المشاركة الأصلية كتبت بواسطة ابو ماطر
http://www.arabtravelersforum.com/tr...0/#post5843548
السلام عليكم يااعضاء ومشرفين واهل الخبره
بعد اختلاف على الوجهه الي راح نسافر لها تم الاتفاق على اندونيسيا وهذي اول مره بنسافر لها وعندي بعض الاستفسارات
1- افضل استخرج الفيزا من السعوديه قبل المغادره او من اندونيسيا
من اندنوسيا افضل
2-موضوع الهدايا بالمطار لاني اخاف يعقدون الدخول
توكل على الله ولا تخاف مهيب ذيك الصعوبه والتعقيد
3- من خلال تصفحي البسيط لبعض تقارير الاخوان لم اجد مكان تراثي مباني و مساجد قديمه لاني من عشاق هذه الاماكن ابي بعض الامكن التراثيه (مساجد-معابد- قصور ) للي عنده خبر عنها ومتى مسموح الدخل فيها في اندونيسيا عامه وليس مكان محدد
مسجد التعاون في الجبل
4- بعض الصور تعطي جمال للمكان يعني لو محترف يصوير يصور معجون طماط بيطلعه شي عجيب مع انه منرز في المحلات ولا احد يطالع فيه ابي اماكن تسحر الخيال في الجبل شلالات و جلسات ومطاعم ومقاهي واماكن ترفيه
في جاكرتا تجد ملاهي دنيا فنتازي وهذه ترفيه
في بونشاك (الجبل) تجد الشلالات + بحيرة الليدو + حديقة الزهور + تامان سفاري
5-افضل اخذ سياره باليوم او امشيه تكاسي لاني سمعة انه بعض الاماكن تحتاج سياره
عزوبي خذ السياره باليوم فقط في الجبل
عوائل خلها على طول معك
رجل ومرته او طفل معهم تكاسي الا في الجبل سواق
6-مكاتب أجار الفلل المعروفه وسمعت فيه مكاتب لاشخاص سعوديين مقيمين هناك في الجبل
نعم فيه سلطان المزيد وعندك بالفقيه وكذلك كاها
7-وش الاماكن في الجبل تنصحون اخوانكم المسافرين الابتعاد عنها الي فيها مشاكل
امش عدل يحتار عدوك فيك
كل الاماكن طيبة ولكن ابتعد عن الاماكن المشبوهه ليلا
8-جزيرة بالي تنصحوني اسافر لها او جاكرتا وما جاورها واحنا ثنين شباب واحس ان المده ليس طويله 15يوم
15 يوم افضل سفره سواء اندنوسيا او غيرها
9- فيه تصويت بالمنتدى على مسألة الصرف وتصويت الاعلى في صرف دولارات من السعوديه وبعدها تحوله من هناك وانا ان شاء الله جالس 15يوم تقريباً يمكن تزيد اصرف المبلغ كامل او جزء منه
خذ دولار واصرف روبيه
او ريال واصرف روبيه
اشوفها ماتفرق كثير
10- وعلى طاري الرقم 10 سفرتنا في شهر عشره هجري ما ادري وش بيكون ميلادي كيف بتكون الاجواء هناك برد او اجواء معتدله يعني اثقل الملابس او لا
لاتثقل الملابس انا جاي منها السنه الماضية بشهر 10
جاكرتا جوها معتدل والجبل معتدل وبارد ليلا وبالي رطبه ولاانصحك فيها كثير اذا من النوع اللي يكره الرطوبه
11- موضوع الضرائب انا قريت من خلال التصفح وعرفت انه فيه ضريبة مغادرة قيمته 150,000روبيه لشخص الواحد فيه غير الضريبه هذي شي
الضريبه للعوده 150 الف نعم صحيح وهناك ضريبه لجزيرة بالي غير التذكره لو سافرت لها واعتقد انها 50 الف واذا غلطان يصححون لي الشباب
والله احس اني كثرت الاستفسارات بس السموحه يااخوان هذي الاستفسارات الي براسي واحس اني نسيت واجد من الاستفسارات اذا ذكرتها بكتبها بس ان شاء الله القاء ردوود على هذي الاستفسارات واذا يوافقني الراي المشرفين على هذه البوابه او الاعضاء ذوي الخبره ينزل موضوع فكرة الموضوع سؤال وجواب عن الضروريات من بدايت التخطيط لسفر الى العوده للوطن راح يفيد كثراً للمسافرين لاول مره
تقبلو تحياتي
رد مع اقتباس
المشاركة الأصلية كتبت بواسطة ابو ماطر
المفضلات