الموضوع: تكفون يالربع مسافر لأندنوسيا لأول مره

السلام عليك ....اخواني الكرام
لن يوفي شكري واتقديري لصاحب المنتدى واعضائه الكرام لهذا المنتدى الرائع بكم

والف الف شكر ولن ننسى جميلكم محسوبكم متابع لكم صايلنت بس ماعرف يسجل بالياهو الا متأخر وقت الضيقه ونشالله تفرج بفضل الله وثم بفضلكم


اخوكم مسافر للعمه وأول مره يروح وعندي كم استفسار

طبعاا موعد الرحله بيصادف10 رمضان والعوده 30 على الخطوط الماليزيه
سعر التذكره ب2600


عدد المسافرين 2

خطة سير الرحله جاكرتا 2 بوقور 2 والجبل 12 وباندوق 2 وجاكرتا 2
قابل للتغير ان تفظل احد علينا برايه

1_كيف الجو في موعد الرحله
2_الفلوس تفضل اني احطهم في الصرافه او المستر كارد (الاهلي يمشي حال) او أخذهم معي كاش بالنسبه للأمان والافضل
3_ابغى تدلوني على اسامي ارخص و اامن الفلل والفنادق السكنيه في كل من البونشاك وجاكرتا وبوقور وباندوق عشان احجز عن طريق مكتب كاها الي في المطار حق طول الرحله مع التسعيره ان امكن بالسعودي(رقم مكتب كاها في المطار) الي يعرفه لايبخل علينا
4_كم تعتقدون تكفينا ميزانيه لأننا ذوي دخل محدود على قد الحال يعني احنا رايحين للأستجمام تأمل في الماظر والجو الحلو وتمشيه خفيفه
5_وهل يوجد سياح عرب في فترت رمضان بحيث العروض على التذاكر
6_في الجبل في تكاسي ولا تكاسيهم الدبابات وبكم تأجير السياره بسواقها
7_بالنسبه للجواز هل يوجد صندوق امانات مثلاا في مكتب كاها او محلات مخصصه للأجار ان لم
يوجد في السكن الخاص
8_بحثت في المنتدى عن فلل في بوقور مالقيت او تنصح بالسكن في البونشاك وزيارة بوقور بحكم القرب
9_كيف الامان بعد آخر مشكله صارت بين اندنوسيا والسعوديه عساهم بس مايدقرون على استخراج الفيزه من المطار والتأشيره نقدر ناخذها من اي مكتب في السعوديه
وذا تذكرت شي مالي الا لكم ياحبايبنا

ونشالله بس ما اكون ثقلت عليكم العذر والسموحه ونتو اكرام وحنا نستاهل

ومشكورين مليون
اخوكم بن رجب

مواضيع عشوائيه ممكن تكون تعجبك اخترناها لك:

• احتاج شركات الخطوط الاندونسية
• شهر شوال ضروري جدا
• استفسار بسيط وارجو الاجابه
• احبتي صادق يوم وصولي لجاكرتا يوم السبت والأحد فهل هناك مشكله
• محتار شهر العسل تكفون عطووني الحل
• استفسار ضروري الله لا يهينكم
• استفسار بخصوص المستشفيات
• رحلتي بعد ساعات شلون نتصرف بالفلوس ناخذها كلها كاش
• اريد جدول 12 يوم في اندونيسيا
• استشلرة
• نظموا رحلتي
• ارجو مساعدتي في تنظيم رحلتي إلى أندونيسيا
• مسافر جديد
• المسافه من جاكرتا الي
• اتممت خط الرحلة واختيار المدن وبقي الفنادق والجدول اليومي ؟
• بخصوص الاعصار بكره على الفلبين
• اماكن في بالي
• بخصوص اسكن باندونيسيا حييييييرة
• لاتحرمونا من ارائكم
• السكن بتكلفة منخفضة

لسلام عليك ....اخواني الكرام

و عليكم السلام و رحمة الله و بركاته ..

اخوكم مسافر للعمه وأول مره يروح وعندي كم استفسار
طبعاا موعد الرحله بيصادف10 رمضان والعوده 30 على الخطوط الماليزيه
سعر التذكره ب2600
عدد المسافرين 2
خطة سير الرحله جاكرتا 2 بوقور 2 والجبل 12 وباندوق 2 وجاكرتا 2
قابل للتغير ان تفظل احد علينا برايه


1_كيف الجو في موعد الرحله

جاكرتا - حار رطب ,, شبيه بجو جدة ..
الجبل و بوقور بارد ,, بالذات مساءً - و ممكن تصادف هطول امطار

2_الفلوس تفضل اني احطهم في الصرافه او المستر كارد (الاهلي يمشي حال) او أخذهم معي كاش بالنسبه للأمان والافضل

ممكن تحول جزء من الميزانيه روبيات .. مثلاً 4000 ريال حولها روبيات ..
و بقية المبلغ حوله دولارات .. و احرص على ان تكون جديده و غير مسفوطة
و ممكن تخلي مبلغ في البنك .. و تاخذ بطاقة صراف الاهلي .. وهي شغاله هناك عادي جداً
و لكن السحب من البنك عليه عموله من بنك اندونيسيا .. و من هنا
و على كل عمليه سحب او استفسار عن الرصيد عموله .. و معظم الصرافات ما تقدر تسحب منها اكثر من مليونين روبيه ,, اي حوالي 1500 - 1800 ريال ..
اشوف انك تاخذ المبلغ معاك كاش افضل بكثير ..

3_ابغى تدلوني على اسامي ارخص و اامن الفلل والفنادق السكنيه في كل من البونشاك وجاكرتا وبوقور وباندوق عشان احجز عن طريق مكتب كاها الي في المطار حق طول الرحله مع التسعيره ان امكن بالسعودي(رقم مكتب كاها في المطار) الي يعرفه لايبخل علينا

جاكرتا : استون مارينا - مارلين بارك - لي قراندور انشول - نوفوتيل .
بوقور : استون بوقور .
باندونق : سينسا - استون تروبيكانا - و براغا .

و هذه ارقام مكتب كاها :

620214606496 +

620213458831 +

620213518284 +

فرع المطار

0062215502823



4_كم تعتقدون تكفينا ميزانيه لأننا ذوي دخل محدود على قد الحال يعني احنا رايحين للأستجمام تأمل في الماظر والجو الحلو وتمشيه خفيفه

ان شاء الله تصلك اجابه دقيقه ..

5_وهل يوجد سياح عرب في فترت رمضان بحيث العروض على التذاكر

نعم ,, متوقع وجود سياح عرب بهذه الفتره .. و لكن اقل من شعبان ..

6_في الجبل في تكاسي ولا تكاسيهم الدبابات وبكم تأجير السياره بسواقها

السياره بسواقها 450 الف روبيه .. شامله البنزين و ضرائب الطريق ..
لكن بما انكم شباب ممكن تمشون بالدبابات عادي ..

7_بالنسبه للجواز هل يوجد صندوق امانات مثلاا في مكتب كاها او محلات مخصصه للأجار ان لم
يوجد في السكن الخاص

نعم ,, يوجد مكاتب تأجير بالجبل ,, بها صندوق امانات ..

8_بحثت في المنتدى عن فلل في بوقور مالقيت او تنصح بالسكن في البونشاك وزيارة بوقور بحكم القرب

ممكن .. و ممكن تسكن في فندق استون بوقور ..

9_كيف الامان بعد آخر مشكله صارت بين اندنوسيا والسعوديه عساهم بس مايدقرون على استخراج الفيزه من المطار والتأشيره نقدر ناخذها من اي مكتب في السعوديه

الوضع الامني عادي جداً جداً ..
و نسية تعرض السائح لـ الخطر من غيره ,, عائد على السائح نفسه و سلوكة ..



وذا تذكرت شي مالي الا لكم ياحبايبنا

الله يحييك ..

ونشالله بس ما اكون ثقلت عليكم العذر والسموحه ونتو اكرام وحنا نستاهل


و اي استفسار .. يسعدنا الرد ..

و رحلة سعيدة ان شاء الله ..

دعواتكم

.

مشكووووووووره تردين الصدق ماقصريتي
مشكوره اختي ام عزوز ماتقصرين والله
يعطيش الف الف عافيه

3_ابغى تدلوني على اسامي ارخص و اامن الفلل والفنادق السكنيه في كل من البونشاك وجاكرتا وبوقور وباندوق عشان احجز عن طريق مكتب كاها الي في المطار حق طول الرحله مع التسعيره ان امكن بالسعودي
ام عزيز ماقصرت بس ابي اذا ماعليكم كلافه الاسامي والاسعار بالتفاصيل مع مراعات الشيله

المشاركة الأصلية كتبت بواسطة بن رجب
http://www.arabtravelersforum.com/tr...0/#post5863270

3_ابغى تدلوني على اسامي ارخص و اامن الفلل والفنادق السكنيه في كل من البونشاك وجاكرتا وبوقور وباندوق عشان احجز عن طريق مكتب كاها الي في المطار حق طول الرحله مع التسعيره ان امكن بالسعودي
ام عزيز ماقصرت بس ابي اذا ماعليكم كلافه الاسامي والاسعار بالتفاصيل مع مراعات الشيله

بالنسبه للفنادق ذكرنها لكم .. و هي :

جاكرتا : استون مارينا - مارلين بارك - لي قراندور انشول - نوفوتيل .
بوقور : استون بوقور .
باندونق : سينسا - استون تروبيكانا - و براغا .


اما الاسعار ,, فكما تعلمون انها متغيره و تخضع للعروض او المواسم ..
و عموماً اتوقع انها في حدود الـ 300 ريال بزياده او نقصان بسيط ..

و عفواً ما فهمت " مع مراعات الشيله" ..؟؟؟

واي استفسار .. يسعدنا الرد ..

.

.

.

معليش اختي ام عزوز تعبناش معانا بس ادري ان تعبنا راحتكم هههه بمون من البدايه

الشيله وهي شيلة الرز ونا شبهتها بالمصروف الشيله=المصروف

بونشاك تنصحون بالمجمع السكني او بالفلل المعزوله

وبالنسبا لباقور شنو فيها من فعاليات

ام عزوز معليش تعبناش معنا ويعطيش العافيه

ماقصروا الاخوة

السكن في الفلل في الجبل ( بونشاك ) تلاقيها بحدود 300 الف الى 500 الف يعني 150 ريال ألى 200 ريال باليوم

وتروحون وتردون بالسلامة

اضافة وتعقيب على مداخلة ام عزوز

الافضل في السكن ولراحة البال الفلل في منطقة سيسيرواه في بونشاك

بعيدة عن الازعاج وسعرها جدا معقول من 170 الى 300 ريال لليلة

المهم لا تخلي السواق يشتري لك شي اشتر بنفسك وكاسر زين

القرش شيل دلارات واصرف من مكتب بافقيه موجود بالجبل ولا تستعجل بالصرف كل يوم شوي ولا تبين قروشك قدام العالم نهائيا

حلاوة الرحلة في الفلة والصحبة الحلوة

المهم عبي لك شنطة معلبات والذي منه حق الفطور

موجود فعاليات جدا جميلة في انشول لا تفوتها بجاكرتا وهناك مجموعة من الجزر الصغيرة بشمالها ايضا لا تفوتها مع ان الاجواء لك عليها

بالنسبة لرحلتي كانت الاقامة بالكامل في بونشاك ولم اسكن الا في فلة واحدة (راعي مزاج ما احب الشحططة)

دعواتي لكم بالتوفيق

مشكورين و ماقصرتو الاخوان ابن السعوديه ,جاكرتاوي999 ,هواااااوي, ahmad2004, جزاهم الله خير ومعزوز بالذات

توثيق الجوازات ضروري ويكون في السفاره نفسها بجاكرتا

المشاركة الأصلية كتبت بواسطة بن رجب
http://www.arabtravelersforum.com/tr...2/#post5867592

مشكورين و ماقصرتو الاخوان ابن السعوديه ,جاكرتاوي999 ,هواااااوي, ahmad2004, جزاهم الله خير ومعزوز بالذات

توثيق الجوازات ضروري ويكون في السفاره نفسها بجاكرتا



انا ماعمري وثقت جوازي وصراحه اهمال مني والا ودي اول ماأوصل اسويها وانسى

مشكورين يا أحلى ناس في الدنيا الله لا يحرمنا منكم
ونشالله نرده لكم في الافراح ههه

###################### ام عزيز ...

وشكراا
ادري اذيتكم بس تحملوني اول مره بطلع من الديره

بالنسبة للجوازات ،،،

مكتب سلطان بالجبل واضح و معروف موقعه

عطه الجوازات يصورها ويختم الصورة و يرسلها للسفارة عن طريق الفاكس

( هو معلن إنها خدمة مجانية للسعوديين ولكن الأندونيسي اللي في المكتب أحذ عشرة الاف يقول حق الفاكس ) !!


بالتوفيق

جكرتاوي و المسافر الحربي نورتو الصفحه

بس عندي استفسار الكهربا عندهم 110 او 220 علشان الحلاقه وجدر الكهرب
الشيشه نحطها في شنطه عادي ولا نشحنها

طالما ميزانيتك محدودة الأفضل البقاء مدة أطول بالجبل وتجد فلل خاصة وبأسعار رخيصة لأن رمضان عدد السياح قليل
جداً والوضع هادئ ..
جاكرتا (2) عند الوصول وبعدها الجبل واختيار الفيلا المناسبة لك ويمكنك زيارة بوقور من الجبل ولا داعي للسكن فيها
فأسعار السكن غالية وهي قريبة من الجبل في حدود 15-20 دقيقة ومع رمضان لا أتوقع تجد مشكلة في الزحام ..

بالنسبة للصرف الكاش أفضل وبالذات بالجبل لا توجد أجهزة الصراف الألي إلا بشكل نادر !! البطاقات للحالات الطارئة
ضع أغراضك وجوازاتك وفلوسك بحقيبة صغيرة معك على طول في كل تنقلاتك ..

ملاحظة .. أسعار التذاكر على الخطوط السعودية أقل من سعرك على الخطوط الماليزية 2305 ريال !! من المدينة - جاكرتا

المشاركة الأصلية كتبت بواسطة بن رجب
http://www.arabtravelersforum.com/tr...8/#post5885978

جكرتاوي و المسافر الحربي نورتو الصفحه

بس عندي استفسار الكهربا عندهم 110 او 220 علشان الحلاقه وجدر الكهرب
الشيشه نحطها في شنطه عادي ولا نشحنها



صراحه ناسي هذا الموضوع والغالب 110