الموضوع: محتارة بين فانكوفر و تورنتو

السلام عليكم أخواني وأخواتي

زوجي يرغب في السفر لكندا بغرض تعلم اللغة الإنجليزية..

يعني شهرين ثلاثة ماتزيد..

سؤالي أي من المدينتين مناسب لهذا الغرض..

يعني هل المعاهد والسكن والمطاعم والتسوق والترفيه والطبيعة ...... الخ أنسب في تورنتو والا فانكوفر..

من ناحية الأسعار وغيرها..

أنا كان في بالي فانكوفر بس كثير قالوا لي إن تواجد الصينيين والمكسيكان بكثرة مزعج من ناحية ومخيف من ناحية أخرى..

يعني الاختلاط مع الكنديين أحسن لترسيخ اللغة وهم فرندلي كثييييييييير مع العرب..

الشي الثاني كم نحتاج ميزانية لو ناخذ شقة في الداون تاون يعني تصير قريبة من كل شي -أقصد المولات والمطاعم وغيرها- سواءا في فانكوفر أو تورنتو..

وكمان ما هي الفترة الأحسن اللي نسافر فيها من -ناحية الجو-..

وأنسب خط سير من الرياض..

شاكرة ومقدرة لكم جهودكم الكبيرة اللي تبذلونها في هذا المنتدى الرائع..

أختكم

Oo ريمو oO

..

مواضيع عشوائيه ممكن تكون تعجبك اخترناها لك:

• مسااااعدة ياشباااااب بسررررعة
• كندا و امريكا لأهل الخبررره
• لأهل الخبرة والمعرفة
• ما هي أدفىء مدينة بكندا للدراسة سنتين
• ماهي متطلبات الفيزا الدراسية بكندا ؟
• انا في فانكوفر بس مااعرف فيها شي
• الى اهل الخبــــره في تورونتو
• سوال عن فيزا الدراسة
• تصدير سيارات من كندا الى امريكا
• جامعة تورونتو دراسة الماجستير
• الهجرة الى كندا نظام الهجرة السريع
• سؤال بخصوص شلالات نياجرا
• صور من فانكوفر كراوس ماونتن
• مساعدة في شحن السيارات
• انا حاااااااااااااااااااااااااااااااااااااااائر
• الفزعه الفزعه تكفووووووون اللي قد زااار كندااا
• الحلقة الرابعه من هنـا كنـــدا
• تصنيف الجامعات الكندية
• انا وكندا ذكريات لاتنسى
• فانكوفر وكندا

17 زيارة ولارد واحد؟؟؟؟؟

ممكن أحد يفيدني؟؟؟

والله بالنسبة لكل ماذكرتيه فانكوفر بلا منازع مع اني ماقد زرتها ولكن عن ماسمعت عنها وعن طبيعتها ...

ولكن بخصوص شقه وفي الداون تاون اعتقد راح تكون غاليه...
الافضل تسكنون لدى عائله او في سكن المعهد او الجامعه اللي راح تدرسو فيها

وعلى ماسمعت ان فانكوفر اغلى في الاسعار ...

هذا كل اللي اعرفه واذا تبي صور لكل المدينتين ف اعتقد فيه موقع اسمه ويب شوت تقدرين تشوفين صور للمدينتين

webshot ابحثي عن هالموقع في قوقل وراح تشوفين صور..لما تسوي بحث في نفس هذا الموقع "ويب شوت "
والسلام

شوفي انا اعرف الحريم اهم شي عندهم الاسواق والمطاعم
وطبعا ترنتو افضل في هذي الناحية
فانكوفر اسواقهم ومطاعمهم لا تقارن بترنتو

"يعني اذا رحتي فانكوفر بتملي اذا منتي راعية حدايق ومنتزهات ورحلات ونشاطات من هذا النوع

مساء الخير


اختي

بنسبه للمدينه من رايي
فانكوفر

من ناحية الجو وجمال المدينه بقربها من المحيط وطقس جميل افضل من تورنتو
وفيها من المجمعات والمطاعم الكثير

بنسبه لسكن

اتوقع شقه في الداون داون فانكوفر

1600 دولار كندي تتكون من غرفتين

الاسعار غاليه شوي بس الدولار الكندي بدا ينزل

والشعب الكندي جدا حبوب

والامان موجود ما فيه مخاوف مثله في اللليل

مدينه جميله



وبنسبه للاحسن فتره

الان شتاء يعني بعد 3 او 4 اشهر تتكون الاجواء جدا جميله فصل الربيع

وتستمتعون بجمال المدينه


وتقبي تقرير رحلتي بعد كم يوم


والله يوفقكم جميعا


تحياتي

ولله كلها حلوه بس فانكوفر فيها انشطه ترفيهيه اكثر

والصينين والعرب موجودين فى كل مكان يعنى ماكو فكه منهم

وبنسبه للشقق فى الدون تاون فى فانكوفر من 1000 دولار حتى 10000 يعنى تعتمد على حسب والشقق تراها غرفه وحمام بس .

واذا تبين نصحيتى اذا انتم عائله اسكونوا مع عائله واستاجروا البدروم كامل مستقل بحوالى 1500 الى 2000 تقريبا يعنى فيها غرفتين ومطبخ وصاله ودوره مياه خاصه فيكم وبالتوفيق انا شالله .

بالنسبة لفنكوفر
نصيحة مني اذا انتي نوعية الانشطة الي تحبيها مطاعم واسواق وملاهي
لاتروحين رح تملي
اما اذا انتي راعية حدايق وجبال وشواطي روحي رح تنبسطي

ترونتو مدينة كبيرة واسواق ومطاعم وملاهي+ نياقرا فولز والبحيرة
رح تنبسطوا فيها
الدراسة صدقيني مارح تفرق كثير بين المدينتين
الشقق في ترنتو داون تاون غالية موت
يعني الاستديوا يكلف من 1500 الى 3000 لشي كويس

بالتوفيق

الله يعافيكم مشكورين ولا قصرتو

بس تورنتو ما تمدحونها ليش؟؟

يعني مافيها طبيعة ولا شي؟؟

لأن زوجي يحب الطبيعة ...

بس على ما قلتوا الحريم يحبون السوق والفلة...

يعني مانيب راعية طبيعة وهدوء...

بس هل هذا يعني إن تورنتو ما فيها من هالشي أبد -طبيعة يعني-

أرجو الإفادة؟؟

...

انا عايش في فانكوفر وبقولك رايي حسب معيشتي هنا ..

تورنتوا مدينه كبيره .. على نطاق نيويورك وغيرها .. فما اعتقد تكون مريحه ..

فانكوفر في الوقت الحالي .. في طريقها للإنحدار .. كانت من اكثر المدن امان .. الان .. مختلف تمام
كثرة الجريمه والمشردين واللصوص . بناء على تحذيراتهم ..
على غير كثرة الشرق اسيويين .. وامريكا الجنوبيه اللي عن نفسي لا اطيقهم لكرههم للعرب .

انا انصح في فكتوريا .. جزيره جميله .. وهادئه ولو حب يزور فانكوفر يقدر يطلعها ليوم ويرجع ..
وانصحه يطلع لها اقصد فاكتوريا في الربيع يكون الورد متفتح ..

انا لو كنت اعرف الوضع قبل اجي هنا رحت فكتوريا .. لكن راح نص المده ما يمدي انتقل ..


صور للإطلاع عليها :

http://www.sfari.com/forums/sfari33/travel72/

بالتوفيق ..

المشاركة الأصلية كتبت بواسطة Oo ريمو oO
http://www.arabtravelersforum.com/tr...7/#post1716557

الله يعافيكم مشكورين ولا قصرتو

بس تورنتو ما تمدحونها ليش؟؟

يعني مافيها طبيعة ولا شي؟؟

لأن زوجي يحب الطبيعة ...

بس على ما قلتوا الحريم يحبون السوق والفلة...

يعني مانيب راعية طبيعة وهدوء...

بس هل هذا يعني إن تورنتو ما فيها من هالشي أبد -طبيعة يعني-

أرجو الإفادة؟؟

...



كل كندا طبيعتها حاوة
ترنتو حواليها غابات جميلة
ونياقرا فولز وبحيرات

هلا وغلا أختي ...

بخصوص الأسعار ... فتقريباً فانكوفر أغلى من تورنتو بشي بسيط... مع إن المدينتين كلهم غالية مقارنة بالمدن الكندية الثانية ...

أما ما يتعلق بالشقق ... فالأفضل تاخذون خارج الداون تاون لأن الأسعار في الداون تاون غالية ...

فالشقة مكونة من غرفة وصالة ومطبخ ودورة مياه في الداون تاون ... متوسطها في ترنتو 1200 دولار ... وأما فانكوفر 1400 دولار ... والأسعار هذي تزيد وتنقص بناء على المبنى والموقع والخدمات الإضافية.


عشان كذا الأفضل السكن بعيد شوي عن الداوت تاون واستخدام الصب وي والباصات والستريت كار ... أسعارها مناسبة جداً في كل المدينتين ومتوفرة المواصلات على مدار الساعة تقريباً ...
بخصوص أسعار المواصلات ... بطاقة مواصلات لمدة شهر في ترنتو 99دولار .. مع إنهم يتكلمون عن رفعها لـ 120 دولار ... وأما فانكوفر فتقريباً من 80 دولار إلى 140 دولار على حسب المنطقة التي تغطيها الخدمة ... لأن فانكوفر مقسمة لثلاث أقسام أو أربعة في المواصلات ...

وأما الضرائب فتقريباً نفس بعض ... يمكن فيه اختلاف بنسبة 0.5% ... ترنتو 14% ... فانكوفر 13.5%

وأما المطاعم والمحلات فيه متوفرة في ترنتو أكثر بسبب ضخامة المدينة وكعدد سكانها الكبير ... وهذا لا يعني إن عددها في فانكوفر قليل .. لا بالعكس موجودة بشكل جداً رائع ...

وأما التنظيم والتطور فمدينة فانكوفر أفضل من ترنتو في الجانب هذا ...

وأما من ناحية الأمان فالمدينتين كلهم آمنة في جميع الأوقات ... بعض الأحيان أرجع للبيت قبل الفجر شوي والوضع عادي مرة ... بس فيه منطقة صغيرة وحده في ترنتو ما يحبذون إن أحد يدخلها في المساء ... وهي منطقة بعيدة وما فيه أحد يحتاجها إذا كان سائح لأنها بعيدة عن الداون تاون ...

وأما الطبيعة فكل المدينتين فيهم طبيعة حلوة ... وبالنسبة لي أفضل ترنتو لأن السائح يقدر يزور كثير من المناطق السياحية بالسيارة ... وخصوصاً شلالات نياقرا ... ساعة وشوي وأنت فيها ... وفيه مدن حلوة قريبة من ترنتو ... مثل مدينة مونتريال ... حلووة بمعنى الكلمة ...

وأما المهرجانات والاحتفالات فكل المدينتين تتميز في الجانب هذا ... ومعظم الاحتفالات - إذا ما كان كلها - في الصيف ... في الأسبوع الواحد أكثر من احتفالين أو ثلاثة ...


أتمنى إني أكون أفدت في الجانب هذا ... وأرحب بجميع الأسئلة ... خصوصاً عن تورونتو

المرشحة النسبة لي هي تورنتو من ناحية كل شي يعني اي شي تبية اتحصلة مو جود اما من ناحية الطبيعة فية كمان طبيعه وبعدتضل قريبة من اماكن سياحية كثير شلالات نياقرا ومنتريال وكيوبك يعني بالنسبة لي ترتو هي الا نسب خاصة لمدة 3شهور او حتى فترة طويلة من نا حية السكن في الداون تاون فية فندق (يعني على نظام سويت) مرة كويس ونظيف وسعرة معقول تقريبا 1200$ بس مو متوفر الا في الصيف وقريب من ايتن سنتر دقيقتين مشي بالنسبة للوقت لا تفكر تجي هذي الايام والله البرد مكسرنا تكسير امس درجة الحرارة واصلة _9 والله يستر من الجاي وكل كندا كذا باردة في هذا المو سم فانكوفر اقل بس مملة بالنسبة لي وكثير من الشباب قايلين كذا
احلى وقت من جد شهر 6و7و8 من جد اجواء خيالية لا برد ولا حر ........................
وشكر

انا من زيارتي لفانكوفر ارشحهااااااااااااا بس مااااااااااأنصحك لأنووووووووو حيتعلق وحيعشق هذه المدينه السااااااااااحره

الله يعطيكم العافية..

وينولكم اللي في بالكم ياااااارب

ما قصرتو..

يعني الكل تقريبا يرجح تورنتو..

طيب وش الأماكن الحلوة فيها للسكن؟؟

أرجو الإفادة

واعذروني

كلفت عليكم

هلا وغلا Oo ريمو oO ..

إذا كان ما يهم المبلغ فالداون تاون حلو لكونه قريب من كل شي .. لكن اللي يحب إنه يعيش في هواء نقي وطبيعة حلوة يبعد عن الداون تاون شوي .. فيه مناطق تبعد تقريباً نصف ساعة إلى ساعة إلا ربع عن طريق الباص والصب وي وأسعارها معقولة وطبيعته حلوة وقربة من الحدائق الكبيرة ..

أهم شي يكون السكن قريب من الصب وي أو الستريت كار .. لأن التنقلات مهمة ..


أتمنى إني اكون أفدتك .. وتقبلي فائق التقدير والاحترام ...

الله يسعدكم

ويجزاكم خير..

ويعطيكم العافية

أحرجتوني بسرعة استجابتكم..

وش تشورون علينا بالنسبة لخطة السير من الرياض..

تشكرااااااااااااات

مرحباً Oo ريمو oO ..

يبدو لي إن الوجهة راح تكون إن شاء الله لتورنتو ..

على كذا ففيه أكثر من خيار ..

1) من الرياض إلى لندن عبر الخطوط السعودية ... مدة الرحلة - تقريباً - 6 ساعات ونصف ..
ثم ترانزيت في لندن على الخطوط الكندية .. وبيكون من لندن إلى تورنتو .. مدة الرحلة - تقريباً 7 ساعات ..

وهذا اللي يطلع عليه كثير من الناس ..



2) من الرياض إلى أبو ظبي .. عبر إتحاد الإمارات أو الخطوط السعودية .. مع إن إتحاد الإمارات - في نظري - أفضل .. ومدة الرحلة - تقريباً - ساعة ...

ثم من أبو ظبي إلى تورنتو دايركت .. ومدة الرحلة - تقريباً - 14 ساعة ..

وهذي في نظري أفضل لأن الترانزيت - أو الكونيكشن - فيها راح يكون قصير .. حوالي الساعة في الغالب .. وأيضاً الخدمات على العموم في الإتحاد أفضل نسبياً ..


* للتذكير - ومن واقع تجربة - الترانزيت في مطار هيثرو الأفضل إنه يكون أكثر من ساعتين .. خصوصاً إذا كان الوصول بعد الساعة 10 بتوقيت قرينتش .. والسبب إنه بعض الأحيان يكون السرا طويييييل وياخذ أكثر من ساعة إلى ساعتين ..


دعواتي لكم بالتوفيق والاستمتاع في رحلتكم ..


سأكون سعيداً بأي استفسار عن نورنتو خصوصاً أو انتاريو عموماً ..