممممممممممم
وش بعد ياربي وش بعد ياربي؟؟
ايه صح اذكركم لا تنسون تاخذون صورة من القبول وتحطونها بالهاند باق لانهم راح يطلبونها منكم في مطار هيثرو ا اذا جيتم تركبون الطيارة الي متجهه لكندا
وصار لنا موقف صغيرون بس يخوف..الموقف انه يوم جينا بندخل من البوابة رقم 28 ..رجعونا وقالت الموظفه بليز ويت...
ونادوا مرة ثانيه للرحلة ..وجينا بندخل ورجعتنا مرة ثانيية وقالت بليز وييت؟؟؟
====وقتها بلعت العافيه وقلت عز الله رجعنا للسعوديه على اقرب طيارة هههههه
بس الحمدلله شكلها كانت تاخرنا عشان ترتيب المقاعد .ما ادري بس اعتقد عشان المقاعد..
بس الحمدلله ركبنا الطيارة بسلام
ترقبوا الجزء الثاني
البنت الكندية في الطيارة الكنديه======كيف السجع هع هع
والموقف الي بغوا يرجعوني السعودية عشانه بس ربكم ستر الحمدلله
ومواقف كثيرة ...ترقبوامواضيع عشوائيه ممكن تكون تعجبك اخترناها لك:
- عاجل
- فديو كابيلانو الجسر المعلق في فانكوفر
- تأخرت التاشيرة
- بسافر يوم فبراير الموافق
- طلب خاص من المشرف
- كيف جو تورنتو في شهر و
- ارجوا مساعدتكم في العاجل
- العائله حقتي ساكنه في
- أنا أنوي السفر إلى كندا بماذا تنصحونني ؟
- المدينة الباردة
- الدخول الى كندا من امريكا
- كم مدة الفيزا الكندية لغرض السياحة
- تكفـون سآعدوووني
- تصنيف الجامعات الكندية
- هام جدا عند زيارتك لكندا حول البرامج اللي على اللاب توب؟؟؟؟
- إستفسار عن شحن سياره من كندا إلى السعوديه
- تذاكر ومعلومات ونبيغ
- أفيدوني أيها الفانكوفريين
- ايهما أجمل كالجري او فانكوفر
- ياشباب انا صارت لي مشكلة مع السفارة ادخل من فضلك
رد مع اقتباس
(
المفضلات