هل بإمكاني السفر لدبي ببطاقة الأحوال المدنية ؟
كيف اقدر استأجر سيارة بدبي؟
نعم مسموح السفر ببطاقة الاحوال وأنا سافرت فيها بتاريخ
27/11/1433هـ
13/10/2012 م
لكل إلي يستفسرون عن السفر بالهوية الوطنية نساء ورجال
وإيجار السيارة في دبي
السلام عليكم ورحمة الله وبركاته
مابي أطول عليكم بحاول افصل لكم الموضوع عشان يفيد الكل
طبعا أنا بقولكم سفرتي وأتوقع أنها بتفيد كل من يسأل عن السفر ببطاقة الأحوال المدنية للرجال والنساء
طبعاً أنا قبل أسافر لدبي كان شغلي الشاغل موضوع السفر ببطاقة الأحوال وإيجار السيارة في دبي
أنا قريت في النت ناس يقولون تقدر تسافر ببطاقة الاحوال وناس يقولون لا
المهم قلت اتاكد أنا بنفسي أحسن , أول شي سويتة دقيت على الجوازات وسألت الموظف قال إيه تقدر , ومن زود حرصي توجهت لمطارالملك خالد بالرياض رحت المطار الدولي وسألت موظف الجوازات وما قصر قال إيه تقدر تسافرون ببطاقة الأحوال بعد ما ضمنت السفر بالأحوال ذهبت لاقرب مكتب سفر وسياحية وسويت حجز طيران وفندق ,
طبعا كنت بسافر انا وزوجتي , وأختي اليمسوين لها مفاجئة
وكلنا معانا بطاقة الاحوال الجديدة المهم قلنا لأختي إننا بنسافر جدة وما كانت تدري إننا بنروح دبي المهم أخذت بطاقتها الاحوال من دون ما تدري وزي ما تعرفون البنت ما تقدر تسافر إلا بتصريح من الجوازات من ولي أمرها , وهنا كان ولي أمرها الوالد طلع الوالد معنا المطار عشان يسوى لها تصريح سفر وهو يعلم بالموضوع صرح لها من كاونتر جوازات المطار
(طبعاً تصريح السفر ببطاقة الاحوال أو الجوازات هناك ثلاثة طرق)
1- عن طريق فروع الجوازات بالمملكة
2- عن طريق كاونتر الجوازات من المطار
3- عن طريق الانترنت من موقع أبشر للجوازات ولابد الإشتراك في الموقع
*طريقة الاشتراك : في الموقع لابد حضور ولي الامر بالجوازات وتقديم طلب التعاملات الالكترونية.
اما بالنسبة لإيجارالسيارة لابد ان يكون معك :-
1- رخصة قيادة ساريةالمفعول وتكون الجديدة 2- بطاقة الاحوال او جواز السفر 3- فيزا أو فيزا تسوق يكون فيها مبلغ 1000 ريال للتامين ضد المخالفات
والأفضل انك تتطلع فيزا تسوق من بنك الراجحي شروط الفيزا من بنك الراجحي
1- يكون لديك حساب جاري في بنك الراحجي مو شرط يكون راتبك عليهم 2- تقديم الطلب وخلال اسبوع تستلمها مجانا
مميزات فيزا تسوق
إنها زي بطاقة اتصالات سوا , أنت تشحنها فلوس وقت ما تبي وإذا ما فيها فلوس ما تقدر تسحب ,ما عليها إلا رسوم سنوية 100 ربال فقط وتقدر من خلالها تشتري من الانترنت بعد
المهم وصلنا مطار دبي ورحت مكتب إيجار السيارة وعطيتهم الفيزا وبطاقة الاحوال والرخصة وكان إيجار السيارة موديل 2012 بـ185 درهم تأمين شامل ضد السرقة والحوادث وإذا تبي شاشة ملاحة إيجارها بـ35 درهم يعني لا تخاف على السيارة عليها تأمين
وعطيتهم التامين 1000ريال للمخالفات شرط يكون من الفيزا لا يقبل كاش يعني لا تسرع ولا تخالف اذا ماخالفت بعد 10 ايام من تسليم السيارة يرجع المبلغ في بطاقة الفيزا
أنا رجع لي المبلغ في الفيزا من ثاني يوم سلمت السيارة
مواضيع عشوائيه ممكن تكون تعجبك اخترناها لك:
رد مع اقتباس
فعلا كنت اتساءل عن الموضوع وانت جبتها بالثمانيات.... يعطيك العافية
المفضلات