الغالي ( jest do it )
قبل كل شي .. لك جزيل الشكر على مجهودك الجبار .. وكلمة شكر قليلة بحقك .. لأنك تقدم خدمة كبيرة ومجانية وهذا يدل على طيب اصلك
وانا ادري ان راسك راح ينفجر من كثر الاسئلة الي جاتك .. والله يعينك على الاجابات ..
انا سؤالي مباشر ومختصر .. واتمنى من شخصك الكريم التوضيح
انا متخرج من جامعة الملك سعود لغة انجليزية .. وتعينت الان معلم
بصراحة ودي اروح ادرس بدولة خلال الصيف ومامعي الا شهر او شهر ونص .. وما ابيها كلها دراسة بخليها دراسة وسياحة .. والغرض الاكثر الوناسة والانبساط .. والدراسة والمعهد عن قولة اني رحت
لكن معلوماتي اقل من صفر عن كندا .. وودي بكندا او استراليا او اي شي تنصح فيه
برأيك .. كم يكلفني شهر دراسة شامل كل شي .. تذاكر ومصروف يومي وتمشيات خفيفة وسكن عند عائلة .. يعني كل شي من اطلع من الباب الين ارجع للباب
وبشكل عام كم ممكن اصرف باليوم اذا قلنا وجبتين وكم بارد ويمكن يتخللها فزعات اذا كونت صداقات هناك
تعرف احنا العرب اهل كرم
وبمى اني معتمد على راتبي الطفسة فأكيد احتاج لحسابات
اكثر شي يهمني المصروف والتكلفة .. واحسبها ولا عليك امر لواحد اول مرة يروح وبيفرفش شوي .. يعني لاتحسبها على صرفك انت لأن لك خبرة وعارف كل شي
وآسف جدا على الاطالة .. والشكر لك مقدما .. ولو مارديت معذور
المفضلات