السلام عليكم ورحمة الله وبركاته
ياشباب طالب فزعتكم من اللي عنده خبره في إجراءات القبول في الجامعات الكندية لمرحلة الماجستير وبالتحديد في جامعة سايمون فريزر لكن حتى اللي عنده خلفيه بشكل عام في غير هذي الجامعه لايبخل علينا.
ياشباب انا مقدم على ماجستير في الـ linguistics على أساس الدراسه تبدأ في سبتمبر 2008 و خلصت الابليكيشن اللي في الموقع حقهم بالكامل وأرسلتلهم بالـ DHL جميع المستندات المطلوبةوحتى درجات التوفل وصلتهم وبس باقي انتظر ردهم بالقبول أو - لا سمح الله - بالرفض.
طيب فين المشكله الآن؟ المشكله ياحبايبي أنه السكرتيره حقت القسم قالتلي بعد ما أرسلتلها ايميل انه الرد على الطلب حقي يوصلني في شهر مارس من السنه الجاية :shocking: !!
المشكلة ياشباب انا الان معيد في كليه من كليات المملكة وعارفين الاجراءات لمن آخذ القبول من الجامعة لازم اجري ورا الوزاره على عشان آخذ قرار الابتعاث هذا بعد ما أخلص الاجراءات اللي في الكلية نفسها وبعدين عاد حوسة إستخراج الفيزا وبعدها حوسة البحث عن سكن هناك لأني بروح مع عائلتي هناك يعني يبغالي وقت كافي عشان أخلص الشغل هذا كله وستة شهور أحسها ماتكفي.
غير كذا راح أجلس كمان ترم زيادة في الكلية وانا كنت ناوي اني ابدأ دراسة الماجستير بنهاية هذا الترم اذا ربي أراد.
طيب انت ايش تبغى دحين؟ :7:
اللي ابغاه ياحبايب هل في أحد يعرف لإجراءات الجامعات يعرف طريقه أقدر بيها أعرف من بدري اذا انا انقبلت ولا لأ؟ هل في طريقه مباشرة تبدأ فيها الجامهة بدراسة طلبي من بدري بدلا من الانتظار لمارس؟
والله ياشباب اني محتاس, بإيش تنصحوني الآن؟ انا قلت خليني أقدم على أكبر عدد من الجامعات الآن وبعدين على مارس اذا ما انقبلت - لاسمح الله- في سايمون فريزر يكون عندي قبول احتياط.
يا أخوان اللي يقدر يفيدني بشي لايبخل علينا الله يجمعنا جميعا ووالدينا ووالديكم في الجنة آمين
مواضيع عشوائيه ممكن تكون تعجبك اخترناها لك:
رد مع اقتباس
المفضلات