الموضوع: وش أحمـــل معـــاي طالـــع كنـــدا الاسبـــوع الجـــاي؟

السلام عليكم
الاسبوع االجاي طالع كندا ان شاء الله

بغيت احد يقول لي وش احتاج احمل معاي من جميع النواحي ملابس طعام اجهزة الكترونية ...

انا افكر احمل معاي تمر :109: هل هو ممنوع ام عادي؟:114:...وباخد معاي كم كرتون سنيكرس ودي الحاجات
تعرف سنيكرس يسد الجوع :109:
وغير كدا و احتاج ووش اللي تنصحوني اخده من هنا معاي او اني اشتريه هناك افضل..ووو..الخ

ابي ارتب الشنط

علما ً انهم قالو لي مسموح 46 كيلو وتكون شنطتين بس كل شنطه 23 كيلو وحقيبه اليد اللي احملها معاي "اللي هي الابتوب"

ارجو الافاده بخصوص كل شي من ناحية ملابس احذية ...الخ

مواضيع عشوائيه ممكن تكون تعجبك اخترناها لك:

• خبرتكم لا تبخلون فيها يا المسافرون
• الاخوة الاعضاء الفعالين من كندا افتوني في رؤياي
• افيدونى افادكم الله بخصوص الفيزا الكندية
• الحلقة الثانيه من هنـا كنـــدا
• ابي تفاصيل السفر وكيفية السفر للاخوة الكرام
• القبلة
• ماهو الوقت الذي تستغرقه الفيزا الكندية؟
• سؤال عن الدراسه بعد الثانويه بكندا؟؟
• مطعم رائع في تونتو
• وجدت فقط جامعتين لتخصصي في كندا شرايكم ؟
• استفسار عن كشف الحساب
• هل تصلح كندا للسفر كسياحة
• جامعة ويندسور وكلية
• ممكن تقرير عن سينت جون
• ممكن مساعدة يااهل الخبرة
• سؤال بغاية الظرورة عن العقار بكندا
• عاااااااااجل لأهل الخبرة تكفوووووون
• رايكم في خط السير يا أخوان
• رحلة الدبلوماسيين لبلاد الثلوج أوتاوا
• عطوني رايكم ياخبراء كندا

لا تنس القهووووووووووووه والهيل والتمرررر اتمنى لك رحله سعيده عسى الله يوفقك

بخصوص الطعام راح احمل معاي كيس تمر

وكرتون سنيكرس وبونتي ومارس وكت كات وتويكس وكيندر طبعا ً كلهم بالكرتون حامل معاه بقالة هههه

هل هناك اية مشكله بخصوص هذه او الكمية لأني كما تعرفو ممكن احمل معاي 6 كراتين بس للحلويات ودي الحاجات شنطة كلها حلويات خخخخ

وبالنسبة للكتب وش احمل معاي؟ والاقلام ؟

والقرآن طبعا ً

واي شي ممنوع او فيه مشاكل عطوني خبر...

توووصل بالسلامه ان شاءالله " بس أيغااك تفيدني بخصووص كيفية القبوول في المعاهد"؟

طفشت وانا اسال

توصل بالسلامة انشاالله





هل هناك اية مشكله بخصوص هذه او الكمية لأني كما تعرفو ممكن احمل معاي 6 كراتين بس للحلويات



انبه بس ياخذون عليها جمرك :109::109:
اهم شي لاتنسى الايبود :24:

سلام

والله ياخوي انا مثلك محتار كيف ارتب الشنط وش اخذ معي ..

وبسالك على اي خطوط راحي انت ومتى ...

لاتنسي أحمل معاك مصحف وكتاب للاذكار

السلام عليكم ورحمة الله
أخوي ودي أسألك سؤال: انت كم بتجلس هناك؟ يعني هل انت ناوي تجلس أكثر من ثلاث شهور ؟
أذا كنت ناوي تطول هناك فيلزمك عفش واجد من ملابس و ادوات بيت و مؤن. في هذه الحاله أنصحك تاخذ معاك الشئ البسيط الي يمشيك أول أسبوعيين, و قبل ما تروح ترسل العفش على عنوانك هناك عن طريق الشحن الجوي, تكلفة الكيلو 9 إلى 11 ريال, و هي أرحم من انك تشيل عفش زياده.
أما إذا كانت فترتك قصيره فخذ معاك التالي:
ثلاث أطقم بيجامات " ترى بتلبس البجامه دبل هناك من البرد:110:"
تمر و قهوه , سنكرز ما فيه مشكله, شويه كليجا ترى لها شهوه في البرد. ملاحظه: ممنوع تاخذ معاك أي شئ من مشتقات اللحوم أو الألبان
بالنسبه للملابس, خذ معاك الي تحس انه بمشيك, لأنك في الغالب بتشتري جكيت من زي الجكيتات الي يلبسونها الي تجي متفخه " قسم بالله ما تحس بالبرد به حتى لو هي 10 تحت الصفر"
قرآن, كتاب الأذكار, سي دي قرآن أو أدعيه أذا أستأجرت سيارة " لا تنسى الرخصة الدوليه, ما تدري يمكن تستأجر سيارة"
بالنسبه للوزن, الكلام الي انت ذكرته مضبوط 100/100
بالتوفيق

بالنسبة للتمر ممكن تجيبه معك في العفش لكن هم يعتبرونه من الفواكه فاكتبه في النموذج اللي في الطيارة قبل ماتنزل والشي الثاني انا شلت عدد 2 شنطه كان وزنها 57 كيلوا ما احد قالي شي لكن شوف انا نزلت بريطانيا هيثرو وتورنتو ما احد سئلني علما ان وضعي كان سليم لكن انتبه اذا كان معك لاب توب رخصة البرامج مهمه لا تتوهق وبالنسبه للملابس انا شريت غالي وما استفدت منه هنا بصراحه خاصة لما يجي مطر او ثلج روح للهرم وفيه جكيت عندهم قيمته ب 83 ريال لكن والله ماتندم انك شريته اولا لانه دافي وثانيا الثلج اذا جاء مايخترقه لان كل شي اضربها في 7 يعني غالي السعوديه يعني انا شريت جكيت ب 375 دولار اللي هو ريش من الداخل اكيد دافي وخفيف لكن اضربها في 4 افضلك اشتر من السعودية وكثر من الجنزات وملابس السبورت الدافئة ولا تكثر من البدل الرسمية لانك مارايح تستخدمها الا نادراً يعني بالكثير 2 بالنسبه للاحذيه خذا اللي مفروضة من تحت يعني علشان ماتزحلق في الثلج وخاصة بلاك ايس وخذلك 3 طرابيش للراس وخذ 5 او 6 بجامات ثقيله وان قدرت تقطع الكم افضل علشان الوضوء وخذ شرابات دافيه وكثر والقهوه تجيبها مايقولون شي كمان لكن علشان ماتتعب بتسحيب الشنط حاول لا تكثر الشنط اكثر من شنطتين لا تجيب تقبلوا فائع تحياتي واحترامي

يعني ملابس انت عرف لازم منها ويكون بناطيل ثقيلة وجاكيت صوف وبووووت يكون ايضا ثقيل ويتحمل المطر والثلج غيرها اذا انت مطول يبي تاخذ معك :

مكواة . وقاموس ناطق افضل . وكاميرا اذا انت من اهلها . الاب توب صراحة اي واحد مايستغني عنه .وايضا مكينة الحلاقة والاغراض الاخرى من

تمر وقهوة ودلة . وايضا الصيدلية لازم تمرها تاخذمعك بنادول ومضاد حيوي . وشوية اغراض من شامبو وصابون ومعجون

اسنان صراحة انا اخذت كل شي تعرف هناك ممكن غالية شوية وممكن مافي محلات قريبة منك .


تحياتي.

هلا اخوووووووي كيفك؟
مبروووووووك لقين حجز؟ انا راح اكتبلك الاغراض الي كل احد وصاني اجيبها معاي قبل لا اسافر
طبعا قرآن وسجاده وكاتب اذكار
جاكيت ثقيل ما تحس بس البرد , طاقيه تحميك من من الثلج , شال , كفوف
مضلة خاصه بي الممطر , جزمه تحمي من المطر
مترجم الكتروني عربي نجليزي
محول كهربائي
وصفات طبخ عشان تطبخ لي نفسك
بدله رسميه عشان اذا كان في مقابله او مهمات رسميه
علم
الساعه الي تأذن

الساعه الي تأذن



لوول اللي تأذن ها

انا ان شاء الله بكرة أبي اقول لك كل شئ ,, ياغالي

افاااااااااااااا ليش يا الغامدي تراها زينه

الساعه الي تأذن



هههههههاي ذكرتني بمسلسل Little Mosque On The Prairie :109::109: انصح اي واحد قبل يروح كندا ضروري يشوف هالمسلسل :24:

معليش بس انا هنا اختلف مع الاعضاء اللي ذكروا انك تاخذ كتب اذكار او الساعة اللي تأذن لانك ببساطة اذا كان عندك جوال او ايبود تقدر تخزن فيه اذكاااار وادعية يمكن ماتقدر تشيلها لو كانت كتب .... وتقدر بعد تخزن القران الكريم كاملا تقدر تقرأ منه او تستمع منه ............. وفيه ايضا الساعة اللي تأذن بس داخل الجوال :109:

وهذا رأيي .........
سلام..

أعتقد ان الشباب ماقصروا قالو كل شي لكن اهم شي لا تنسى انك تاخذ المصحف وكتاب اذكار
وصدقني بتشتااق لتمر ...واهم شي انك تااخذ القااموس المترجم...
ايضا لو كنت بتروح لعايله حلو انك تاخذ هديه لهم هديه بسيطه مثلا انا خذت سجادة صلاه وخمتني العجوز,,هههه
بالتوفيق اخوي..

ياشباب من اللي منكم جرب راح ومعاه تمر ؟!

اهم شي قابس الي هو البلك

الله يوفقك الشباب ماقصروا

اييييييه صح اخوي نسيت اقولك لا تنسى اذا معك مواد كهربائيه تاااخذ فييش عشان مفاتيح الكهرب حقتهم غير...
بالتوفيق

مشكورين ويعطيكم العافية وادعو لي التوفيق

الله يوفقكم

"ربي نسألك وندعوك ونتوجه إليك بجلال وجهك وبرحمتك اللتي وسعت كل شيئ وبكلماتك التامات ارحمنا وأهلنا يالله, اللهم لاتدع لنا هما ً الا كشفته ولامرضا ً الا شفيته ولا دينا ً الا قضيته ولا غائبا ً الا ادنيته وارجعته ولا حاجتا ً من حوائج الدنيا والاخرة لك فيها رضا ً ولنا فيها صلاح الا قضيتها ويسرتها يا أرحم الراحمين"

معلومات مفيدة
الله يجزاكم خير

h4u تووووصل باالسلامه ...




بس مكن سوال ؟؟



كم استغرقت فيزتك وطلعت ...


بليز...

تحياتي