بجد بشكرك ياصاحبة السمو كتير من اعماق قلبي ..بس أنا مافهمت من الموقع الي اعطيتيني اياه شي .. ويايرت لوسمحتي تعطيني أمثلة على كليات كويسة وممكن الواحد يجسر فيها لجامعات معروفة مع شرط معادلة الساعات كاملة ..يعني إنه الجامعة بتكون زي متبنية احدى الكليات وبمجرد ما إنه الطالب ينهي دراسة السنتين , بروح على طول ليكمل الدراسة هناك في الجامعة .. وأنا بعرف انه متل هاد النظام موجود في كندا .. متل كلية كومسون .. لكنها اغلى من جامعات .. وأنا مابعرف غيرها كليات ... وبتمنى اذا فيه طريقة للتواصل ياريت تخبريني اذا ماعندك مانع .. لأنه في جعبتي أسألة لاتعد ولا تحصى !!! :106:
ياليت المشرفين يشوفون حل لمشكله التواصل بين الاعضاء
بدلا من الطريقه المتبعه الان في المنتدى والغير عمليه اطلاقا
خاصه ان فيها فائده كبيره 00
اذا كان غير مسموح ذكر مكاتب او وكالات سفر في الر د وهذا نفهم الحكمه منه 00
على الاقل اتاحه امكانيه التواصل على الخاص مثل بقية المنتديات
مع اني لا اعرف السبب من عدم امكانيه ذلك اقصد الردود على الخاص 00.
أنا بصراحة أتمنى انك تتطلع على الموقع وتكتشفه بنفسك لأنو راح يفيدك جدا
ويمكن يعطيك افكار عن مجالات دراسية جديدة .. حتى لا تحصر اختياراتك في مجال ادارة الأعمال
على كل
هنا مثال على برنامج دراسي قابل للتحويل إلى الجامعة وبسعر جيد في السنة
اسم البرنامج Business Management Certificate
اسم الكلية Kwantlen University College
موقعها : - في ضاحية ريتشموند و السري التابعة لفانكوفر
رسوم الدراسة $4114 per year
رسوم الكتب 1700 - $1900 per year (approx.)
موقع الكلية على الانترنت
http://www.kwantlen.ca/home.html
هذا مجرد مثال وهنا تفاصيل أكثر عن هذا البرنامج
http://www.educationplanner.ca/progr...id=30715&nav=1
لكن أود أن أشير إلى أن فترة التسجيل للدراسة لعام 2008 قد اقفلت في جميع الكليات والجامعات
وفرصتك هي للتسجيل لعام 2009 بعد نوفمبر لبدء الدراسة في سبتمبر 2009
وهذا يعني أن أمامك متسع كبير من الوقت لتبحث وتقرر بهدوء وبدون تعجل المجال الدراسي المناسب لك والكلية الأفضل وأيضا لتعمل خلال هذه الفترة على تهيئة نفسك اقتصاديا للسفر الى كندا
أيضا قد تستفيد من الوقت لتقوية لغتك الانجليزية فشروط القبول في معظم الكليات والجامعات عالية نوعا ما في ما يخص اللغة
وأتمنى لك كل التوفيق
صدقني ياسعد سعيت وعطيته صوره من الحجز لكن للأسف يقول انها ماكملت 20 يوم الى الأن ويقولون انه فيه ضغط شوي هالايام
على فكره انا بالرياض .. وانا بيني وبينهم المكتب لأني مارجت للسفاره بنفسي بس اللي واضح لي ان المعهد يسعى وكل يوم اتصل عليه ويقول لي لسه وعطيتهم صوره الحجز ورد علي من بكره للأسف يقول لسه
طبعا المفروض رحلتي اليوم الخميس بس أجلتها والغيت الحجز والشي الثاني اللي يقهر اني مالقيت حجز على خطوط اتحاد طيران اسبوعين قدام كلها مقفله الرحلات الى تورنتو بس اقدر ارجع التذكره واروح على خطوط ثانيه
بس قالو لي لاتستعجل ممكن ف يتوفر لك حجز لاني شخص واحد بس انتظر الفيزا وبعدين اروح للخطوط احسم امري لاني بتكفل رسوم الالغاء
الله يعين المشكله اني مأخذ اجازه استثائيه 6 شهور من العمل وشكل دراستي بتقل على كذا بس لعل الامر فيه خير
وحسب اللي سألتهم من الاصحاب والاقارب المده تترواح في بعضهم طلع الفيزا في اقل من شهر وفيه بعضهم كمل اكثر من شهر هذا اللي مريحني شوي
ومازلنا ننتظر
شكرا لكم وتحياتي
بجد أنا شاكر لك تعبك معي .. ولكن إذا انتبهتي أنا لست طالبا كنديا ولا مقيمآ في كندا أيضآ ... لذا : الرسوم التي تفضلتي فيها أقل منها الى الطالب العربي حيث أنه للطالب الدولي أكثر من 13000 دولار للسنة الواحدة ... والتسجيل في الكلية إنتهى ... ولكنه مازال مفتوحآ في بعض الكليات والجامعات لشهر أو أكثر بقليل ... إني شاكر لك جزيل الشكر صاحبة السمو
بسم الله الرحمن الرحيم
انا حاب ادخل في الموضوع على طول انا ان شاء الله انوي اطلع على كندا في الصيف يعني بعد 6 اسابيع تقريبا واحب ابدا من دحين اعمل الاجرات بس محتار جدا بخصوص اي مدينة اروح و اي معهد وعن طريق اي مكتب.....
يا ريت تفيديوني وتنصوحوني انا محتار بين مونتريال وتورنتو...انا احب المدن الكبيرة والي فيها صخب واكبر عدد من الاجانب ما احب المناطق الريفية.....
انا قبل سنتين كنت في نيوزلندا للاسف المعهد الي رحته من اغلى المعاهد في نيوزلندا لكن للاسف مستواه جدا جدا سى ومتساهل لابعد الحدود يا ريت تنصحوني بمعهد كويس وياريت يكون في الجامعه عشان انا ناوي اكمل دراستي هناك بس ابغا اعرف كيف وضع الدراسة الجامعية هناك فا يا ريت تدلوني على معهد كويس..................
ويا ريت الي لهم خبرة في العوائل ينصحوني اش اشرط على المكتب بخصوص العائلة انا كنت قبل سنتين في نيوزلندا وطحت في عائلةو ولله الحمد جدا جدا كويسة بس مدري كيف اعرف العائلة الكويسة من السيئه في كندا في نيوزلندا كانت اافضل العوائل الي تكون نيوزلنداية اصل وفصل يسموهم الكيوي ........
رحلتي لنيوزلندا كلفتني 35 الف شامل كل شى من يوم ما سافرت لغاية ما رجعت تاني.....بحدود كم راح تكلفني الدراسة في كندا لمدة تلات شهور.....وان شاء الله راح اقضي رمضان هناك يا ريت الاشخاص الي قضو رمضان هناك يقلولي كيف كانت الاجواء وكيف الصيام في الخارج.....
هاذي الاسئلة الي في بالي لغاية دحين ان شاء الله لو جاتني اسئلة جديدة راح اقلكم هي........
انا طالب في كلية الطب جديد وحاب اروح شهرين لكندل لدراسة اللغة
ولكن زي ما تقولون ...دجة ما أدري وش الطبخة ؟؟؟
لذلك من يفزع لي وله الشكر ....
كيف احجز وشو أي أفضل مكتب أو شركة اقدر أحجز معها وأخلص
يعني ابي مكاتب او شركان موثوقة تقدم برامج الدراسة في كندا
والتكلفة وافضل مدينة ومعهد وجامعة
وكل شي لا تخلون شي
تكفوووووووووووووووووووووووون ردوا علي بسرررررعة
الطيارة تشتغل ؟؟؟
تحيتي
سلااام عليـكم جميعاَ أعضااء العرب المساافرون..
شخبااركـم طيبين..!!:101:
بغيــت أسألـكم شباااب عـن الملحقيهـ الثقافيهـ في كنداا هل هي موجودهـ في كل مدينهـ كبيرهـ..!!
يعني موجودهـ في تورنـتـو وفانكوفـر وأوتـوا مثلاَ..!!
ولا مدينهـ وحدهـ بس..!!
ياليـت تخبروني ضروري تكفووون..
لأنـي أنا مبتعث من الوزارهـ ولازم اقدم اورااقي للملحقيهـ فعلشاان أحجـز للمدينهـ اللي فيهاا الملحقيهـ..:106:
يعطيكـمـ العافيهـ..
بصراحة أعجبني موضوعكم....
وخاصة أني من محبين الفن والتصميم
وأبشركم أنة يود في كندا أكبر معهد لتعلم هذا النوع من الفنون والمعهد مو جود في فانكوفر...
مشهور عالميا....و إسمة Vancouver Film School
وهذا هو موقعة
http://www.vfs.com/
أرجوا أن نستفيد من بعض وخاصة من محبين هذا النوع من التخصصات
أنا أحب تصميم مؤثرات الفيديو و التصميم الثلاثي الأبعاد وأستخدم أيضا برنامج الفوتوشوب و الألستريتر
ولكن مجال دراستي بعيد كل البعد عن هذا المجال الذي لازلت أحلم بتعلمة
الله يوفقنا جميعا...ولو في أحد عندة سؤال...يتفضل
يعطيكم العافية جميعكم وماقصرتوا والله
لكن سؤال لأخوي saad@
أنا رحت لشارع الثلاثين ولقيت مكتبين جنب بعض والثاني متخصص في الرحلات التعليمية هل هذا اللي تقصدهـ ؟
إذا كان هو .. أنا رحت لمه وأخذت التفاصيل من عندهـ وقال لي : الدراسة في كندا راح تكلف 18 ألف قيمة المعهد + السكن مع العائلة + وجبتين في اليوم + تأمين صحي + استقبال في المطار .
ويقول قيمة التذكرة راح تكون غالباً 6000 ومصاريف في شهرين راح تكون 4000 هذي اللي هي التذكرة ومصاريفك مالنا شغل بها حنا لنا الـ 18 ألف اللي راح تكون رسومك للدراسة ..
هل أسعارهـ مناسبة أو لا وهل تنصحوني أختار معهد معين أو على باب الله وثالثاً الفيزا والجواز تراني ما أدري وش أسوي هل أروح أطلع جواز وبعدين أقدم فيزا وعلى مين وكيف ؟؟
الله لا يهينكم ياليت تردون علي بأسرع وقت ..
هلااا واللهـ ..
حيااكـ اللهـ إخوي مواادع في بوابة كنـداا..
بالنسبهـ كيف تجيب قبول من معهـد فهـنااكـ مكااتب زي ماقالواا الشبااب بشـارع الثلااثين وياليت لو أخدمكـ واقولكـ إسم المكتـب لاكن بحـكم قوانين المنتـدى لا أستطيـع وإعذرني..
بالنسبهـ للفيزاا والجوااز أول شي يالغاالي جب قبوول من معهـد عن طريق المكتـب اللي ترااسل عن طريقهـ وثم هـم بيعبون لكـ الإبلكيشن حق السفارهـ لأجـل إستخراااج الفيزاا ( هذي مسااعدهـ منـهم ) ...
لاااكن اول اول شي الجوااز لازم تطلعهـ إذا ماكان عندكـ رح للجوازات وطلع وثم رح لهـم..
إماا عن المعااهـد مادري واللهـ يالغلااا انت ماخترت أي مدينهـ..!!
لاكن نصيحتي إسأل أهـل الخبرهـ فهالمنتـدى أو عن طرريق المكتــب...
أي سؤاال أناا بالخدمهـ و اعضااء المنتدى ماراح يقصرون معكـ..
بالتوفيق..
راسل المعهد اللي بتدرس فيه .. وعب الأبلكيشن عن طريق النت .. وأختر خيارات العوائل .. وأرسل لهم الفلوس على حسابهم ..
راح يرسلون لك قبول ..
رح أي مكتب فيديكس .. وقل لهم أبقدم على فيزة كندية .. راح يسوون لك إجراءاتك .. وخلال 15 يوم هي عندك ..
أول ما تستلم الفيزا .. روح أقرب مكتب خطوط طيران واحجز التذكرة .. ورح كندا أدرس شهرين وأرجع ..
سهلة صح ؟ ^_^
أحلف لك أنها أسهل من كذا بعد ..
تحياتي
موفقي
مشكووورين والله
حجزت على رحله 14 مايو الأن وررربي يالله لقيت حجز بغيت استرجع فلوسي حقت اتحاد طيران في آخر لحظه بس الحمد لله اني لقيت ويقول الموظف انت أخر مقعد وتقفلت الطياره بعد حجزك هههههه
وطلعت برنت عن رحلتي وسلمته للمكتب وهوا يقول بيرسله للسفار للإستخراج التأشيره في اسرع وقت
بس على الله تطلع التأشيره الأن وربي يدي على قلبي اذا ماطلعت مشكككككككله بس الله يعين
ياربي لك الحمد
شكرا لكم
أحـسـنـت الإختيااار واللهـ..
تورنـتـو شيي ..
إن شااء اللهـ نشوفكـ هنااكـ..
إماا المعااهد يالغالي زي ما قالوا اخوي saad@ عطنـاا أسمااء المعاهـد ومايكون خاطركـ إلا طيب..
وإستعجـل تراا مابقى على الإجازهـ إلا شهرر ..
المعـهد مايستغرق كم يووم لاكن الكلااام ع الفيزاا لأنهاا بتجلس إلى ثلاث أساابيـع..
فخـلص أموركـ..
بالتوفيق..
المشاركة الأصلية كتبت بواسطة *أمير بكلمتي*
http://www.arabtravelersforum.com/tr...0/#post1982300
مشكووورين والله
حجزت على رحله 14 مايو الأن وررربي يالله لقيت حجز بغيت استرجع فلوسي حقت اتحاد طيران في آخر لحظه بس الحمد لله اني لقيت ويقول الموظف انت أخر مقعد وتقفلت الطياره بعد حجزك هههههه
وطلعت برنت عن رحلتي وسلمته للمكتب وهوا يقول بيرسله للسفار للإستخراج التأشيره في اسرع وقت
بس على الله تطلع التأشيره الأن وربي يدي على قلبي اذا ماطلعت مشكككككككله بس الله يعين
ياربي لك الحمد
شكرا لكم
ان شاء الله تتيسر امورك يا رب وتسافر وترجع بسلامة وتكون بلبل في انجليزي
السلام عليكم ورحمة الله وبركاته
اخواني *الغلا كله* و *Gadag*
الله يسعدكم ويوفقكم دنيا وآخرة يااااااااااااااااااارب
مشكورين على هالاهتمام والجهد والله يقدرني أرد لكم هالجميل لأني حفيت وأنا أدور على هالمعلومات
أخوي Gadag ترا كتبت لك في موضوعك عن أوتاوا نفس هالسؤال بس خلاص وصلت الله يعطيك العافيه (:
أي استفسار عن(المدينة) أنا في الخدمة بإذن الله
موفقين ان شاء الله
أختكم DeDe
السلام عليكم
فلوس الفيزا طبعاً لاتقبل إلا بشيك مصرفي من بنك كندي طبعاًلكن اي بنك سعودي ممكن يتعامل لنا مع البنك الكندي،، أو بالأحرى اي بنك سعودي يقبل الشيك الكندي منه؟؛؛ حسب علمي إن ا لرجحي غير معترف فيهواشم ريحة إعتراف بالبنك الأهلي
بخصوص تحويل فلوس المعهد هل يتم ذلك عبر جميع البنوك السعودية؟؟
بالنسبة للتوقيع على النموذج Imm5257b هل لزاماً بالإنجليزي أو يمكن يقبل العربي؟؟
وشكراُ واسف على الإطالة
السلام عليكم ورحمة الله وبركاته
كيفكم ان شاء الله بخير
أتمنى منكم مساعدتي في هذا السؤال البسيط :101:
بإذن الله أنا ناوي اخذ دورة لمدة شهرين في الاجازة الصيفية القادمة في كندا
سؤالي ما هي متطلبات التقديم على التأشيرة وعلى حسب مافهمت من بعض المواضيع هنا بأنني يجب أن اقدم على طلب تأشيرة سياحية لأنني اقل من 6 اشهر :114:
وسؤالي الثاني اذا قدمت على الفيزا لمدة شهرين هل معنى ذلك أن مدة الفيزا تكون لمدة شهرين من أستلامي لها لأنها يمكن تطلع لي قبل موعد سفري يمكن بشهر او اقل يعني يروح من الفيزا شهر وما يبقى لي الا شهر او متى يبدأ حساب الشهرين للفيزا :114:
اما سؤالي الاخير هل الافضل أنني اطلع بطاقة ائتمانية مثل الماستركارد أو بأنني أحمل المبلغ كاش معي وعند الحاجة استخدم بطاقة البنك اللي معي وياليت تعلموني .. كم تقريبا رايح تكلفني السفره لمدة شهرين من دون مصاريف المعهد يعني بس مصارف الاكل بعض المرات وغيرها من المصاريف ؟ :114:
انا داري اني طولت عليكم لكن أنتم قدها ان شاء الله وما راح تقصرون معي او مع غيري :101:
خذي الاوراق من المكتب او ارمكس
بتلقي فيها كل المعلومات وفي موضوع فوق الصفحة مثبت يعطيك التفاصيل خطوة بخطوة
مدة الفيزا زيارة وحدة لمدة ستة شهور (يعني مافي خوف)
كل الطريقتين جايزة
خذي كاش 1000دولار وخلي الباقي احتياط ببطاقة الصراف وادا احتجتي اسحبي اعلى حد سحب
بطاقة الراجحي احسن بطاقة لانها تشتغل زي الفيزا وماتسحب 50ريال زي باقي البنوك
بالتوفيق
تقريبا 2000دولار كندي جدا كافية
اهلـن اختتي..
بالنسبهـ تكلفت السفرر لمدة شهريــن من دون مصاريف المعـهد والسـكن على حسب من شخص الى شخص آخر..
هل أنتي من النووع اللي يصررف وااجد او معتدل الصررف..!!
إماا سالفة انهـ ساافر سورياا ولا يتم اعطائهـ فيزاا هذي غيرر صحيحهـ نهائياَ..
لأن احد الأصدقااء قد ساافر إلى سورياا ومن ثم قدم على فيزاا أمريكيهـ وصرفت لهـ بغضون ـأسابيع ..!!
إحملي مبلغ متوسط معااكـ للحاجهـ يعني بحدود 1000 الى 2000 دولااار..
والبااقي فالماستر كارد أو الفيزاا..
بالتوفيـق..
عزيزي الشيك ترى الأهلي يطلع لك أنا سويته قبل ويقولون إن الجزيرة بدت تتعامل مع بنك إسمه منتريال(بنك اوف منتريال) وأر بي سي(رويال بنك اوف كندا) والله أعلم
أما دفع الفلوس للمعهد أنا أنصح إنك ماتتوهق تدفع لهم كامل المبلغ لأني قابلت كثبر يعض أصابع الندم إنه دفع كامل المبلغ لذلك أرجو منك دفع عربون لمدة إللي تبي تجلس فيها وتقدر تدفع لهم من أي بنك بس راسلهم تحولها بإسم من وكم رقم الحساب وإيش اسم البنك حقهم
أرجوا إني أفدتك
وأي خدمه في الحضور
السلام عليكم
هذا الموضوع ليس للكاتب هذا للجميع أهل الخبره و أنا راح أجيب الأخبار كل يوم سبت من النادي السعودي إللي في فانكوفر وأي استفسار يرجى طرحه وراح يتم التجاوب معه بأسرع وقت وأي سؤال آخر يحتاج لجاوب من أهل الخبره راح يتم توصبله لهم
وضعت الموضوع لجمع تساؤلات الرواد والناس المحتاره في أسألتها
وأرجوا منكم التفاعل في نشر الخير يا أخوان
جزاكم الله خيرا
هلا اخوي المعاناه وشرفتنا ياطويل العمر
لا انا رايح على تورنتو دراسه في معهد .. 5 شهور تقريباً ...
والحمد لله لقيت حجز ممتاااااااااااااز مره مره .. وهوا على خطوط اتحاد طيران .( الرياض - ابو ظبي - تورنتو )... بدون ماامر على ولا دوله اوربيه .. فكه بيني وبينك.. بس اللي معقدني الفيزا الحين ماطلعت ... والله يعين على الاسبوع الجاي اذا ماطلعت بضطر اكنسل كل الحجوزات
وبالنسبه لرحلتك انا من رأأي تسأل هل انت تحتاج الى فيزا ترانزيت على فرنسا او لا
لان فيها ناس راحو توهقوا فيها صارت لهم مشاكل بس انت اسأل وربي يوفقك ويسهل دربك
...
هلا بك اخوي لوفر ويسلم لي مرورك وتعلقيك ودعووتك الطيبه بارك الله فيك
..
هلا والله اخوي سعد .. ابشر بسعدك ياطول العمر الغدا انا وااياك في تورنتو على حسابي في الداون تاون واختر المطعم اللي تبي هههه بس خل الفيزا تطلع وابشر ههه تصدق اخوي لي 30 يوم بالضبط الحين مافي خبر عنها ... واللي مطمني اقولك سألت كثير ناس فيه ناس طلعت لهم في وقت قياسي ومن ضمنهن انت .. وفيه ناس وربي يقولون طلعت لهم اكثر من 30 يوم .. واعرف ولد عم لي طلعت له في 20 يوم .. بس مدري وش سالفتهم علي !!!
مشكور اخوي
بغيت اسألك انت تقول طلعت فيزتك ؟؟؟ الحمد لله .. طيب متى رحلتك .؟؟
بالعكس ادفع فلوسك للكتب وريح بالك ولو لاقدر الله ماتوفقت في اختيار المعهد او حصلت لك ضروف وبترجع كل شي موثق عند السفاره والمكتب وبمراجعه منك تنهي امورك
بس مسألت انك تروح بفلوس المعهد وتحول ومدري وش هذي بتعطلك بعض الشي
اما بالنسبه للشيك انا طلعت من سامبا وسألت عن اي بنك يتعامل الحاصل ان المكتب استلم مني الشيك وماقال شي ابد
بالبنسه للنموذج اللي تقول مافهمته وشو حقه ذا
الله يوفقك اخوي وتمنياتي لك برحله موفقه وممتعه ومفيده
هلااا واللهـ إخووي..
بالنسبهـ للفيزاا أنـاا أصدرت شيـكـ من بنكـ الأهلـي للسفارهـ ع شاان الفيـزاا وما قالي أي شي صاحـب المكتـب اللـي أراسـل عن طريقـهـ..
أماا المعهـد فماا دفعـت لهـم ولا هللهـ..
إذا رحت هنااكـ أعطيـهـم المبلـغ,, طبعـاَ مب كامل لأنهـ إحتماال يكـون المعـهد مش مضبوط فبتذطرر إنكـ تنكسل معهـدكـ اللي تدرس فيهـ وتدرس في معهـد ثاانـي,,عموماَ الأفـضل إنكـ ما تدفـع المبـلـغ كامـل..
بالتوفيـق عزيزي..
امير كلمني
اشكرك على تجاوبك معي
انا ماتعاملت مع اي مكتب لإن المكاتب تخلي معك درازل سعوديين وبكذا ماراح تستفيد شي عشان كذا انا راسلت المعهد عن واتفقت معهم وبدفع لهم حواله وإذا حصل ووهنت اقدر ارجع المبلغ كامل او لاقدر الله ماطلو معي اروراقهم بتكون معي والسفارة عندها كل شي عنهم .
مايخص الشيك انا كنت اقصد شيك استخراج الفيزا (رسوم التأشيرة يعني) ..لكن خلاص بفتح حساب عند الأهلي .. وبدفع عن طريقهم الشيك هذا وبرضهة حوالة المعهد ..لأني سالت الراجحي قالولي الحوالة ممكن..لكن الشيك المصرفي(حق التأشيرة) قالولي انه موقف عن الراجحي من مدة.
المعناة شكراً على متابعتك لي
المعهد خيرني مابين تحويل كاملا ً او نصف المبلغ .. ونا قلت كامل مرة وحدة وارتاح وتصير رسوم الحوالة مرة واحدة.
مشكورين مرة ثانية
المفضلات