الموضوع: النقاب في امريكا استفسار

السلام عليكم ورحمة الله وبركاته صراحة منتدى رائع بكل مافيه استفد منه كثير وهذي اول مره اشارك فيه


والسبب عندي سؤال معقدني حياتي وابي اجابه حقيقة واقعية من تجربه وماودي احد يطرق للامور الفقهيه ياجماعة

1- انا وزوجتي وودنا نزور امريكا ولكن المشكلة تكمن في ان المدام الله يحفظها ترتدي النقاب يعني مغطيه
وبصراحة انا تراودني فكرة اني اكنسل الفكرة من اساس لهذا السبب

لاني احس ان المجتمع الامريكي ماراح يتقبل الفكرة واحنا ناس رايحيين نتمشى مو ناقصين مشاكل

فأتمنى من كل اللي عندة خبره بهذي البلد يعطي خبرته ولا رأيه واتمنى يكون احد توه رايح
1- السفارة ووقت الفيزة هل ممكن يعارضون بسبب( النقاب)

2- المطار شالوضع فيه مع الغطى(النقاب)
3- التنقل هناك هل بيكون فيه استغراب كثير
4-هل ممكن النقاب يخرب السفره
5- هل ممكن اضر الى ان اخلي المدام تشيله
بالاخير تنصحوني اروح لولايه معينه ولا اغير الدوله من اساس احسن


اشكر كل من راح يتفاعل معي وجزاه الله الف خير

مواضيع عشوائيه ممكن تكون تعجبك اخترناها لك:

• عجزت ارفع الصور وش الحل
• سؤال عن نموذج بالنسبه للاطفال؟؟؟
• الكل حصل على الفيزا ماعدا رب الأسرة ؟؟؟؟؟؟؟؟؟؟
• برنامج رحلتي القادم في
• استفسار عن نوع الفيزا للدراسة بالصيف والسياحة بنفس الوقت
• بخصوص اصدار التأشيرة من مصر
• عندي بعض الاسئله بخصوص اورلاندو في الصيف
• مكان حول اورلاندو ياخبراء امريكا
• بلييييييييييييييز
• فيزا امريكية بدون موعد
• هل صحيح بخصوص إعادة مبلغ الضرائب
• المساعده يا خبراء أمريكا
• ارجوا الرد في اقرب وقت ممكن
• احداث مقابلة طلال البحرين للفيزا
• سؤالين بخصوص التأشيرة
• المرافق
• تأمين طبي لأمريكا ولاية اوهايو
• مطار كولومبيا بواشنطن
• خبراء ارفاين
• شهاده الميلاد يارب تسعدهم

عزيزي

النقاب موجود في امريكا للجالية المسلمة سواء الهنود او الباكستانيين او العرب !!

يمكن يكون مستغرب في بعض الاماكن لاكن بالعكس الشعب الامريكي في حاله !!

في المطارات يطلبوا بالكشف للمطابقة !!

اتمنى لكم التوفيق ,,

اخوي اتكل على الله وسافر وخلي المدام على راحتها بنقابها ولا عليك من احد الامريكان او الاوروبيين اغلبهم عندنا هنا بالخليج يشتغلون فما اعتقد انو هالشئ مستنكر عليهم ..

روح وانببسط وابسط المدام الله يسهل دريكم ..
تحياتي للجميع..

الامريكان يحترمون النقاب وانا جنت هناك في فلوريدا ونيفادا وكاليفورنيا ونييورك لمدة شهرين في سبتمبر واكتوبر وكل سنة اسافر وزوجتي عليها النقاب الاسود والعباية السوداء كانها هنيه في الخليج وقمة الاحترام

اخوي عادي لكن اهم شي مايكون اللون الاسود ...يعني افضل

وكمان خروج الفيزا ماله علاقه اذا منقبه او لا لكن مشكلتهم اللي ماحبيتها ان ضروري يطلع شوي الشعر من قدام ؟؟؟

ليش ؟

ماأدري

من رأيي اذا هذي اول سفره لكم لامريكا وعندكم خيارات
حولو على كندا

كندا غيييييييييييييير والحجاب والنقاب والعبايه مافيها مشاكل ابدا والشعب طيييب وودود وحبوب الى اقصى حد ولا احد حولك ..

وامريكا حلوووه كمان لكن حسيت شوي بالمطارات مو مره سهل بالنقاب هذي اللي انا شفته بعكس كندا من ناحيه العبايه والحجاب مررره يحترمو دينك ولبسك بشكل انا استغربت منه حتى بالمطار يوم شافتني منقبه وتبي تطابق الوجه ودتني بغرفه لحالي وطابقتني وهي مبتسمه يعني نفسيا ارتحت وشعب كندا يختلف عن شعب امريكا.....

لكن اذا مره متحمسين توكلو على الله

والله يوفقكم يااارب

لا تشيل هم ولا شي الوضع جدا عادي كثير المنقبات من كل الجنسيات ولا فية مشاكل ولا شي ،، المطار ممكن كشف للتطبيق واخر مرة كان الي في الكونتر رجال ولا طلب انة يكشف وصراحة جدا استغربت .. امريكا حلوة وراح تنبسطون وتستانسون بس اهم شي لا تجلس تفكر كثير وتدقق في ردات فعل الناس يعني شي غريب عليهم اكيد بيناظرون ويستغربون بس انتم خلوكم رايقين ولا يهمكم احد بالتوفيق ..

ومن حقك وحقها أن تطلب امرأة سواءا في السفارة أو المطار للمطابقة ،

والموضوع ترى أبسط وأسهل مما تتصور ، وعندهم احترام ( واللقافة عندهم معدومة ) ،

والحالات الشاذة في مكان على الارض ، يعني ممكن تصير حالات بسيطة يقولون تعرضنا ، لكن الأصل في كل مكان ما أحد يعترض لك ،،

بالعكس شجع زوجتك على التمسك وخلها عزيزة وما تشعر بالهضيمة ،،

حماكم الله من الشر ،

تحياتي لك ..