السلام عليكم ورحمه الله وبركاته
الى قراء منتدى مسافرون العرب الاعزاء كما وعدتكم راح انزل تقرير عن فندق اوريس بلازا هوتيل البرشاء
كانت مده اقامتي بالفندق من تاريخ 26 نوفمبر الى 30 نوفمبر يعني 4 ليالي
طريقتي بالحجز كنت بالبوكيينق ادور فنادق فجأه اشوفه و تقيم حقه عالي و فايف ستار و سعر جدا ممتاز و موقع كذلك كنت متخوفه احجز بالبوكينق دخلت على ويب سايت حقهم وهذا هو http://www.auris-hotels.com
واخذت رقمهم المجاني واتصلت و قلت لهم اذا فيه خصم لشركه ارامكو سعوديه على طول قالت لي افكورس سيرواعطيتها تواريخ اقامتي و قلت لها ابي غرفتين عطوني غرفه ديلوكس مع فطور صباحي و غرفه ثانيه كلاسيك مع فطور صباحي و سعر كان بـ 4000 ريال بصراحه انا على طول حجزت سعر جدا مغري طبعا مع خصم لموظفين شركه ارامكو
والحمدالله وصلت لدبي ساعه 1 ظهر و على طول على فندق مايضيع الانه خلف الامارات مول على طول
اول ماوصلت عطيتهم رقم الحجز و الحمدالله كانو مجهزين غرفه وحده وثانيه نص ساعه على ماجهزت بصراحه كان استقبالهم لنا جدا جميل و طيبين
تعالو معاي نشوف الغرفه ديلوكس
https://s.yimg.com/qn/up/travel/b/b/...12b2a46ebc.jpg
https://s.yimg.com/qn/up/travel/0/9/...4935c91875.jpg
الميني بار
https://s.yimg.com/qn/up/travel/d/e/...1b06508c66.jpg
وهذي الترحيب حقهم عباره عن بيريه و و صحن فواكه و علبه جوكليت
https://s.yimg.com/qn/up/travel/a/c/...c09b9fd137.jpg
وهذا جمب الحمام معزول عن غرفه
https://s.yimg.com/qn/up/travel/9/e/...5e5effaff2.jpg
دوره المياه جدا كبيره و نظيفه و تحتوي على سماعات ميوزك و انواع شامبو و لوشين و جل شاور ولوازم الاستحمام جدا رائحتهم جميله
https://s.yimg.com/qn/up/travel/e/7/...d06b13d3f4.jpg
https://s.yimg.com/qn/up/travel/8/2/...3dec1e32eb.jpg
https://s.yimg.com/qn/up/travel/a/3/...ec970d0ad0.jpg
وهذا الفيو الغرفه على مول الامارات مرا قريب من فندق
https://s.yimg.com/qn/up/travel/0/6/...e7847b7509.jpg
بالنسبه للغرفه ثانيه نفس ديزاين بالضبط بس كينغ بيد
واللحين تعالو نشوف مرافق الفندق السبا و مسبح و بوفيه الافطار و لوبي
هذي المسبح اخر دور كان كبير و صباح مرررا زحمه الاجانب بشكل مو طبيعي يفتح من ساعه 7 صباح الى 10 باليل و فيه كوفي شوب جمب المسبح للاسف ماصورته بسبب زحمه ناس امانه ماجربته يبيع ساندويتشات و برغر و مشروبات و كوفي و القعده مره جميله على المسبح و خاصه هالايام جلو حلو
https://s.yimg.com/qn/up/travel/7/6/...c6ac680b71.jpg
و هذا سبا ليديز كان مرا هادي و ريلكس و مافي زحمه يفتح من 7 صباح الى 10 باليل عباره عن جاكوزي و ساونا و حمام بخار و تنظيف بشره بدكيرو مناكير و مساج كان خاطري اجرب المساج بس لما شفت الاسعار جدا جدا جدا مبالغ فيها و ماتسوى
https://s.yimg.com/qn/up/travel/0/e/...0525308048.jpg
واللحين تعالو نشوف بوفيه الافطار صحيت ساعه 9 صبح طلعا يفتح بوفيه الافطار من ساعه 7 الى 11 ظهر نزلت كان المطعم بالدور الاول و الا اتفاجئ بالزحمه بشكل ماتتخيل ومافي ولا طاوله فاضيه عطيتهم رقم غرفتي قالولي انتظري شوي على مانسوي لج طاوله بصراحه ماخلوني انتظر واجد يعني حوالي 10 دقايق الا نادوني انطباعي عن المطعم صغير و شوي كتمه مع ان ديكوراته حلوه اما عن طعام كانت الاصناف نوعا ما قليله و طعها مو مره و ازعاج و زحمه بس كانت الخدمه جدا ممتازه يعني اول ماقعدت بالطاوله وحده وقفت على راسي اي شي تبينه تجيبه
وهذا مطعم الافطار كان الشخص ب 85 درهم
https://s.yimg.com/qn/up/travel/2/5/...fe9ae151f2.jpg
بصراحه ماقدرت اصور البوفيه من زحمه ولكن صورت طاولتنا
https://s.yimg.com/qn/up/travel/7/7/...06827e70d7.jpg
اما اللوبي كان صغير مرا بس فيه على جنب كوفي شوب و فيه بعد قعدات حلوه و رايقه و فيه بعد قعده شعبيه و فيه بعد كوفي شوب للشيشه ما دخلت له
هذا لوبي
https://s.yimg.com/qn/up/travel/3/a/...caf0addfae.jpg
وهذا كوفي شوب جمب اللوبي
https://s.yimg.com/qn/up/travel/c/b/...f6596be8d8.jpg
و بكذا خلصت صوري للفندق وسامحوني لقله الصور مثل ماقلت لكم كان جدا جدا زحمه عشان كذا ماقدرت اصور كل شي
واخيرا انطباعي عن الفندق
ايجابيات الفندق :
بصراحه جدا جدا الفندق نظيف و موقعه مرا حلو و منطقه البرشاء فيها مطاعم كثيره وخدمات
و هادئ و تكنولوجيا بالغرف جدا جميله كل شي باللمس يعني الجرس باللمس واذا تبي ينظفون الغرفه برضوا باللمس و بالـ TV كل شي يطلع لك يعني المسجات من فندق توصل لك بالتلفزيون و الانترنت كان مجاني بالغرف انت توسيه بالانترنت و ايضا الفاتوره حقتك تطلعها بالتلفزيون يعني هذي تنلوجيا جديده مرا حلوه و ايضا تتحكم بالانوار الغرفه بريموت خاص
اما بالنسبه الاثاث الغرف جديده و امانه راقيه
اما الخدمه حقتهم جدا راقيه حبوبين و طيبين جدا اخذت من ميني بار بطاطس كان سعره بـ 45 درهم احسبوه لي بـ 25 درهم
اما السلبيات :
بوفيه الافطار ما عجبني المطعم و الاكل مو 5 ستار
و لوبي كان ضيق وصغير
وبكذا انشاءالله قدرت افيدكم بتقرير هذا الفندق الجميل و يستاهل 5 نجوم مع العلم انه جديد صار له سنه من افتتح
ومع سلامه انشاءالله بتقرير جديدمواضيع عشوائيه ممكن تكون تعجبك اخترناها لك:
- ترانزيت في مطار دبي ساعات
- كم السرعه المحددة من قبل المرور في طريق ابوظبي دبي ؟
- ابي فزعتكم ياربع وياعرب لينك
- الله يساعد كل من يساعدني اريد جدول لزيارة دبي؟
- بعد الشارقة عن دبي
- لماذا لا نستغل الأنترنت في النخطيط الجيّد للرحلة
- محــمد بن راشـــد يدشن الخــط الأخضر لمترو دبي سبتمبر المقبــل
- ايهم افضل هوليدي انترناشيونال والا ماربيلا الشارقه
- سؤال بسيط وارجو الرد بسرعه
- منتجعات دبي
- طلبتكم يـابنات زايـــد الله يرحمه
- محتاجه فزعتكم بدبي
- لمحبي الراحة والاستجمام سبا و مساج
- تقرير مفصل عن الفندق الاقتصادي الرااااائع المميز ايبس مول الإمارات
- سوق الأقمشة سؤال
- وش الفرق بين برج دبي ودبي مول
- أسعا الشقق في دبي
- دبي تتألق في مهرجان «التسوق »
- ايهما افضل ؟؟
- من يساعدني على تصميم يومين من الرومانسية
رد مع اقتباس
المشاركة الأصلية كتبت بواسطة ابو صبا ,,,
المشاركة الأصلية كتبت بواسطة عامر الزعابي
المفضلات